Just In
- 13 min ago இந்தியாவிலேயே இப்படி ஒரு இடம் கிடையாது! 15 மாடி கார் பார்க்கிங் ரெடி!
- 2 hrs ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 8 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- 8 hrs ago உத்தர பிரதேசத்தை இந்த விஷயத்தில் தமிழ்நாடு முந்த இன்னும் பல காலம் ஆகும்!! மாநில அரசு கொஞ்சம் வேகமா செயல்படனும்
Don't Miss!
- News திடீரென "ஆரஞ்சு" நிறத்தில் செவ்வாய் கிரகம் போல் மாறிய ஏதென்ஸ் நகரம்.. மக்கள் பீதி.. நாசா விளக்கம்!
- Sports IPL 2024 DC vs GT: நாடி நரம்பு எல்லாம் தோனி.. உண்மையை போட்டு உடைத்த ரிஷப் பண்ட்
- Technology Youtube சோலி முடிஞ்சு.. இறங்கி அடிச்ச எலான் மஸ்க்.. AI அம்சம்.. ஸ்மார்ட் டிவிகளில் புதிய ஆப்..
- Lifestyle Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
டிவிஎஸ் க்ரேயோன் முதல் வெஸ்பா எலக்ட்ரிக் ஸ்கூட்டர் வரை.. 2021ல் அறிமுகமாகவுள்ள ஸ்கூட்டர்கள்!!
ஸ்கூட்டர்களுக்கு இந்தியா எப்போதுமே பெரிய சந்தையாகும். மோட்டார்சைக்கிள்களை காட்டிலும் இயக்குவதற்கு எளிமையானதாகவும், கியர் இல்லாததாகவும் விளங்குவதால் ஸ்கூட்டர்களையே பெரும்பான்மையோர் விரும்புகின்றனர்.
இதன் காரணமாக கிட்டத்தட்ட அனைத்து நிறுவனங்களும் தங்களது லைன்-அப்பில் குறைந்தது ஒரு ஸ்கூட்டர் மாடலையாவது கொண்டுள்ளன. மேலும் புதிய தயாரிப்புகளை அறிமுகம் செய்யவும் தயாராகி வருகின்றன. இந்த வகையில் 2021ல் இந்திய சந்தையில் அறிமுகமாகவுள்ள புதிய ஸ்கூட்டர் மாடல்களில் சிலவற்றை இந்த செய்தியில் பார்ப்போம்.
1.டிவிஎஸ் க்ரேயோன்
2018 ஆட்டோ எக்ஸ்போவில் டிவிஎஸ் க்ரேயோன் கான்செப்ட் மாடலாக காட்சிப்படுத்தப்பட்டது. இந்த எலக்ட்ரிக் ஸ்கூட்டரை டிவிஎஸ் மோட்டார் நிறுவனம் அடுத்த 2021ஆம் வருடத்தில் விற்பனைக்கு கொண்டுவரும் என எதிர்பார்க்கப்படுகிறது.
ஸ்கூட்டரில் சிறப்பம்சமாக முழு டிஜிட்டல் இன்ட்ரூமெண்ட் க்ளஸ்ட்டர் வழங்கப்படவுள்ளது. இதன் மூலமாக ஸ்கூட்டரின் வேகம், ஓடோமீட்டர், பேட்டரியின் சார்ஜ் சதவீதம் மற்றும் ரைடிங் ரேஞ்ச் உள்ளிட்டவற்றை ஓட்டுனர் அறியலாம்.
டிவிஎஸ் க்ரேயோன் கான்செப்ட் மாடல் வெவ்வேறான ரைடிங் மோட்கள், ஜியோ-ஃபென்சிங், ஹில் ஹோல்ட் கண்ட்ரோல் உள்ளிட்டவற்றை பெற்றிருந்தது. அவற்றை விற்பனை மாடலில் எதிர்பார்க்கலாம். அதிகப்பட்சமாக 100kmph வேகத்தில் இயங்கக்கூடிய வகையில் வழங்கப்படவுள்ள இந்த டிவிஎஸ் ஸ்கூட்டரை முழு சார்ஜில் 80கிமீ வரையில் இயங்கும்.
2.கிம்கோ எஃப்9
கிம்கோ நிறுவனம் சமீபத்தில்தான் அதன் எஃப்9 எலக்ட்ரிக் ஸ்கூட்டரை வெளிகாட்டியது. இந்த ஸ்கூட்டர் ஷோரூம்களுக்கு அடுத்த ஆண்டில் வந்துவிடும் என எதிர்பார்க்கப்படுகிறது. ஸ்கூட்டரின் முன்பகுதியில் இரட்டை எல்இடி ஹெட்லேம்ப் வழங்கப்பட்டுள்ளது.
