Just In
- 1 hr ago உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- 3 hrs ago சீன நிறுவனம் கேட்ட முக்கிய சான்றை வழங்கிய இந்தியா! மத்த நாடுகள வளச்சு போட்டதபோல இந்தியாவையும் வளச்சுபோட போகுது
- 6 hrs ago எந்தவொரு பணக்காரருக்கும் இந்த நிலைமை ஏற்பட கூடாது! கடனை திருப்பி செலுத்தாததால் இப்படியெல்லாம் கூட செய்வார்களா?
- 8 hrs ago சுஸுகி 2-வீலர் ஃபேக்ட்ரி நான்-ஸ்டாப்பா ரன் ஆகிட்டு இருக்கு!! ஸ்கூட்டர்களை தயாரிக்கவே நேரம் பத்தல!
Don't Miss!
- News ஒரு ஓட்டுக்காக போராடிய "சர்க்கார்" விஜய் நிலையா இது.. கட்சி தலைவரான முதல் தேர்தலிலேயே ஏமாற்றம்
- Movies BMW கார் வாங்கிய இயக்குநர்.. எடுத்ததே ஒரே படம்.. குதர்க்கமாக கேள்வி கேட்கும் நெட்டிசன்ஸ்!
- Lifestyle எப்பவும் ஒரே மாதிரி சட்னி செய்யாம.. ஒருமுறை தீயில் சுட்ட தக்காளி சட்னியை செய்யுங்க.. டேஸ்ட் சும்மா அள்ளும்..
- Sports ரூ.14 கோடி வீரருக்கு ஆப்பு.. லக்னோ பிட்சால் சிஎஸ்கே அணியில் நடக்கப்போகும் மாற்றம்.. ருதுராஜ் முடிவு!
- Technology ரூ.10,000 குள்ள 2.. ரூ.20,000 குள்ள 2.. Redmi-யின் 5 முரட்டு போன்கள் மீது.. வெயிட்டா ரூ.2000 டிஸ்கவுண்ட்!
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
காஷ்மீரில் அமையும் உலகின் உயரமான ரயில் பாதை: சீன அத்துமீறல்களுக்கு முற்றுப்புள்ளி?
ஹரியானா மாநிலம் பிலாஸ்பூரிலிருந்து காஷ்மீரின் லடாக் பகுதியிலுள்ள லே பகுதி வரை இந்த புதிய ரயில் பாதை அமைக்கப்பட இருக்கிறது. சாலை மார்க்கமாக டெல்லியிலிருந்து லே பகுதியை அடைவதற்கு 40 மணிநேரம் பிடிக்கும்.
இந்திய எல்லைப்பகுதிகளில் சீன அத்துமீறல்களை தடுப்பதற்காக ரூ.2 லட்சம் கோடியில் 4 புதிய ரயில் திட்டங்களை நிறைவேற்ற மத்திய அரசு முடிவு செய்துள்ளது. அதில், காஷ்மீரில் உள்ள லே பகுதியில், அமைக்கப்பட இருக்கும் உலகின் உயரமான ரயில் பாதை திட்டமும் ஒன்று. இந்திய கட்டுமானப் பொறியியல் துறையின் வல்லமையை பரைசாற்றும் விதத்தில், பல சவால்களை எதிர்கொண்டு அமைக்கப்பட இருக்கும் இந்த புதிய ரயில் பாதை திட்டம் குறித்த சுவாரஸ்யத் தகவல்களை இந்த செய்தியில் காணலாம்.
ஹரியானா மாநிலம் பிலாஸ்பூரிலிருந்து காஷ்மீரின் லடாக் பகுதியிலுள்ள லே பகுதி வரை இந்த புதிய ரயில் பாதை அமைக்கப்பட இருக்கிறது. சாலை மார்க்கமாக டெல்லியிலிருந்து லே பகுதியை அடைவதற்கு 40 மணிநேரம் பிடிக்கும். இந்த புதிய ரயில் பாதை அமைக்கப்பட்டால், வெறும் 20 மணிநேரத்தில் தலைநகர் டெல்லியிலிருந்து லே பகுதியை அடைந்துவிட முடியும்.
