Just In
- 3 hrs ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 3 hrs ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 4 hrs ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
- 4 hrs ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
Don't Miss!
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
என்ன பெரிய வெளிநாட்டு சொகுசு கார்... இந்திய தயாரிப்பை வாங்கிய பிரபல விளையாட்டு வீராங்கனை... பாராட்டு குவிகிறது
பிரபல விளையாட்டு வீராங்கனை ஒருவர் இந்திய நிறுவனத்தின் காரை வாங்கியுள்ளார். இதுகுறித்த விரிவான தகவல்களை இந்த செய்தியில் பார்க்கலாம்.
இந்தியாவை சேர்ந்த புகழ் பெற்ற மல்யுத்த வீராங்கனைகளில் ஒருவர் கீதா போகத் (Geeta Phogat). மல்யுத்த களத்தில் இந்தியாவிற்கு பல்வேறு பெருமை தேடி தந்தவரான கீதா போகத், தற்போது புதிய கார் ஒன்றை வாங்கியுள்ளார். கீதா போகத் வாங்கியிருப்பது மஹிந்திரா ஸ்கார்பியோ என் (Mahindra Scorpio N) கார் ஆகும். மஹிந்திரா ஸ்கார்பியோ என் கார் வெகு சமீபத்தில்தான் விற்பனைக்கு வந்தது.
முரட்டுத்தனமான தோற்றம், அட்டகாசமான வசதிகள் மற்றும் சக்தி வாய்ந்த இன்ஜின் ஆப்ஷன்கள் வழங்கப்பட்டிருப்பதுடன், விலையும் சரியாக நிர்ணயம் செய்யப்பட்டிருப்பதால், இந்திய சந்தையில் மஹிந்திரா ஸ்கார்பியோ என் காருக்கு பிரம்மாண்டமான வரவேற்பு கிடைத்துள்ளது. மஹிந்திரா நிறுவனமே இப்படி ஒரு வரவேற்பை எதிர்பார்த்திருக்காது என்றால் சொன்னால் மிகையாகாது.
மஹிந்திரா ஸ்கார்பியோ என் காருக்கு வெறும் 30 நிமிடங்களில் 1 லட்சம் முன்பதிவுகள் குவிந்த செய்திகளை நீங்கள் சமீபத்தில் வாசித்திருக்கலாம். இந்திய வாடிக்கையாளர்கள் மத்தியில் இந்த காருக்கு எவ்வளவு பெரிய வரவேற்பு கிடைத்துள்ளது? என்பதற்கு இந்த முன்பதிவு எண்ணிக்கையே சாட்சியாகும். இப்படிப்பட்ட ஒரு அற்புதமான காரைதான் கீதா போகத் தற்போது வாங்கியுள்ளார்.
இப்படி ஒரு சிறப்பான காரை விற்பனைக்கு அறிமுகம் செய்ததற்காக சமூக வலை தள பதிவு மூலமாக ஆனந்த் மஹிந்திராவிற்கு, கீதா போகத் நன்றி தெரிவித்து கொண்டுள்ளார். அத்துடன் புதிய மஹிந்திரா ஸ்கார்பியோ என் காருடன் தான் இருக்கும் புகைப்படங்களையும் கீதா போகத் சமூக வலை தளங்களில் வெளியிட்டுள்ளார்.
புதிய ஸ்கார்பியோ என் காரின் டெலிவரி பணிகள் செப்டம்பர் 26ம் தேதி தொடங்கப்படும் என மஹிந்திரா நிறுவனம் அறிவித்திருந்தது. அதன்படி நேற்று முன் தினம் மஹிந்திரா ஸ்கார்பியோ என் காரின் டெலிவரி பணிகள் தொடங்கப்பட்டன. நடப்பாண்டு டிசம்பர் மாதத்திற்குள் 25 ஆயிரம் ஸ்கார்பியோ என் கார்களை டெலிவரி செய்ய திட்டமிட்டுள்ளதாக மஹிந்திரா நிறுவனம் ஏற்கனவே அறிவித்துள்ளது.
Z2, Z4, Z6, Z8 மற்றும் Z8 L ஆகிய வேரியண்ட்களில் ஸ்கார்பியோ என் காரை மஹிந்திரா நிறுவனம் விற்பனைக்கு அறிமுகம் செய்துள்ளது. மஹிந்திரா ஸ்கார்பியோ என் காரில் ஏராளமான வசதிகள் வழங்கப்பட்டுள்ளன. இதில், டச்ஸ்க்ரீன் இன்ஃபோடெயின்மெண்ட் சிஸ்டம், எலெக்ட்ரிக் சன்ரூஃப் மற்றும் க்ரூஸ் கண்ட்ரோல் போன்ற வசதிகள் குறிப்பிடத்தகுந்தவை.
