Just In
- 3 min ago பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
- 48 min ago ரூ2.11 லட்சம் செலவு செய்தது கணவன் முகத்துல இதை பார்க்க தான்! கல்யாணத்தன்று மணப்பெண் செய்த சம்பவம்!
- 1 hr ago 20ஆண்டுகள் கழித்து தன்னுடைய அடையாளத்தை மாற்றிய லம்போர்கினி! இந்த லோகோவோட அழகுக்கே நிறையபேரு காரை வாங்க போறாங்க
- 3 hrs ago கார் வாங்குவதிலும் ஆணுக்கு இணையாக பெண்கள்!! புள்ளி விபரம் என்ன சொல்லுது? எந்த ஊரில் அதிகம்?
Don't Miss!
- Movies சச்சின் டெண்டுல்கர் மகளுக்கே அல்லு அர்ஜுனை புடிச்சிருக்கே.. மெழுகு சிலை போட்டோவுடன் வெளியான போஸ்ட்!
- Technology அம்மா வாங்க.. ஐயா வாங்க! கிட்டத்தட்ட பாதி விலை டிஸ்கவுண்ட்.. Amazon-ல் கூவிக்கூவி விற்கப்படும் ஐந்து 4K TVகள்!
- Education தமிழக வேளாண் துறையில் காத்திருக்கும் வேலை...!
- News ஜெகத்ரட்சகன் சொத்து மதிப்பு எவ்வளவு ? கடன் மட்டும் ரூ.649 கோடி.. சொந்தமாக ஒரு கார் கூட இல்லை
- Lifestyle இந்த 5 ராசிகளில் பிறந்த பெண்கள் வீட்டையும், நாட்டையும் ஆள்வதற்கு பிறந்தவர்களாம்... உங்க ராசி இதுல இருக்கா?
- Finance தங்கம் விலை இமாலய உச்சத்தை தொட்டது.. சென்னை, கோவை, மதுரையில் இன்று என்ன விலை..!!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
56 ரூபாய்க்காக டோல்கேட்டில் சாமியாடிய முக்கிய அமைச்சரின் மனைவி... வைரலாகும் அதிர்ச்சி வீடியோ...
அமைச்சரின் மனைவி ஒருவர் 56 ரூபாய்க்காக டோல்கேட்டில் சாமியாடியுள்ளார். அதிர்ச்சிகரமான இந்த வீடியோ சமூக வலை தளங்களில் வைரலாக பரவி வருகிறது.
தேசிய நெடுஞ்சாலைகளில் அமைக்கப்பட்டுள்ள டோல்கேட்களில் விதிமுறைகளை மீறி கட்டண கொள்ளை அரங்கேற்றப்படுவதாக பல்வேறு புகார்கள் மிக நீண்ட காலமாக உள்ளன. இருந்தபோதும் சாமானிய மக்கள் வேண்டா வெறுப்பாக கட்டணம் செலுத்தி கொண்டுதான் உள்ளனர்.
ஆனால் ஒரு சில அரசியல்வாதிகள் மட்டும், சுங்க கட்டணம் செலுத்த மறுத்து, டோல்கேட் ஊழியர்களுடன் வாக்குவாதங்களில் ஈடுபடும் சம்பவங்கள் சமீப காலமாக அதிகரித்து கொண்டே வருகின்றன. அதே பாணியில் தற்போது நடைபெற்றுள்ள ஒரு சம்பவம் பெரும் பரபரப்பை ஏற்படுத்தியுள்ளது.
கட்டணம் செலுத்துமாறு கூறிய டோல்கேட் ஊழியர்களை, அரசியல்வாதிகளும், அவரது பாதுகாவலர்களும் ஆயுதங்களை காட்டி மிரட்டிய சம்பவங்கள் கடந்த காலங்களில் நடந்ததுண்டு. ஆனால் டோல்கேட்களில் சிசிடிவி கேமராக்கள் பொருத்தப்பட்டிருக்கும் என்பதை அவர்கள் மறந்து விடுகின்றனர் போல.
இதன்மூலமாக டோல்கேட்களில் வன்முறையில் ஈடுபடும் அரசியல்வாதிகளின் வீடியோக்கள் சமூக வலை தளங்களில் வெளியாகி வைரலாக பரவி விடுகின்றன. இந்த வரிசையில் தற்போது, அமைச்சர் மனைவி ஒருவரின் வீடியோ சமூக வலை தளங்களில் வைரலாக பரவி வருகிறது.
ஆந்திர பிரதேச மாநிலத்தில், முதல்வர் சந்திரபாபு நாயுடு தலைமையிலான தெலுங்கு தேசம் கட்சியின் ஆட்சி நடைபெற்று கொண்டுள்ளது. சந்திரபாபு நாயுடு மந்திரி சபையில், சிவில் சப்ளை அமைச்சராக இருப்பவர் பிரதிபட்டி புல்லா ராவ். இவரது மனைவி வெங்கட குமாரி.
