Just In
- 33 min ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 41 min ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 1 hr ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
- 2 hrs ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
Don't Miss!
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- News சிறையில் கணவர்.. இடைத்தேர்தலில் களமிறங்கும் ஜார்கண்ட் Ex முதல்வர் ஹேமந்த் சோரனின் மனைவி கல்பனா
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
'அஞ்சா நெஞ்சன்' கிம் ஜாங் உன் பயன்படுத்தும் புல்லட் புரூஃப் ரயில்!
சீனா செல்வதற்காக கிம் ஜாங் உன் பயன்படுத்திய சிறப்பு ரயில் குறித்த தகவல்களை இந்த செய்தியில் காணலாம்.
நாட்டின் உயர் பொறுப்பில் இருக்கும் தலைவர்கள் குண்டு துளைக்காத கார், பஸ் உள்ளிட்ட வாகனங்களை பயன்படுத்துவது குறித்த அவ்வப்போது கேள்விப்பட்டிருக்கிறோம். இந்த நிலையில், அஞ்சாநெஞ்சனாக கருதப்படும் வடகொரிய அதிபர் கிம் ஜாங் உன் பயன்படுத்தும் புல்லட் புரூஃப் ரயில் குறித்த சுவாரஸ்யத் தகவல்களை தொடர்ந்து பார்க்கலாம்.
வடகொரிய அதிபர் பயணங்கள் மிக ரகசியமாக வைக்கப்பட்டு இருக்கிறது. சீனா உள்ளிட்ட நாடுகளுக்கு அவர் இந்த ரயிலில்தான் பாதுகாப்பு கருதி பயணித்தார். அவர் விமானங்கள் ஆபத்தானவையாக கருதுவதால், உலகிலேயே அதிக பாதுகாப்பு மற்றும் தொழில்நுட்பங்களுடன் இந்த ரயில் உருவாக்கப்பட்டது.
பல்வேறு எதிர்ப்புகளுக்கு மத்தியில் உயிருக்கு உத்தரவாத இல்லாத சூழலில் வாழ்ந்து வரும் கிம் ஜாங் உன்னின் பயணங்கள் மிக மிக ரகசியகமாக வைக்கப்படுகிறது. அமெரிக்க அதிபர் பயன்படுத்தும் ஏர்ஃபோர்ஸ் ஒன் விமானம் போன்று பல்வேறு வசதிகளை இந்த ரயில் பெற்றிருக்கிறது.
வடகொரியாவின் சர்வாதிகாரி கிம் ஜாங் உன் உள்ளிட்ட அந்நாட்டு தலைவர்கள் மற்றும் உயர் அதிகாரிகள் பயன்படுத்துவதற்காக விசேஷ பாதுகாப்பு வசதிகளுடன் 90 விசேஷ ரயில் பெட்டிகள் தயாரிக்கப்பட்டு தயார் நிலையில் வைக்கப்பட்டு இருக்கின்றன.
இவை மூன்று ரயில்களாக பயன்படுத்த முடியும். இந்த ரயில்கள் மிக ரகசியமான இடத்தில் நிறுத்தப்பட்டு பராமரிக்கப்பட்டு வருகின்றன. இந்த ரயில்களை வெளியில் காண்பது அரிது. வெளிநாட்டு உளவுத் துறையால் கூட மோப்பம் பிடிக்க முடியாது.
அதுபோன்ற, விசேஷ ரயில் பெட்டிகள் இணைக்கப்பட்ட ரயிலில்தான் கிங் ஜாங் உன் அண்மையில் சீனாவுக்கு வந்துள்ளார். இந்த ரயில் அடர் பச்சை மற்றும் மஞ்சள் வண்ணக் கலவை பெயிண்ட் செய்யப்பட்டு இருக்கிறது.
இந்த ரயில் பெட்டிகள் குண்டு துளைக்காத வசதியுடன் கட்டமைக்கப்பட்டுள்ளன. அவசர காலத்தில் தொடர்பு கொள்வதற்கும், உத்தரவுகளை பிறப்பிப்பதற்கும் சேட்டிலைட் போன் உள்ளிட்ட அதிநவீன தொடர்பு வசதிகள் உள்ளன.