கிம்கோ எஃப்9 ஸ்கூட்டர் 40Ah லித்தியம்-இரும்பு பேட்டரி தொகுப்பு மற்றும் 9.4 கிலோவாட்ஸ் எலக்ட்ரிக் மோட்டார் மூலம் இயக்க ஆற்றலை பெறும். அதிகப்பட்சமாக 110kmph வேகத்தில் இயங்கக்கூடியதாக வழங்கப்படும் இந்த ஸ்கூட்டரை முழு சார்ஜில் 120kmph வேகத்தில் இயக்க முடியும்.
3.ஹோண்டா ஃபோர்ஸா 300
ஹோண்டாவின் மேக்ஸி-ஸ்கூட்டர் மாடலான ஃபோர்ஸா 300 இந்திய சந்தையில் இந்த ஆண்டில் அறிமுகப்படுத்தப்படும் என எதிர்பார்க்கப்பட்டது. ஆனால் கொரோனாவினால் இதன் அறிமுகம் அடுத்த ஆண்டிற்கு தள்ளிப்போகியுள்ளது.
எலக்ட்ரிக் மூலமாக அட்ஜெஸ்ட் செய்யக்கூடிய விண்ட்ஸ்க்ரீன், துணை-டிஜிட்டல் இன்ஸ்ட்ரூமெண்ட் க்ளஸ்ட்டர், இரு முழு ஹெல்மெட்களை வைப்பதற்கு போதுமான சேமிப்பு பகுதி முக்கிய இக்னிஷன் ஸ்விட்ச் க்னாப், எரிபொருள் நிரப்பும் பகுதி, சேமிப்பிடம் உள்ளிட்டவற்றை கண்ட்ரோல் செய்ய ஸ்மார்ட் சாவி போன்றவற்றை பெற்றுவரும் ஃபோர்ஸா 300-இல் 279சிசி என்ஜின் வழங்கப்படுகிறது. இந்த என்ஜின் மூலமாக அதிகப்பட்சமாக 7000 ஆர்பிஎம்-ல் 24.8 பிஎச்பி பவரை பெற முடியும்.
4.ஒகினாவா க்ரூஸர்
ஒகினாவா க்ரூஸர் எலக்ட்ரிக் மேக்ஸி-ஸ்கூட்டர் முதன்முறையாக முன்மாதிரியாக 2020 ஆடோ எக்ஸ்போவில் காட்சிப்படுத்தப்பட்டது. முன்பக்கத்தில் V-வடிவில் ஹெட்லேம்ப் மற்றும் பெரிய விண்ட்ஸ்க்ரீனை கொண்டுள்ள இந்த ஸ்கூட்டரில் தொலைத்தூர பயணங்களுக்கு ஏற்றவாறு அகலமான ஹேண்டில் பார் வழங்கப்படவுள்ளது.
முன் மாதிரி மாடலில் 14 இன்ச் அலுமினியம் அலாய் சக்கரங்கள் வழங்கப்பட்டன, ஆனால் விற்பனை மாடலில் 12 இன்ச்சில் சக்கரங்கள் வழங்கப்படும். இதன் துணை-டிஜிட்டல் இன்ஸ்ட்ரூமெண்ட் பேனல் ஸ்மார்ட்போன் இணைப்புடன் வழங்கப்பட வாய்ப்புள்ளது.
ஒகினாவா க்ரூஸரில் 4 kWh பேட்டரி ஆனது 3 கிலோவாட்ஸ் மோட்டார் உடன் வழங்கப்படவுள்ளது. இவற்றின் உதவியுடன் ஸ்கூட்டரை சிங்கிள் சார்ஜில் 120கிமீ தூரத்திற்கும் அதிகப்பட்சமாக 100kmph வேகத்திலும் ஸ்கூட்டரை இயக்கி செல்ல முடியும்.
5.வெஸ்பா எலக்ட்ரிக் ஸ்கூட்டர்
வெஸ்பா பிராண்ட் அடுத்த ஆண்டில் புதிய எலக்ட்ரிக் ஸ்கூட்டர் ஒன்றின் மூலமாக எலக்ட்ரிக் இயக்கத்தில் இணையவுள்ளது. இந்திய சந்தைக்காக பிரத்யேகமாக வடிவமைக்கப்பட்டுவரும் இந்த எலக்ட்ரிக் ஸ்கூட்டரில் டிஜிட்டல் இன்ஸ்ட்ரூமெண்ட் க்ளஸ்ட்டர், ஸ்மார்ட் இணைப்பு மற்றும் அப்ளிகேஷன் உள்ளிட்டவற்றை எதிர்பார்க்கலாம். இதன் அறிமுகம் அடுத்த ஆண்டின் இறுதியில் இருக்கலாம்.