Just In
- 51 min ago படகு மாதிரி மிதந்து சென்ற ரூ2.44 கோடி கார்! இவ்வளவு வெள்ளத்துலயும் சின்ன டேமேஜ் கூட ஆகலயே!
- 1 hr ago தஞ்சாவூரில் பிறந்து பாலிவுட்டை கலக்கி கொண்டிருக்கும் டைரக்டர்!! புதுசா வாங்கியிருக்கும் காஸ்ட்லீ கார்!
- 1 hr ago இந்த காரோட உடல் ரொம்ப நீளமா இருக்கும்! டெரிடரி பேருக்கு பதிவு செய்த ஃபோர்டு.. பெரிய சம்பவம் நடக்கபோகுது!
- 3 hrs ago ரூ.10,000க்கு இவ்ளோ சூப்பரான கேமராவா! இது பொருத்தினா திருட்டு, தேவையில்லா சிக்கல் எதுலையும் சிக்க மாட்டீங்க!
Don't Miss!
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Sports ஒய்டு கொடுத்த நடுவர்.. ரிவ்யூ கேட்ட பும்ரா.. சந்தேகமாய் பார்த்த ஹர்திக்.. கடைசியில் நடந்த ட்விஸ்ட்!
- Lifestyle தழும்புகள் உங்க சருமத்தை அசிங்கமா காட்டுகிறதா? இந்த எளிய வீட்டு வைத்தியங்களை யூஸ் பண்ணுங்க..சீக்கிரம் மறையும்!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- News அரவிந்த் கெஜ்ரிவாலை சிறையில் கொல்ல சதித்திட்டம்? இன்சூலின் கொடுக்க மறுப்பு? பகீர் கிளப்பிய அதிஷி
- Movies Actress Sujitha: குக் வித் கோமாளி நிகழ்ச்சியில் பாண்டியன் ஸ்டோர்ஸ் நாயகி.. சூப்பர்ல!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
யாராலும் முடியாத பிரம்மாண்ட வெற்றி... வெறும் ஐந்தே மாதத்தில் ராயல் என்பீல்டு படைத்த சாதனை இதுதான்
வெறும் ஐந்தே மாதத்தில் ராயல் என்பீல்டு நிறுவனம் புதிய மைல்கல் ஒன்றை எட்டியுள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
650 ட்வின்ஸ் என அழைக்கப்படும் ராயல் என்பீல்டு இன்டர்செப்டார் 650 மற்றும் கான்டினென்டல் ஜிடி 650 ஆகிய இரண்டு மோட்டார் சைக்கிள்களும் இந்திய மார்க்கெட்டில் கடந்த 2018ம் ஆண்டு நவம்பர் மாதம் விற்பனைக்கு அறிமுகம் செய்யப்பட்டன. தற்போது தங்களது செக்மெண்ட்டில் அதிகம் விற்பனையாகும் மோட்டார் சைக்கிள்களாக இவை உருவெடுத்துள்ளன.
ராயல் என்பீல்டு 650 ட்வின்ஸ் மோட்டார் சைக்கிள்கள் விற்பனைக்கு அறிமுகம் செய்யப்பட்டு சுமார் 5 மாதங்கள் மட்டுமே ஆகிறது. ஆனால் அதற்குள்ளாகவே அவற்றின் விற்பனை எண்ணிக்கை 5,168 யூனிட்களை தொட்டுள்ளது. விற்பனைக்கு அறிமுகம் செய்யப்பட்ட நவம்பர் மாதம் முதல், ராயல் என்பீல்டு 650 ட்வின்ஸ் மோட்டார் சைக்கிள்களின் விற்பனை மாதந்தோறும் அதிகரித்து கொண்டே வருகிறது.
இதன்படி கடந்த 2018ம் ஆண்டு நவம்பர் மாதம் 325 யூனிட்களாக இருந்த ராயல் என்பீல்டு 650 ட்வின்ஸ் மோட்டார் சைக்கிள்களின் விற்பனை அடுத்த வந்த டிசம்பர் மாதத்தில் 629 யூனிட்களாக அதிகரித்தது. இந்த எண்ணிக்கை கடந்த 2019ம் ஆண்டு ஜனவரி மாதம் 1,069 யூனிட்களாகவும், அதன்பின் வந்த பிப்ரவரி மாதத்தில் 1,445 யூனிட்களாகவும் உயர்ந்தது.
இதன்பின் கடந்த மார்ச் மாதத்தில், ராயல் என்பீல்டு 650 ட்வின்ஸ் மோட்டார் சைக்கிள்களின் விற்பனை இன்னும் அதிகரித்தது. அந்த மாதத்தில் மட்டும் 1,700 மோட்டார் சைக்கிள்கள் விற்பனை செய்யப்பட்டன. ஆக மொத்தத்தில் விற்பனைக்கு அறிமுகம் செய்யப்பட்டது முதல் கடந்த மார்ச் மாதம் வரை விற்பனை செய்யப்பட்ட ராயல் என்பீல்டு 650 ட்வின்ஸ் மோட்டார் சைக்கிள்களின் மொத்த எண்ணிக்கை 5,168.