ஆயுத தாக்குதல்களின்போது பயணிக்கும் தலைவர்களை காப்பதற்கான கட்டமைப்பு வசதிகள் உள்ளன. அதேபோன்று, ரசாயனத் தாக்குதல்களிலிருந்து பாதிப்பு ஏற்படாத அம்சங்களை பெற்றிருப்பதுடன் ரயில் பெட்டியின் உள்புறத்தில் சுத்திகரிக்கப்பட்ட காற்றை பெறும் வசதியும் உண்டு.
இந்த ரயில் அதிகபட்சமாகக மணிக்கு 61 கிமீ வேகத்தில் இயக்கப்படுகிறது. பயணத்தின்போது வழியில் தாக்குதல் நடத்தப்பட்டாலும், அவசரநிலை ஏற்பட்டாலும், ரயிலில் இருக்கும் கவச வாகனங்கள் மூலமாக தப்பிப்பதற்கான வழிமுறைகளும் உண்டு.
இந்த ரயிலின் ஒருப் பெட்டியில் சிறிய ஹெலிகாப்டர்களும் நிறுத்தப்பட்டு இருக்கின்றன. கவச வாகனங்களை பயன்படுத்த இயலாத சூழலில் இந்த ஹெலிகாப்டர் மூலமாக தலைவர்கள் தப்பிக்க இயலும்.
ரயில் புறப்படுவதற்கு முன்பாக பல்வேறு பாதுகாப்பு நடைமுறைகள் மற்றும் சோதனைகளுக்கு பின்னரே பயணத்தை துவங்கும். அதேபோன்று, ரயில் செல்லும் வழித்தடத்திலும் கண்காணிப்பு மற்றும் தண்டவாளத்தில் மிக தீவிரமான சோதனைகள் செய்யப்படுகின்றன.
சர்வாதிகாரியாக செயல்படும் கிங் ஜாங் உன் சொகுசு வாழ்க்கை பிரியர். அவர் பயன்படுத்தும் கார்கள், விமானங்கள் மற்றும் உல்லாச படகுகள் பல்வேறு சொகுசு அம்சங்களை பெற்றிருக்கின்றன. அதேபோன்று, அவர் பயணித்த இந்த ரயிலும் படுக்கை வசதி,ரெஸ்ட் ரூம், சமையலறை உள்பட பல்வேறு வசதிகளை கொண்டதாக இருந்துள்ளது.ட
ரயில் பெட்டி முழுவதும் மிக உயரிய பாதுகாப்பு அம்சங்களை பெற்றிருக்கிறது. இந்த ரயில் பெட்டியில் கிம் ஜாங் உன் மிக நெருக்கமானவர்கள் பயணித்ததாக தகவல்கள் கூறுகின்றன. அந்த ரயில் பெட்டியில் உயர் கண்காணிப்பு வளையத்தில் இருந்துள்ளது.
இந்த ரயில் 1,100 கிமீ தூரம் பயணித்ததாக செய்திகள் கூறுகின்றன. வழக்கமாக இந்த வழித்தடத்தில் செல்லும் ரயில்கள் 14 மணிநேரத்தில் செல்கின்றன. எனவே, கிம் ஜாங் உன் பயணித்த ரயில் பாதுகாப்பு காரணங்களுக்காக மிதமான வேகத்தில் இயக்கப்படுவதால் கூடுதல் நேரம் எடுத்துக் கொண்டிருக்கலாம் என்று தெரிகிறது.
அடர் பச்சை மற்றும் மஞ்சள் வண்ணத்திலான அந்த ரயில் பீஜிங் நகருக்கு வந்து அடைந்தபோது, அந்த ரயில் நிலையத்தில் மிக பலத்த பாதுகாப்பு ஏற்பாடுகள் செய்யப்பட்டு இருந்தது. ரயில் நிலையத்திற்குள் பயணிகள் உள்பட வெளியாட்கள் அனுமதிக்கப்படவில்லை.
ரயில் நிலையத்திலிருந்து மெர்சிடிஸ் பென்ஸ் எஸ்600 புல்மேன் லிமோசின் ரக கார் மூலமாக அவர் வெளிநாட்டு தலைவர்கள் வழக்கமாக தங்கும் மாளிகைக்கு சென்று தங்கியுள்ளார். கடந்த 2011ம் ஆண்டு வடகொரிய அதிபராக பதவியேற்றதற்கு பின் கிம் ஜாங் உன் மேற்கொள்ளும் முதல் வெளிநாட்டு பயணமாக இது குறிப்பிடப்படுகிறது.
