Just In
- 1 hr ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 2 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 2 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 4 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
வாழ்க்கைய செமயா என்ஜாய் பண்றாங்க... வாழ்ந்தா பைலட்கள் மாதிரி வாழணும்... ஏன் தெரியுமா?
விமான பைலட்களாக வேலை செய்வதில் கிடைக்கும் சிறப்பான விஷயங்களை இந்த செய்தியில் தொகுத்து வழங்கியுள்ளோம்.
பள்ளி பருவத்தில் எதிர்காலத்தில் என்னவாக விரும்புகிறீர்கள்? என கேட்பவர்களிடம், 'பைலட்' என நம்மில் பலரும் கூறியிருப்போம். பைலட்கள் மீது இருக்கும் ஈர்ப்பே அதற்கு காரணம். உண்மையில் பைலட் வேலையை உலகின் மிகச்சிறந்த பணிகளில் ஒன்றாக கூறலாம். அது ஏன்? என்பதற்கான காரணங்களை இந்த செய்தியில் தொகுத்து வழங்கியுள்ளோம்.
பயணம் செய்ய யார்தான் விரும்ப மாட்டார்கள்?
பைலட் வேலையில் உள்ள மிகப்பெரிய சுவாரஸ்யமே பயணம் செய்வதுதான். நீங்கள் பைலட்டாக இருந்தால், அதற்கு முன் வாழ்க்கையில் சென்றிருக்காத இடங்களுக்கு எல்லாம் பயணிக்கலாம். விமானம் மீண்டும் புறப்படுவதற்கு முன் கிடைக்கும் ஓய்வு நேரத்தில், பைலட்கள் பல்வேறு நகரங்களை சுற்றி பார்க்கலாம். வெவ்வேறு வித்தியாசமான கலாச்சாரங்களை தெரிந்து கொள்ளும் வாய்ப்பும் கிடைக்கும்.
பைலட்களை பொறுத்தவரை இரண்டு வேலை நாட்கள் ஒன்று போலவே இருக்காது. பைலட்களின் வேலையில் உள்ள மிகச்சிறந்த சுவாரஸ்யமான பகுதி என இதனை குறிப்பிடலாம். பைலட்களை பொறுத்தவரை ஒரு நாள் டெல்லியிலும், மற்றொரு நாள் லண்டனிலும் இருக்கலாம். வெவ்வேறு பகுதிகளை காணும் வாய்ப்பு கிடைப்பதால், வேலையில் அவர்களுக்கு சலிப்பு ஏற்படுவதற்கான வாய்ப்புகள் குறைவு.
மேகத்தில் அலுவலகம்!
பைலட்கள் உள்பட ஒரு சிலரை தவிர மேகத்தில் எனது அலுவலகம் உள்ளது என உலகின் பெரும்பாலானோரால் சொல்ல முடியாது. விமானத்தில் பறக்கும்போது கிடைக்கும் 'வியூ' பணியை மேலும் சுவாரஸ்யமானதாக மாற்றுவதாக நிறைய பைலட்கள் கூறுகிறார்கள். உண்மையில் இது நிச்சயமாக அவர்களை சோர்வடைய செய்யாது.
தொலை தூரத்தில் இடி, மின்னலுடன் மழை பெய்து கொண்டிருப்பதை வானில் தூரத்தில் இருந்து பார்க்கும் வாய்ப்பு நம்மில் எத்தனை பேருக்கு கிடைக்கும் என்று தெரியவில்லை. அதேபோல் பரந்த, முடிவில்லாத நீல வானத்தை ரசித்து கொண்டே வேலை செய்வதும் சுகமான அனுபவம்தான். இதுபோன்ற அனுபவங்கள் கிடைப்பதால் பைலட்கள் உண்மையிலே கொடுத்து வைத்தவர்கள்தான்.
இலவச விமான டிக்கெட்!
பைலட்கள் அடிக்கடி பயணம் செய்து கொண்டே இருக்கிறார்கள். ஆனால் அனைத்து சமயங்களிலும் தனியாக பயணம் செய்வதை விட நண்பர்கள், குடும்பத்தினருடன் பயணம் செய்தால் இன்னும் சுவாரஸ்யமாக இருக்கும். நீங்கள் பைலட்டாக இருந்தால் உங்கள் நண்பர்கள் மற்றும் குடும்பத்தினருக்கு தள்ளுபடி விலையில் விமான டிக்கெட்டை பெறலாம்.
சில சமயங்களில் இலவசமாக பெறுவதற்கான வாய்ப்புகளும் உள்ளன. எனவே விடுமுறை காலங்களை உங்கள் நண்பர்கள், குடும்பத்தினருடன் நீங்கள் சுற்றுலா சென்று உற்சாகமாக கழிக்க முடியும். அதே சமயம் பைலட்களுக்கு சில ஹோட்டல்கள் தள்ளுபடி விலையில் அறைகளை வழங்குகின்றன என்பதும் இங்கே குறிப்பிடத்தக்கது.
புதிய மனிதர்கள் உடனான சந்திப்பு!
நீங்கள் பைலட்டாக இருந்தால், தொடர்ச்சியாக புதிய மனிதர்களை சந்திக்கும் வாய்ப்பு கிடைத்து கொண்டே இருக்கும். அதுவும் பல்வேறு நாடுகளை சேர்ந்த, பல்வேறு கலாச்சாரங்களை பின்பற்றும் மனிதர்களுடன் நெருங்கி பழகும் வாய்ப்பு கிடைக்கும். விமான ஊழியர்களில் இருந்து, பயணிகள், நீங்கள் செல்லும் நகரங்களின் மக்கள் என பல புதிய முகங்களை சந்தித்து பழகும் அனுபவம் உங்களுக்கு கிடைக்கும்.
பணி பாதுகாப்பு!
அதிக பணி பாதுகாப்புடன் கூடிய ஒரு வேலையை நீங்கள் தேடி கொண்டுள்ளீர்களா? அப்படியான பைலட் வேலையும் அதில் ஒன்று. பைலட்களுக்கான தேவை தொடர்ந்து உயர்ந்து கொண்டே வருகிறது. கொரோனா வைரஸ் பிரச்னையால் வேண்டுமானால் விமான போக்குவரத்து துறை மிக கடுமையாக பாதிக்கப்பட்டிருக்கலாம். அதை மறுப்பதற்கில்லை.
இதை தவிர்த்து விட்டு பார்த்தால், விமானங்களில் பயணம் செய்பவர்களின் எண்ணிக்கை சமீப ஆண்டுகளில் உயர்ந்து கொண்டே வருகிறது. எனவே பைலட்களுக்கான தேவை இன்னும் அதிகரிக்கும் என விமான போக்குவரத்து துறை நிபுணர்கள் தெரிவிக்கின்றனர். இந்த விஷயத்திலும் பைலட்கள் கொடுத்து வைத்தவர்கள்தான்.
Note: Images used are for representational purpose only.