Just In
- 1 hr ago காருக்கு இன்சூரன்ஸ் எடுக்கும் போது இதெல்லாம் செக் பண்ணலேன்னா காசெல்லாம் வீணா போயிடும்!
- 3 hrs ago இந்தியாவே இந்த ஸ்கோடா காருக்காக தான் வெயிட்டிங்! விலையை கேட்டா ஆச்சரியப்படுவீங்க!
- 4 hrs ago வெறும் 1 மணி நேரத்தில் சென்னைல இருந்து பெங்களூர் போயிரலாம்! உலகையே மிரள வைக்கும் புல்லட் ரயில் சீறி பாய போகுது
- 4 hrs ago பெட்ரோல் போடுவதை போல ஹைட்ரஜனை நிரப்பிட்டா 3,000 கிமீ நிற்காம போகும்! உலக சாதனை படைத்த ரயில்!
Don't Miss!
- Education குரூப்-1 வேலைக்கான நேர்முகத் தேர்வு முடிவுகள் ரிலீஸ்...குஷியில் தேர்வர்கள்...!
- News வெடித்து சிதறிய பட்டாசு.. சிக்கலில் சிக்கிய அமைச்சர் கேஎன் நேரு மகன் அருண் நேரு.. பாய்ந்தது வழக்கு
- Technology ரூட்டு எடுத்த BSNL.. ரூ.699 போதும்.. 5 மாதங்கள் வேலிடிட்டி.. அன்லிமிடெட் வாய்ஸ் கால்கள்.. டேட்டா!
- Sports தோனி இனி பேட்டிங் ஆடவே மாட்டார்? சிஎஸ்கே எடுத்த முடிவு.. பெரும் ஏமாற்றம்.. காரணம் இதுதான்
- Travel தமிழ்நாட்டுக்குள் இருக்கிற தாஜ்மஹாலுக்கு நீங்க போய் இருக்கீங்களா – தாய்க்காக தாஜ்மஹால் கட்டிய மகன்!
- Movies விஜய்யை அட்டாக் பண்ணி அஜித் போட சொன்ன பாட்டுதான் அது.. இசையமைப்பாளர் பரத்வாஜ் ஓபன் பேட்டி!
- Lifestyle இந்தியாவிலிருந்து ஆங்கிலேயர்கள் திருடிட்டு போன விலைமதிப்பில்லாத பொக்கிஷங்கள்... இதோட மதிப்பு என்ன தெரியுமா?
- Finance தேர்தலில் போட்டியிட பணமில்லாத நிர்மலா சீதாராமன் சொத்து மதிப்பு என்ன தெரியுமா..?
கணிப்பு பொய்த்தது... இந்தியாவில் இந்த அதிசயம் நடக்கும் என யாரும் நினைத்து கூட பார்த்திருக்க முடியாது
இந்தியாவில் இப்படி ஒரு சம்பவம் நடக்கும் என யாரும் நினைத்து கூட பார்த்திருக்க முடியாது. கணிப்புகளை எல்லாம் பொய்யாக்கி இந்த அதிசயம் நிகழ்ந்துள்ளது.
இந்திய வாடிக்கையாளர்கள் மத்தியில் பெரும் ஆவலை தூண்டியிருந்த யமஹா எம்டி-15 (Yamaha MT-15) மோட்டார் சைக்கிள், கடந்த மார்ச் மாதம் 15ம் தேதி விற்பனைக்கு அறிமுகம் செய்யப்பட்டது. என்றாலும் பெரும் எதிர்பார்ப்புடன் காத்திருந்த ரசிகர்களுக்கு, யமஹா எம்டி-15 மோட்டார் சைக்கிளின் விலை கடும் அதிர்ச்சியை கொடுத்தது.
ஏனெனில் யமஹா எம்டி-15 மோட்டார் சைக்கிளுக்கு ரூ.1.36 லட்சம் என்ற எக்ஸ் ஷோரூம் விலை நிர்ணயம் செய்யப்பட்டிருந்தது. இந்தியாவின் 150-160 சிசி செக்மெண்ட்டில் விற்பனை செய்யப்படும் எஞ்சிய ஸ்ட்ரீட்ஃபைட்டர் (Streetfighter) மாடல் மோட்டார் சைக்கிள்களை காட்டிலும், யமஹா எம்டி-15 பைக்கின் விலை மிகவும் அதிகம்.
போதாக்குறைக்கு யமஹா எம்டி-15 மோட்டார் சைக்கிளில் சிங்கிள் சேனல் ஏபிஎஸ் பிரேக்கிங் வசதி மட்டுமே வழங்கப்பட்டுள்ளது. ஆனால் விற்பனைக்கு அறிமுகம் செய்யப்படுவதற்கு முன்னதாக ட்யூயல் சேனல் ஏபிஎஸ் பிரேக்கிங் சிஸ்டம் வழங்கப்படும் என பெரிதும் எதிர்பார்க்கப்பட்டது. இதுவும் கூட ரசிகர்களை அதிர்ச்சியடைய வைத்தது.
