Just In
- 2 hrs ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- 2 hrs ago 7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
- 3 hrs ago இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
- 4 hrs ago உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!
Don't Miss!
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Lifestyle வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
243 மணி நேரம் வேஸ்ட் ஆகுது!! உலகிலேயே டிராபிக் ஜாம் அதிகமாக இருப்பது நம்ம ஊரில்தான்... எது தெரியுமா?
உலகில் டிராபிக் ஜாம் அதிகமாக இருக்கும் நகரங்களின் பட்டியல் வெளியாகி, இந்தியாவுக்கு அதிர்ச்சியை ஏற்படுத்தியுள்ளது.
உலகில் ஏறக்குறைய அனைத்து முன்னணி நகரங்களிலும் போக்குவரத்து நெரிசல் பிரச்னை நாளுக்கு நாள் அதிகரித்து கொண்டே வருகிறது. வாகனங்களின் அடர்த்தி அதிகரிப்பிற்கு ஏற்ப, சாலைகளை விரிவாக்கம் செய்யாமல் இருப்பதே இதற்கு முக்கியமான காரணமாக உள்ளது. குறிப்பாக இந்திய நகரங்கள்தான் போக்குவரத்து நெரிசல் பிரச்னையால் மிகவும் கடுமையாக பாதிக்கப்பட்டுள்ளன.
டாம்டாம் (TomTom) என்ற நிறுவனம் நடத்திய ஆய்வில், இது உறுதி செய்யப்பட்டுள்ளது. டாம்டாம் நிறுவனம் உலகின் 6 கண்டங்களில் உள்ள 57 நாடுகளின் 416 நகரங்களில், போக்குவரத்து நெரிசல் பிரச்னைகள் குறித்த ஆய்வை நடத்தியது. இதன் முடிவுகள் தற்போது வெளியிடப்பட்டுள்ளன. இதில், இந்தியாவிற்கு பெரிய அதிர்ச்சி கிடைத்துள்ளது.
ஆம், உலகிலேயே போக்குவரத்து நெரிசல் அதிகமாக உள்ள நகரம் என்ற மிக மோசமான பெயரை பெங்களூர் பெற்றுள்ளது. இதுதவிர டாப்-10 பட்டியலில், மேலும் 3 இந்திய நகரங்களும் இருக்கின்றன. அதாவது டாப்-10 பட்டியலில், மொத்தம் 4 இந்திய நகரங்கள் உள்ளன. இதன் மூலம் டாப்-10 பட்டியலில் அதிக நகரங்களை கொண்ட நாடாக இந்தியா வந்துள்ளது.
வேறு எந்த நாடுகளும் இவ்வளவு அதிகமான நகரங்களை டாப்-10 பட்டியலில் கொண்டிருக்கவில்லை. இதன் மூலம் உலகிலேயே போக்குவரத்து நெரிசலால் அதிகம் பாதிக்கப்பட்ட நாடாக இந்தியா உள்ளது. இந்தியா தவிர பிலிப்பைன்ஸ், கொலம்பியா, ரஷ்யா, பெரு, துருக்கி மற்றும் இந்தோனேஷியா உள்ளிட்ட ஆறு நாடுகளின் தலா 1 நகரங்கள் டாப்-10 பட்டியலில் உள்ளன.
பெங்களூர், டெல்லி, மும்பை மற்றும் புனே ஆகிய 4 இந்திய நகரங்கள் டாப்-10 பட்டியலில் உள்ளன. டாப்-10 பட்டியலில் கர்நாடக மாநிலம் பெங்களூர் முதல் இடத்தில் இருக்கிறது. 71 சதவீத நெரிசல் அளவுடன் பெங்களூர் உலகிலேயே முதல் இடத்தில் உள்ளது. 2வது இடத்தில் பிலிப்பைன்ஸின் மணிலா நகரம் இருக்கிறது. இதன் நெரிசல் அளவும் 71 சதவீதம்தான்.
கொலம்பியாவின் போகோட்டா 68 சதவீத நெரிசல் அளவுடன் மூன்றாவது இடத்தில் உள்ளது. அதே சமயத்தில் மஹாராஷ்டிர மாநிலம் மும்பை நகரம் 65 சதவீத நெரிசல் அளவுடன் 4வது இடத்தை பிடித்துள்ளது. 5வது இடத்தை அதே மஹாராஷ்டிர மாநிலத்தை சேர்ந்த புனே நகரம் பிடித்துள்ளது. புனே நகரின் நெரிசல் அளவானது 59 சதவீதமாக இருக்கிறது.
