Just In
- 54 min ago போன தடவ சிவப்பு நிற சைக்கிள்.. இந்த முறை இன்னோவா கார்.. இந்த கார் வாயிலாக அவர் என்ன சொல்லியிருக்கார்?
- 1 hr ago ஹெல்மெட் போடாமல் பைக்கில் போன விஜய் சேதுபதி! ஓட்டு போட வந்த இடத்தில் மானமே போச்சு!
- 2 hrs ago நடிகர் தனுஷ் ஓட்டு போட வந்த காரின் விலை என்ன தெரியுமா? இவ்வளவு காஸ்ட்லியான காரா இது?
- 3 hrs ago இந்திய நிறுவனம் தயாரிச்ச வண்டியா இது? முழுக்க முழுக்க மின்சாரத்தில் இயங்கும்! ஹல்க்கைவிட அதிக எடையை சுமக்கும்!
Don't Miss!
- News சேலத்தில் வாக்களிக்க வந்த 2 பேர் மயங்கி விழுந்து உயிரிழந்த சோகம்.. விளக்கம் கேட்ட தேர்தல் ஆணையம்
- Lifestyle இந்தியாவில் இன்றும் ராஜவாழ்க்கை வாழும் அரச குடும்பங்கள்..இவங்களுக்கு எங்க இருந்து இவ்வளவு பணம் வருது தெரியுமா?
- Technology புது ரூல்ஸ்.. தேர்தல் முடிந்ததும் அமல்.. இனி 24 மணி நேரம் தான்.. ரயில் டிக்கெட் சேவையில் 2 பெரிய மாற்றங்கள்!
- Movies Sivakarthikeyan: புல்லட்டைவிட வலிமையானது வாக்கு.. ஆப்ரஹாம் லிங்கன் வாசகத்தை கூறிய சிவகார்த்திகேயன்!
- Sports தீபக் சஹர் காயத்தின் நிலை என்ன? ஷர்துல் தாக்கூருக்கு மீண்டும் வாய்ப்பா? சிஎஸ்கே பயிற்சியாளர் பதில்!
- Finance ஒரே நாளில் 4.2 கோடி சம்பாதித்த நாராயணமூர்த்தி-யின் 5 மாத பேரன்.. எப்படி..?
- Travel சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
இனிதே துவங்கியது அசின் கணவரின் கனவு பயணம்... மின்சார பைக்கின் டெலிவரியால் புனே வாசிகள் மகிழ்ச்சி!
பிரபல திரைப்பட நடிகையான அசினின் கணவரால் தொடங்கப்பட்ட மின்வாகன உற்பத்தி நிறுவனத்தின் தயாரிப்புகள் தற்போது டெலிவரி செய்யப்பட்டு வருகின்றது. இதுகுறித்த கூடுதல் தகவலை இந்த பதிவில் காணலாம்.
மஹாராஷ்டிரா மாநிலம் புனேவை மையமாகக் கொண்டு இயங்கும் ரிவோல்ட் இன்டெல்லிகார்ப் நிறுவனம், அதன் முதல் மின்சார இருசக்கர வாகனமான ஆர்வி400 மாடலின் டெலிவரியைத் தொடங்கியுள்ளது. ஸ்டார்ட்-அப் நிறுவனமாக களமிறங்கியுள்ள இந்நிறுவனம் முன்னதாக புனே மற்றும் தலைநகர் டெல்லியில் அதன் மின்சார பைக்குகளை விற்பனைக்கு அறிமுகம் செய்திருந்தது.
ரிவோல்ட் நிறுவனம், பிரபல திரைப்பட நடிகை அசின் கணவர் ராகுல் ஷர்மாவுடையது என்பது குறிப்பிடத்தகுந்தது. இவர் முன்னதாக மைக்ரோமேக்ஸ் செல்போன் நிறுவனத்தை நடத்தி வந்தார். இந்த செல்போன்களுக்கு ஏற்பட்ட விற்பனை குறைவையடுத்து அவர் மின்வாகனங்களை தயாரிக்கும் நிறுவனங்களை தொடங்கி, நடத்தி வருகின்றார்.
இந்நிலையில், ராகுல் ஷர்மாவின் கனவு பயணாக தொடங்கப்பட்ட ரிவோல்ட் இன்டெல்லிகார்ப் நிறுவனத்தின் முதல் பேட்ச் தயாரிப்பு பைக்குகள் புனேவில் உள்ள கல்யாணி நகர், ஐசிசி டெக் பார்க், எஸ்பி சாலை உள்ளிட்ட பகுதிகளில் செயல்படும் ஷோரூம்கள் வாயிலாக முதல்கட்டமாக டெலிவரி செய்யப்பட்டுள்ளது.
