Just In
- 18 min ago பெட்ரோல் போடுவதை போல ஹைட்ரஜனை நிரப்பிட்டா 3,000 கிமீ நிற்காம போகும்! உலக சாதனை படைத்த ரயில்!
- 1 hr ago பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
- 2 hrs ago ரூ2.11 லட்சம் செலவு செய்தது கணவன் முகத்துல இதை பார்க்க தான்! கல்யாணத்தன்று மணப்பெண் செய்த சம்பவம்!
- 2 hrs ago 20ஆண்டுகள் கழித்து தன்னுடைய அடையாளத்தை மாற்றிய லம்போர்கினி! இந்த லோகோவோட அழகுக்கே நிறையபேரு காரை வாங்க போறாங்க
Don't Miss!
- Movies மண்டைமேல இருக்க கொண்டையை மறைங்க பாஸ்.. வாரிசு நடிகையால் வந்த வினை.. அட்ஜெஸ்ட் செய்யும் இயக்குநர்?
- Finance மக்கள் அதிகம் வாங்குவதாலேயே தங்கம் விலை உயர்கிறதா..? உண்மை என்ன..?!
- News நான் கேட்டது ‘அவள்’.. கடவுள் கொடுத்தது ‘அவல்’.. சரி சாப்டுட்டு வேற வேலையை பார்ப்போம்!
- Sports மும்பை பாணியில் கம்பீர் எடுத்த முடிவு.. 16 வயது சிறுவனை ஒப்பந்தம் செய்த கேகேஆர்.. யாருப்பா அந்த பையன்?
- Lifestyle ஆப்பிள் சீடர் வினிகருடன் இந்த ஒரு பொருளை கலந்து குடிச்சா மாரடைப்பும் வராது.. இதய அடைப்பும் சரியாகும் தெரியுமா?
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Technology அம்மா வாங்க.. ஐயா வாங்க! கிட்டத்தட்ட பாதி விலை டிஸ்கவுண்ட்.. Amazon-ல் கூவிக்கூவி விற்கப்படும் ஐந்து 4K TVகள்!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
ஆழ்கடல் ரகசியம்... எல்லா கப்பல்களின் கீழ் பகுதியிலும் ஏன் சிகப்பு கலர் பெயிண்ட்டை அடிக்கிறாங்க தெரியுமா?
அனைத்து கப்பல்களின் கீழ் பகுதியும் ஏன் சிகப்பு நிறத்திலேயே உள்ளது? என்பதற்கான காரணங்களை இந்த செய்தியில் விரிவாக பார்க்கலாம்.
நீங்கள் உல்லாச கப்பல்களில் பயணம் செய்துள்ளீர்களா? ஆம், என்றால் ஒவ்வொரு உல்லாச கப்பலும் தனித்துவமான அம்சங்களை கொண்டிருக்கும் என்பது உங்களுக்கு தெரிந்திருக்கும். அதாவது ஒரு உல்லாச கப்பலுக்கும், மற்றொரு உல்லாச கப்பலுக்கும் இடையே நிறைய வேறுபாடுகள் இருக்கும். ஆனால் ஒரு விஷயத்தை மட்டும் கிட்டத்தட்ட அனைத்து உல்லாச கப்பல்களும் பகிர்ந்து கொள்கின்றன.
சிகப்பு நிறம்தான் அது. ஆம், உல்லாச கப்பல்களை நீங்கள் நன்றாக கவனித்தால், அதன் கீழ் பகுதியில் சிகப்பு நிறத்தில் பெயிண்ட் செய்யப்பட்டிருப்பதை காணலாம். பெரும்பாலான உல்லாச கப்பல்களின் கீழ் பகுதியில் சிகப்பு நிறம்தான் பெயிண்ட் செய்யப்பட்டிருக்கும். உல்லாச கப்பல்கள் மட்டுமல்லாது, கண்டெய்னர்களை ஏற்றி செல்லும் சரக்கு கப்பல்களுக்கும் இது பொருந்தும்.
