Just In
- 19 min ago தேர்தல் முடிந்ததும் முதல் வேலையா டோல்கேட்ல இருந்து இதை தூக்கி வீசுங்க!அடுத்த அதிரடிக்கு தயாரான அரசு
- 2 hrs ago என்னதான் பைக் காதலரா இருந்தாலும் இதெல்லாம் ஓவருங்க.. நடிகர் ஜான் ஆபிரகாம் வாங்கிய இந்த பைக்கின் விலை இவ்வளவா!!
- 7 hrs ago ஸ்விஃப்ட் காரை வாங்க ஆள் இல்லனு நெனைக்கறவங்க வேடிக்கைய மட்டும் பாருங்க... சபதம் எடுத்த மாருதி சுஸுகி...
- 7 hrs ago சுஸுகி பைக்குகளில் இது தனி ரகம்!! இந்தியாவில் விலையை கேட்டால் மயக்கமே வந்துவிடும்!
Don't Miss!
- News தமிழ்நாடு, புதுச்சேரி உட்பட 102 தொகுதிகளில் நாளை வாக்குப்பதிவு - பாதுகாப்பு ஏற்பாடுகள் தீவிரம்
- Sports IPL 2024 : கேகேஆர் அணியில் பேட்டிங் வாய்ப்பு கிடைக்கவில்லை.. என்ன காரணம்? உண்மையை சொன்ன ரிங்கு சிங்!
- Technology வாங்குனா நீதான்.. இயர்பட்ல டால்பி அட்மோஸ்.. ஹெட் டிராக்கிங்.. வயர்லெஸ் சார்ஜிங்.. எந்த மாடல்?
- Lifestyle Today Rasi Palan 18 April 2024: இன்று இந்த ராசிக்காரர்கள் கடன் வாங்குவதைத் தவிர்ப்பது நல்லது...
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Movies அட அதுக்குள்ள லீக் ஆகிடுச்சே.. சியான் 62 பட டைட்டில் இதுதானா?.. ஆனால், அந்த வாடை வருதே!
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
ரயில்வே ஸ்டேஷன் போர்டில் உள்ள MSL என்பது எதை குறிக்கிறது தெரியுமா? இவ்ளோ பெரிய விஷயத்தை கவனிக்காம விட்டுட்டோமே
ரயில்வே ஸ்டேஷன் போர்டில் இருக்கும் MSL என்ற குறியீடு எதை குறிக்கிறது? என்பதை இந்த செய்தியில் பார்க்கலாம்.
ரயில் பயணங்கள் நம் வாழ்க்கையில் தவிர்க்க முடியாதவை. அலுங்காமல், குலுங்காமல் சொகுசாக செல்லும் மல்டி ஆக்ஸில் பஸ்கள், அதிவேகமாக செல்லும் விமானங்கள் என போக்குவரத்து முறைகள் அடுத்தடுத்த கட்டங்களுக்கு சென்றாலும், ரயில் பயணம் நம் வாழ்க்கையுடன் பின்னி பிணைந்து விட்டன. எனவே தற்போதும் கூட ரயில் பயணங்களுக்கு நிறைய பேர் முன்னுரிமை வழங்குகின்றனர்.
ரயில் பயணங்களுக்காக ரயில்வே ஸ்டேஷன்களுக்கு செல்லும்போது நிறைய விஷயங்கள் நம் கண்களில் சிக்கும். அப்படி நாம் கவனிக்கும் முக்கியமான விஷயங்களில் ஒன்று ரயில் நிலையத்தின் பெயர் பலகை. அனைத்து ரயில்வே ஸ்டேஷன்களிலும் மஞ்சள் நிற பெயர் பலகை வைக்கப்பட்டிருக்கும். இதில் கருப்பு நிறத்தில் சம்பந்தப்பட்ட ஊரின் பெயர் எழுதப்பட்டிருக்கும்.
ஆங்கிலம், ஹிந்தி மற்றும் உள்ளூர் மொழி என்று மொத்தம் 3 மொழிகளில் ஊரின் பெயர் எழுதப்பட்டிருக்கும். உள்ளூர் மொழியை பொறுத்தவரையில், தமிழ்நாடு என்றால் தமிழிலும், கர்நாடகா என்றால் கன்னடத்திலும், கேரளா என்றால் மலையாளத்திலும், ஆந்திரா என்றால் தெலுங்கிலும் எழுதப்பட்டிருக்கும். ரயில்வே ஸ்டேஷனின் ஆரம்பத்திலும், இறுதியிலும் இந்த மஞ்சள் நிற பெயர் பலகை வைக்கப்பட்டிருக்கும்.
