Just In
- 55 min ago சீன நிறுவனம் கேட்ட முக்கிய சான்றை வழங்கிய இந்தியா! மத்த நாடுகள வளச்சு போட்டதபோல இந்தியாவையும் வளச்சுபோட போகுது
- 3 hrs ago எந்தவொரு பணக்காரருக்கும் இந்த நிலைமை ஏற்பட கூடாது! கடனை திருப்பி செலுத்தாததால் இப்படியெல்லாம் கூட செய்வார்களா?
- 5 hrs ago சுஸுகி 2-வீலர் ஃபேக்ட்ரி நான்-ஸ்டாப்பா ரன் ஆகிட்டு இருக்கு!! ஸ்கூட்டர்களை தயாரிக்கவே நேரம் பத்தல!
- 7 hrs ago படகு மாதிரி மிதந்து சென்ற ரூ2.44 கோடி கார்! இவ்வளவு வெள்ளத்துலயும் சின்ன டேமேஜ் கூட ஆகலயே!
Don't Miss!
- Lifestyle Today Rasi Palan 19 April 2024: இன்று இந்த ராசிக்காரர்கள் நிலுவையிலுள்ள பணிகளை முடிக்க முயற்சிப்பது நல்லது...
- News ‛‛70 லட்சம் ஓட்டு''.. கடைசி வரை மவுனம் கலைக்காத விஜய்! இன்று நடக்கப்போகும் மாற்றம்? யாருக்கு லாபம்?
- Sports IPL Classics - 87 ரன்களில் ஆல் அவுட்டான மும்பை.. பஞ்சாப் அணியில் பிரவீன்குமார் அபார பவுலிங்
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- Movies Actress Sujitha: குக் வித் கோமாளி நிகழ்ச்சியில் பாண்டியன் ஸ்டோர்ஸ் நாயகி.. சூப்பர்ல!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
இளைஞர்கள் பெரிதும் எதிர்பார்த்திருந்த 2020 ஹீரோ எக்ஸ்ட்ரீம் 160ஆர் பைக் இந்தியாவில் அறிமுகமானது..!
இந்தியாவின் முன்னணி இருசக்கர வாகன தயாரிப்பு நிறுவனங்களுள் ஒன்றாக உள்ள ஹீரோ மோட்டோகார்ப் 2020 எக்ஸ்ட்ரீம் 160ஆர் பைக் மாடலை சந்தையில் அறிமுகப்படுத்தியுள்ளது. இந்த 160சிசி பைக்கின் சிறப்பம்சங்களை இந்த செய்தியில் பார்ப்போம்.
ஹீரோ நிறுவனம் புதிய எக்ஸ்ட்ரீம் 160ஆர் பைக்கை சிங்கிள் டிஸ்க் மற்றும் டபுள் டிஸ்க் என்ற இரு விதமான வேரியண்ட்களில் சந்தைப்படுத்தியுள்ளது. விரைவில் வாடிக்கையாளர்களுக்கு டெலிவிரி செய்யப்படவுள்ள இந்த 160சிசி பைக்கின் இரு வேரியண்ட்களின் விலை எக்ஸ்ஷோரூமில் ரூ.99,950-ல் மற்றும் ரூ.1.03 லட்சமாக நிர்ணயிக்கப்பட்டுள்ளது.
இரு வேரியண்ட்களிலும் சிங்கிள்-சேனல் ஏபிஎஸ்-ஐ பெற்றுள்ள இந்த புதிய பைக்கானது ஸ்போர்ட்ஸ் ரெட், வைப்ரண்ட் ப்ளூ மற்றும் பேர்ல் சில்வர் வொய்ட் என்ற மூன்று விதமான நிறத்தேர்வுகளில் விற்பனை செய்யப்படவுள்ளது. இந்த பைக்கின் தயாரிப்பு பணிகள் ஜெய்பூரில் உள்ள ஹீரோ நிறுவனத்தின் தொழிற்சாலையில் மேற்கொள்ளப்பட்டு வருகின்றன.
முழு-எல்இடி தரத்தில் ஹெட்லேம்பை கொண்டுள்ள புதிய எக்ஸ்ட்ரீம் 160ஆர் பைக்கில் எல்சிடி இன்ஸ்ட்ரூமெண்ட் கன்சோல் மற்றும் மக் சக்கரங்களில் சிவப்பு பின்-ஸ்ட்ரிப்பிங்கும் பொருத்தப்பட்டுள்ளது. தரையில் இருந்து பைக்கின் இருக்கையின் உயரம் 796மிமீ ஆகவும், எரிபொருள் திறன் கொள்ளளவு 12 லிட்டராகவும் உள்ளது.
இந்த புதிய பைக் க்ரவுண்ட் க்ளியரென்ஸை 165மிமீ என்ற அளவிலும், மொத்த எடையை 138.5 கிலோவிலும் பெற்றுள்ளது. இதன் 17 இன்ச் மக் சக்கரங்களில் 130-பிரிவு ரப்பர் டயர்கள் பொருத்தப்பட்டுள்ளன. சஸ்பென்ஷிற்கு 37மிமீ டெலிஸ்கோபிக் ஃபோர்க் முன்புறத்திலும், 7-ஸ்டெப் அட்ஜெஸ்ட்டபிள் மோனோஷாக்கும் வழங்கப்பட்டுள்ளன.
ஹீரோ நிறுவனம் புதிய எக்ஸ்ட்ரீம் பைக் மாடலில் பிஎஸ்6 தரத்தில் 160சிசி, 2-வால்வு என்ஜினை ஃப்யூல்-இன்ஜெக்ஷன் சிஸ்டத்துடன் பொருத்தியுள்ளது. 5-ஸ்பீடு ட்ரான்ஸ்மிஷன் உடன் இணைக்கப்பட்டுள்ள இந்த என்ஜின் அதிகப்பட்சமாக 15 பிஎச்பி பவரையும், 14 என்எம் டார்க் திறனையும் வெளிப்படுத்தும் ஆற்றல் கொண்டது.
தயாரிப்பு நிறுவனம் ஏஆர்ஏஐ அமைப்பால் மதிப்பிடப்பட்ட இந்த பைக்கின் எரிபொருள் திறன் அளவை இதுவரை வெளியிடவில்லை. இருப்பினும் பைக் வழக்கமான ரைடிங் சூழ்நிலையில் 45 kmpl மைலேஜ்ஜை வழங்கும் என எதிர்பார்க்கப்படுகிறது. 0-விலிருந்து 60 kmph என்ற வேகத்தை 4.7 வினாடிகளில் எட்டிவிடக்கூடிய இந்த பைக்கின் அதிகப்பட்ச வேகம் 110 kmph ஆகும்.
ஹீரோ மோட்டோகார்ப் நிறுவனத்தில் இருந்து ஒருவழியாக 2020 எக்ஸ்ட்ரீம் 160ஆர் பைக் சந்தையில் அறிமுகமாகிவிட்டது. ஆனால் இதற்கு விற்பனையில் போட்டியாக விளங்கவுள்ள பஜாஜின் புதிய என்எஸ்160 மற்றும் சுசுகி ஜிக்ஸெர் 150 உள்ளிட்டவற்றின் அறிமுகம் குறித்த உறுதியான தகவல்கள் எதுவும் இதுவரை வெளியாகவில்லை என்பது குறிப்பிடத்தக்கது.