இந்த நிலையில், அவர் பயன்படுத்திய ரயில்தான் மீடியா கவனத்தை ஈர்த்துள்ளது. எனினும், கிம் ஜாங் உன் தந்தை கிம் ஜாங் இல் இந்த ரயிலை பலமுறை பயன்படுத்தி இருக்கிறார். 1994 முதல் 2011ம் ஆண்டு வரை சீனா மற்றும் ரஷ்ய பயணங்களுக்கு இதே ரயிலை பயன்படுத்தினார்.
மேலும், பிளேபாய் போல வலம் வந்த கிம் ஜாங் இல் தனது பெரும்பாலும் விமானத்தில் பறப்பதை விரும்பியதில்லை. ரயிலில் பயணிப்பதற்கே அதிக முக்கியத்துவம் கொடுத்தார். அதேபோன்று, அவரது மகன் கிம் ஜாங் உன்னும் ரயிலில் பயணித்து சீனா வந்து சென்றுள்ளது குறிப்பிடத்தக்கது.
Via-nytimes
வடகொரிய அதிபர் கிம் ஜாங் உன் பயன்படுத்திய ரயில் குறித்த பல தகவல்களை பார்த்தீர்கள். அவர் பயன்படுத்தும் விலை உயர்ந்த கார்கள், தனி விமானம் மற்றும் உல்லாச படகு குறித்த தகவல்களை தொடர்ந்து பாருங்கள்.
ஹைட்ரஜன் குண்டு மூலமாக, மூன்றாம் உலகப்போருக்கு வித்திட்டு, இப்போது உலகின் கவனத்தை ஈர்த்திருக்கும் கிம் ஜாங் உன், அவரது தந்தை கிம் ஜாங் இல் மறைவிற்கு பிறகு அரியணை ஏறியவர். தந்தையைப் போலவே கிம் ஜாங் உன்னும் சொகுசு வாழ்க்கைக்கு பெயர் பெற்றவராக விளங்குகிறார்.
அவரிடம் இருக்கும் பிரம்மாண்ட மோட்டார் உலகத்தை பார்த்தாலே நாட்டை பற்றி கவலை கொள்ளாத அவரது மனநிலை புரியும். கிம் ஜாங் உன் கராஜில் 100க்கும் மேற்பட்ட கார்கள் இருக்கின்றன. பெரும்பாலான கார்கள் மெர்சிடிஸ் பென்ஸ் பிராண்டு சொகுசு கார்களாகவே வாங்கி குவித்துள்ளனர்.
2009ம் ஆண்டில் கிம் ஜாங் உன் தந்தை இரண்டு குண்டு துளைக்காத மெர்சிடிஸ் பென்ஸ் புல்மேன் கார்டு லிமோசின் கார்களை வாங்கினார். 21 அடி நீளம் கொண்ட இந்த கார்களையே அதிகாரப்பூர்வ வாகனமாக பயன்படுத்தினார். அவரைத் தொடர்ந்து கிம் ஜாங் உன் இந்த கார்களை பயன்படுத்தி வருகிறார்.
இந்த இரண்டு கார்களும் 3.1 மில்லியன் டாலர் மதிப்பில்[ ரூ.20 கோடி] மதிப்பில் வாங்கப்பட்டன. மேலும், இந்த கார்கள் வடகொரியாவின் நட்பு நாடாக விளங்கும் சீனா மூலமாக கொண்டு வரப்பட்டு இருக்கிறது. அந்த இரண்டு கார்களிலுமே சீன பதிவு எண்கள் கொண்டவை.
அத்துடன் நிற்கவில்லை. தனக்கு விருப்பமான உயர் அதிகாரிகளுக்கு பென்ஸ் கார்களை பரிசு கொடுப்பதும் கிம் ஜாங் மற்றும் கிம் ஜாங் உன் ஆகிய இருவரின் பொழுதுபோக்காக இருக்கிறது.
ஒரு சமயத்தில் 160 பென்ஸ் கார்களை அதிகாரிகளுக்கு பரிசு கொடுத்ததாகவும் தகவல் உண்டு. குறிப்பாக, கண்டம் விட்டு கண்டம் பாயும் ஏவுகணைகளை தயாரித்த விஞ்ஞானிகளுக்கு பென்ஸ் கார்களை பரிசாக வாரி வழங்கி உள்ளார்.
