Just In
- 11 min ago டாடாவுக்கு நெருக்கடி கொடுக்க அவசரம் காட்டும் வின்ஃபாஸ்ட்.. தூத்துக்குடில உற்பத்திக்கான பணிகள் தீவிரம்!
- 34 min ago இந்த 3 கார்களை தான் மக்கள் மாத்தி, மாத்தி வாங்குறாங்க!! டாடா லிஸ்ட்டிலேயே இல்ல...
- 1 hr ago ரூ1.5 லட்சம் தள்ளுபடி விலையில் குடும்பத்துடன் பயணிக்கும் எக்ஸ்யூவி 700 காரை வாங்கலாம்! வெயிட்டிங் டைமும் கம்மி
- 4 hrs ago ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
Don't Miss!
- News முதல் கட்ட லோக்சபா தேர்தல்: நாளை களம் காணும் 8 மத்திய அமைச்சர்கள், 3 மாஜி முதல்வர்கள் யார்?
- Lifestyle அதிகரிக்கும் கொலஸ்ட்ராலை கட்டுப்படுத்த உதவும் குறிப்புகள்..!
- Finance ஓடியாங்க ஓடியாங்க.. தங்கம் விலை திடீர்ன்னு குறைஞ்சிருக்கு..!! செம சான்ஸ்..!
- Movies அஜித் பிறந்தநாளுக்கு ரசிகர்களுக்கு காத்திருக்கும் டபுள் ட்ரீட்?.. அப்டேட்ஸ் வருதாம்
- Technology பாதிக்கு பாதி விலையில் பிராண்டட் AC-க்கள்.. முழுசா 52% டிஸ்கவுண்ட்.. பட்டிதொட்டி எங்கும் ஆர்டர் பறக்குது!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
- Sports T20 WC 2024: நானும், கோலியும் தொடக்க வீரர்களா? யாரு இப்படி சொல்றாங்க.. ரோகித் சர்மா ஓபன் டாக்!
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
விற்பனையில் அசூர வளர்ச்சி பெற்று வரும் கேடிஎம்... 125, 200 பைக்குகள் தொடர்ந்து முன்னிலை..
கேடிஎம் இருசக்கர வாகன உற்பத்தி நிறுவனம் கடந்த ஆண்டு அக்டோபர் மாதத்தை காட்டிலும் இந்த வருட அக்டோபர் மாதத்தில் கூடுதலாக விற்பனையை பதிவு செய்துள்ளது. இந்த வளர்ச்சிக்கு மிக முக்கிய காரணம், கடந்த மாதத்தில் தொடர்ச்சியாக வந்த ஆயுதப்பூஜை, தீபாவளி உள்ளிட்ட பண்டிக்கைகள் தான்.
ஏனெனில் இந்த பண்டிக்கை நாட்களுக்கு கேடிஎம் நிறுவனம் சில சலுகைகள் மற்றும் தள்ளுபடிகளை அறிவித்திருந்தது. இதனால் இந்நிறுவனத்தின் விற்பனை 4,413 பைக்குகள் விற்பனையான 2018 அக்டோபர் மாதத்தை விட சுமார் 46.86 சதவீதம் அதிகரித்து 2019 அக்டோபரில் 6,481 ஆக உயர்ந்துள்ளது.
மேலும் இந்த 6,481 என்கிற எண்ணிக்கை 2019 செப்டம்பர் மாதத்தை விட 11.65 சதவீதம் அதிகமாகும். கேடிஎம் நிறுவனத்தின் இந்த வளர்ச்சியில் 125 மற்றும் 200 (ட்யூக் + ஆர்சி) பைக்குகளின் பங்கு மிக அதிகமாக உள்ளது. எந்த அளவிற்கு என்றால், கடந்த மாத விற்பனை பைக்குகளின் எண்ணிக்கையான 6,481ல் 5,436 பைக்குகள் இந்த இரு மாடல்கள் தான்.
கேடிஎம் நிறுவனத்தின் மிக சிறந்த விற்பனை மாடலாக விளங்கும் இந்த இரு பைக்குகளில் ட்யூக் 125, கடந்த ஆண்டு நவம்பர் மாதத்தில் அறிமுகமானது. அதனை தொடர்ந்து இந்த வருடத்தின் துவக்கத்தில் ஆர்சி 125 பைக் வெளியானது.இவை இந்த வருட செப்டம்பர் மாதத்தில் 2,648 பைக்குகளும் இதைவிட 13.44 சதவீதம் கூடுதலாக கடந்த அக்டோபர் மாதத்தில் 3,004 பைக்குகளும் விற்பனையாகியுள்ளன.
