Just In
- 19 min ago 20கிலோ அரிசி மூட்டையை 4ஏத்திகிட்டு நீங்களும் அமர்ந்து போகலாம்! டெலிவரி சேவைக்கான சூப்பரான இ-சைக்கிள் அறிமுகம்!
- 2 hrs ago குடும்பத்தோட போகலாம்னு சொல்றாங்களே இந்த கார் பாதுகாப்பானதா இருக்குமா? மோதல் ஆய்வுல வச்சு செஞ்சிருக்காங்க!
- 2 hrs ago வெறும் 1 ஸ்டார் ரேட்டிங்கை பெற்ற மஹிந்திரா கார்! இந்த காருக்கா இப்படி ஒரு நிலைமை?
- 3 hrs ago பிரம்மாண்டத்துக்கு மறுபெயர் இதுதான்!! ஏர் இந்தியாவில் இனி இப்படியொரு பிளைட்டில் போக முடியாது!
Don't Miss!
- Finance எம்.எஸ்.தோனி-யை திட்டம் போட்டு தூக்கிய Citreon..!
- Sports தோனிக்கு ஒரு பந்துதான்.. சோலியை முடித்த துபே - ருது.. சிஎஸ்கே பேட்டிங்கை கண்டு கலங்கிய லக்னோ
- News ‛‛முஸ்லிம் முதல் தாலி வரை’’.. திடீரென பிரசார யுக்தியை மாற்றிய பிரதமர் மோடி.. பின்னணியில் 2 காரணம்
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Lifestyle மணமணக்கும்.. ருசியான... கையேந்தி பவன் பரோட்டா சால்னாவை எப்படி செய்யணும் தெரியுமா?
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
விமானியை விட, துணை விமானி வேலை ரொம்ப கஷ்டம் போலயே!! பணிப்பெண்களிடம் பேசுவதில் இருந்து எல்லாம் அவர்தான்...
விமானங்களை பற்றிய சுவாரஸ்யமான சம்பவங்கள் எப்போதும் நமக்கு ஆர்வத்தை தரவல்லவை. இதனாலேயே விமானத்தை பற்றியும், அதனை சுற்றியும் நடக்கும் பல்வேறு விதமான விஷயங்களை இதற்குமுன் பார்த்துள்ளோம்.
விமானம் என்றாலே முதலாவதாக நமக்கு நினைவிற்கு வருவது, அதன் பயண சூழல் தான். சராசரியாக, விமானங்கள் ஒவ்வொன்றும் 30,000 அடியில் இருந்து 40,000 அடி வரையிலான உயரத்திற்கு பறக்கின்றன. இவ்வளவு அடி உயரத்தில், நூற்றுக்கணக்கான பயணிகளுடன் விமானத்தை இயக்குவதற்கு நிச்சயம் அதிக திறன்கள் வேண்டும்.
அதனால் தான் விமான ஓட்டியை கேப்டன் என அழைக்கிறார்கள். அவ்வளவு அடி உயரத்தில் பறப்பது கூட பரவாயில்லை, அதனை காட்டிலும் டேக்-ஆஃப் மற்றும் லேண்டிங் தான் சிரமமான காரியமாகும். அதற்கு தான் விமானிகளுக்கு கூடுதலாக பயிற்சிகள் கற்பிக்கப்படும். இவ்வாறு விமானத்தை இயக்குவது என்றால் விமானி மட்டும் தான் நம் நினைவிற்கு வருகிறார்.
ஆனால் உண்மையில், 'ஃபர்ஸ்ட் ஆபிசர்' (First Officer) எனப்படும் துணை விமானியை பற்றி பெரும்பாலானோர் சிந்திப்பதே இல்லை. முதன்மை விமானிக்கு இணையாக துணை விமானியின் பணியும் சிரமமானது மற்றும் பயணத்தின்போது அதீத முக்கியமானது ஆகும். அத்தகைய ஃபர்ஸ்ட் ஆபிசர் விமானத்தில் என்னென்ன பணிகளை கவனித்து கொள்வார் என்பதை இனி பார்க்கலாம்.
துணை விமானி என்றதும் அவர் விமானிக்கு தேவையான உதவிகளை செய்து கொடுக்கும் எடுபுடி என்று நினைத்துவிட வேண்டும். ஏனெனில் விமானத்தின் காக்பிட் பகுதியில் விமானிக்கு வலதுபுறத்தில் அமரும் துணை விமானி என்பவர் உதவி விமானி அல்ல. அவராலும் விமானத்தை இயக்க முடியும். ஆதலால் அவரை துணை விமானி என்று அழைப்பது கூட சரியாக இருக்காது என்றே நினைக்கிறேன்.