வெங்கட குமாரியும் அரசியல்வாதிதான். ஆந்திராவை ஆளும் தெலுங்கு தேசம் கட்சியில் மிகவும் ஆக்டிவ் ஆக அவர் பணியாற்றி கொண்டுள்ளார். இந்த சூழலில் வெங்கட குமாரி சமீபத்தில், ஐதராபாத்தில் இருந்து குண்டூர் நோக்கி சென்று கொண்டிருந்தார்.
தனது பர்சனல் டொயோட்டா பார்ச்சூனர் காரில், வெங்கட குமாரி பயணம் செய்தார். அப்போது வழியில் இருந்த மடுகுலப்பள்ளி டோல்கேட்டில் அவர் தடுத்து நிறுத்தப்பட்டார். அப்போது சுங்க கட்டணம் செலுத்த வேண்டும் என டோல்கேட் ஊழியர்கள் கூறியுள்ளனர்.
ஆனால் வெங்கட குமாரி அதற்கு மறுத்தார். இருந்தபோதும் சுங்க கட்டணம் செலுத்தாமல் டோல்கேட்டை கடந்து செல்ல அனுமதிக்க முடியாது என ஊழியர்கள் திட்டவட்டமாக கூறி விட்டனர். அவர் செலுத்த வேண்டிய கட்டணம் 56 ரூபாய்.
ஆனால் வெங்கட குமாரி அதனை செலுத்த மறுத்ததால், அவருக்கும், டோல்கேட் ஊழியர்களுக்கும் இடையே கடும் வாக்குவாதம் உண்டானது. அப்போது ஒரு ஊழியர், கட்டணம் செலுத்தாமல் நிச்சயமாக இங்கிருந்து கடந்து செல்ல முடியாது என திட்டவட்டமாக வெங்கட குமாரியிடம் கூறினார்.
அத்துடன் அமைச்சரின் மனைவி பயணித்த டொயோட்டா பார்ச்சூனர் காரில் ஒட்டப்பட்டிருந்த எம்எல்ஏ ஸ்டிக்கரின் 'வேலிடிட்டி' குறித்தும் அவர் கேள்வி எழுப்பினார். டோல்கேட் ஊழியரின் கருத்துப்படி, அந்த எம்எல்ஏ ஸ்டிக்கரின் வேலிடிட்டி கடந்த 2018ம் ஆண்டு டிசம்பர் மாதமே காலாவதியாகி விட்டது.
இந்தியாவின் பெரும்பாலான மாநிலங்களில், டோல்கேட் கட்டணம் செலுத்துவதில் இருந்து எம்எல்ஏக்களுக்கு விதிவிலக்கு அளிக்கப்படுகிறது என்பது உண்மையே. ஆனால் சம்பந்தப்பட்ட எம்எல்ஏ அந்த காரில் பயணம் செய்ய வேண்டும். அப்போதுதான் டோல்கேட் கட்டணம் செலுத்துவதில் இருந்து விதிவிலக்கு பெற முடியும்.
அத்துடன் இந்த விதிவிலக்கு எம்எல்ஏவின் அதிகாரப்பூர்வ வாகனத்திற்கு மட்டுமே பொருந்தும். பயணம் செய்யும் நபரின் அந்தஸ்தை விளக்கும் வகையிலான ஸ்டிக்கர்/முத்திரையை இந்த வாகனங்கள் தாங்கியிருக்கும் என்பது குறிப்பிடத்தக்கது.
இதனிடையே டோல்கேட் ஊழியர்கள் கெடுபிடி காட்டியதால், அமைச்சரின் மனைவி இறுதியாக கட்டணம் செலுத்தி விட்டதாக கூறப்படுகிறது. ஆனால் அவர் வாக்குவாதத்தில் ஈடுபட்ட காட்சிகள் வைரலாக பரவி வருகின்றன. இது தொடர்பாக வி6 நியூஸ் தெலுங்கு செய்தி வெளியிட்டுள்ளது. அதனை நீங்கள் கீழே காணலாம்.
இந்த சம்பவம் பெரும் பரபரப்பை ஏற்படுத்தியதால், ''அமைச்சரின் மனைவி வெங்கட குமாரி, குண்டூரில் செய்தியாளர்களை சந்தித்தார். அப்போது அவர் கூறுகையில், ஆந்திர பிரதேசத்தில் தேர்தல் முடிவுகள் இன்னும் அறிவிக்கப்படவில்லை.
எனது கணவர் இன்னமும் அமைச்சர் மற்றும் எம்எல்ஏவாகதான் உள்ளார். அப்படி இருக்கையில் டோல்கேட் ஊழியர்கள் எப்படி அவரது காருக்கு தடை உண்டாக்க முடியும்?'' என்றார். ஆந்திராவில் நாடாளுமன்ற தேர்தலுடன் சேர்த்து சட்டமன்ற தேர்தலும் நடந்து முடிந்துள்ளது குறிப்பிடத்தக்கது.