யமஹா எம்டி-15 பைக்கின் விலையை காட்டிலும் கூடுதலாக 3,680 ரூபாய் செலவிட்டால், ட்யூயல் சேனல் ஏபிஎஸ் வசதியுடன் கூடிய யமஹா ஆர்15 வி3 (Yamaha R15 V3) மோட்டார் சைக்கிளையே வாங்கி விட முடியும். யமஹா ஆர்15 வி3 மோட்டார் சைக்கிளின் எக்ஸ் ஷோரூம் விலை 1,39,680 ரூபாய் மட்டுமே. இதுபோன்ற காரணங்களால் யமஹா எம்டி-15 மோட்டார் சைக்கிள் ரசிகர்கள் அதிருப்தியடைந்தனர்.
பெரும் எதிர்பார்ப்புடன் காத்திருந்த ரசிகர்கள், சமூக வலை தளங்களின் வாயிலாக யமஹா நிறுவனத்திற்கு தங்கள் எதிர்ப்பை காட்டினர். இது 'MT-15' அல்ல, 'Empty 15' எனவும் ரசிகர்களால் விமர்சனம் செய்யப்பட்டது. இதன் காரணமாக எம்டி-15 மோட்டார் சைக்கிளின் விற்பனை யமஹா நிறுவனம் எதிர்பார்த்த அளவிற்கு இருக்காது என கணிக்கப்பட்டது.
ஆனால் கணிப்புகளை எல்லாம் பொய்யாக்கி முதல் மாதத்திலேயே அட்டகாசமான விற்பனை எண்ணிக்கையை பதிவு செய்து கெத்து காட்டியுள்ளது யமஹா எம்டி-15 மோட்டார் சைக்கிள். கடந்த மார்ச் மாதத்தில் விற்பனை செய்யப்பட்ட யமஹா எம்டி-15 மோட்டார் சைக்கிள்களின் விற்பனை நிலவரம் தற்போது வெளியாகியுள்ளது.
இதன்படி கடந்த 2019ம் ஆண்டு மார்ச் மாதத்தில் மொத்தம் 5,203 யமஹா எம்டி-15 மோட்டார் சைக்கிள்கள் விற்பனை செய்யப்பட்டுள்ளன. இதன் மூலம் யாரும் எதிர்பார்க்காத வகையில் மிக சிறப்பான தொடக்கத்தை யமஹா எம்டி-15 மோட்டார் சைக்கிள் பெற்றுள்ளது. இத்தனைக்கும் மார்ச் மாத மத்தியில்தான் யமஹா எம்டி-15 மோட்டார் சைக்கிள் விற்பனைக்கு அறிமுகம் செய்யப்பட்டது என்பது குறிப்பிடத்தக்கது.
அதிகப்படியான விலை, சிங்கிள் சேனல் ஏபிஎஸ் பிரேக்கிங் சிஸ்டம் மட்டுமே வழங்கப்படுகிறது என்ற குறைகளை எல்லாம் கடந்து யமஹா எம்டி-15 மோட்டார் சைக்கிளை இந்திய ரசிகர்கள் ஏற்று கொண்டு விட்டனர் என்பதையே இது காட்டுகிறது. இத்தனைக்கும் இந்திய வாடிக்கையாளர்கள் விலைக்கு மட்டுமே அதிக முக்கியத்துவம் கொடுக்க கூடியவர்கள் என்பது குறிப்பிடத்தக்கது.
யமஹா எம்டி-15 மோட்டார் சைக்கிளில், 155 சிசி, சிங்கிள் சிலிண்டர் இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 10,000 ஆர்பிஎம்மில் 19.3 எச்பி பவரையும், 8,500 ஆர்பிஎம்மில் 14.7 என்எம் டார்க் திறனையும் உருவாக்க கூடியது. இதில், 6 ஸ்பீடு கியர் பாக்ஸ் வழங்கப்படுகிறது. யமஹா எம்டி-15 மோட்டார் சைக்கிளின் முன் பகுதியில் 282 மிமீ சிங்கிள் டிஸ்க் பிரேக்கும், பின் பகுதியில் 220 மிமீ சிங்கிள் டிஸ்க் பிரேக்கும் கொடுக்கப்பட்டுள்ளது.
இதன் க்ரவுண்ட் க்ளியரன்ஸ் 155 மிமீ. எடை 138 கிலோ கிராம். 10 லிட்டர் கொள்ளளவு கொண்ட எரிபொருள் டேங்க் வழங்கப்பட்டுள்ளது. யமஹா எம்டி-15 மோட்டார் சைக்கிளின் டாப் ஸ்பீடு மணிக்கு தோராயமாக 130 கிலோ மீட்டர்கள். இந்த மோட்டார் சைக்கிள் ஒரு லிட்டருக்கு தோராயமாக 40 முதல் 45 கிலோ மீட்டர் வரை மைலேஜ் கொடுக்கிறது.
-
ஒரு புறாவுக்கு இவ்வளவு பெரிய அக்கப்போரா!! இலவச பஸ் டிக்கெட் இருந்தும் பெரிய தொகையை செலவழித்த பாட்டி - பேத்தி!
-
6ம் மாசத்துக்கு அப்புறம் எப்பே வேணும்னாலும் இந்த காரை இந்தியாவில் எதிர்பார்க்கலாம்! சிட்ரோன் பசால்டு வெளியீடு!
-
ரோட்டோர ஒர்க் ஷாப்பில் 8 கோடி ரூபாய் ரோல்ஸ் ராய்ஸ் கார்! வாங்கறது பெருசு இல்ல! மெயின்டெயின் பண்றதுதான் பெருசு!