ஏன் கிட்டத்தட்ட அனைத்து கப்பல்களின் கீழ் பகுதியும் சிகப்பு நிறத்தால் பெயிண்ட் செய்யப்படுகிறது? என்ற சந்தேகம் உங்களில் பலருக்கு ஏற்கனவே இருந்திருக்கலாம். இன்னும் சிலருக்கு தற்போது அந்த சந்தேகம் எழுந்திருக்கலாம். கப்பல்களின் அடிப்பகுதியில் சிகப்பு நிறம் பயன்படுத்தப்படுவதற்கு பின்னால் உள்ள காரணத்தை இந்த செய்தி தொகுப்பு விவரிக்கிறது.
ஆரம்ப கால கட்டங்களில் கப்பல்களை பாதுகாப்பதற்காக சிகப்பு நிறம் பயன்படுத்தப்பட்டது. ஆனால் தற்போது பாரம்பரியத்திற்கு மதிப்பளிக்கும் விதமாக சிகப்பு நிறம் பயன்படுத்தப்படுகிறது. அதாவது கப்பல் போக்குவரத்து தொடங்கிய ஆரம்ப கால கட்டங்களில், கப்பல்கள் மரத்தை பயன்படுத்திதான் உருவாக்கப்பட்டு வந்தன.
1800களில்தான் இரும்பு மற்றும் எஃகு மூலம் கட்டமைக்கப்பட்ட கப்பல்கள் அறிமுகம் செய்யப்பட்டன. அதற்கு முன்பாக மரம் உண்ணும் புழுக்கள், கொட்டலசுகள் மற்றும் கடற்பாசிகள் ஆகியவற்றிடம் இருந்து மரக்கப்பல்களை பாதுகாக்க வேண்டியிருந்தது. எனவே கடற்பயணம் மேற்கொள்ளும் மாலுமிகள் தங்கள் கப்பல்களின் உடற்பகுதியில் காப்பர் பெயிண்ட்டை பூசி பாதுகாத்தனர்.
இந்த காப்பர்தான் பெயிண்ட்டில் சிகப்பு வண்ண சாயலை சேர்த்தது. காப்பர் பெயிண்ட் மூலம் பாதுகாப்பு அடுக்கு உருவாக்கப்படுவதால், கொட்டலசுகள் போன்ற உயிரினங்கள் மற்றும் செடிகள் உள்ளிட்ட தாவரங்கள் கப்பலின் கீழ் பகுதியில் தங்களை இணைத்து கொள்ளாது. உயிரினங்கள் மற்றும் தாவரங்கள் கப்பலின் உடற்பகுதியில் இணைவதை பாதுகாப்பு அடுக்கின் மூலம் தடுப்பது மிகவும் முக்கியமானது.
இல்லாவிட்டால் அவை கப்பலின் இழுவையை அதிகரித்து விடும். இதன் விளைவாக கப்பல் மெதுவாகதான் செல்லும். அத்துடன் அதிக எரிபொருளும் தேவைப்படும். கொட்டலசுகள் போன்ற உயிரினங்கள் கப்பல்களில் ஒட்டிய நிலையில் தொகுப்புகளாக வாழக்கூடியவை என்பது இங்கே கண்டிப்பாக குறிப்பிட வேண்டிய விஷயமாகும்.
ஆனால் இன்றைய அதிநவீன யுகத்தில் கப்பல்களின் கீழ் பகுதி சிகப்பு நிறமாகதான் இருக்க வேண்டும் என்பது அவசியமில்லை. எந்த வண்ணத்தில் பெயிண்ட் செய்தாலும், கப்பல்களை பாதுகாக்க தற்போது நிறைய தொழில்நுட்பங்கள் இருக்கின்றன. எனினும் பாரம்பரியத்திற்கு மதிப்பளிக்கும் விதமாக இன்றும் பலர் சிகப்பு நிறத்தையே தொடர்ந்து பயன்படுத்தி வருகின்றனர்.