இதுதவிர ட்யூயல் ஸோன் க்ளைமேட் கண்ட்ரோல், மல்டி ஃபங்ஷன் ஸ்டியரிங் வீல் போன்ற வசதிகளையும் புதிய மஹிந்திரா ஸ்கார்பியோ என் கார் பெற்றுள்ளது. இந்திய சந்தையில் டாடா ஹாரியர் (Tata Harrier), டாடா சஃபாரி (Tata Safari) மற்றும் ஹூண்டாய் அல்கஸார் (Hyundai Alcazar) போன்ற கார்களுடன் மஹிந்திரா ஸ்கார்பியோ என் போட்டியிட்டு வருகிறது.
செயல்திறனை பொறுத்தவரையில், பெட்ரோல் மற்றும் டீசல் என இரண்டு வகையான இன்ஜின் ஆப்ஷன்களுடனும் மஹிந்திரா ஸ்கார்பியோ என் கிடைக்கிறது. இதன்படி இந்த காரில், 2.0 லிட்டர் டர்போசார்ஜ்டு பெட்ரோல் இன்ஜின் ஆப்ஷன் வழங்கப்பட்டுள்ளது. இந்த இன்ஜின் அதிகபட்சமாக 200 பிஎஸ் பவரையும், 380 என்எம் டார்க் திறனையும் உருவாக்க கூடியது.
அதே நேரத்தில் இந்த காரின் டீசல் இன்ஜின் 2 வகையான ட்யூனிங் உடன் கிடைக்கிறது. மஹிந்திரா ஸ்கார்பியோ என் காரில் வழங்கப்பட்டிருப்பது, 2.2 லிட்டர் டர்போசார்ஜ்டு டீசல் இன்ஜின் ஆகும். 132 பிஎஸ் மற்றும் 300 என்எம் பவர் அவுட்புட் உடனும், 175 பிஎஸ் பவர் மற்றும் 400 என்எம் பவர் அவுட்புட் உடனும் 2 வகையான ட்யூனிங்கில் இந்த இன்ஜின் ஆப்ஷன் கிடைக்கிறது.
தற்போதைய நிலையில் மஹிந்திரா ஸ்கார்பியோ என் காரின் ஆரம்ப விலை 11.99 லட்ச ரூபாயாக உள்ளது. அதே நேரத்தில் இந்த காரின் டாப் வேரியண்ட்டின் விலை 23.90 லட்ச ரூபாயாக இருக்கிறது. இவை இரண்டுமே எக்ஸ் ஷோரூம் விலையாகும். இந்த சிறப்பான விலை நிர்ணயமும் மஹிந்திரா ஸ்கார்பியோ என் காருக்கு கிடைத்துள்ள பிரம்மாண்டமான வரவேற்பிற்கு மிக முக்கியமான காரணங்களில் ஒன்றாகும்.
மஹிந்திரா நிறுவனம் இந்திய சந்தையில் சமீப காலமாக விற்பனைக்கு அறிமுகம் செய்யும் அனைத்து கார்களுக்கும் நல்ல வரவேற்பு கிடைத்து வருகிறது. புதிய தலைமுறை தார் மற்றும் எக்ஸ்யூவி700 ஆகிய கார்களை தொடர்ந்து தற்போது ஸ்கார்பியோ என் காரும் மஹிந்திரா நிறுவனத்தின் வெற்றிகரமான தயாரிப்புகளில் ஒன்றாக மாறியுள்ளது.
பொதுவாக மிகவும் பிரபலமான விளையாட்டு வீரர்களும், சினிமா நட்சத்திரங்களும் ஆடி, பிஎம்டபிள்யூ, மெர்சிடிஸ் பென்ஸ் மற்றும் ரோல்ஸ் ராய்ஸ் போன்ற வெளிநாட்டு நிறுவனங்களின் கார்களைதான் வாங்கி வருகின்றனர். ஆனால் கீதா போகத் இந்திய தயாரிப்பை வாங்கியிருப்பது அனைவரின் கவனத்தையும் ஈர்த்துள்ளது. இதற்காக அவரை பலரும் பாராட்டியும் வருகின்றனர்.
-
ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
-
இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
-
இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?