Just In
- 55 min ago உலகின் பவர்ஃபுல் ஹார்பர் கிரேன் இதுதான்.. எங்கே வேணும்னாலும் நகர்ந்து போகும்.. 300டன்னைகூட அசால்டா தூக்கிரும்!
- 5 hrs ago பொண்ணு ஆசைப்பட்டதற்காக 3 கோடி ரூபாய் காரை பரிசளித்த அப்பா! இதுக்கு முன்னாடி யாருமே இந்த காரை வாங்குனது இல்ல!
- 6 hrs ago ஏப்.1ம் தேதி முதல் சுங்ககட்டணம் உயர்கிறது! எங்கு, எவ்வளவு உயர்கிறது தெரியுமா?
- 7 hrs ago சொகுசு வாழ்க்கையில் மிதக்கும் விஜய் பட வில்லன்!! கார்களை விற்றாலே பல தலைமுறைக்கு உட்கார்ந்து சாப்பிடலாம்!
Don't Miss!
- Lifestyle Today Rasi Palan 28 March 2024: இன்று இந்த ராசிக்காரர்கள் பெரிய தொகையை கடனாக கொடுப்பதைத் தவிர்க்கவும்...
- News திரும்பும் ஜெகன்! ஆந்திரா சட்டசபை தேர்தல் பாஜக வேட்பாளர்கள் அறிவிப்பு! மாஜி அமைச்சர்களுக்கு சான்ஸ்
- Sports ஹர்திக் பாண்டியாவை வேண்டுமென்றே பழிவாங்கினார்களா மும்பை வீரர்கள்.. இப்படி மோசமாக விளையாட முடியுமா?
- Movies Vijay - புஸ்ஸி ஆனந்த்துடன் விஜய் சகவாசம்.. ஒரு அரசியல்வாதியும் இப்படி செய்யல.. கிழித்து தொங்கவிட்ட எஸ்.ஏ.சி
- Finance 2047ல் இந்தியா வளர்ந்த நாடாக மாறுமா? அதைப் பற்றி பேசுவது கூட முட்டாள் தனம் - ரகுராம் ராஜன்
- Education ஜேஇஇ பிரதானத் தேர்வெழுதும் அரசு பள்ளி மாணவர்களுக்கு சிறப்புப் பயிற்சி
- Technology கட்டண உயர்வு.. தூக்கி வாரிய வோடபோன்.. ரூ.202 ரீசார்ஜ்.. 13 ஓடிடி.. 400 சேனல்கள்.. டிவி டூ மொபைல்.. என்ன வருது!
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
மிக சவாலான விலையில் ஹஸ்க்வர்னா 250 பைக்குகள் இந்தியாவில் அறிமுகம்... கேடிஎம் ஷோரூம்கள் மூலம் விற்பனை
ஹஸ்க்வர்னா நிறுவனம் ஸ்வர்ட்பிளேன் 250 மற்றும் விட்பிளேன் 250 ஆகிய இரண்டு புதிய பைக் மாடல்களும் இந்தியாவில் இன்று விற்பனைக்கு அறிமுகம் செய்யப்பட்டுள்ளன. இந்த பைக்குகளின் விலை உள்ளிட்ட பல முக்கிய விபரங்களை இந்த செய்தியில் பார்க்கலாம்.
ஸ்வீடனை சேர்ந்த ஹஸ்க்வர்னா நிறுவனம் கேடிஎம் நிறுவனத்தின் அங்கமாக செயல்பட்டு வருகிறது. இந்த நிலையில், கேடிஎம் நிறுவனம் பஜாஜ் ஆட்டோ நிறுவனத்தின் கட்டுப்பாட்டில் செயல்பட்டு வரும் நிலையில், ஹஸ்க்வர்னா பைக்குகளையும் இந்தியாவில் அறிமுகம் செய்ய முடிவு செய்தது.
இதன்படி, கடந்த ஆண்டு இறுதியில் கோவாவில் நடந்த இந்திய பைக் வீக் திருவிழாவில் ஹஸ்க்வர்னா நிறுவனத்தின் ஸ்வர்ட்பிளேன் 250 மற்றும் விட்பிளேன் 250 ஆகிய இரண்டு மாடல்களும் காட்சிப்படுத்தப்பட்டு இருந்தன. அப்போதே, இந்த இரண்டு பைக்குகளும் பார்வையாளர்களை வெகுவாக கவர்ந்தன.
இந்த நிலையில், இரண்டு பைக்குகளையும், பஜாஜ் ஆட்டோ நிறுவனம் இந்தியாவில் இன்று விற்பனைக்கு கொண்டு வந்துள்ளது. இந்த இரண்டு பைக்குகளும் நாடு முழுவதும் 45 நகரங்களில் உள்ள 100 கேடிஎம் பைக் ஷோரூம்கள் வாயிலாக விற்பனை செய்யப்பட இருக்கின்றன. அடுத்த சில மாதங்களில் 275 நகரங்களில் 400 கேடிஎம் ஷோரூம்கள் மூலமாக விற்பனை செய்ய திட்டமிடப்பட்டுள்ளது.
