Just In
- 1 hr ago இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- 1 hr ago தயவு செஞ்சு துபாய் பக்கம் வராதீங்க!விமான பயணிகளுக்கு இந்திய தூதரகம் எச்சரிக்கை!
- 2 hrs ago மின்சாரத்தில் இயங்கும் ஆக்டிவாவை ஹோண்டா எப்போ தயாரிக்கும்னு கேட்டுட்டே இருந்தீங்களே.. இதோ அந்த தகவல்!
- 6 hrs ago ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
Don't Miss!
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- News தென் சென்னை தொகுதியில் 2019ஐ விட 10% அதிகரித்த வாக்குப்பதிவு.. இது யாருக்கு லாபம்!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Movies Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
மிதக்கும் சொர்க்கம்! பில் கேட்ஸ் பத்தி காட்டு தீயாய் பரவும் தகவல்... என்னனு தெரிஞ்சா ஷாக் ஆயிடுவீங்க
பெரும் கோடீஸ்வரர் பில் கேட்ஸ் பற்றி தற்போது வெளியாகியுள்ள தகவல் உலகம் முழுக்க பரபரப்பை ஏற்படுத்தியுள்ளது.
பெட்ரோல், டீசல் ஏற்படுத்தும் பாதகங்களால் மாற்று எரிபொருளுக்கான தேவை அதிகரித்துள்ளது. இதில், ஹைட்ரஜனும் முக்கிய பங்கு வகிக்கிறது. ஆனால் ஹைட்ரஜனை எரிபொருளாக பயன்படுத்துவதற்கு சர்வதேச அளவில் ஒரு தரப்பினர் கடுமையான எதிர்ப்பை தெரிவித்து வருகின்றனர். ஹைட்ரஜன் மீது அவர்களுக்கு அவ்வளவாக நம்பிக்கை இல்லை.
இதற்கு 2 காரணங்களை அவர்கள் முன் வைக்கின்றனர். ஹைட்ரஜன் திறனற்றது என்பது அவர்கள் சொல்லும் முதல் காரணம். ஹைட்ரஜனை உற்பத்தி செய்வதற்கு ஆகும் செலவு அதிகமாக உள்ளது என்பது அவர்கள் சொல்லும் இரண்டாவது காரணம். இருந்தபோதும் ஆட்டோமொபைல் துறையின் மற்றொரு தரப்பினர், ஹைட்ரஜன் எரிபொருளின் பயன்பாட்டை அதிகரிப்பதற்கு தொடர்ந்து முயற்சி செய்து வருகின்றனர்.
இந்த சூழலில், உலகின் பெரும் கோடீஸ்வரர்களில் ஒருவராக திகழும் பில் கேட்ஸின் ஆதரவை, ஹைட்ரஜன் வாகனம் ஒன்று பெற்றிருப்பதாக தற்போது தகவல்கள் வெளியாகி வருகின்றன. மைக்ரோசாப்ட் இணை நிறுவனரான பில் கேட்ஸ், ஹைட்ரஜனில் இயங்க கூடிய உல்லாச படகு (Superyacht) ஒன்றை ஆர்டர் செய்திருப்பதாக உலகின் முன்னணி செய்தி நிறுவனங்கள் செய்தி வெளியிட்டு வருகின்றன.
இந்த உல்லாச படகிற்கு ''அக்வா'' என பெயரிடப்பட்டுள்ளதாகவும், ஹைட்ரஜனில் இயங்க கூடிய உல்லாச படகை ஆர்டர் செய்த முதல் நபர் என்ற பெருமையை பில் கேட்ஸ் பெற்றுள்ளதாகவும் அந்த செய்திகளில் கூறப்பட்டுள்ளது. மேலும் பில் கேட்ஸ் ஆர்டர் செய்துள்ள உல்லாச படகு சுற்றுச்சூழலுக்கு பாதிப்பை ஏற்படுத்தாது எனவும் தெரிவிக்கப்பட்டுள்ளது.
நெதர்லாந்தை சேர்ந்த சினோட் என்ற நிறுவனம் இந்த உல்லாச படகை தயாரிக்க உள்ளதாகவும் பல்வேறு முன்னணி நிறுவனங்கள் செய்தி வெளியிட்டுள்ளன. இந்த உல்லாச படகின் நீளம் 112 மீட்டர்கள் (370 அடி) எனவும், மொத்தம் 5 தளங்களை கொண்டதாக இந்த உல்லாச படகு இருக்கும் எனவும் அந்த செய்திகளில் தெரிவிக்கப்பட்டுள்ளது.