மற்றொரு முன்னணி மாடலான ட்யூக் 200 தான் கேடிஎம் நிறுவனம் இந்தியாவில் அறிமுகப்படுத்திய முதல் பைக்காகும். அறிமுகமான மாதத்தில் இருந்து தொடர்ந்து கணிசமான விற்பனை எண்ணிக்கைகளை ட்யூக் 200 பைக் பெற்றுவந்தாலும் 2018 அக்டோபர் மாதத்தை விட 24.94 சதவீதம் குறைவாக 2,432 பைக்குகளின் விற்பனையை கடந்த மாதத்தில் பதிவு செய்துள்ளது. இருப்பினும் கடந்த செப்டம்பர் மாத விற்பனையை விட இந்த எண்ணிக்கை 337 யூனிட்கள் அதிகமாகும்.
இந்த இரு மாடல்களுக்கு அடுத்த உள்ள கேடிஎம் 250 மாடல் கடந்த அக்டோபர் மாதத்தில் 666 யூனிட்கள் விற்பனையாகியுள்ளது. இந்த எண்ணிக்கை 620 பைக்குகள் விற்பனையான 2018 அக்டோபர் மாதத்தை விட 7.42 சதவீதமும், 623 பைக்குகள் விற்பனையான கடந்த செப்டம்பர் மாதத்தை விட 6.90 சதவீதமும் அதிகமாகும்.
இதற்கு அடுத்த இடத்தில் கேடிஎம் 390 பைக் வெறும் 361 யூனிட்கள் விற்பனையுடன் உள்ளது. இந்த எண்ணிக்கை 553 பைக்குகள் விற்பனையான 2018 அக்டோபர் மாதத்தை விட சுமார் 34.72 சதவீதம் குறைவாகும். அதேபோல் 398 யூனிட்கள் விற்பனையான 2019 செப்டம்பர் மாதத்தை விட 9.30 சதவீதம் இந்த எண்ணிக்கை குறைவு.
கேடிஎம் நிறுவனம் 390 மாடலின் அட்வென்ஜர் பைக்கை சமீபத்தில் ஐக்மா கண்காட்சியில் அறிமுகப்படுத்தியிருந்தது. ரூ.3.2 லட்சத்தில் இருந்து ரூ.3.5 லட்சம் வரையில் இந்தியாவில் விற்பனையாகவுள்ள இந்த பைக்கின் அதிகாரப்பூர்வமற்ற முன்பதிவுகள் ஏற்கனவே ஆரம்பமாகிவிட்டன. இதனால் அடுத்த ஆண்டு ஜனவரி மாதம் முதல் டெலிவரியை துவங்கவுள்ள இந்த 390 அட்வென்ஜர் பைக் குறித்த விரிவான தகவல்களை அறிய கீழேயுள்ள லிங்கை பயன்படுத்தவும்.
கேடிஎம் நிறுவனத்தின் தனித்துவமான மாடலாக விளங்கும் கேடிஎம் ட்யூக் 790 பைக் அறிமுகமான முதல் மாதத்திலேயே (2019 செப்டம்பர்) 41 யூனிட்கள் விற்பனையாகி மற்ற முன்னணி நிறுவனங்கள் அனைத்தையும் அதிர்ச்சியாக்கி இருந்தது. இந்த பைக்கின் கடந்த அக்டோபர் மாத விற்பனை எண்ணிக்கை 18 ஆகும்.
799சிசி, லிக்யூடு கூல்டு, இணையான இரட்டை என்ஜின் அமைப்புடன் வெளியாகி வரும் இந்த பைக் 104 பிஎச்பி பவரையும் 87 என்எம் டார்க் திறனையும் 6-ஸ்பீடு கியர்பாக்ஸ் உடன் வெளிப்படுத்தும் திறன் உடையது. இதற்கு போட்டி மாடல்களாக இந்திய சந்தையில் கவாஸாகி இசட்900, டிரையம்ப் ஸ்ட்ரீட் ட்ரிபிள் எஸ் மற்றும் டுகாட்டி மான்ஸ்டர் 797 போன்ற பைக்குகள் உள்ளன என்பது குறிப்பிடத்தக்கது.