சீன எல்லைக்கு அருகில் வரை செல்வதற்கான 4 ரயில் திட்டங்களில் மிக முக்கியமானத் திட்டமாக பிலாஸ்பூர் - லே ரயில் பாதை திட்டம் அமையும். இந்த திட்டம் ரூ.83,360 கோடியில் நிறைவேற்றுவதற்கு திட்டமிடப்பட்டுள்ளது.
பிலாஸ்பூர் - மணாலி - லே வரை 465 கிமீ தூரத்திற்கு அமைக்கப்பட இருக்கும், இந்த வழித்தடத்தில் 30 ரயில் நிலையங்கள் அமைக்கப்பட உள்ளன. இந்த ரயில் பாதையின் 52 சதவீத அளவுக்கான தடம் சுரங்கப் பாதை வழியாக செல்ல இருக்கிறது.
இந்த ரயில் வழித்தடத்தில் 74 சுரங்கப் பாதைகள் அமைக்கப்பட இருக்கின்றன. மொத்தம் 244 கிமீ தூரம் சுரங்கப் பாதை வழியாகவே செல்லும். இதில், 27 கிமீ நீளத்துக்கான மிக நீளமான சுரங்கப்பாதையும் ஒன்றாக இருக்கும். தவிரவும், 124 பெரிய பாலங்கள் மற்றும் 396 சிறிய பாலங்கள் அமைக்கப்பட இருக்கின்றன.
இந்த திட்டத்தின் கீழ் பிற பகுதிகளில் அமைக்கப்பட இருக்கும் ரயில் பாதையைவிட உப்ஷியிலிருந்து லே வரையில் சற்றே செங்குத்தான மலைப்பாதை வழியாக ரயில் தடம் செல்லும். இந்த ரயில் பாதை அமைக்க 2 ஆண்டுகள் பிடிக்கும். ரூ.5,000 கோடி மதிப்பீட்டில் 51 கிமீ தூரத்திற்கு இந்த தடம் அமைக்கப்பட இருக்கிறது.
மிக மோசமான சீதோஷ்ண நிலைகள், மலைச்சரிவு ஆபத்து, மிக கடினமான மலைகள், ஆக்சிஜன் அளவு குறைவான பகுதிகள், அதல பாதாளத்தை கொண்ட சவாலான பள்ளத்தாக்குகளை சமாளித்து இந்த ரயில் பாதை திட்டம் அமைக்கப்பட இருக்கிறது.
இந்த ரயில் பாதையின் மிக உயரமான பகுதி கடல் மட்டத்திலிருந்து 5,360 மீட்டர் உயரத்தில் அமைந்திருக்கும். சீனாவிலுள்ள கின்காய் - திபெத் ரயில் பாதை கடல் மட்டத்திலிருந்து 2,000 மீட்டர் உயரத்தில் அமைந்திருக்கும் நிலையில், இது அதைவிட இருமடங்கிற்கும் கூடுதலான உயரத்தில் அமைய இருப்பது பொறியியல் துறையின் உச்சபட்ச சாதனையாக இருக்கும்.
ஹிமாச்சலப் பிரேதசம் மற்றும் காஷ்மீரில் உள்ள பல முக்கிய சுற்றுலாப் பகுதிகளையும், ராணுவ முகாம்களையும் இணைக்கும் விதத்தில் இந்த ரயில் பாதை அமைக்கப்பட இருக்கிறது. பிலாஸ்பூரிலிருந்து சுந்தர்நகர், மண்டி, மணாலி, கீலாங், கோக்சர், டார்ச்சா, உப்ஷி மற்றும் கரு ஆகிய இடங்கள் வழியாக ரயில் பாதை அமைக்கப்பட இருக்கிறது.
பிலாஸ்பூர் - மணாலி - லே வரையிலான தடம் அகல ரயில் பாதையாக அமைக்கப்பட இருக்கிறது. இந்த தடத்தில் மணிக்கு 75 கிமீ வேகத்தில் ரயில்கள் இயக்கப்படும். இதன்மூலமாக, டெல்லியிருந்து லே பகுதிக்கான பயணம் என்பது 40 மணிநேரத்திலிருந்து 20 மணிநேரமாக குறையும்.
