Just In
- 51 min ago இது கார் இல்ல மிதக்கும் கப்பல்!! புதுசா வாங்கியிருக்கும் இந்த நடிகர் யாரென்று தெரிகிறதா?
- 1 hr ago கார்ல போகும் போது அதிக சத்தமாக பாட்டு கேட்டா இப்படி ஒரு பிரச்சனைவருமா? இது பலருக்கும் தெரியாத விஷயமா இருக்கு
- 1 hr ago இந்த காரை எத்தன பேரு தங்களுக்கு பிடிச்சவங்களுக்கு பரிசா கொடுக்க போறாங்களோ! அஸ்டன் மார்ட்டின் வேன்டேஜ் அறிமுகம்
- 2 hrs ago வெள்ளை நிற ஹெட்லைட் போட்ட வண்டிகளுக்கு எல்லாம் அபராதம் போட போறாங்க! அரசு வெளியிட்ட அதிரடி உத்தரவு!
Don't Miss!
- News காத்திருக்கும் ஆபத்து..ரோட்டுக்கே வந்த ஆர்பி உதயகுமார்! அரெஸ்ட் பண்ணிட்டாங்களாமே! என்ன பிரச்சினை?
- Finance சுட்டெரிக்கும் சூரியன்.. உங்க பர்ஸையும் சுடுகிறது..!! ஆர்பிஐ வெளியிட்ட முக்கிய தகவல்..!!
- Technology புதிய கட்டணம்.. அம்பானி போட்ட புது குண்டு.. ஏப்.25 முதல் JioCinema ஆப் முழுசா FREE-ஆ கிடைக்காது!
- Movies என்னது ப்ளூ சட்டை மாறன் ஒரு அரைவேக்காடா?.. பிரபலம் என்ன பொசுக்குனு இப்படி சொல்லிட்டாரு
- Lifestyle Constipation: மலச்சிக்கல் பிரச்சனையில் இருந்து உடனே விடுபடணுமா? இந்த பானங்களை தினமும் குடிங்க..
- Sports IPL 2024: வெட்கத்தை விட்டு சொல்றேன்.. சிஎஸ்கே அணியால் இதை கூட செய்ய முடியலை.. புலம்பிய பிளெம்மிங்
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
கைவரிசை காட்டிய ஹை-டெக் கொள்ளையர்கள்... கௌதம் கம்பீர் தந்தையின் கார் திருட்டு... எப்படினு தெரியுமா?
கௌதம் கம்பீர் தந்தையின் கார் திருடப்பட்ட சம்பவம் பெரும் அதிர்ச்சியை ஏற்படுத்தியுள்ளது. இதுகுறித்த தகவல்களை இந்த செய்தியில் பார்க்கலாம்.
இந்தியாவின் பல்வேறு பகுதிகளில் வாகன திருட்டு சம்பவங்கள் மிக அதிகளவில் நடந்து வருகின்றன. வாகன உரிமையாளர்கள் என்னதான் கவனமாக இருந்தாலும் கூட, சில சமயங்களில் திருட்டு சம்பவங்களை தடுக்க முடிவதில்லை. ஒரு சில கொள்ளையர்கள் கை தேர்ந்தவர்களாக இருப்பதே இதற்கு காரணம். இந்த சூழலில், கார் உரிமையாளர்களை அதிர்ச்சியில் ஆழ்த்தும் வகையிலான ஒரு சம்பவம் தற்போது நடந்துள்ளது.
கடந்த ஒரு சில ஆண்டுகளுக்கு முன்பு வரையில் இந்திய கிரிக்கெட் அணியின் நட்சத்திர வீரர்களில் ஒருவராக வலம் வந்தவர் கம்பீர். தற்போது கிரிக்கெட்டிற்கு குட்பை சொல்லி விட்ட கம்பீர், தீவிர அரசியல்வாதியாக மாறி விட்டார். பாரதிய ஜனதா கட்சியின் எம்பியாக இருந்து வரும் கம்பீர், தற்போது முழுக்க முழுக்க அரசியலில்தான் தீவிர கவனம் செலுத்தி வருகிறார்.
MOST READ: பருவமழை கொட்டபோகுது... வண்டி மேல கொஞ்சம் அக்கறை காட்டுங்க... என்ன பண்ணனும்னு தெரியுமா?
தற்போது கௌதம் கம்பீரின் தந்தைக்கு சொந்தமான டொயோட்டா பார்ச்சூனர் (Toyota Fortuner) காரை மர்ம நபர்கள் கொள்ளையடித்து சென்றுள்ளனர். அவர்களின் வீட்டில் இருந்து நேற்று (மே 28ம் தேதி), இந்த கார் கொள்ளையடிக்கப்பட்டுள்ளது. அதிகாலை நேரத்தில் நடைபெற்றுள்ள இந்த சம்பவம் பரபரப்பை ஏற்படுத்தியுள்ளது.
ஆனால் அங்கிருந்த சிசிடிவி கேமராவில் டொயோட்டா பார்ச்சூனர் காரை கொள்ளையர்கள் திருடி செல்லும் காட்சிகள் பதிவாகியுள்ளன. மத்திய டெல்லி பகுதியில் உள்ள ராஜேந்தர் நகர் பகுதியில் இந்த சம்பவம் நடைபெற்றுள்ளது. தற்போது சிசிடிவி காட்சிகளை கைப்பற்றி விசாரணை நடத்தி வருவதாக டெல்லி போலீசார் தெரிவித்துள்ளனர்.
