Just In
- 11 min ago டாடாவுக்கு நெருக்கடி கொடுக்க அவசரம் காட்டும் வின்ஃபாஸ்ட்.. தூத்துக்குடில உற்பத்திக்கான பணிகள் தீவிரம்!
- 33 min ago இந்த 3 கார்களை தான் மக்கள் மாத்தி, மாத்தி வாங்குறாங்க!! டாடா லிஸ்ட்டிலேயே இல்ல...
- 1 hr ago ரூ1.5 லட்சம் தள்ளுபடி விலையில் குடும்பத்துடன் பயணிக்கும் எக்ஸ்யூவி 700 காரை வாங்கலாம்! வெயிட்டிங் டைமும் கம்மி
- 4 hrs ago ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
Don't Miss!
- News முதல் கட்ட லோக்சபா தேர்தல்: நாளை களம் காணும் 8 மத்திய அமைச்சர்கள், 3 மாஜி முதல்வர்கள் யார்?
- Lifestyle அதிகரிக்கும் கொலஸ்ட்ராலை கட்டுப்படுத்த உதவும் குறிப்புகள்..!
- Finance ஓடியாங்க ஓடியாங்க.. தங்கம் விலை திடீர்ன்னு குறைஞ்சிருக்கு..!! செம சான்ஸ்..!
- Movies அஜித் பிறந்தநாளுக்கு ரசிகர்களுக்கு காத்திருக்கும் டபுள் ட்ரீட்?.. அப்டேட்ஸ் வருதாம்
- Technology பாதிக்கு பாதி விலையில் பிராண்டட் AC-க்கள்.. முழுசா 52% டிஸ்கவுண்ட்.. பட்டிதொட்டி எங்கும் ஆர்டர் பறக்குது!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
- Sports T20 WC 2024: நானும், கோலியும் தொடக்க வீரர்களா? யாரு இப்படி சொல்றாங்க.. ரோகித் சர்மா ஓபன் டாக்!
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
விமானங்களின் டயர்களில் ஏன் நைட்ரஜன் வாயுவை நிரப்பறாங்க தெரியுமா? ஒவ்வொரு காரணமும் நம்மை ஆச்சரியப்பட வைக்குது!
விமானங்களின் டயர்களில் ஏன் நைட்ரஜன் வாயுவை நிரப்புகின்றனர்? என்பதற்கான காரணங்களை இந்த செய்தியில் பார்க்கலாம்.
கார் டயர்களில் சாதாரண காற்றை நிரப்புவது நல்லதா? அல்லது நைட்ரஜன் வாயுவை நிரப்புவது நல்லதா? என்ற சந்தேகம் பலருக்கும் இருக்கிறது. நிச்சயமாக நைட்ரஜன் வாயுவை நிரப்புவதுதான் நல்லது என்பதே இந்த சந்தேகத்திற்கான பதில். நைட்ரஜன் வாயுவை நிரப்புவதன் மூலம் பாதுகாப்பு உள்பட பல்வேறு விதங்களில் உங்களுக்கு நன்மைகள் கிடைக்கும்.
சரி, விமானங்களின் டயர்களில் என்ன வாயு நிரப்பப்படுகிறது? என்ற சந்தேகம் உங்களுக்கு இருக்கலாம். பொதுவாக விமானங்களின் டயர்களில் நைட்ரஜன் வாயுதான் பயன்படுத்தப்படுகிறது. இதற்கு பின்னால் பல்வேறு காரணங்கள் இருக்கின்றன. அந்த காரணங்களை இந்த செய்தியில் உங்களுக்காக தொகுத்து வழங்கியுள்ளோம்.
பொதுவாக விமான பயணத்தில் இருப்பதிலேயே மிகவும் அபாயகரமான கட்டம் என்றால், அது டேக் ஆஃப் மற்றும் லேண்டிங்தான். விமானங்கள் டேக் ஆஃப் ஆகும்போதும், லேண்டிங் செய்யப்படும்போதும் விபத்துக்கள் நடைபெறுவதற்கான வாய்ப்பு அதிகம். எனவே டேக் ஆஃப் மற்றும் லேண்டிங்கிற்கு பயன்படுத்தப்படும் டயர்களின் பாதுகாப்பிற்கு அதிக முக்கியத்தும் வழங்கப்படுகிறது.
