Just In
- 32 min ago என்னதான் பைக் காதலரா இருந்தாலும் இதெல்லாம் ஓவருங்க.. நடிகர் ஜான் ஆபிரகாம் வாங்கிய இந்த பைக்கின் விலை இவ்வளவா!!
- 5 hrs ago ஸ்விஃப்ட் காரை வாங்க ஆள் இல்லனு நெனைக்கறவங்க வேடிக்கைய மட்டும் பாருங்க... சபதம் எடுத்த மாருதி சுஸுகி...
- 5 hrs ago சுஸுகி பைக்குகளில் இது தனி ரகம்!! இந்தியாவில் விலையை கேட்டால் மயக்கமே வந்துவிடும்!
- 6 hrs ago குடும்பத்தோட போறதுக்கு சூப்பர் கார்! ஆஃபரும் அள்ளி குடுக்குறாங்க! ஆனால் சேல்ஸ் சுத்தமா இல்லை ஏன் தெரியுமா
Don't Miss!
- Lifestyle Today Rasi Palan 18 April 2024: இன்று இந்த ராசிக்காரர்கள் கடன் வாங்குவதைத் தவிர்ப்பது நல்லது...
- News ‛‛இளையராஜா எல்லோருக்கும் மோலானவர்கள் இல்லை’’.. பாடல் காப்புரிமை வழக்கில் சென்னை ஹைகோர்ட் கருத்து
- Sports இதெல்லாம் நிஜமா.. என்னை நானே கிள்ளிப் பார்த்துக் கொண்டேன்.. வருங்கால ஆஸி. அதிரடி மன்னன்
- Technology Google-ன் அடுத்த அடி.. உங்க Gmail அக்கவுண்ட்ல 4000-க்கும் அதிகமான இமெயில் இருக்கா? அப்போ இதுதான் ஒரே வழி!
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Movies அட அதுக்குள்ள லீக் ஆகிடுச்சே.. சியான் 62 பட டைட்டில் இதுதானா?.. ஆனால், அந்த வாடை வருதே!
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
விற்பனையில் பிரம்மாண்ட வளர்ச்சியை பதிவு செய்தது ஹீரோ டெஸ்ட்டினி 125...
ஹீரோ டெஸ்ட்டினி 125 ஸ்கூட்டர் கடந்த அக்டோபர் மாத விற்பனையில் பிரம்மாண்ட வளர்ச்சியை பதிவு செய்துள்ளது. இது குறித்த தகவல்களை இந்த செய்தியில் பார்க்கலாம்.
இந்தியாவிலேயே மிகப்பெரிய இரு சக்கர வாகன உற்பத்தி நிறுவனமாக ஹீரோ மோட்டோகார்ப் திகழ்கிறது. ஆனால் அதன் வெற்றி, பெரும்பாலும் ஆரம்ப நிலை கம்யூட்டர் மோட்டார்சைக்கிள்கள் மூலமே கிடைக்கிறது. ஹீரோ மோட்டோகார்ப் நிறுவனத்தின் ஸ்கூட்டர்களின் விற்பனை அவ்வளவு சிறப்பாக இருப்பதில்லை. குறிப்பாக ஹோண்டா ஆக்டிவா போன்ற ஸ்கூட்டர்களுடன் ஒப்பிடும்போது, ஹீரோ மோட்டோகார்ப் நிறுவனத்தின் ஸ்கூட்டர்கள் விற்பனை மிகவும் குறைவாக உள்ளது.
ஆனால் சமீப காலமாக இந்திய வாடிக்கையாளர்கள் மத்தியில் ஹீரோ மோட்டோகார்ப் நிறுவனத்தின் ஸ்கூட்டர்கள் பிரபலமடைந்து வருகின்றன. இதன்படி ஹீரோ மோட்டோகார்ப் நிறுவனம் கடந்த அக்டோபர் மாதம், 26,714 டெஸ்ட்டினி 125 (Hero Destini 125) ஸ்கூட்டர்களை விற்பனை செய்துள்ளது. கடந்த 2019ம் ஆண்டு அக்டோபருடன் ஒப்பிடுகையில் இது 157.58 சதவீத வளர்ச்சியாகும்.
ராயல் என்பீல்டு ஹிமாலயன் பிஎஸ்6 - இப்படி ஒரு ரிவியூ வீடியோ இதுக்கு முன்னாடி பாத்திருக்க மாட்டீங்க!!!