கேடிஎம் ட்யூக் 250 பைக்கின் அடிப்படையில்தான் இந்த புதிய ஹஸ்க்வர்னா ஸ்வர்ட்பிளேன் 250 மற்றும் விட்பிளேன் 250 பைக்குகள் உருவாக்கப்பட்டுள்ளன. இதனால், கேடிஎம் ட்யூக் 250 பைக்கின் பல முக்கிய பாகங்கள் மற்றும் எஞ்சினை இந்த இரண்டு புதிய பைக் மாடல்களும் பங்கிட்டுக் கொண்டுள்ளன.
அதேநேரத்தில், இந்த இரண்டு பைக்குகளும் கேடிஎம் பைக்குகளை போன்றே தனித்துவமான டிசைன் அம்சங்களுடன் அட்டகாசமாக இருக்கின்றன. இதில், ஹஸ்க்வர்னா ஸ்வர்ட்பிளேன் 250 பைக் மாடலானது ஸ்க்ராம்ப்ளர் வகையிலும், விட்பிளேன் மாடலானது கஃபே ரேஸர் வகையிலும் வடிவமைக்கப்பட்டு இருக்கின்றன.
ஹஸ்க்வர்னா ஸ்வர்ட்பிளேன் 250 பைக்கில் ஆஃப்ரோடு மற்றும் சாதாரண சாலை பயன்பாட்டிற்கு ஏற்ற டியூவல் பர்போஸ் டயர்கள் பொருத்தப்பட்டுள்ளன. மறுபுறத்தில் விட்பிளேன் 250 பைக்கில் க்ளிப் ஆன் ஹேண்டில்பார், முன்புறம் நோக்கி சாய்ந்து ஓட்டும் வகையிலான இருக்கை அமைப்புடன் கஃபே ரேஸர் மாடலாக தனித்துவம் பெறுகிறது.
புதிய ஹஸ்க்வர்னா 250 பைக் மாடல்களில் கேடிஎம் ட்யூக் 250 பைக்கில் இருக்கும் அதே 248.8 சிசி சிங்கிள் சிலிண்டர் எஞ்சின்தான் பயன்படுத்தப்பட்டு இருக்கிறது. இந்த எஞ்சின் 29.5 பிஎச்பி பவரையும், 24 என்எம் டார்க் திறனையும் வழங்கும்.
கேடிஎம் பைக்குகளில் கொடுக்கப்படும் ட்ரெல்லிஸ் ஃப்ரேம் அமைப்புடன் இந்த பைக்குள் கவர்கின்றன. இவை தோற்றத்திற்கு வலு சேர்ப்பதுடன் சிறந்த கையாளுமையை வழங்கும். முன்புறத்தில் 43 மிமீ WP Apex அப்சைடு டவுன் ஃபோர்க்குகளுடன் சஸ்பென்ஷன் அமைப்பும், பின்புறத்தில் WP Apex மோனோ ஷாக் அப்சார்பரும் பொருத்தப்பட்டுள்ளன.
இந்த பைக்கில் 17 அங்குல சக்கரங்கள் பயன்படுத்தப்பட்டுள்ளன. முன்சக்கரத்தில் 320 மிமீ டிஸ்க் பிரேக்கும், பின்புறத்தில் 230 மிமீ டிஸ்க் பிரேக்கும் உள்ளன. பாஷ் நிறுவனத்தின் டியூவல் சேனல் ஏபிஎஸ் பிரேக்கிங் தொழில்நுட்பமும் இந்த பைக்கின் பாதுகாப்பிற்கு உறுதுணையாக இருக்கிறது.
இந்த பைக்கில் 9.5 லிட்டர் கொள்ளளவு திறன் கொண்ட பெட்ரோல் டேங்க் பொருத்தப்பட்டு இருக்கிறது. தரையிலிருந்து 835 மிமீ உயரத்தில் இருக்கை அமைப்பு கொடுக்கப்பட்டு இருக்கிறது. 145 மிமீ கிரவுண்ட் கிளியரன்ஸ் பெற்றிருக்கிறது.
புதிய ஹஸ்க்வர்னா ஸ்வர்ட்பிளேன் 250 மற்றும் விட்பிளேன் 250 ஆகிய இரண்டு பைக் மாடல்களுக்கும் ரூ.1.80 லட்சம் எக்ஸ்ஷோரூம் விலை நிர்ணயிக்கப்பட்டு இருக்கிறது. இந்த பைக்குகள் ரூ.2.30 லட்சம் முதல் ரூ.2.50 லட்சம் வரையிலான விலையில் எதிர்பார்க்கப்பட்ட நிலையில், தற்போது மிக சவாலான விலையில் வந்துள்ளன. இது அறிமுக விலைச் சலுகையாக தெரிவிக்கப்பட்டு இருக்கிறது. எனவே, அடுத்த சில மாதங்களில் விலை அதிகரிக்கப்படும் வாய்ப்பும் இருக்கிறது.
வரும் மார்ச் துவக்கம் முதல் ஷோரூம்களில் கிடைக்கும். புதிய ஹஸ்க்வர்னா 250 பைக்குகள் பிரிமீயம் மாடல்களாக நிலைநிறுத்தப்பட்டுள்ளது. இவை நேரடியாக கேடிஎம் 250 பைக் மாடலுக்கே கடும் போட்டியை தரும் என்று எதிர்பார்க்கப்படுகிறது.