இனி பெரும்பாலான உல்லாச கப்பல்கள் ஏன் வெள்ளை நிறத்தில் உள்ளன? என்பதற்கான காரணங்களை பார்க்கலாம்.
கன்டெய்னர் கப்பல்களும் மற்றும் இதர வகையான சரக்கு கப்பல்களும் பல்வேறு வண்ணங்களில் பெயிண்ட் செய்யப்பட்டிருக்கும். மீன்பிடி படகுகளையும் கூட நீங்கள் வெவ்வேறு வண்ணங்களில் பார்க்க முடியும். அதாவது நீலம், கருப்பு, சிகப்பு, பச்சை மற்றும் சாம்பல் உள்பட வெவ்வேறு வண்ணங்களில் அந்த கப்பல்களை அலங்கரித்திருப்பார்கள்.
எனினும் உல்லாச கப்பல்கள் பெரும்பாலும் வெள்ளை நிறத்தில் மட்டும்தான் பெயிண்ட் செய்யப்படும். இது ஏன் என நீங்கள் யோசித்துள்ளீர்களா? துருப்பிடிப்பதை தவிர்ப்பதற்காகதான் பெயிண்ட் செய்யப்படுகிறது எனும்போது, வண்ணங்களில் ஏன் இந்த நடைமுறை பின்பற்றப்படுகிறது? என்னும் சந்தேகம் உங்களுக்கு இருக்கலாம்.
உங்களது இந்த சந்தேகத்திற்கான விளக்கத்தை இந்த செய்தி வழங்கும். சரக்கு கப்பல்கள் என்ன நிறத்தில் இருக்க வேண்டும்? என்பதை அதன் உரிமையாளர்கள் தீர்மானிக்கின்றனர். அவர்களுக்கு என்ன நிறம் பிடிக்கிறதோ? அதே நிறத்தில் சரக்கு கப்பல்களை பெயிண்ட் செய்கின்றனர். எந்த நிற பெயிண்ட் மிக எளிதாகவும், விலை குறைவாகவும் கிடைக்கிறது? என்பதையும் அவர்கள் கவனத்தில் கொள்வர்.
குறைவான விலையில் கிடைக்கும் வண்ணங்களுக்கு அவர்கள் முன்னுரிமை கொடுப்பார்கள். அதே நேரத்தில் ஒரு சில நிறுவனங்கள் தங்களுடைய பிராண்டு தனித்து தெரிய வேண்டும் என விரும்பும். இதற்காக தங்களது அனைத்து சரக்கு கப்பல்களையும் ஒரே நிறத்தில் பெயிண்ட் செய்வார்கள். உதாரணத்திற்கு அவர்களிடம் 10 சரக்கு கப்பல்கள் இருக்கிறது என்றால், அவை அனைத்திற்கும் சிகப்பு வண்ணத்தை வழங்கி விடுவார்கள்.
சரி, இதே நடைமுறையை பின்பற்றி உல்லாச கப்பல்களையும் பெயிண்ட் செய்து விடலாமே என உங்களுக்கு தோன்றலாம். ஆனால் உல்லாச கப்பல்கள் பெரும்பாலும் வெள்ளை நிறத்தில் பெயிண்ட் செய்யப்படுவதற்கு பின்னால் அருமையான காரணங்கள் இருக்கின்றன. வெள்ளை நிறத்தில் பெயிண்ட் செய்வதன் மூலம் ஏர்-கண்டிஷனின் பணிச்சுமையை குறைக்கலாம் என்பதுதான் முதல் காரணம்.
வெள்ளை வண்ணம் சூரிய ஒளியை எதிரொலிக்கும் விஷயத்தில் சிறப்பானது என்பது நம் அனைவருக்குமே தெரியும். எனவே வெள்ளை வண்ணத்தை பயன்படுத்துவதன் மூலம், உல்லாச கப்பல்களின் உட்புறத்தில் அவ்வளவாக சூடு ஆகாது. பொதுவாக உல்லாச கப்பல்கள் வெப்ப மண்டலங்கள் சார்ந்த இடங்களில்தான் பயணிக்கும்.
