Just In
- 4 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 4 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 5 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 7 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
பைலட்களின் தோள்பட்டையில் உள்ள மஞ்சள் கோடுகள் எதை குறிக்கிறது தெரியுமா? இவ்ளோ நாளா தெரியாம போச்சே...
விமான பைலட்களின் தோள்பட்டையில் உள்ள கோடுகளுக்கு என்ன அர்த்தம்? என்பதை இந்த செய்தியில் விரிவாக பார்க்கலாம்.
விமான பைலட்களின் சீருடையை உன்னிப்பாக கவனித்துள்ளீர்களா? அப்படியானால் அவர்களுடைய தோள்பட்டையில் மஞ்சள் நிற கோடுகள் இருப்பதை நீங்கள் பார்த்திருக்கலாம். ஒரு சில பைலட்களின் தோள்பட்டையில் ஒரு கோடும், ஒரு சில பைலட்களின் தோள்பட்டையில் இரண்டு கோடுகளும் என கோடுகளின் எண்ணிக்கை மாறுபடும்.
பைலட்களின் தோள்பட்டையில் ஒன்றில் இருந்து அதிகபட்சமாக நான்கு கோடுகள் வரை இருக்கும். கோடுகள் இல்லாமாலோ அல்லது ஐந்து, ஆறு போன்ற எண்ணிக்கையிலோ கோடுகள் இருக்காது. இந்த மஞ்சள் நிற கோடுகள், வணிக ரீதியிலான விமானங்களை இயக்கும் பைலட்களின் தகுதி மற்றும் அவர்களுடைய அனுபவத்தை எடுத்துக்காட்டுகிறது.
அதாவது பயிற்சி காலத்தின் கீழ் உள்ள பைலட்களின் தோள்பட்டையில் ஒரே ஒரு மஞ்சள் நிற கோடு மட்டும் இருக்கும். சில சமயங்களில் விமான உதவியாளர்களும் இந்த சின்னத்தை அணிந்திருப்பதை பார்க்கலாம். அதே சமயம் தோள்பட்டையில் இரண்டு கோடுகள் இருந்தால், அவர்கள் விமான பொறியாளர்கள் அல்லது இரண்டாம் அலுவலர்களாக இருப்பார்கள். இவர்களுக்கு விமானத்தை இயக்குவதற்கான தகுதி உண்டு.
அதே சமயம் தோள்பட்டையில் மூன்று கோடுகள் இருந்தால், அது கோ-பைலட்களை குறிக்கும். விமானத்தில் கட்டளைகளை பிறப்பிப்பதில், இரண்டாவது இடத்தில் உள்ளவர்கள் இவர்கள்தான். விமான பயணங்களில், கேப்டன்களுக்கு அனைத்து விதங்களிலும் உதவி செய்யக்கூடியவர்களாக கோ-பைலட்கள் இருந்து வருகின்றனர்.
அதே நேரத்தில் தோள்பட்டையில் நான்கு கோடுகள் இருந்தால், அது விமானங்களின் கேப்டனை குறிக்கும். விமானங்களில் மிகவும் முதன்மை நிலையில் இருப்பது கேப்டன்கள்தான். விமானங்களின் இயக்கம், பாதுகாப்பு என கேப்டன்களுக்கு மிகவும் முக்கியமான பொறுப்புகள் உள்ளன. இனி பைலட்களின் தோள்பட்டை கோடுகள் மூலம் அவர்களின் தகுதியை கண்டறிந்து விடுவீர்கள் என நம்புகிறோம்.
இந்த செய்தியின் தொடக்கத்தில் பைலட்களின் தோள்பட்டையில் மஞ்சள் நிற கோடுகள் இருக்கும் என்று கூறியிருந்தோம் அல்லவா? இது பொதுவாக பயன்படுத்தப்பட்டு வரும் நிறமாகும். ஆனால் பைலட்களின் தோள்பட்டையில் உள்ள கோடுகள் எந்த வண்ணத்தில் இருக்க வேண்டும்? என்பதை முடிவு செய்யும் சுதந்திரம் விமான நிறுவனங்களுக்கு உள்ளது.
அதேபோல் இந்த கோடுகள் எந்த டிசைனில் இருக்கலாம்? என்பதையும் விமான நிறுவனங்களே சுதந்திரமாக முடிவு செய்யலாம். பைலட்களின் சீருடைகளுக்கு எது பேன்ஸியாக பொருந்துகிறதோ, அதனை விமான நிறுவனங்கள் தேர்வு செய்கின்றன. எனவே மஞ்சள் என்பது பொதுவாக பயன்படுத்தப்பட்டு வரும் ஒரு வண்ணம்தான்.
பைலட்களின் தோள்பட்டையில் மஞ்சள் தவிர்த்து, வெள்ளை நிற கோடுகளையும் நீங்கள் காண முடியும். இந்த வண்ணங்கள் விமான நிறுவனங்களை பொறுத்து மாறுபட்டாலும், கோடுகள் குறிக்கும் அடிப்படை அர்த்தம் ஒன்றுதான். இந்த தகவல் உங்களுக்கு பயனுள்ளதாக இருந்தால், உங்கள் நண்பர்களுக்கும் பகிருங்கள்.