முன்னதாக இந்நிறுவனம் ரிவோல்ட் ஆர்வி 400 மற்றும் ஆர்வி 300 மாடல்களை மட்டும் விற்பனைக்கு அறிமுகம் செய்திருந்தது குறிப்பிடத்தகுந்தது. ஆனால், இதில் ஆர்வி 400 மாடலின் டெலிவரி மட்டுமே தொடங்கியுள்ளது.
மின்சார பைக்குகளின் உற்பத்தியை அதிகரிக்கும் பணியில் கவனம் செலுத்தி வரும் ரிவோல்ட், தற்போது நாடு முழுவதும் தனது தயாரிப்புகளை அறிமுகம் செய்யும் பணியிலும் தீவிரம் காட்டி வருகின்றது.
மேலும், முன்னதாக புக்கிங் செய்த வாடிக்கையாளர்களுக்கு உரிய மின்சார பைக்குகளை குறிப்பிட்ட நேரத்தில் டெலிவரி செய்யவும் அது தீவிரம் காட்டி வருகின்றது. இதனை முடிந்தளவிற்கு முன்கூட்டியே செய்து முடிக்க திட்டமிட்டுள்ளது.
இதுகுறித்து, ரிவோல்ட் நிறுவனத்தின் நிறுவனர் ராகுல் ஷர்மா கூறியதாவது, "புனேவில் மின் வாகனங்களுக்கான வரவேற்பு நாளுக்கு நாள் அதிகரித்து வருகின்றது. இதனை அண்மைக் காலங்களாக அதிகரித்து வரும் ப்ரீ புக்கிங் மூலம் எங்களால் அறிந்துக் கொள்ள முடிகின்றது. ஆர்வி400 மாடல் அதன் பயனாளிக்கு அதீத அளவில் தேவைகளை பூர்த்தி செய்யும். மேலும், அவர்கள் இந்த பைக்கில் உல்லாசமான பயணத்தை அனுபவிப்பார்கள் என நம்புகின்றோம்" என்றார்.
தொடர்ந்து பேசிய அவர், "இந்தியாவில் எங்களுக்கு கிடைத்து வரும் இந்த அதீத வரவேற்பிற்கு காரணமான அனைவருக்கும் நாங்கள் இந்த தருணத்தில் நன்றிகளை தெரிவித்துக்கொள்கின்றோம். எங்களின் தயாரிப்புகளுக்காக புக்கிங் செய்து காத்திருக்கும் வாடிக்கையாளர்களுக்கும் நன்றி கடன் பட்டுள்ளோம். அதிகரித்து வரும் புக்கிங் காரணமாக 2020 ஜனவரி-பிப்ரவரி மாதங்களுக்கான புக்கிங்கை விரைவில் முடக்க உள்ளோம்" என்றார்.
ரிவோல்ட் இன்டெல்லிகார்ப் நிறுவனம், ஆர்வி 300 மாடலை ஒரு வேரியண்டிலும், ஆர்வி 400 மாடலை ஸ்டாண்டர்டு மற்றும் பிரிமியம் என இரு வேரியண்டுகளிலும் அறிமுகம் செய்தது.
மேலும், சிறப்பு வசதியாக இரு மாடல்களுக்கும் மாதத் தவனை முறையும் அது அறிமுகம் செய்தது. இதில், ஆர்வி 300 மாடலுக்கு ரூ. 2,999 என்ற தவனைத் திட்டத்தையும், ஆர்வி 400 மாடலின் ஸ்டாண்டர்டு வேரியண்டிற்கு ரூ. 3,499 என்ற தொகையும், ஆர்வி 400 பிரிமியம் வேரியண்டிற்கு ரூ. 3,999 என்ற தொகை திட்டங்களையும் அது அறிவித்திருந்து. இந்த தவனைத் திட்டமானது மொத்தம் 37 மாதங்கள் வரை செலுத்தும் வகையில் அறிமுகம் செய்யப்பட்டது.
ரிவோல்ட் இன்டெல்லிகார்ப் நிறுவனம், ஆர்வி 300 மாடலுக்கு ரூ. 1,15,963 என்ற விலையும், ஆர்வி 400 மாடலின் ஆரம்ப நிலை மாடலுக்கு 1,34,463 ரூபாயும், உயர்நிலை மாடலான பிரிமியம் வேண்டிற்கு ரூ. 1,47,963 என்ற விலையையும் நிர்ணயம் செய்திருப்பது குறிப்பிடத்தகுந்தது.
