Just In
- 39 min ago சாதாரணமா பஸ்ஸில் பயணம் செய்தது இவ்ளோ பெரிய ஆளா... முகத்தை நல்லா உத்து பார்த்ததும் ஷாக் ஆன மக்கள்...
- 1 hr ago சிட்ரோன், ஜீப் காரை வாங்கப்போறீங்களா? இப்ப போன பணத்தை மிச்சம் பண்ணலாம்! ஏப்30க்கு பிறகு காஸ்ட்லியாகிடும்!
- 2 hrs ago இது கார் இல்ல மிதக்கும் கப்பல்!! புதுசா வாங்கியிருக்கும் இந்த நடிகர் யாரென்று தெரிகிறதா?
- 2 hrs ago கார்ல போகும் போது அதிக சத்தமாக பாட்டு கேட்டா இப்படி ஒரு பிரச்சனைவருமா? இது பலருக்கும் தெரியாத விஷயமா இருக்கு
Don't Miss!
- Finance வெயிலுக்கு ஏத்த பிஸ்னஸ்.. சும்மா சொல்லக்கூடாது முகேஷ் அம்பானி வேற லெவல்..! .
- News "உயர் ஜாதியினரிடம்" 41% ஆனால்.. முஸ்லிம்களிடம் 8% சொத்துக்கள்தான் உள்ளன: டேட்டா சொல்லும் உண்மை
- Technology அள்ளி தரும் BSNL.. வெறும் ரூ.299 போதும்.. தினமும் 3GB டேட்டா.. வாய்ஸ் கால்கள்.. எத்தனை நாள் வேலிடிட்டி?
- Movies ஒரே டிப்ரெஷன்.. வாழ்க்கையே போச்சு.. தப்பான முடிவை எடுக்க பார்த்த நடிகை.. சட்டென திறந்த கதவு!
- Lifestyle ஹிட்லரின் நாஜி முகாமில் நடத்தப்பட்ட திகிலூட்டும் சோதனைகள் என்னென்ன தெரியுமா? முக்கியமா இரட்டை குழந்தைகள் மீது!
- Sports IPL 2024: வெட்கத்தை விட்டு சொல்றேன்.. சிஎஸ்கே அணியால் இதை கூட செய்ய முடியலை.. புலம்பிய பிளெம்மிங்
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
இந்தியாவிலேயே முதல் ஆளாக வாங்கினார்... விராட் கோஹ்லியின் புதிய காரின் விலை எவ்வளவு தெரியுமா?
இந்தியாவிலேயே முதல் ஆளாக விராட் கோஹ்லி வாங்கியிருக்கும் புதிய காரின் விலை மலைக்க வைக்கும் வகையில் இருக்கிறது.
இந்திய கிரிக்கெட் அணியின் கேப்டன் விராட் கோஹ்லி, சர்வதேச அரங்கில் பல்வேறு சாதனைகளை தகர்த்து வருகிறார். விளையாடும் ஒவ்வொரு போட்டியிலும் ஏறக்குறைய ஏதாவது ஒரு புதிய சாதனையை விராட் கோஹ்லி படைத்து விடுகிறார். இன்றைய சூழலில், மாஸ்டர் பிளாஸ்டர் சச்சின் டெண்டுல்கரின் சாதனைகளை தகர்ப்பதற்கான சாத்தியமுள்ள ஒரே நபராக விராட் கோஹ்லி கருதப்படுகிறார்.
விராட் கோஹ்லிக்கு கிரிக்கெட் எவ்வளவு பிடிக்குமோ? அதே அளவிற்கு கார்களும் பிடிக்கும். கிரிக்கெட்டிற்கு அடுத்தபடியாக விராட் கோஹ்லி நேசிக்கும் பல்வேறு விஷயங்களில் முதன்மையானதாக கார்கள் உள்ளன. கிரிக்கெட் வீரர்கள் என்றாலே வாகனங்களை அதிகமாக நேசிப்பது சகஜம்தான். இந்திய கிரிக்கெட் அணியின் முன்னாள் கேப்டன் டோனி இதற்கு ஒரு உதாரணம்.
கார், பைக் என அனைத்து விதமான வாகனங்களையும் டோனி விரும்ப கூடியவர். அதிலும் மிகவும் அரிதான வாகனங்கள் என்றால், எவ்வளவு விலை கொடுத்தேனும் வாங்கி விடுவார். ஆனால் விராட் கோஹ்லி சற்று வித்தியாசமானவர். அவருக்கு மோட்டார்சைக்கிள்களை விட கார்கள் மீதே அதிக ஆர்வம் இருக்கிறது. அதிலும் குறிப்பாக ஆடி கார்கள்.