விமானி எந்த அளவிற்கு பயிற்சி பெற்றிருப்பரோ அந்த அளவிற்கு ஃபர்ஸ்ட் ஆபிசரும் பயிற்சி பெற்றிருப்பார். நூற்றுக்கணக்கான பயணிகள் மற்றும் விஐபிகளை கொண்டு செல்லும் விமானத்தை ஒரேயொருவரை நம்பி கொடுக்க இயலாது என்பதற்காகவே ஃபர்ஸ்ட் ஆபிசரும் பணியமர்த்தப்படுகிறார். விமானியும், ஃபர்ஸ்ட் ஆபிசரும் அவர்களது அனுபவத்தில் தான் வேறுப்படுகின்றனர்.
அதாவது பொதுவாக, விமானி விமானங்களை இயக்குவதில் அனுபவம் மிக்கவராக இருப்பார். ஃபர்ஸ்ட் ஆபிசர் சற்று அனுபவம் குறைந்தவராக இருப்பார், அவ்வளவுதான். ஃபர்ஸ்ட் ஆபிசரின் முதன்மையான பணி என்று பார்த்தால், இயங்குவதற்கு விமானத்தை தயார்படுத்துவதில் விமானிக்கு உதவி செய்தல் ஆகும். அத்துடன், பயணத்தின்போது விமானத்தின் இயக்கத்தில் ஏதேனும் வித்தியாசமோ அல்லது வேறுப்பாடோ தெரிந்தால் அதனை உடனடியாக விமானிக்கு தெரியப்படுத்துதலும் ஆகும்.
பயணத்திற்கு முன்பாக செல்லவுள்ள பகுதிகளில் காலநிலை எவ்வாறு உள்ளது, விமானத்தின் பாதுகாப்பு அம்சங்கள் மற்றும் ஆப்ரேட்டிங் சிஸ்டங்கள் முறையாக இயங்குகின்றனவா என்பதை உறுதிப்படுத்தி கொள்வதும் ஃபர்ஸ்ட் ஆபிசரின் பணி ஆகும். ஏற்கனவே கூறியதுதான், விமானத்தை இயக்குவதில் டேக்-ஆஃப்பும், லேண்டிங்கும் தான் சற்று சிரமமானது.
அத்தகைய சமயங்களில் விமானிக்கு உதவுவதை ஃபர்ஸ்ட் ஆபிசர் தலையாய கடமையாக கொண்டுள்ளார். மேலும், பயணத்தின்போது விமானி ஓய்வெடுக்கும் சமயத்தில் அவரது பணியையும் ஃபர்ஸ்ட் ஆபிசர் தான் கவனித்து கொள்வார். இவ்வாறு விமானம் தொடர்ந்து பாதுகாப்பாகவும், செல்ல வேண்டிய இடத்திற்கு எந்தவொரு இடையூறும் இன்றி செல்வதையும் பேணுவதில் ஃபர்ஸ்ட் ஆபிசரின் பங்கு இன்றியமையாததாக உள்ளது.
பேருந்து, இரயில்களை போல சுமைகளை விமானங்களில் எங்கு வேண்டுமானாலும் வைத்து செல்ல இயலாது. ஆதலால் விமானத்தின் எடையை சமச்சீர் படுத்துவதும் ஃபர்ஸ்ட் ஆபிசரின் பணி ஆகும். எடை மட்டுமின்றி, எரிபொருளின் அளவை மேற்பார்வை செய்வது, விமானம் ஓய்வு நிலையில் இருக்கும்போது க்ரவுண்ட் பவர் யூனிட்டை மேற்பார்வை செய்வது மற்றும் விமான ஊழியர்களின் சேவைகளை மேற்பார்வை செய்வதும் ஃபர்ஸ்ட் ஆபிசர் தான்.
ஆதலால் பயணத்தின்போது பெரும்பாலும் விமான பணியாளர்கள் உடன் பேசுவது ஃபர்ஸ்ட் ஆபிசரே. விமானத்தில் இருக்கும் பணி குழுவுடன் மட்டுமின்றி, டேக்-ஆஃப் மற்றும் லேண்டிங்கின் போது ஏர் டிராஃபிக் கண்ட்ரோல் யூனிட்டை தொடர்புக்கொண்டு பேசுவதும் இவரே ஆகும். இவற்றுடன் விமானத்தின் லாக் புக் எனப்படும் தரவு புத்தகத்திலும் தொடர்ச்சியாக தகவல்களை உள்ளீடு செய்து அப்டேட் செய்வதும் ஃபர்ஸ்ட் ஆபிசரின் பணியே.
-
ஹீரோ ஸ்பிளெண்டர் பைக்கிற்கு டிமாண்ட் அதிகமாகிட்டே போகுது!! இந்தியாவின் தேசிய பைக் என சொல்லலாம்!
-
கலாநிதி மாறன் மகள் காவ்யா வைத்திருக்கும் இந்த காரோட விலை 12கோடியா! ஒற்றை குடும்பத்திடம் மட்டும் இவ்ளோ கார்களா!
-
7 பேர் வரை ஒன்னா போகலாம்! 26 கி.மீ மைலேஜூம் தரும் ஆனா இந்த எர்டிகா கார் பத்தி இது யாருக்கும் தெரியாது!