இந்த புதிய ரயில் பாதை திட்டத்திற்கு மத்திய அரசு ஒப்புதல் அளிக்க இருப்பதாகவும், பெரும் பகுதி நிதியை வழங்க ஒப்புக் கொண்டுவிட்டதாகவும் தகவல்கள் கூறுகின்றன. இதனால், இந்த திட்டம் தங்கு தடையில்லாமல், குறித்த காலத்தில் நிறைவுபெறும் என்று ரயில்வே வட்டாரத் தகவல்கள் கூறுகின்றன.
பிலாஸ்பூர் - மணாலி - லே ரயில் பாதை திட்டம் மூலமாக ராணுவத் துருப்புகளையும், தளவாடங்களையும் எளிதாக எல்லைப்பகுதிக்கு கொண்டு செல்ல வாய்ப்பு கிடைக்கும். அதேநேரத்தில், இமயமலை பகுதியில் முக்கிய சுற்றுலாப் பகுதிகளாக இருக்கும் மணாலி மற்றும் லே ஆகிய இடங்களுக்கு பயணிகள் வருகை வெகுவாக அதிகரிக்கும் என்று எதிர்பார்க்கப்படுகிறது. இந்த திட்டத்திற்கான ஆயத்தப் பணிகள் 2020ம் ஆண்டு துவங்குவதற்கு திட்டமிடப்பட்டுள்ளது.
இதனிடையே, இந்திய எல்லைப்பகுதிகளுக்குள் அவ்வப்போது சீன ராணுவத்தினர் அத்துமீறி நுழைந்து வாலாட்டி வருவது தொடர்கதையாக இருக்கிறது. சீனாவின் சேட்டைகளுக்கு முற்றுப்புள்ளி வைக்கும் விதமாக பல முக்கிய சாலை மற்றும் ரயில் பாதை திட்டங்களை மத்திய அரசு செயல்படுத்தி வருகிறது.
அதன்படி, சீன எல்லையோரம் படைகளை விரைவாக கொண்டு செல்வதற்கு ஏதுவாக, அசாம் - அருணாச்சலப் பிரதேச மாநிலங்களை இணைக்கும் விதத்தில், 9.15 கிமீ நீளத்திற்கு நாட்டின் மிக நீளமான ஆற்றுப்பாலத்தை கடந்த ஆண்டு பிரதமர் நரேந்திர மோடி திறந்து வைத்தார்.
இந்த ஆற்றுப்பாலம் திறக்கப்பட்டதன் மூலமாக தோலா மற்றும் சதியா ஆகிய இடங்களுக்கு இடையிலான பயணம் 6 மணிநேரத்திலிருந்து வெறும் 1 மணிநேரமாக குறைந்தது. ராணுவ தளவாடங்களையும், துருப்புகளையும் சீன எல்லையோரம் விரைவாக கொண்டு செல்ல இது முக்கிய பாலமாக அமைந்துள்ளது.
அதேபோன்று, பிலாஸ்பூர் - லே இடையிலான ரயில் தடம் மட்டுமின்றி, மிஸாமரி - தெங்கா - தவாங் இடையிலான 378 கிமீ தூரத்திற்கான ரயில் பாதை, வடக்கு லக்கிம்பூர் - பாமே - சிலபதர் இடையிலான 249 கிமீ தூரத்திற்கான வழித்தடம் மற்றும் பஸிகாட் - தேஸு - பர்சுராம் குந்த் - ரூபய் இடையிலான 227 கிமீ தூரத்திற்கான ரயில் வழித்தடங்களும் ரூ.2 லட்சம் கோடி மதிப்பீட்டில் நிறைவேற்றப்பட உள்ளன.
-
இந்தியாவே காத்துகிடந்த 4 சூப்பர் பைக்குகளை அறிமுகம் செய்த அப்ரிலியா! பிராண்ட் அம்பாஸிட்டரான ஹிந்தி நடிகர்!
-
வெறும் ரூ150க்கு விமான டிக்கெட் விற்பனையாகுது! இது ஆஃபர் எல்லாம் இல்லை உண்மையான கட்டணமே இவ்வளவு தான்!
-
கொடுக்கல், வாங்கலில் பிரச்னை.. காருக்கு தீ வைத்த கோவகார கும்பல்! கோடி ரூபா மதிப்புள்ள கார் பைசாவுக்கு தேரல!