3 மொழிகளில் பெயருடன் சேர்த்து, மற்றொரு மிக முக்கியமான விஷயமும் இந்த மஞ்சள் நிற பலகையில் குறிப்பிடப்பட்டிருக்கும். ஊரின் பெயரை கவனிக்கும் நம்மில் பலரும், இந்த முக்கியமான விஷயத்தை கவனிக்க தவறி விடுகிறோம். கடல் மட்டத்தில் இருந்து சம்பந்தப்பட்ட ஸ்டேஷன் எவ்வளவு உயரத்தில் அமைந்துள்ளது? என்பதுதான் அந்த முக்கியமான விஷயம்.
ஆம், ஒவ்வொரு ரயில்வே ஸ்டேஷனிலும் வைக்கப்பட்டுள்ள மஞ்சள் நிற பலகையில், கடல் மட்டத்தில் இருந்து அந்த ஸ்டேஷன் எவ்வளவு உயரத்தில் அமைந்துள்ளது? என்பதும் குறிப்பிடப்பட்டிருக்கும். அடுத்த முறை ரயில் நிலையத்திற்கு நீங்கள் செல்லும்போது, அதன் மஞ்சள் நிற பெயர் பலகையை உன்னிப்பாக கவனித்து பாருங்கள்.
அதில் 'எம்எஸ்எல்' (MSL) என குறிப்பிடப்பட்டிருக்கும். Mean Sea Level (மீன் சீ லெவல்) என்பதன் சுருக்கமே MSL என குறிப்பிடப்படுகிறது. கடல் மட்டத்தில் இருந்து சம்பந்தப்பட்ட ரயில்வே ஸ்டேஷன் எவ்வளவு உயரத்தில் அமைந்துள்ளது? என்பதை குறிப்பிடுவதற்காக MSL என்ற சுருக்கத்தை இந்திய ரயில்வே பயன்படுத்தி வருகிறது.
சரி, கடல் மட்டத்தில் இருந்து ரயில்வே ஸ்டேஷன் எவ்வளவு உயரத்தில் அமைந்துள்ளது? என்பதை எதற்காக குறிப்பிடுகின்றனர்? என்ற சந்தேகம் உங்களுக்கு வரலாம். இந்திய ரயில்வே மூலமாக இயக்கப்படும் ரயில்களில் பயணம் செய்யும் அனைத்து பயணிகளின் பாதுகாப்பையும் மனதில் வைத்துதான், MSL குறிப்பிடப்படுகிறது.
MSL குறிப்பிடப்படுவதற்கும், பாதுகாப்பிற்கும் என்ன சம்பந்தம்? என்ற சந்தேகம் எழுவது இயல்புதான். என்ன உயரத்தில் பயணித்து கொண்டிருக்கிறோம்? என்பதை லோகோ பைலட்கள் (ரயில் ஓட்டுனர்கள்) மற்றும் கார்டுகள் (Guards) தெரிந்து கொள்வதற்கு MSL உதவி செய்யும். உயரம் குறித்த எச்சரிக்கையை MSL நேரடியாக லோகோ பைலட்களுக்கு தெரிவிப்பதால், ரயில் பயணம் பாதுகாப்பாக அமையும்.
இன்னும் தெளிவாக சொல்வதென்றால், எவ்வளவு உயரத்தில் பயணித்து கொண்டிருக்கிறோமோ, அதற்கேற்ப ரயிலின் வேகத்தை லோகோ பைலட்டால் கட்டுப்படுத்த முடியும். இதன் மூலம் ரயிலில் பயணம் செய்யும் அனைவரின் பாதுகாப்பும் உறுதி செய்யப்படும். ரயில்வே ஸ்டேஷன்களில் வைக்கப்பட்டுள்ள மஞ்சள் பலகைகளில், MSL ஏன் குறிப்பிடப்படுகிறது? என்பது தற்போது உங்களுக்கு புரிந்திருக்கும்.
உங்களுக்கு இங்கே மற்றொரு சந்தேகமும் வரலாம். ரயில் நிலையத்தின் பெயர் பலகைகள் ஏன் பொதுவாக மஞ்சள் நிறத்திலேயே இருக்கின்றன? என்பதுதான் அது. ஆம், அனைத்து ரயில்வே ஸ்டேஷன்களிலும் பெயர் பலகைகள் மஞ்சள் நிறத்தில்தான் வைக்கப்பட்டிருக்கும். நாங்கள் ஏற்கனவே கூறியபடி அதில் கருப்பு நிற எழுத்துக்கள்தான் எழுதப்பட்டிருக்கும்.
தெளிவாக தெரிய வேண்டும் என்பதற்காகவே இந்த வண்ண கலவையை இந்திய ரயில்வே பயன்படுத்தி வருகிறது. மஞ்சள் நிற பின்னணியில் கருப்பு நிறத்தில் எழுதும்போது, தூரத்தில் இருந்து பார்த்தால் கூட கண்களுக்கு எளிதாக புலப்படும். இதன் காரணமாகவே அனைத்து ரயில்வே ஸ்டேஷன்களிலும், பெயர் பலகைகள் மஞ்சள் நிறத்தில் வைக்கப்படுகின்றன.