ஏனெனில் கடந்த 2019ம் ஆண்டு அக்டோபர் மாதம் 10,371 ஹீரோ டெஸ்ட்டினி 125 ஸ்கூட்டர்கள் மட்டுமே விற்பனை செய்யப்பட்டிருந்தன. அதே சமயம் நடப்பாண்டு செப்டம்பர் மாதத்துடன் ஒப்பிட்டால், 35.99 சதவீத வளர்ச்சி பதிவு செய்யப்பட்டுள்ளது. நடப்பாண்டு செப்டம்பர் மாதம் ஹீரோ நிறுவனம் 19,644 டெஸ்ட்டினி 125 ஸ்கூட்டர்களை மட்டுமே விற்பனை செய்யப்பட்டிருந்தது.
ஹீரோ மோட்டோகார்ப் நிறுவனம் மிகவும் சிறப்பான விற்பனை எண்ணிக்கைக்கு பெரும்பாலும் ஸ்பிளெண்டர் வரிசை பைக்குகள், ஹெச்எஃப் டீலக்ஸ், க்ளாமர் மற்றும் பேஷன் உள்ளிட்ட ஆரம்ப நிலை கம்யூட்டர் மோட்டார்சைக்கிள்களையே சார்ந்துள்ளது. ஆனால் பிரீமியம் மோட்டார்சைக்கிள்கள் மற்றும் ஸ்கூட்டர்களில் இதேபோன்ற வெற்றியை ஹீரோ மோட்டோகார்ப் நிறுவனத்தால் ருசிக்க முடியவில்லை.
எனினும் ஹீரோ மோட்டோகார்ப் நிறுவனத்தின் ஸ்கூட்டர் விற்பனை சமீப காலமாக வேகம் எடுத்து வருவதால், அந்த நிலை மாறி வருவது போல் தெரிகிறது. ஆனால் ஹீரோ டெஸ்ட்டினி 125 சிறப்பான வளர்ச்சியை பதிவு செய்திருந்தாலும், அதன் போட்டியாளர்களை விட இந்த ஸ்கூட்டர் மிகவும் பின்தங்கி இருக்கிறது.
இந்தியாவில் அதிகம் விற்பனையாகும் ஸ்கூட்டர்களின் பட்டியலில் ஹோண்டா ஆக்டிவா ஆதிக்கம் செலுத்தி வருகிறது. கடந்த அக்டோபர் மாதத்தில் மட்டும் ஹோண்டா நிறுவனம் 2.39 லட்சத்திற்கும் மேற்பட்ட ஆக்டிவா ஸ்கூட்டர்களை விற்பனை செய்துள்ளது! இதே காலகட்டத்தில் டிவிஎஸ் நிறுவனம் 74 ஆயிரத்திற்கும் மேற்பட்ட ஜூபிடர் ஸ்கூட்டர்களை விற்பனை செய்துள்ளது என்பதும் குறிப்பிடத்தக்கது.
ஹீரோ டெஸ்ட்டினி 125 ஸ்கூட்டரில், 124.6 சிசி, ஏர்-கூல்டு, சிங்கிள்-சிலிண்டர் இன்ஜின் வழங்கப்பட்டுள்ளது. இந்த இன்ஜின் அதிகபட்சமாக 9.1 பிஎஸ் பவரையும், 10.4 என்எம் டார்க் திறனையும் உருவாக்க கூடியது. செமி-டிஜிட்டல் இன்ஸ்ட்ரூமெண்ட் க்ளஸ்ட்டர், 10 இன்ச் அலாய் வீல்கள் மற்றும் ட்யூப்லெஸ் டயர்கள் உள்பட பல்வேறு வசதிகளை ஹீரோ டெஸ்ட்டினி 125 பெற்றுள்ளது.
ஹீரோ டெஸ்ட்டினி 125 ஸ்கூட்டர் கடந்த அக்டோபர் மாதம் சிறப்பான விற்பனை வளர்ச்சியை பதிவு செய்துள்ளதற்கு, சமீபத்தில் முடிவடைந்த பண்டிகை காலம் முக்கியமான காரணமாக இருக்கலாம். இதுதவிர கொரோனா வைரஸ் அச்சத்தால் பொது போக்குவரத்திற்கு பதில் சொந்த வாகனங்களில் பயணம் செய்வதை பலர் பாதுகாப்பானதாக கருதுவதும் இதற்கு ஒரு காரணமாக பார்க்கப்படுகிறது.