ரிவோல்ட் நிறுவனத்தின் மாத தவனை திட்டத்தில் வாடிக்கையாளர்களுக்கு உடன்பாடில்லை என்றால், ஒரே தவனையில் பணத்தைச் செலுத்தி மின்சாரை பைக்கை பெறவும் வழிவகை செய்யப்பட்டுள்ளது. அவ்வாறு, ஆர்வி 300 மாடலை வாங்கும் வாடிக்கையாளர்களுக்கு அந்த பைக் 85 ஆயிரம் ரூபாய் என்ற விலையிலும், ஆர்வி 400 மாடல்களுக்கு 99 ஆயிரமும் மற்றும் கூடுதல் விலையில் விற்பனைச் செய்யப்படுகின்றது. இவை எக்ஸ்-ஷோரூம் விலைகளாகும்.
மாத தவனை திட்டத்தில் ரிவோல்ட் பைக்கைப் பெறும் வாடிக்கையாளர்களுக்கு அதன் பேட்டரி, டயர் மற்றும் பாகங்கள் உள்ளிட்டவற்றிற்கான பராமரிப்பு முழுவதையும் ரிவோல்ட் நிறுவனமே ஏற்கின்றது. ஆகையால், தவனை முறையில் ரிவோல்ட் எலெக்ட்ரிக் பைக்கை வாங்கும் வாடிக்கையாளர்கள் சார்ஜிங் போன்ற மற்ற விஷயங்கள்குறித்து கவலை கொள்ள தேவையில்லை என கூறப்படுகின்றது.
என்ட்ரீ லெவல் மாடலான ஆர்வி 300 மின்சார பைக்கில் 1.5 kW எலெக்ட்ரிக் மோட்டார் பொருத்தப்பட்டுள்ளது. இதற்கு தேவையான திறன் 2.7 kW அயன் பேட்டரியில் இருந்து கிடைக்கின்றது. இதனை ஒரு முறை முழுமையாக சார்ஜ் செய்தால் 80-150 கிமீ தூரம் வரை செல்ல முடியும். இதன் உச்சபட்ச வேகம் மணிக்கு 65 கிமீட்டர் ஆகும்.
இதேபோன்று, ஆர்வி400 பைக்கின் ஆரம்பநிலை வேரியண்டான ஸ்டாண்டர்டு மாடலில் 3 kW மின் மோட்டார் பொருத்தப்பட்டுள்ளது. இது, 3.24 kW லித்தியன் அயன் பேட்டரியில் இருந்து திறனைப் பெற்றுக் கொள்கின்றது. இந்த பேட்டரியை ஒரு முழுயைாக சார்ஜ் செய்தால்180 கிமீ தூரம் வரை செல்ல முடியும். இது மணிக்கு அதிகபட்சமாக 85 வேகத்தில் செல்லக்கூடியது.
ஆர்வி 400 பைக்கின் உயர்நிலை மாடலாக இருக்கும் பிரிமியம் வேரியண்டில் 4ஜி அதிக திறன் கொண்ட பேட்டரி மற்றும் கூடுதல் ரேஞ்ச் உள்ளிட்ட வசதிகள் மேற்கொள்ளப்பட்டுள்ளன. மேலும், 4ஜி இன்டர்நெட் வசதி, இம்மொபிலிசர், ரிமோட் கீ, புஷ் ஸ்டார்ட் மற்றும் சவுண்ட் சிமுலேட்டர் சிஸ்டம், லொகேட்டர் மற்றும் ஆன்டி தெஃப்ட் வசதி உள்ளிட்ட ஏராளமான வசதிகள் வழங்கப்பட்டுள்ளன.
-
முதியவர்களுக்கு லோயர் பெர்த் கிடைக்க என்ன செய்யனும் தெரியுமா? சூப்பர் அட்வைஸ் சொன்ன ரயில்வே!
-
பெத்த குழந்தையை நடுரோட்டில் இப்படியா செய்வது? கொஞ்சம் மிஸ் ஆகினால் எல்லாமே காலி!!
-
சீனா, ஜப்பான்லாம் ஓரமா போய் விளையாடு... இந்தியாவை பாத்து உலக நாடுகள் எல்லாம் மூக்கின் மேல் விரல் வைக்க போகுது!