அதே சமயம் 6வது இடத்தை ரஷ்யாவின் மாஸ்கோ பிடித்துள்ளது. அதன் நெரிசல் அளவும் 59 சதவீதம்தான். 7வது இடத்தை பெருவின் லிமா பிடித்துள்ளது. லிமா நகரின் நெரிசல் அளவு 57 சதவீதமாக உள்ளது. 8வது இடத்தை இந்திய தலைநகர் புது டெல்லி பிடித்துள்ளது. புது டெல்லியின் நெரிசல் அளவு 56 சதவீதம். 9வது இடத்தில் துருக்கியின் இஸ்தான்புல் உள்ளது.
இஸ்தான்புல் நகரின் நெரிசல் அளவு 55 சதவீதமாக இருக்கிறது. உலகில் போக்குவரத்து நெரிசல் நிறைந்த டாப்-10 நகரங்களின் பட்டியலில், 10வது மற்றும் கடைசி இடத்தில் இந்தோனேஷியாவின் ஜகர்த்தா நகரம் இருக்கிறது. ஜகர்த்தா நகரின் நெரிசல் அளவு 53 சதவீதமாக உள்ளது. ஆக மொத்தத்தில் இந்தியாதான் போக்குவரத்து நெரிசலால் மிக கடுமையாக பாதிக்கப்பட்டுள்ளது.
இந்தியாவின் ஐடி தலைநகரமான பெங்களூரில்தான், உலகிலேயே போக்குவரத்து நெரிசல் பிரச்னை மிகவும் அதிகமாக உள்ளது. பெங்களூரில் போக்குவரத்து நெரிசல் பிரச்னை மிகவும் அதிகமாக இருந்த மோசமான நாள் 2019ம் ஆண்டு ஆகஸ்ட் 20தான் (செவ்வாய்). அன்றைய தினம் பெங்களூரில் நெரிசல் 103 சதவீதமாக இருந்துள்ளது.
அதே சமயம் 2019ம் ஆண்டு ஏப்ரல் 6ம் தேதி (சனி) சிறப்பான நாளாக பதிவாகியுள்ளது. அன்றைய தினத்தின் நெரிசல் அளவு 30 சதவீதம் மட்டுமே. அதே சமயம் பெங்களூர் நகரில், வெள்ளிக்கிழமைகளில் இரவு 8 மணிக்கு மேல் பயணம் செய்தால், உங்களால் ஒரு ஆண்டுக்கு 5 மணி நேரம் வரை சேமிக்க முடியும். அதேசமயம் பெங்களூரில் போக்குவரத்து நெரிசலால் ஒருவர் 243 மணி நேரத்தை இழக்கிறார்.
இது சராசரி அளவாகும். அத்துடன் இது 10 நாட்கள், 3 மணி நேரம் என்பது வேதனையான விஷயம்தான். அதே சமயம் மும்பையை பொறுத்தவரை, 2019ம் ஆண்டு செப்டம்பர் 9ம் தேதி மோசமான நாளாக பதிவாகியுள்ளது. போக்குவரத்து நெரிசல் காரணமாக மும்பைவாசிகள் சராசரியாக 209 மணி நேரத்தை இழக்கின்றனர். புனே நகரை பொறுத்தவரை 2019ம் ஆண்டு ஆகஸ்ட் 2ம் தேதிதான் மோசமான நாளாக இருந்துள்ளது.
புனேவாசிகள் போக்குவரத்து நெரிசல் காரணமாக 193 மணி நேரத்தை இழக்கின்றனர். தலைநகர் டெல்லியை பொறுத்தவரை 2019ம் ஆண்டு அக்டோபர் 23ம் தேதி மோசமான நாளாக பதிவாகியுள்ளது. போக்குவரத்து நெரிசல் காரணமாக டெல்லிவாசிகள் 190 மணி நேரத்தை இழந்து வருவதாக தெரிவிக்கப்பட்டுள்ளது. சரி, இங்கே சதவீதம் என்பது எதை குறிக்கிறது? என்ற சந்தேகம் உங்களுக்கு வரலாம்.
இதற்கு பாங்காங் நகரை உதாரணமாக எடுத்து கொள்ளலாம். பாங்காங் நகரின் நெரிசல் அளவு 53 சதவீதம். அப்படியானால் பாங்காங் நகரின் போக்குவரத்து நெரிசல் இல்லாத சாதாரண சமயத்துடன் ஒப்பிடுகையில், நீங்கள் மேற்கொள்ளும் பயணம் 53 சதவீதம் அதிக நேரத்தை எடுத்து கொள்ளும்.
-
2.5 லட்சத்தில் எந்த பைக்கை வாங்குவது என தெரியாமல் முழிக்கிறீங்களா? ஹீரோவில் இருந்து ஜாவா வரையில்!!
-
பணங்காரங்க கண்ணு முழுக்க இந்த கார் மேல தான்! பிஒய்டி சீல் கார் எப்படி இருக்குது?
-
கலாநிதி மாறன் மகள் காவ்யா வைத்திருக்கும் இந்த காரோட விலை 12கோடியா! ஒற்றை குடும்பத்திடம் மட்டும் இவ்ளோ கார்களா!