மறைத்து வைத்திருந்த ரகசியம் வெளியானது... 7 கோடி ரூபாய் காரை வாங்கிய பிரபல நடிகர்... யார் தெரியுமா?

ரோல்ஸ் ராய்ஸ் கல்லினன் (Rolls Royce Cullinan) காரை பற்றி நீங்கள் ஏதாவது கேள்விபட்டுள்ளீர்களா? உலகப்புகழ் பெற்ற ரோல்ஸ் ராய்ஸ் நிறுவனத்தில் இருந்து வெளிவந்துள்ள முதல் எஸ்யூவி ரக கார் இதுதான். ஆம், இதற்கு முன்பாக ரோல்ஸ் ராய்ஸ் நிறுவனம் எஸ்யூவி ரகத்தில் எந்தவொரு காரையும் விற்பனை செய்தது கிடையாது.

இப்படி ஒரு தனி சிறப்புடன் களம் கண்டுள்ள ரோல்ஸ் ராய்ஸ் கல்லினன் காரில், 6.8 லிட்டர் வி12 பெட்ரோல் இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 560 பிஎச்பி பவர் மற்றும் 850 என்எம் டார்க் திறனை வாரி வழங்க கூடியது. 8 ஸ்பீடு ஆட்டோமெட்டிக் டிரான்ஸ்மிஷனை பெற்றுள்ள இந்த காரில், 4 வீல் டிரைவ் சிஸ்டம் ஸ்டாண்டர்டாக வழங்கப்படுகிறது.

பூஜ்ஜியத்தில் இருந்து 100 கிலோ மீட்டர்கள் என்ற வேகத்தை வெறும் ஐந்தே வினாடிகளில் எட்டி விடக்கூடிய திறன் ரோல்ஸ் ராய்ஸ் கல்லினன் காருக்கு உண்டு. ஆனால் மற்ற ரோல்ஸ் ராய்ஸ் கார்களை போலவே கல்லினன் காரையும் அனைவராலும் வாங்கி விட முடியாது. ஆம், இதன் விலை எவ்வளவு என தெரிந்தால் உங்களுக்கு ஒரு நிமிடம் தலை சுற்றி விடும்.

ரோல்ஸ் ராய்ஸ் கல்லினன் காரின் எக்ஸ் ஷோரூம் விலையே 6.95 கோடி ரூபாய். இதன் மூலம் இந்தியாவில் விற்பனையாகும் அதிக விலை கொண்ட எஸ்யூவி கார்களில் ஒன்றாக ரோல்ஸ் ராய்ஸ் கல்லினன் உள்ளது. இப்படிப்பட்ட ரோல்ஸ் ராய்ஸ் கல்லினன் காரை பாலிவுட் நடிகர் அஜய் தேவ்கன் தற்போது சொந்தமாக்கியுள்ளார்.

இதற்கு முன்பாக ரோல்ஸ் ராய்ஸ் கல்லினன் காரை இந்தியாவின் நம்பர்-1 பணக்காரரான முகேஷ் அம்பானி வாங்கியதாகவும், இதுதான் இந்தியாவின் முதல் ரோல்ஸ் ராய்ஸ் கல்லினன் கார் எனவும் தகவல்கள் வெளியாயின. தற்போது அந்த வரிசையில் அஜய் தேவ்கனும் இணைந்துள்ளார். அஜய் தேவ்கன் கடந்த சில மாதங்களுக்கு முன்பாகவே ரோல்ஸ் ராய்ஸ் கல்லினன் காரை ஆர்டர் செய்து விட்டார்.

MOST READ: 31 லட்ச ரூபாய் பைக்கை ஓட்டி வந்தவரை தடுத்து நிறுத்திய போலீசார்... காரணம் என்னவென்று தெரியுமா?

ஆனால் ரோல்ஸ் ராய்ஸ் கார்கள் பொதுவாக வாடிக்கையாளர்களின் தேவைகளுக்கு ஏற்ப மாடிபிகேஷன் செய்தே தரப்படும். அதற்கு கொஞ்ச காலம் பிடிக்கும். இதன்படி சமீபத்தில்தான் அஜய் தேவ்கனுக்கு கார் டெலிவரி செய்யப்பட்டுள்ளது. பொதுவாக பாலிவுட் நடிகர், நடிகைகள் புதிய காரை வாங்கினால், தங்கள் சமூக வலை தள பக்கங்கள் வாயிலாக அதனை வெளி உலகிற்கு அறிவித்து விடுவார்கள்.

MOST READ: பயணிகள் உயிருடன் விளையாடிய அரசு பஸ் டிரைவரை இந்த இளைஞர் என்ன செய்தார் தெரியுமா? வைரல் வீடியோ

அத்துடன் அந்த கார்களில் அவர்கள் உலா வருவதையும் கூட பார்க்க முடியும். ஆனால் அஜய் தேவ்கனை அவரது ரோல்ஸ் ராய்ஸ் கல்லினன் காருடன் தற்போது வரை ஒரு முறை கூட பார்க்க முடியவில்லை. இருந்தபோதும் அவரது காரின் புகைப்படங்கள் வெளியாகியுள்ளன. இதனை வைத்து சில பல ஆராய்ச்சிகளை செய்ததில், பல்வேறு புதிய தகவல்கள் தெரியவந்துள்ளன.

MOST READ: மறைந்திருக்கும் ஆபத்து தெரியுமா? வாகனங்களில் இனி இது இருக்க கூடாது... மத்திய அரசு சூப்பர் உத்தரவு

அஜய் என்கிற விஷால் விரூ தேவ்கன் என்ற பெயரில் இந்த கார் பதிவு செய்யப்பட்டுள்ளது. கடந்த ஜூலை மாதம் 18ம் தேதிதான் இந்த கார் பதிவு செய்யப்பட்டுள்ளது. கூடிய விரைவில் இந்த காருடன் அஜய் தேவ்கனை பார்க்கலாம் என எதிர்பார்க்கப்படுகிறது. மற்ற பாலிவுட் நட்சத்திரங்களை போலவே அஜய் தேவ்கனும் லக்ஸரி கார்களை விரும்ப கூடியவர் என்பது குறிப்பிடத்தக்கது.