Just In
- 14 min ago இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- 30 min ago தயவு செஞ்சு துபாய் பக்கம் வராதீங்க!விமான பயணிகளுக்கு இந்திய தூதரகம் எச்சரிக்கை!
- 1 hr ago மின்சாரத்தில் இயங்கும் ஆக்டிவாவை ஹோண்டா எப்போ தயாரிக்கும்னு கேட்டுட்டே இருந்தீங்களே.. இதோ அந்த தகவல்!
- 5 hrs ago ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
Don't Miss!
- Sports "மிஸ்டர் 360 தோனி".. அரண்டு போன கே எல் ராகுல்.. இதுவரை இப்படி ஒரு ஷாட்டை ஆடியதே இல்லை
- News "இப்போது தான் இந்திய குடிமகளாக உணர்கிறேன்.." முதல்முறையாக வாக்களித்த ஈழத்தமிழச்சி ஆனந்த கண்ணீர்
- Lifestyle உங்க வாழ்க்கையில் நீங்க எத அதிகமா விரும்புறீங்கன்னு தெரிஞ்சுக்கணுமா? அப்ப இதுல என்ன தெரியுது சொல்லுங்க..
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Movies Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
அப்பாடா... இனிமேல் அதுக்காக போலீஸ் ஃபைன் போட மாட்டாங்க... நிம்மதி பெருமூச்சு விடும் வாகன ஓட்டிகள்...
காவல் துறையினர் வெளியிட்டுள்ள புதிய அறிவிப்பின் மூலம் குழப்பங்களுக்கு முற்றுப்புள்ளி வைக்கப்பட்டுள்ளது. இதுகுறித்த தகவல்களை இந்த செய்தியில் பார்க்கலாம்.
கார்களில் தனியாக பயணம் செய்பவர்கள் முக கவசம் அணிவது கட்டாயமா? என்ற குழப்பம் நீண்ட நாட்களாக இருந்து வருகிறது. மத்திய உள்துறை அமைச்சகம் வெளியிட்ட கொரோனா தடுப்பு வழிகாட்டுதல்களில், பொது இடங்கள், வேலை செய்யும் இடங்களில் முக கவசம் அணிவது கட்டாயமாக்கப்பட்டுள்ளதாக தெரிவிக்கப்பட்டிருந்தது.
மேலும் பயணங்களை மேற்கொள்ளும்போது முக கவசம் அணிவது கட்டாயம் என கூறப்பட்டிருந்தது. இதன் அடிப்படையில் காரில் பயணம் செய்பவர்கள் பொது இடத்தில் இருப்பதாக கருதப்பட்டு, தனியாக பயணம் செய்து கொண்டிருந்தாலும் கூட, முக கவசம் அணியாமல் இருந்தால் அபராதம் விதிக்கப்பட்டு வந்தது. ஆனால் காரில் தனியாக பயணிப்பவர்களுக்கு எதற்கு முக கவசம்? என எதிர்ப்பு கிளம்பியது.
எனவே குழப்பங்களுக்கு முற்றுப்புள்ளி வைக்கும் வகையில், கடந்த ஒரு சில நாட்களுக்கு முன்னர், மத்திய சுகாதார துறை அமைச்சகம் அறிவிப்பு ஒன்றை வெளியிட்டது. இதில், ''சுகாதார துறை அமைச்சகத்தால் வெளியிடப்பட்ட கொரோனா தடுப்பு வழிகாட்டுதல்களில், காரில் தனியாக பயணம் செய்பவர்கள் முக கவசம் அணிவது கட்டாயம் என தெரிவிக்கப்படவில்லை'' என கூறப்பட்டிருந்தது.
அதாவது காரில் தனியாக பயணம் செய்பவர்கள் முக கவசம் அணிவது கட்டாயம் இல்லை என்று விளக்கம் அளிக்கப்பட்டது. ஆனால் இந்த விளக்கத்திற்கு பின்னரும், புனே உள்ளிட்ட பல்வேறு நகரங்களில், காரில் தனியாக பயணம் செய்யும்போது முக கவசம் அணியாதவர்களுக்கு, காவல் துறையினர் அபராதம் விதித்தனர்.