விராட் கோஹ்லியிடம் ஏராளமான ஆடி கார்கள் உள்ளன. இதுபோதாதென்று தற்போது புதிதாக ஒரு ஆடி கார் அவரது வீட்டிற்கு வந்துள்ளது. ஆம், மிகவும் விலை உயர்ந்த ஆடி கார் ஒன்றை விராட் கோஹ்லி தற்போது வாங்கியுள்ளார். அதுவும் இந்தியாவிலேயே முதல் ஆளாக இந்த காரை வாங்கியிருப்பது விராட் கோஹ்லிதான் என்பது கூடுதல் சிறப்பு.
கடந்த புதன்கிழமையன்றுதான் (ஜனவரி 15ம் தேதி) இந்த கார் இந்தியாவில் விற்பனைக்கே அறிமுகம் செய்து வைக்கப்பட்டது என்பது குறிப்பிடத்தக்கது. ஆடி க்யூ8 (Audi Q8) காரைப்பற்றிதான் நாம் இங்கே பேசி கொண்டுள்ளோம். இது எஸ்யூவி ரக கார் ஆகும். லக்ஸரி கார் பிரியர்களின் பெரும் எதிர்பார்ப்புகளுக்கு மத்தியில் ஆடி க்யூ8 எஸ்யூவி இந்தியாவில் விற்பனைக்கு வந்துள்ளது.
ஆடி க்யூ8 காரில், 3.0 லிட்டர் TFSI (Turbo Fuel Stratified Injection) இன்ஜின் வழங்கப்பட்டுள்ளது. இந்த இன்ஜின் அதிகபட்சமாக 340 எச்பி பவரையும், 500 என்எம் டார்க் திறனையும் உருவாக்க கூடியது. பூஜ்ஜியத்தில் இருந்து 100 கிலோ மீட்டர்கள் என்ற வேகத்தை ஆடி க்யூ8 எஸ்யூவி சுமார் 6 வினாடிகளில் எட்டிவிடக்கூடிய திறன் வாய்ந்தது.
இந்திய மார்க்கெட்டில் 1.33 கோடி ரூபாய் என்ற எக்ஸ்ஷோரூம் விலையில் ஆடி க்யூ8 எஸ்யூவி விற்பனைக்கு அறிமுகம் செய்யப்பட்டுள்ளது. இந்த சூழலில், ஆடி க்யூ8 எஸ்யூவி காரை ஓட்டியபோது கேமரா கண்களில் விராட் கோஹ்லி சிக்கியுள்ளார். புதிய ஆடி க்யூ8 எஸ்யூவி காரை விராட் கோஹ்லி பொது வெளியில் ஓட்டி வருவது இதுவே முதல் முறை என்பது குறிப்பிடத்தக்கது.
இந்தியா-ஆஸ்திரேலியா அணிகளுக்கு இடையேயான 2வது ஒரு நாள் போட்டி ராஜ்கோட்டில் நேற்று (ஜனவரி 17) நடைபெற்றது. இதில், ஆஸ்திரேலிய அணியை வீழ்த்தி இந்தியா வாகை சூடியது. இந்த போட்டியில் கேப்டன் விராட் கோஹ்லி வழக்கம் போல் சிறப்பாக பேட்டிங் செய்து இந்திய அணியின் வெற்றிக்கு உதவினார்.
முன்னதாக இந்த போட்டியில் பங்கேற்பதற்காக ராஜ்கோட் செல்வதற்கு விராட் கோஹ்லி விமான நிலையம் வந்தார். அப்போதுதான் அவர் தனது புதிய ஆடி க்யூ8 எஸ்யூவி காரை ஓட்டி கொண்டு வந்தார். ஆடி க்யூ8 எஸ்யூவி காரை விராட் கோஹ்லி ஓட்டி வரும் வீடியோவை நீங்கள் கீழே காணலாம்.
View this post on Instagram#viratkohli loves driving his own car #viralbhayani @viralbhayani
A post shared by Viral Bhayani (@viralbhayani) on
சமூக வலை தளங்களில் தற்போது இந்த வீடியோ வைரலாக பரவி வருகிறது. விராட் கோஹ்லியின் ரசிகர்கள் மற்றும் கார் ஆர்வலர்கள் பலரும் இந்த வீடியோவை ஆர்வமாக பகிர்ந்து வருகின்றனர். விராட் கோஹ்லியை தொடர்ந்து, சினிமா நட்சத்திரங்கள் மற்றும் மற்ற கிரிக்கெட் வீரர்கள் பலரும் வருங்காலங்களில், ஆடி க்யூ8 எஸ்யூவி காரை சொந்தமாக்குவார்கள் என எதிர்பார்க்கப்படுகிறது.