அதுவும் உல்லாச கப்பல்களில் பயணம் செய்யும் பெரும்பாலான நபர்கள் வயது முதிர்ந்தவர்களாகதான் இருப்பார்கள். அவர்களால் அதிக வெப்பத்தை தாங்க முடியாது. சௌகரியமான பயணத்தை அவர்கள் எதிர்பார்ப்பார்கள். எனவே உல்லாச கப்பல்களில் ஏர்-கண்டிஷன் அனைத்து நேரமும் தனது முழு சக்தியையும் பயன்படுத்தி இயங்க வேண்டியதாக இருக்கும்.
ஆனால் வெள்ளை நிறத்தில் பெயிண்ட் செய்வதன் மூலமாக, சூரிய ஒளியால் உல்லாச கப்பல் சூடு ஆவதை தவிர்க்கலாம். இதன் மூலம் ஏர்-கண்டிஷனின் பணிச்சுமை குறையும். மேலும் பயணிகளும் குளுமையான பயணத்தை அனுபவிப்பார்கள். அத்துடன் ஏர்-கண்டிஷனின் வேலை குறைவதால், உல்லாச கப்பல் நிறுவனங்களுக்கு செலவு குறைந்து, பொருளாதார ரீதியான நன்மைகள் கிடைக்கும்.
சரக்கு கப்பல்கள் வெவ்வேறு வண்ணங்களில் இருப்பதற்கும், உல்லாச கப்பல்கள் பெரும்பாலும் வெள்ளை நிறத்தில் மட்டும் இருப்பதற்கும் தற்போது உங்களுக்கு காரணம் புரிந்திருக்கும் என நம்புகிறோம். அதே நேரத்தில் உல்லாச கப்பல்கள் வெள்ளை நிறத்தில் பெயிண்ட் செய்யப்படுவதற்கு உளவியல் ரீதியிலும் முக்கியமான காரணங்கள் இருக்கின்றன.
அதாவது வெள்ளை வர்ணத்தை பூசுவதன் மூலமாக உல்லாச கப்பல்கள் மிகவும் 'க்ளீன்' ஆகவும், 'ஷைன்' ஆகவும் இருக்கும். கடல் மற்றும் வானத்தின் நீல வண்ண பின்னணியில் இது தனித்து தெரியும். இதை பார்க்கும் பயணிகளின் மனதில் ஒருவித மகிழ்ச்சி ஏற்படும். எனவே அவர்கள் பயணத்தை 'என்ஜாய்' செய்வார்கள்.
இதுபோன்ற காரணங்களால்தான் உல்லாச கப்பல் நிறுவனங்கள் பெரும்பாலும் வெள்ளை நிறத்தை தேர்வு செய்கின்றன. சரி, தற்போது உங்களுடைய முறை. உல்லாச கப்பல்கள் பெரும்பாலும் வெள்ளை நிறத்தில் இருப்பதற்கு உங்களுக்கு வேறு ஏதேனும் காரணம் தெரியுமா? அப்படியென்றால், கீழே உள்ள கமெண்ட் பாக்ஸ் மூலம் அதை மற்றவர்களுடன் பகிர்ந்து கொள்ளுங்கள்.
-
6ம் மாசத்துக்கு அப்புறம் எப்பே வேணும்னாலும் இந்த காரை இந்தியாவில் எதிர்பார்க்கலாம்! சிட்ரோன் பசால்டு வெளியீடு!
-
மெழுகு சிலை மாதிரி இருக்காங்க... இவங்க அந்த படத்துல நடிச்சவங்களா... வீடியோவை கண் இமைக்காமல் பார்க்கும் இளசுகள்
-
காருக்குள் பறக்கும் வாகனம்.. சாலையில் ஓட்டிக்கலாம்.. தேவைப்பட்டால் வானிலும் பறந்துக்கலாம்!