விற்பனை என்ற அடிப்படையில் ராயல் என்பீல்டு 650 ட்வின்ஸ் பைக்குகள் சந்தித்துள்ள பிரம்மாண்ட வெற்றியானது, இந்த விலை ரேஞ்ச் அல்லது செக்மெண்ட்டில் வேறு எந்த மோட்டார் சைக்கிளுக்கும் கிடைக்காத ஒன்றாகும். ராயல் என்பீல்டு 650 ட்வின்ஸ் மோட்டார் சைக்கிள்களுக்கு, இந்தியாவில் நல்ல டிமாண்ட் நிலவுகிறது. இதனால் அவற்றுக்கான காத்திருப்பு காலம் தற்போது 4-6 மாதங்களாக உள்ளது.
தற்போதைய நிலையில் ஒரு மாதத்திற்கு 2,500 யூனிட் 650 ட்வின்ஸ் மோட்டார் சைக்கிள்களை ராயல் என்பீல்டு நிறுவனம் உற்பத்தி செய்து வருகிறது. ஆனால் நீண்ட வெயிட்டிங் பீரியட் காரணமாக, 650 ட்வின்ஸ் மோட்டார் சைக்கிள்களின் உற்பத்தியை ஒரு மாதத்திற்கு 4,000-5,000 யூனிட்களாக அதிகரிக்க ராயல் என்பீல்டு நிறுவனம் முடிவு செய்துள்ளது.
இதனிடையே இந்தியாவின் 500-800 சிசி செக்மெண்ட்டில், இரு சக்கர வாகனங்களின் விற்பனை அபரிமிதமாக வளர்ச்சியடைந்துள்ளது. இந்த செக்மெண்ட்டில் கடந்த 2017-18 கால கட்டத்தில் விற்பனையான இரு சக்கர வாகனங்களின் எண்ணிக்கை வெறும் 3,585 மட்டுமே. ஆனால் இந்த எண்ணிக்கையானது 2018-19 கால கட்டத்தில், 8,264 யூனிட்களாக அதிகரித்துள்ளது. அதாவது சுமார் 130 சதவீத வளர்ச்சி.
இதற்கு ராயல் என்பீல்டு 650 ட்வின்ஸ் மோட்டார் சைக்கிள்கள் ஒரு முக்கியமான காரணம் என்றால் மிகையல்ல. ராயல் என்பீல்டு 650 ட்வின்ஸ் மோட்டார் சைக்கிள்கள் விற்பனைக்கு அறிமுகம் செய்யப்பட்டுள்ளதால், ஹார்லி டேவிட்சன் ஸ்ட்ரீட் 750 மற்றும் ஸ்ட்ரீட் ராட் மோட்டார் சைக்கிள்களின் விற்பனை கடுமையாக பாதிக்கப்பட்டுள்ளது.
ஏனெனில் கடந்த 2017-18 கால கட்டத்தில் மொத்தம் 2,043 யூனிட் ஹார்லி டேவிட்சன் ஸ்ட்ரீட் 750 மற்றும் ஸ்ட்ரீட் ராட் மோட்டார் சைக்கிள்கள் விற்பனை செய்யப்பட்டிருந்தன. இந்த எண்ணிக்கையானது 2018-19 கால கட்டத்தில், வெறும் 1,513 யூனிட்களாக சரிந்துள்ளது. ஆனால் ஏற்றுமதி என்ற விஷயத்தில், ராயல் என்பீல்டு 650 ட்வின்ஸ் மோட்டார் சைக்கிள்களை ஹார்லி டேவிட்சன் மாடல்கள் வீழ்த்தியுள்ளன.
ஏற்றுமதி செய்யப்பட்ட இந்த ஹார்லி டேவிட்சன் மாடல்களின் எண்ணிக்கை 5,395. ஆனால் ஏற்றுமதியான ராயல் என்பீல்டு 650 ட்வின்ஸ் மோட்டார் சைக்கிள்களின் எண்ணிக்கை 4,442 மட்டுமே. ராயல் என்பீல்டு 650 ட்வின்ஸ் மோட்டார் சைக்கிள்களின் வெற்றிக்கு அவற்றின் கவர்ச்சிகரமான விலையும் ஒரு முக்கியமான காரணமாக பார்க்கப்படுகிறது.
இந்த செக்மெண்ட்டில் விற்பனையாகும் பெரும்பாலான மோட்டார் சைக்கிள்களின் விலை 5 லட்ச ரூபாய்க்கும் மேல்தான் உள்ளது. ஆனால் ராயல் என்பீல்டு 650 ட்வின்ஸ் மோட்டார் சைக்கிள்களின் ஆரம்ப விலை ரூ.2.5 லட்சம் (எக்ஸ் ஷோரூம்) மட்டுமே. ராயல் என்பீல்டு 650 ட்வின்ஸ் மோட்டார் சைக்கிள்களில், 648 சிசி, பேரலல் ட்வின், ஃப்யூயல் இன்ஜெக்டட் இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 47 பிஎச்பி பவர் மற்றும் 52 என்எம் டார்க் திறனை வெளிப்படுத்தக்கூடியது. இதில், 6 ஸ்பீடு கியர் பாக்ஸ் வழங்கப்படுகிறது.