14 விருந்தினர்கள் மற்றும் 31 பணியாளர்களுக்கு தேவையான விசாலமான இட வசதியையும் இந்த உல்லாச படகு பெற்றிருக்கும் எனவும், நீச்சல் குளம், ஹெலிபேட், ஜிம் மற்றும் ஸ்பா போன்ற சகல வசதிகளையும் கொண்டதாக இந்த உல்லாச கப்பலை சினோட் நிறுவனம் வடிவமைக்க உள்ளதாகவும் தகவல்கள் வெளியாகி வருகின்றன.
இந்த உல்லாச படகில், இரண்டு 1 MW மோட்டார்கள் இடம்பெற்றிருக்கும் எனவும், இதன் டாப் ஸ்பீடு மணிக்கு 31.5 கிலோ மீட்டர்கள் எனவும் கூறப்படுகிறது. ஆனால் இதன் ரேஞ்ச் 6,035 கிலோ மீட்டர்களாக இருக்கும் எனவும், இதுபோன்ற பிரம்மாண்டமான ரேஞ்ச்தான் கடல் பயணங்களுக்கு தேவை எனவும் செய்திகள் வெளியாகி வருகிறது.
அதே சமயம் இந்த உல்லாச படகில் பேக் அப்பிற்காக டீசல் இன்ஜின் வழங்கப்பட உள்ளதாகவும், ஒரு வேளை ஹைட்ரஜன் எரிபொருள் ஸ்டேஷனை கண்டறிய முடியாவிட்டால், மற்ற படகுகளை போலவே டீசல் இன்ஜில் இந்த அக்வா உல்லாச படகு இயங்கும் எனவும் தகவல்கள் தெரிவிக்கின்றன. பில் கேட்ஸ் ஆர்டர் செய்துள்ள இந்த உல்லாச படகின் விலை 644 மில்லியன் அமெரிக்க டாலர்கள் என கூறப்படுகிறது.
அதாவது இந்திய மதிப்பில் சுமார் 4,593 கோடி ரூபாய். உலகின் முன்னணி செய்தி நிறுவனங்கள் பலவும் இந்த செய்தியை பிரசுரித்துள்ள நிலையில், இது வெறும் வதந்தி என்பது தற்போது தெரிய வந்துள்ளது. அக்வா உல்லாச படகை பில் கேட்ஸ் ஆர்டர் செய்துள்ளதாக வெளியான செய்திகள் அனைத்தையும் சினோட் நிறுவனம் திட்டவட்டமாக மறுத்துள்ளது.
இது தொடர்பாக சினோட் நிறுவனம் வெளியிட்டுள்ள பத்திரிக்கை செய்தியில், இந்த செய்திகள் அனைத்தும் உண்மையிலேயே தவறானவை என தெரிவிக்கப்பட்டுள்ளது. அக்வா என்பது கான்செப்ட் மாடல் மட்டுமே. கடந்த சில மாதங்களுக்கு முன் நடைபெற்ற மொனாக்கோ படகு ஷோ-2019 நிகழ்வில், சினோட் நிறுவனம் இந்த அக்வா கான்செப்ட் மாடலை அறிமுகம் செய்திருந்தது குறிப்பிடத்தக்கது.
இந்த கான்செப்ட் மாடலைதான் சினோட் நிறுவனம் தற்போது பில்கேட்சுக்கு விற்பனை செய்து விட்டதாக தகவல்கள் வெளியாகி வருகின்றன. ஆனால் அதனை சினோட் நிறுவனம் திட்டவட்டமாக மறுத்துள்ளது. சினோட் நிறுவனம் வெளியிட்ட அறிக்கையின் மூலமாக பில் கேட்ஸை சுற்றி வந்த இந்த வதந்திகளுக்கு முற்றுப்புள்ளி வைக்கப்பட்டுள்ளது.
-
ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
-
தேர்தல் முடிந்ததும் முதல் வேலையா டோல்கேட்ல இருந்து இதை தூக்கி வீசுங்க!அடுத்த அதிரடிக்கு தயாரான அரசு
-
கோவையில் இருந்து கேரளாவுக்கு இந்த ரயில்ல போங்க.. எக்ஸ்பீரியன்ஸ் இன்னும் செம்மையா இருக்கும்! அப்படி என்ன ரயில்?