Just In
- 3 hrs ago அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- 4 hrs ago இந்தியாவிலேயே இப்படி ஒரு இடம் கிடையாது! 15 மாடி கார் பார்க்கிங் ரெடி!
- 6 hrs ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 12 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
Don't Miss!
- News சனாதன ஒழிப்பு, மத வெறுப்பு, கோயில்கள் இடிப்பு வேண்டாமே! முதல்வர் ஸ்டாலினுக்கு இந்து முன்னணி கோரிக்கை
- Lifestyle திருப்பதிக்கு செல்லும் பக்தர்களுக்கு ஹப்பி நியூஸ்.. ஐஆர்சிடிசி அறிவித்த டூர் பேக்கேஜ்.. இதோ முழு விவரம்..!
- Movies மொத்தத்துக்கும் வேட்டு வைத்த டாப் நடிகர்.. தலைகாட்ட முடியாமல் தவிக்கும் டைரக்டர்.. ரொம்ப பாவம்!
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
அறிவிப்பு வந்ததும் நடுங்கும் பயணிகள்... தரையிறங்குவதற்கு முன் விமானம் வானில் வட்டமடிப்பதற்கு காரணம் இதுதான்...
சில சமயங்களில் தரையிறங்குவதற்கு முன்னர் விமானங்கள் ஏன் வானில் வட்டமடிக்கின்றன? என்பதற்கான காரணங்களை இந்த செய்தியில் வழங்கியுள்ளோம்.
வானில் பறக்கும் விமானங்கள் என்றால், இன்னமும் கூட பலருக்கும் ஆச்சரியம்தான். அந்த விமானங்களை பற்றிய பல்வேறு சுவாரஸ்யமான தகவல்களை, டிரைவ்ஸ்பார்க் தமிழ் தளம் வாசகர்களுக்கு தொடர்ந்து வழங்கி வருகிறது. இதன் மூலம் விமானங்கள் குறித்து வாசகர்களுக்கு இருக்கும் பல்வேறு சந்தேகங்கள் நிவர்த்தி செய்யப்படுகின்றன.
இந்த வரிசையில் சில சமயங்களில் தரையிறங்குவதற்கு முன்பாக விமானங்கள் வானில் வட்டமடிப்பது ஏன்? என்பதற்கான காரணங்களை இந்த செய்தியில் வழங்கியுள்ளோம். சில சமயங்களில் நீங்கள் பயணிக்கும் விமானம் அடுத்த 10 நிமிடங்களில் தரையிறங்க இருக்கும். எனவே நீங்களும் புறப்படுவதற்கு தயாராகியிருப்பீர்கள்.
ஆனால் அப்போது திடீரென விமானம் தரையிறங்குவதில் தாமதம் ஏற்படலாம் என்பது குறித்த அறிவிப்பு கேப்டனிடம் இருந்து வரும். அதன்பின்பு விமான நிலையத்திற்கு மேலாக விமானம் வானில் வட்டமடிக்க தொடங்கும். அடிக்கடி விமான பயணங்களை மேற்கொள்பவர்களுக்கு இதற்கான காரணங்கள் நன்றாக தெரிந்திருப்பதற்கான வாய்ப்புகள் உள்ளன.
எனினும் முதல் முறையாக பயணம் செய்பவர்களுக்கு இந்த நிகழ்வுகள் ஒருவிதமான பதற்றத்தை ஏற்படுத்தி விடும். விமானம் ஏன் தரையிறங்காமல் வானில் வட்டமடித்து கொண்டிருக்கிறது? விமானத்தில் ஏதேனும் பிரச்னையா? பாதுகாப்பாக தரையிறங்கி விடுவோமா? என்பது போன்ற பல்வேறு சந்தேகங்கள் அவர்களுடைய மனதில் அப்போது எழும்.
ஆனால் இதில் பயப்படுவதற்கு ஒன்றுமில்லை என்பதுதான் உண்மை. இது வழக்கமான ஒரு நடைமுறைதான். தரையிறங்குவதற்கு முன்னால் விமானம் வானில் வட்டமடிப்பதற்கு பல்வேறு காரணங்கள் இருக்கின்றன. உதாரணத்திற்கு, விமான ஓடுபாதையில் விபத்தை ஏற்படுத்தக்கூடிய ஏதேனும் ஒரு பொருளோ அல்லது விலங்கோ இருக்கலாம்.