விமானங்கள் லேண்டிங் ஆகும்போது, ரன்வே மற்றும் பிரேக்குகளின் கடுமையான உராய்வு, டயர்களில் மிக அதிக வெப்ப நிலையை உருவாக்குகிறது. விமானங்கள் டேக் ஆஃப் ஆகும்போதும் கூட இதே நிலைதான். ஏனெனில் டேக் ஆஃப் ஆகும்போது, எரிபொருள் அதிகமாக இருக்கும் என்பதால், விமானத்தின் எடையும் மிகவும் அதிகமாக இருக்கும். அத்துடன் விமானம் ரன்வே-யில் வேகமாக செல்லும்.
இதன் காரணமாக விமான டயர்களில் மிக அதிக வெப்ப நிலை உருவாகும். இந்த அதிகபட்ச வெப்ப நிலை காரணமாக விமானங்களின் டயர்களில் தீப்பற்றுவதற்கான வாய்ப்புகள் உள்ளன. ஆனால் நைட்ரஜன் வாயுவை நிரப்பினால், விமானங்களின் டயர்களில் தீப்பற்றுவது தடுக்கப்படும். எனினும் நைட்ரஜன் வாயுவை நிரப்புவதற்கு இன்னும் பல்வேறு காரணங்கள் உள்ளன.
ஈரப்பதம் காரணமாக சாதாரண காற்றில் தண்ணீர் இருக்கும். நிலைமை இப்படி இருக்கும்போது, விமானம் மிக அதிக உயரத்தில் பறக்கும் சமயங்களில், வெப்ப நிலை மைனஸ் 50 டிகிரி செல்சியஸ் அளவிற்கு கூட சென்று விடும். இதுபோன்ற சூழ்நிலைகளில் சாதாரண காற்று நிரப்பப்பட்ட டயர்கள் உறைந்து போய் விடுவதற்கான வாய்ப்புகள் உள்ளன.
ஆனால் மிகவும் அதிக உயரத்தில் நைட்ரஜன், மைனஸ் 170 டிகிரி செல்சியஸில்தான் வாயு நிலையில் இருந்து திரவ நிலைக்கு மாறும். இதன் காரணமாகவும் விமானங்களின் டயர்களில் நைட்ரஜன் வாயு பயன்படுத்த முன்னுரிமை வழங்கப்படுகிறது. விமான டயர்களில் நைட்ரஜன் வாயு நிரப்பப்படுவதற்கு மற்றொரு முக்கியமான காரணமும் உள்ளது.
பொதுவாக நைட்ரஜன் வாயு செயலற்றதாகவும், மந்தமாகவும் இருக்கும். எனவே அது மற்ற பொருட்களுடன் வினையாற்றுவதற்கு அதிக ஆற்றல் தேவைப்படும். ஆனால் மறுபக்கம் சாதாரண காற்று, அதிக வெப்ப நிலைகளில், டயரில் உள்ள ரப்பருடன் வினையாற்றும். நைட்ரஜனை விட மிகவும் அதிக வேகத்தில், ரப்பருடன் சாதாரண காற்று வினைபுரிந்து விடும்.
எனவே விமான டயர்களில் சாதாரண காற்றை நிரப்பும்போது, காற்றழுத்தம் நீடித்திருக்காது. ஆனால் விமான டயர்களில் நைட்ரஜன் வாயுவை நிரப்பும்போது, காற்றழுத்தம் நீண்ட நேரத்திற்கு நீடித்து நிலைத்திருக்கும். எனவே விமானங்களின் பராமரிப்பு பணிகள் குறையும் என்பதால், செலவும் குறையும். எனவேதான் விமானங்களின் டயர்களில் நைட்ரஜன் வாயு நிரப்பப்படுகிறது.