Just In
- 2 hrs ago ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- 3 hrs ago ஓலா, ஏத்தர் எல்லாம் ஓரமா போ! ஆம்பியர் நிறுவனத்தின் புதிய இவி 30ம் தேதி வருது!
- 5 hrs ago 21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
- 10 hrs ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
Don't Miss!
- Finance தங்கம் விலை இறங்கிய வேகத்தில் ஏறியது.. ஒவ்வொரு நிமிடமும் முக்கியம்..!!
- News சூப்பரான சான்சை விட்டுடாதீங்க.. முக்கிய ராசிக்கு அடிக்க போகும் பம்பர் யோகம்.. குரு பெயர்ச்சி பலன்கள்
- Technology இதுதாங்க பட்ஜெட்.. ரூ.9999 போதும்.. 12GB ரேம்.. 1TB மெமரி.. 5000mAh பேட்டரி.. 15W சார்ஜிங்.. எந்த மாடல்?
- Movies இப்படி செய்வீங்கணு நினைக்கல..கல்யாணமே பண்ணியிருக்க மாட்டானே.. மேடையில் ஓபனா பேசிய ரெடின் கிங்ஸ்லி!
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Lifestyle சுக்கிர பெயர்ச்சியால் இன்று முதல் மே 19 வரை இந்த ராசிக்காரர்களுக்கு சூப்பரா இருக்கப்போகுது...
- Sports CSK vs LSG : சிஎஸ்கே அணியில் குளறுபடி.. தீபக் சாஹரை நம்பாத ருதுராஜ்.. தோல்விக்கு காரணமே இதுதான்
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ஜாவா 300, 42 பைக்குகளில் இடம்பெறும் பிஎஸ்-6 எஞ்சின் பற்றி புதிய தகவல்!
ஜாவா 300, 42 பைக்குகளில் இடம்பெறும் பிஎஸ்-6 எஞ்சின் குறித்து அதிகாரப்பூர்வ தகவல் வெளியிடப்பட்டுள்ளது. அதன் விபரங்களை காணலாம்.
கடந்த ஆண்டு நவம்பரில் அறிமுகம் செய்யப்பட்ட ஜாவா 300 மற்றும் 42 பைக் மாடல்களுக்கு வாடிக்கையாளர்கள் மத்தியில் பேராதரவு இருந்து வருகிறது. ஜாவா பிரியர்கள் இந்த பைக்குகளை வாங்குவதற்கு அதிக ஆர்வம் காட்டி வருகின்றனர்.
இந்த நிலையில், ஜாவா நிறுவனம் தனது மூன்றாவது மாடலாக பெராக் என்ற பாபர் வகை பைக் மாடலை இந்தியாவில் அறிமுகப்படுத்தியது. மிக தனித்துவமான வடிவமைப்புடன் இந்த பைக் ஜாவா பிரியர்கள் மத்தியில் பேராவலை ஏற்படுத்தியது.
மேலும், இந்த பைக்கில் பிஎஸ்-6 மாசு உமிழ்வு தரத்திற்கு இணையான 334 சிசி எஞ்சின் பயன்படுத்தப்பட்டு இருக்கிறது. அடுத்த ஆண்டு ஏப்ரல் முதல் பிஎஸ்-6 மாசு உமிழ்வு விதிகள் அமலுக்கு வரும்போதுதான் இந்த புதிய பைக்கின் டெலிவிரி கொடுக்கும் பணிகளும் துவங்கப்பட இருக்கின்றன.
இந்த சூழலில், ஏற்கனவே விற்பனையில் இருக்கும் ஜாவா 300 மற்றும் 42 பைக்குகளில் 293 சிசி லிக்யூடு கூல்டு எஞ்சின் பயன்படுத்தப்பட்டு இருக்கிறது. இந்த நிலையில், பெராக் பைக்கில் இருக்கும் பிஎஸ்-6 எஞ்சினை ஜாவா 300 மற்றும் 42 பைக்குகளில் ஜாவா அறிமுகம் செய்ய இருப்பதாக தகவல் வெளியானது.
இந்த சூழலில், ஜாவா நிறுவனம் இந்த செய்தி குறித்து விளக்கம் செய்தி குறிப்பு ஒன்றை வெளியிட்டு இருக்கிறது. அதன்படி, தற்போது ஜாவா 300 மற்றும் 42 பைக்குகளில் பயன்படுத்தப்படும் அதே 293 சிசி லிக்யூடு கூல்டு எஞ்சினை பிஎஸ்-6 மாசு உமிழ்வு தரத்திற்கு இணையாக மேம்படுத்தி அறிமுகம் செய்ய இருப்பதாக தெரிவித்துள்ளது.
எனவே, இதுதொடர்பாக வந்த செய்திகளுக்கு அதிகாரப்பூர்வமாக முற்றுப்புள்ளி வைக்கப்பட்டு இருக்கிறது. எனினும், ஜாவா பெராக் பைக் போலவே, பிஎஸ்-6 எஞ்சின் பொருத்தப்பட்ட ஜாவா 300 மற்றும் 42 மாடல்கள் அடுத்த ஆண்டு ஏப்ரல் மாதத்திற்கு பின்னரே டெலிவிரி கொடுக்கப்படும் என்று தெரிகிறது.
தற்போதைய மாடலைவிட பிஎஸ்-6 எஞ்சின் பொருத்தப்பட்ட மாடல்கள் ரூ.15,000 முதல் ரூ.20,000 வரை கூடுதல் விலையில் வரும் வாய்ப்புள்ளது. ஜாவா 300 மற்றும் 42 பைக்குகளில் பயன்படுத்தப்படும் 293 சிசி எஞ்சின் 27 பிஎச்பி பவரையும், 28 என்எம் டார்க் திறனையும் வெளிப்படுத்தும் திறன் வாய்ந்தது. 6 ஸ்பீடு கியர்பாக்ஸ் இணைக்கப்ப்டடுள்ளது.
ஜாவா 300 மற்றும் 42 பைக்குகள் முறையே ரூ.1.55 லட்சம் மற்றும் ரூ.1.64 லட்சம் எக்ஸ்ஷோரூம் விலையில் கிடைக்கிறது. புதிய ஜாவா பெராக் பைக்கிற்கு ரூ.1.94 லட்சம் எக்ஸ்ஷோரூம் விலை நிர்ணயிக்கப்பட்டுள்ளது. பிஎஸ் 6 எஞ்சினுடன் வரும்போது ஜாவா 300 மற்றும் 42 பைக்குகளுக்கும் பெராக் பைக்கிற்கும் இடையே உள்ள விலை இடைவெளி கணிசமாக குறையும்.