இதுபோன்ற சூழல்களில் விமான போக்குவரத்து கட்டுப்பாட்டு மைய அதிகாரிகள், விமானத்தை சிறிது நேரம் வானில் வட்டமடிக்கும்படி உத்தரவு பிறப்பித்து விட்டு, விமானத்தை பாதுகாப்பாக தரையிறக்குவதற்கான நடவடிக்கைகளில் ஈடுபடுவார்கள். இதுதவிர பக்கவாட்டு பகுதியில் காற்று பலமாக வீசினாலும், விமானம் வானில் சிறிது நேரம் வட்டமடிக்கும் சூழல் ஏற்படும்.
மேலும் வேறு ஏதேனும் ஒரு விமானம் மிகவும் அவசரமாக தரையிறங்க வேண்டிய சூழல் ஏற்பட்டால், விமான நிலையம் தற்காலிகமாக மூடப்படும். இதன் காரணமாகவும் உங்கள் விமானம் தரையிறங்குவதில் தாமதம் ஏற்படலாம். எனவே தரையிறங்குவதற்கு முன்னால் விமானம் வானில் வட்டமடித்தால் நீங்கள் பயப்பட வேண்டியதில்லை.
எனினும் தரையிறங்க தயாராகி இருக்கும் சூழலில், விமானம் மீண்டும் உயர பறந்து வானில் வட்டமடிக்கும் நிகழ்வுகளால் பயணிகள் அச்சமும், கவலையும் கொள்கின்றனர். இதுபோன்ற சமயங்களில், நிலைமை முழுக்க முழுக்க கட்டுப்பாட்டிற்குள்தான் இருக்கும் என்பதை விமான பயணிகள் மனதில் வைத்து கொண்டால் வீண் மன உளைச்சலை தவிர்க்கலாம்.
குறிப்பாக மிகவும் பரபரப்பாக இயங்கும் பிஸியான விமான நிலையங்களில் தரையிறங்குவதற்கு முன்னர் வானில் வட்டமடிக்கும் சூழலை பல்வேறு விமானங்கள் எதிர்கொள்ள வேண்டியிருக்கும். சில நிமிடங்கள் முன்கூட்டியே வந்து விட்டாலோ அல்லது சில நிமிடங்கள் தாமதமாக வந்தாலோ இத்தகைய சூழல் உருவாகும்.
அதாவது எத்தனை மணிக்கு விமான நிலையத்திற்கு வர வேண்டும்? என்ற துல்லியமான நேரத்தை விமான நிலையங்கள் சில சமயங்களில் முன்கூட்டியே பைலட்களுக்கு தெரிவித்து விடும். அந்த நேரத்தில் இன்னும் பல்வேறு விமானங்கள் அங்கு தரையிறங்குவதற்கு திட்டமிடப்பட்டிருக்கும். எனவே சில நிமிடங்கள் முன்கூட்டியோ அல்லது தாமதமாக வந்தாலோ குழப்பம் ஏற்படும்.
இதுபோன்று நடக்கும்பட்சத்தில், உங்கள் விமானம் உடனடியாக தரையிறங்குவதற்கு பதிலாக, வானில் சிறிது நேரம் வட்டமடிக்கும். ஒரு விமானம் என்ன வேகத்தில் வந்து கொண்டுள்ளது? எப்போது விமான நிலையத்தை வந்தடையும்? என்பதை, தரையில் உள்ள விமான போக்குவரத்து கட்டுப்பாட்டு மைய அதிகாரிகள் பார்ப்பதற்கான வசதிகள் உள்ளன.
இதன் மூலம் ஒரு விமானம் திட்டமிடப்பட்ட நேரத்திற்கு முன்பாகவே வந்து விடும் என்பது தெரிந்தால், அந்த விமானத்தின் பைலட்களை தொடர்பு கொண்டு வேகத்தை குறைக்கும்படி, விமான போக்குவரத்து கட்டுப்பாட்டு மைய அதிகாரிகள் தகவல் தெரிவிப்பார்கள். எனவே அந்த விமானம் திட்டமிடப்பட்ட நேரத்திற்கு விமான நிலையத்தை அடைந்து உடனடியாக தரையிறங்கும்.
ஏதேனும் குழப்பங்களால் இது நடக்காதபட்சத்தில், தரையிறங்குவதற்கு முன்பு விமானம் வானில் வட்டமடிக்க வேண்டிய சூழல் ஏற்படும். இவை எல்லாம் தவிர சில சமயங்களில் மோசமான வானிலையும் விமானம் தரையிறங்குவதில் பாதிப்பை ஏற்படுத்தும். வானிலை மிகவும் மோசமாக இருக்கும்பட்சத்தில், அருகே இருக்கும் விமான நிலையத்தில் தரையிறக்க வேண்டிய சூழலும் ஏற்படலாம் என்பது குறிப்பிடத்தக்கது.
Note: Images used are for representational purpose only.