கொள்ளையடிக்கப்பட்ட டொயோட்டா பார்ச்சூனர் எஸ்யூவி கார், கௌதம் கம்பீரின் தந்தை தீபக் கம்பீருக்கு சொந்தமானது ஆகும். அவரது வீட்டிற்கு முன்னால் நிறுத்தப்பட்டிருந்த காரை, அதிகாலை 3 மணியளவில் கொள்ளையர்கள் திருடி சென்றுள்ளனர். நேற்று காலை விடிந்த பின்னர் வீட்டில் இருந்து வெளியே வந்த கௌதம் கம்பீரின் குடும்பத்தினர் காரை காணாமல் அதிர்ச்சியடைந்தனர்.
இது தொடர்பாக அவர்கள் உடனடியாக போலீசில் புகார் அளித்தனர். இதன் பேரில் காவல் துறை தனிப்படை அமைத்து தீவிரமாக விசாரணை நடத்தி வருகிறது. சம்பவ இடத்தில் பதிவாகியிருந்த கை ரேகைகளை எடுப்பதற்காக, தடய அறிவியல் துறையின் உதவியை காவல் துறையினர் நாடியுள்ளனர். இச்சம்பவம் நடைபெற்ற விதம் வாகன உரிமையாளர்களை அதிர்ச்சியில் உறைய வைத்துள்ளது.
அலாரம் ஒலித்த நிலையிலும், கொள்ளையர்கள் வெற்றிகரமாக அதனை நிறுத்தி விட்டனர். கொள்ளையர்கள் வேறொரு காரில் வந்துள்ளனர். இந்த காரைதான் திருட போகிறோம் என்பதை முன்கூட்டியே திட்டமிட்ட பின் அவர்கள் களத்தில் இறங்கியுள்ளனர். எனவே காரை திருடுவதற்கு அவர்கள் அதிக நேரம் எடுத்து கொள்ளவில்லை.
சிசிடிவி வீடியோவை வைத்து பார்க்கையில் சுமார் 4-5 நிமிடங்களில் வேலையை முடித்து கொண்டு அவர்கள் அங்கிருந்து புறப்பட்டு விட்டனர். இது லேட்டஸ்ட் ஜென்ரேஷன் டொயோட்டா பார்ச்சூனர் கார் ஆகும். இதன் காரணமாக ஏராளமான ஆக்டிவ் மற்றும் பேஸிவ் பாதுகாப்பு வசதிகளை இந்த கார் பெற்றுள்ளது. இன்ஜின் இம்மொபலைசர் (Engine Immobiliser) வசதியையும் இந்த கார் பெற்றுள்ளது.
எனினும் கோட்களை மேட்ச் செய்யவும், காரை ஸ்டார்ட் செய்யவும் கொள்ளையர்கள் ஹை-டெக் டிவைஸ்கள் சிலவற்றை திருடர்கள் பயன்படுத்துகின்றனர். அத்தகைய உபகரணங்கள் மிகவும் விலை உயர்ந்தவை. நன்கு வளர்ந்த நாடுகளில் சாவி தயாரிப்பாளர்களால் அத்தகைய உபகரணங்கள் பயன்படுத்தப்படுகின்றன. சாவியை காப்பி செய்ய மற்றொரு வழியும் உள்ளது.
சர்வீஸ் ஸ்டேஷன் அல்லது அதுபோன்ற வேறு ஏதேனும் இடத்திற்கு செல்லும்போது சாவியை கொடுக்கும்படி கார் உரிமையாளர் கேட்டு கொள்ளப்படுவார். இதன் மூலமாக அதிநவீன அமைப்புகளை பயன்படுத்தி சாவிகளை காப்பி செய்ய முடியும். அதன்பிறகு அலாரம் ஒலிக்காமல் காரை ஸ்டார்ட் செய்யவும் பயன்படுத்தி கொள்ள முடியும்.
டீலர்ஷிப்கள் மற்றும் சர்வீஸ் சென்டர்களில் தெரிந்த ஆட்களை வைத்துள்ள திருடர்கள் சிலர் முறைகேடான ஆவணங்களை கொடுத்து, வாகனங்களின் டூப்ளிகேட் சாவிகளுக்கு ஆர்டர் செய்கின்றனர். இந்த டூப்ளிகேட் சாவிகளை பயன்படுத்தி காரை ஸ்டார்ட் செய்ய முடியும் என்பது குறிப்பிடத்தக்கது. எனவே கார் உரிமையாளர்கள் எச்சரிக்கையாக இருப்பதுதான் நல்லது.
நீங்கள் டிராக்கிங் டிவைஸ்களை பயன்படுத்தினால் இத்தகைய கொள்ளையர்களிடம் இருந்து உங்கள் காரை மீட்டு விடுவதற்கான வாய்ப்புகள் உள்ளன. அவற்றின் விலையும் மிகவும் அதிகம் இல்லை என்பதால், கார் வைத்திருப்பவர்கள் முன்எச்சரிக்கையாக டிராக்கிங் டிவைஸ்களை பயன்படுத்தலாம். குறிப்பாக விலை உயர்ந்த கார்களை வைத்திருப்பவர்கள் இதனை பரிசீலிக்கலாம்.
-
கேரளா கேரளாதான்யா! 100 வயசு கார் டிரைவரை பார்த்து மிரண்டு நிற்கும் மக்கள்! காருக்கே 50 வயசு ஆச்சுங்க!
-
தல தோனிக்கு 7கோடி ரூபாயும் கொடுத்து, முக்கிய பொறுப்பையும் கொடுத்த பிரெஞ்சு கார் நிறுவனம்..
-
40அடி நீள சொகுசு படகை வாங்கினாரா நடிகர் மாதவன்! ஒட்டுமொத்த இந்தியாவையும் ஆச்சரியத்துல மூழ்க வச்சுட்டாரு!