கிம் ஜாங் இல் மறைவிற்கு பின்னர் அவரது மகனும் தற்போதைய வடகொரிய சர்வாதிகாரியாக விளங்கும் கிம் ஜாங் உன்னும் மெர்சிடிஸ் கார்களையே விரும்பி வாங்கும் வழக்கத்தை வைத்திருக்கிறார்.
கிம் ஜாங் மறைவிற்கு பின்னர் அவரது மகனும் தற்போதைய வடகொரிய சர்வாதிகாரியாக விளங்கும் கிம் ஜாங் உன்னும் மெர்சிடிஸ் கார்களையே விரும்பி வாங்கும் வழக்கத்தை வைத்திருக்கிறார்.
கிம் ஜாங் உன் மிக சிறு வயதில் இருந்தே கார் ஓட்ட பழகியவர். அதுமட்டுமல்ல, ரேஸ் கார் ஓட்டுவது, குதிரையேற்றம் என பல விதங்களிலும் வித்தையை கற்று தேர்ந்தவர். கிம் ஜாங் உன் கார் கலெக்ஷனில் ரேஸ் கார்களும் உள்ளன.
கிம் ஜாங் உன்னிற்கு வடகொரியாவில் 17 அரண்மனைகள் உள்ளன. அவற்றில் ஒரு அரண்மனையை ஒட்டி தனி விமான ஓடுபாதையை அமைத்து வைத்திருக்கிறார். அவசர சமயங்களில் இந்த விமான ஓடுபாதையை வைத்து எளிதாக தப்புவதற்காக இந்த திட்டம்.
கிம் ஜாங் உன்னிடம் சொந்தமாக தனி நபர் விமானமும் உள்ளது. இலுஷின் ஐஎல்-62 விமானத்தை கஸ்டமைஸ் செய்து வாங்கி பயன்படுத்தி வருகின்றனர்.
லெதர் இன்டீரியர், க்றிஸ்ட்டல் சிகரெட் ஆஷ் ட்ரெ, ரோஸ்வுட் மேஜை என அனைத்து விதத்திலும் பார்த்து பார்த்து செய்யப்பட்ட சொகுசு வசதிகள் கொண்ட விமானம் அது. இதன் மதிப்பு 1.5 மில்லியன் டாலர்கள்.
மிக ரகசிய ஆலோசனைகளுக்கு இந்த விமானத்தை பயன்படுத்துகிறார். அதிகாரிகளுடன் இந்த விமானத்தில் அடிக்கடி பறந்துதான் முக்கிய முடிவுகளை எடுக்கிறார்.
விமானம் தவிர, உல்லாச படகு ஒன்றும் சொந்தமாக வைத்துள்ளார் கிம் ஜாங் உன். பிரின்செஸ் 98 என்று குறிப்பிடப்படும் அந்த உல்லாச படகு பிரான்ஸ் நாட்டை சேர்ந்த எல்விஎம்எச் நிறுவனம் கட்டமைத்து கொடுத்துள்ளது. 200 அடி நீளம் கொண்ட இந்த உல்லாச படகில் அவ்வப்போது டூர் அடிப்பதும் கிம் ஜாங் உன்னின் பொழுதுபோக்கு.
நாட்டின் ஒரு பகுதியில் இருந்து மற்றொரு பகுதியை பார்வையிட இந்த உல்லாச படகில் செல்வாராம். அப்போது அனுதினமும் குடியும், கும்மாளமுமாக இருப்பாராம். உலகிலேயே மிகவும் விலை உயர்ந்த மதுவகைகள் மற்றும் உணவுப்பொருட்களையே விரும்பி எடுத்துக் கொள்வாராம்.
எனவே, இந்த படகில் அடிக்கடி உல்லாசப் பயணம் மேற்கொள்வது கிம் ஜாங் உன்னின் ஆகச்சிறந்த பொழுதுபோக்கு. இந்த படகின் மதிப்பு 7 மில்லியன் டாலர்களாக கூறப்படுகிறது.
Photo Credit: Newyork Times and MSN
-
7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
-
21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
-
உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!