Just In
- 13 min ago டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- 3 hrs ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- 3 hrs ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 4 hrs ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
Don't Miss!
- Sports 4 பந்துகளில் 4 சிக்ஸ்.. டி வில்லியர்ஸ் சாதனையை முறியடித்த பட்டிதர்.. 19 பந்துகளில் மிரட்டல் அரைசதம்!
- News பிறந்தது சென்னை தான்.. ஆனா கன்னடா தெரியுமா? பிரசாரத்தில் தமிழர்களிடம் சிவராஜ் குமார் திடீர் கேள்வி
- Movies Pa Vijay: ஒரேயொரு சூரியன் மாதிரி.. ஒரேயொரு அப்படிபோடு பாடல்.. பா. விஜய் உற்சாகம்!
- Lifestyle சப்பாத்திக்கு ஏற்ற மணமணக்கும்... ருசியான.. சைவ சிக்கன் கிரேவியை எப்படி செய்யணும் தெரியுமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
கேடிஎம் 890 ட்யூக் ஆர் பைக்கின் முக்கிய விபரங்கள் வெளியீடு!
கேடிஎம் 890 ட்யூக் ஆர் பைக்கின் முக்கிய விபரங்கள் ஆன்லைன் மூலமாக வெளியிடப்பட்டு இருக்கின்றன. இந்த பைக்கில் இடம்பெற்றிருக்கும் முக்கிய அம்சங்களை இந்த செய்தியில் தொடர்ந்து பார்க்கலாம்.
கடந்த ஆண்டு நம்பரில் இத்தாலியில் நடந்த ஐக்மா மோட்டார்சைக்கிள் கண்காட்சியில் புதிய கேடிஎம் 890 ட்யூக் ஆர் பைக் பொது பார்வைக்கு கொண்டு வரப்பட்டது. ஆனால், முக்கிய விபரங்கள் வெளியிடப்படவில்லை. இந்த நிலையில், இந்த புதிய பைக் மாடல் விரைவில் சந்தைக்கு கொண்டு வரப்பட உள்ளது. அதற்கு முன்னதாக இந்த பைக்கின் சிறப்பம்சங்களை வீடியோவாக தயாரித்து வெளியிட்டுள்ளது கேடிஎம்.
இந்தியா உள்ளிட்ட நாடுகளில் விற்பனையில் இருக்கும் கேடிஎம் 790 ட்யூக் அடிப்படையில்தான் இந்த புதிய 890 ட்யூக் ஆர் மாடலும் உருவாக்கப்பட்டு இருக்கிறது. ஆனால், இந்த புதிய மாடலில் பேரலல் ட்வின் சிலிண்டர்கள் கொண்ட 890சிசி லிக்யூடு கூல்டு எஞ்சின் பொருத்தப்பட்டு இருக்கிறது.
இதன் எஞ்சின் அதிகபட்சமாக 121 பிஎஸ் பவரையும், 99 என்எம் டார்க் திறனையும் வழங்க வல்லதாக உள்ளது. இந்த பைக்கில் 6 ஸ்பீடு கியர்பாக்ஸ் இணைக்கப்பட்டு இருக்கிறது. மேலும், இதன் எஞ்சினில் புதிய கிராங்க்சாஃப்ட், கனெக்ட்டிங் ராடு, இலகுவான பிஸ்டன்கள் ஆகியவற்றுடன் வந்துள்ளது.
மேலும், மிக விரைவான கியர் மாற்றம் செய்யும் வாய்ப்பை வழங்கும் வகையிலான குறைந்த நீளமுடைய கியர் ஷிஃப்ட் லிவர், இலகுவான ஸ்பிரிங்குகள் போன்றவையும் ஓட்டுனருக்கு மிக அதிக செயல்திறனை வழங்கும் உணர்வை தரும். குயிக் ஷிஃப்டர் வசதியும் இருக்கிறது. நடுத்தர வகை பைக் மார்க்கெட்டில் மிக இலகுவான எஞ்சினை இந்த பைக் பெற்றிருப்பதாக கேடிஎம் பெருமிதம் தெரிவித்துள்ளது.
புதிய கேடிஎம் 890 ட்யூக் ஆர் பைக்கில் 43 மிமீ WP அபெக்ஸ் அப்சைடு டவுன் ஃபோர்க்குகள் கொண்ட முன்புற சஸ்பென்ஷன் அமைப்பும், பின்புறத்தில் அட்ஜெஸ்ட்டபிள் வசதியுடன் மோனோ ஷாக் அப்சார்பர் உள்ளன. இந்த இரண்டு சஸ்பென்ஷன் அமைப்பும், அதிவேகத்தில் வளைவுகளில் திரும்பும்போது மிக அதிக நிலைத்தன்மையை உறுதி செய்யும் வகையில் ட்யூனிங் செய்யப்பட்டு பொருத்தப்பட்டுள்ளன.
மேலும், முன்சக்கரத்தில் இரண்டு 320 மிமீ ரோட்டர்கள் கொண்ட பிரெம்போ ஸ்டைலெமா காலிபர்கள் கொண்ட பிரேக் சிஸ்டமும், பின்புறத்தில் ஃப்ளோட்டிங் மோனோபிளாக் காலிபர் கொண்ட 240 மிமீ டிஸ்க் பிரேக்கும் உள்ளன. முன்புற பிரேக் சிஸ்டம் கேடிஎம் 790 ட்யூக் பைக்கைவிட 1.2 கிலோ எடை குறைவானதாக தெரிவிக்கப்பட்டு இருக்கிறது.
இந்த பைக்கில் ஏராளமான பாதுகாப்பு தொழில்நுட்பங்கள் உள்ளன. ஸ்போர்ட், ஸ்ட்ரீட், ரெயின் மற்றும் டிராக் ஆகிய 4 ரைடிங் மோடுகள் உள்ளன. எஞ்சின் ஸ்லிப் கன்ட்ரோல், பைக்கை சாய்த்து திருப்பும்போது கீழே விழாதவாறு பாதுகாக்கும் லீன் ஆங்கிள் சென்சிடிவ் கன்ட்ரோல் சிஸ்டம், மிச்செலின் பவர்கப் 2 டயர்கள் ஆகியவை இடம்பெற்றுள்ளன.
புதிய கேடிஎம் 890 ட்யூக் ஆர் பைக் தற்போது விற்பனையில் உள்ள 790 டயூக் பைக்கிற்கு மாற்றாக நிலைநிறுத்தப்படும். இந்த நிலையில், கடந்த ஆண்டு செப்டம்பரில் கேடிஎம் 790 ட்யூக் பைக் இந்தியாவில் விற்பனைக்கு அறிமுகம் செய்யப்பட்டது.
இந்த பைக் குறிப்பிட்ட எண்ணிக்கையில் மட்டுமே விற்பனை செய்யப்படும் என்று தெரிவிக்கப்பட்டது. இந்த நிலையில், 790 ட்யூக் பிஎஸ்6 மாடல் வரும் மே மாதத்தில் அறிமுகம் செய்யப்பட உள்ளதாக தெரிவிக்கப்பட்டுள்ளது. எனவே, புதிய கேடிஎம் 890 ட்யூக் ஆர் பைக் இந்தியாவில் எப்போது அறிமுகம் செய்யப்படும் என்ற தகவல் இதுவரை இல்லை. விரைவில் இதுகுறித்த அறிவிப்பு அல்லது தகவல் வெளியாகலாம் என்ற எதிர்பார்ப்பில் இந்திய கேடிஎம் ட்யூக் ரசிகர்கள் காத்திருக்கின்றனர்.