இதனால் வாகன ஓட்டிகள் அதிருப்தியடைந்தனர். இது தொடர்பாக புனேவை சேர்ந்த வாகன ஓட்டி ஒருவர் கூறும்போது, ''காரில் தனியாக பயணம் செய்யும் அனைத்து நேரங்களிலும் முக கவசம் அணிந்திருப்பது கட்டாயமா? அனைத்து நேரமும் ஜன்னல் கண்ணாடிகள் மேலே ஏற்றப்பட்டுள்ளது. அத்துடன் வழியில் எங்குமே நிறுத்தப்போவதும் இல்லை. அதற்கு எதற்கு முக கவசம்?
நான் காரில் தனியாக பயணித்து கொண்டிருந்தபோது, காவல் துறையினர் என்னை நிறுத்தினர். அப்போது முக கவசத்தை நான் எனது கழுத்து பகுதியில் இறக்கி விட்டிருந்தேன். ஆனால் நான் அளித்த விளக்கத்தை காவல் துறையினர் கேட்க மறுத்து விட்டனர். மத்திய சுகாதார துறை அமைச்சகத்தின் அறிவிப்பு தொடர்பாகவும் நான் கூறினேன். ஆனால் காவல் துறையினர் எதையும் காதில் வாங்கவில்லை.
இதனால் நான் அபராதம் செலுத்த நேரிட்டது. சாலையோரமாக நின்று கொண்டு முக கவசம் அணியாமல், உணவு சாப்பிடுபவர்கள் மீதும், குளிர்பானங்களை அருந்துபவர்கள் மீதும் காவல் துறையினர் இப்படி நடவடிக்கை எடுப்பார்களா?'' என்றார். தற்போது இந்த பிரச்னைக்கு காவல் துறை உயர் அதிகாரிகள் முற்றுப்புள்ளி வைத்துள்ளனர்.
இதன்படி காரில் தனியாக பயணம் செய்பவர்கள் முக கவசம் அணியாமல் இருந்தாலும் இனிமேல் அபராதம் விதிக்கப்போவதில்லை என டெல்லி போக்குவரத்து காவல் துறையினர் அறிவித்துள்ளனர். அதாவது காரில் தனியாக பயணம் செய்யும்போதும் முக கவசம் அணிவது கட்டாயம் என்ற உத்தரவு திரும்ப பெறப்பட்டுள்ளது.
அதேபோன்று புனே மாநகர காவல் துறையினரும், காரில் தனியாக பயணம் செய்யும்போது முக கவசம் அணியாதவர்களுக்கு எதிராக நடவடிக்கை எடுப்பதை நிறுத்தியிருப்பதாக தற்போது அறிவித்துள்ளனர். குழப்பங்களுக்கு ஒரு வழியாக முற்றுப்புள்ளி வைக்கப்பட்டுள்ளதால், காரில் பயணம் செய்பவர்கள் நிம்மதியடைந்துள்ளனர்.
இதுகுறித்து புனே மாநகர காவல் துறை அதிகாரிகள் கூறுகையில், ''காரில் தனியாக பயணம் செய்யும்போது முக கவசம் அணிவது கட்டாயமில்லை என மத்திய சுகாதார துறை அமைச்சகம் தெளிவுபடுத்தியிருப்பது உண்மைதான். எனவே காரில் தனியாக பயணம் செய்பவர்கள் முக கவசம் அணியாமல் இருந்தாலும், நடவடிக்கை எடுக்க வேண்டும் என காவல் துறையினருக்கு உத்தரவிடப்பட்டுள்ளது.
ஆனால் காரில் ஒன்றுக்கும் மேற்பட்டவர்கள் இருந்தால், முக கவசம் அணிந்திருப்பது அவசியம். அதாவது 2, 3 பேர் காரில் குழுவாக பயணம் செய்யும்போது முக கவசம் அணியாமல் இருந்தால் காவல் துறையினர் எப்போதும் போல் அபராதம் விதித்து நடவடிக்கை எடுப்பார்கள்'' என்றனர்.
Note: Images used are for representational purpose only.
-
குடும்பத்தோட போறதுக்கு சூப்பர் கார்! ஆஃபரும் அள்ளி குடுக்குறாங்க! ஆனால் சேல்ஸ் சுத்தமா இல்லை ஏன் தெரியுமா
-
தேர்தல் முடிந்ததும் முதல் வேலையா டோல்கேட்ல இருந்து இதை தூக்கி வீசுங்க!அடுத்த அதிரடிக்கு தயாரான அரசு
-
சினிமா ஹீரோயின் மாதிரி இருக்காங்க... புதுசா வாங்கன கார்ல வந்து இறங்கனது அவங்களா... மனசை பறிகொடுத்த இளசுகள்!