Just In
- 16 min ago கேரளாவில் தவெக தலைவர் விஜய்யை பார்க்க இவ்வளவு கூட்டமா? கேரளாவுல நின்னா வெற்றி கன்ஃபார்ம்!
- 2 hrs ago கொஞ்ச நேரத்துல உயிர் போய்ட்டு வந்துச்சு!! தப்பிக்க, பைக்கில் இதையெல்லாம் டிரை செய்து பாருங்க!
- 3 hrs ago பேடிஎம் ஃபாஸ்ட் டேக் கார்டுகளை இப்பவும் பயன்படுத்த முடியுமா? அதுல இருக்குற பணத்தை எடுப்பது எப்படி?
- 5 hrs ago எல்லாரும் ஃப்ளோரிடாவுக்கு கிளம்ப போறாங்க.. ரோல்ஸ் ராய்ஸ் காரை இலவசமா தர போறாங்களாம்!! ஒரே ஒரு நிபந்தனைதான்!
Don't Miss!
- Movies ஒரே காரில் கமலும் சிம்ரனும்?.. அப்புறம்தான் கௌதமி?.. கண்டபடியெல்லாம் சொன்ன பிரபலம்
- News பாமக+அமமுக+ ஓபிஎஸ்.. அண்ணாமலை கணக்கு.. கூட்டிகழிச்சு பார்த்தால், தப்புமா.. அல்லது தப்பாகுமா?
- Lifestyle 18 ஆண்டுகளுக்கு பின் நிகழும் ராகு சூரிய சுக்கிர சேர்க்கை: மார்ச் 31 முதல் இந்த 3 ராசிக்கு பண மழை கொட்டும்..
- Finance ரூ.10 லட்சத்திற்கு கீழ் கிடைக்கும் செகண்ட்ஹேண்ட் கார் கார்கள்? உங்களின் சாய்ஸ் எது?
- Sports "ரோஹித் எனக்கு கீழ் ஆடுவது".. எல்லை மீறிவிட்டார் ஹர்திக் பாண்டியா.. ரசிகர்கள் கொந்தளிப்பு
- Technology வாரித்தூக்குது ஆர்டர்.. ரூ.11,999 பட்ஜெட்ல 6000mAh பேட்டரி.. 50MP கேமரா.. AMOLED டிஸ்பிளே.. எந்த மாடல்?
- Travel தமிழ்நாட்டின் அரண்மனை கிராமம் இது தான் – தமிழர்கள் ஒவ்வொருவரும் கட்டாயம் பார்க்க வேண்டியம் இடம்!
- Education தரமான கல்வியைத் தர உறுதி பூண்டுள்ள பிஎம் ஸ்ரீ பள்ளி திட்டம்...!!
இந்தியன் பைக்காக மாறிய ராயல் என்ஃபீல்டு தண்டர்பேர்டு... இதற்கான செலவு தெரிஞ்சா மயக்கமே போட்ருவீங்க!
ராயல் என்ஃபீல்டு தண்டர்பேர்டு பைக் பல லட்ச ரூபாய் செலவில் இந்தியன் பைக்காக மாற்றப்பட்டுள்ளது. இதுகுறித்த கூடுதல் ஆச்சரியமளிக்கும் தகவலை இந்த பதிவில் காணலாம்.
தமிழகத்தின் தலைநகரான சென்னையை தலைமையமாகக் கொண்டு இயங்கும் ராயல் என்ஃபீல்டு நிறுவனத்தின் புகழ்வாய்ந்த இருசக்கர வாகனங்களில் தண்டர்பேர்டு மாடலும் ஒன்று. இந்த பைக்கையே இளைஞர் ஒருவர் உச்சபட்ச செலவில் விலையுயர்ந்த இந்தியன் நிறுவனத்தின் பைக்காக மாற்றியிருக்கின்றார்.
அண்மைக் காலங்களாக ராயல் என்ஃபீல்டு நிறுவனத்தின் மோட்டார்சைக்கிள்களைச் சார்ந்து அதிகளவில் இருசக்கர வாகன மாடிஃபிகேஷன் அரங்கேறி வருகின்றது. இந்த நிலையிலேயே புதிதாக தண்டர்பேர்டு பைக்கிற்கு புதிய அவதாரம் வழங்கப்பட்டிருக்கின்றது. குறிப்பிட்டு கூற வேண்டுமானால் தண்டர்பேர்டு பைக்கிற்கு ஸ்கவுட் ரக தோற்றம் வழங்கப்பட்டுள்ளது.
இந்த புதிய உருவத்திற்காக பல்வேறு புதிய மாற்றங்களை அப்-பைக் பெற்றிருக்கின்றது. அலாய் வீல் முதல் புகைப் போக்கும் குழாய் வரை பல்வேறு பாகங்கள் நீக்கப்பட்டு புதிய கூறுகள் சேர்க்கப்பட்டிருக்கின்றன. இவையே ராயல் என்ஃபீல்டு தண்டர்பேர்டு பைக்கின் உரு மாற்றத்திற்கு முக்கிய காரணமாக அமைந்திருக்கின்றன.
பைக்கின் முகப்பு பகுதியில் கருப்பு நிற அலாய் வீல் காட்சியளிக்கின்றது. இந்த வீலில் 150 பிரிவிலான டயர் மற்றும் ட்வின் டிஸ்க் பிரேக்குகள் சேர்க்கப்பட்டிருக்கின்றன. இத்துடன், கஸ்டமைஸ் செய்யப்பட்ட மட்டுகுவார்ட்கள் பொருத்தப்பட்டிருக்கின்றது. மேலும், பைக்கின் உயரத்தை மாற்றியமைக்கும் விதமாக முன் பக்க ஃபோர்க்கும் மாற்றப்பட்டிருக்கின்றது.
இவையனைத்தும் சேர்ந்தே தண்டர்பேர்டை ஸ்கவுட் ரக பைக்காக மாற்றியமைத்திருக்கின்றன. இதுமட்டுமின்றி முகப்பு பகுதியில் பொருத்தப்பட்டிருக்கும் எல்இடி ரக ஹெட்லேம்ப் மின் விளக்கு மற்றும் இன்டிகேட்டர் மின் விளக்குகள் பைக்கை வேற லெவல் தோற்றத்திற்கு முன்னேற்றியிருக்கின்றது. இத்துடன், இந்த ஸ்டைலை கூடுதலாக மெருகேற்றும் வகையில், சிங்கிள் பீஸ் ஹேண்டில், முன்னோக்கிய கால் ஆப்புகள் (Foot Pegs) உள்ளிட்டவை பயன்படுத்தப்பட்டுள்ளன.
இதுமட்டுமின்றி, எரிபொருள் நிரப்பும் தொட்டி, முழுமையான டிஜிட்டல் மயமாக்கப்பட்ட இன்ஸ்ட்ரூமென்ட் க்ளஸ்டர் உள்ளிட்டவையும் சேர்க்கப்பட்டிருக்கின்றன. இதில், எரிபொருள் தொட்டிக்காக தனிக் கவனம் செலுத்தப்பட்டுள்ளது. ஆம், பைக்கிற்கு அட்டகாசமான பாபர் ஸ்கவுட் தோற்றத்தை வழங்க வேண்டும் என்பதற்காக அதிக அகலம் மற்றும் மேலோட்டமான உருவ அமைப்புடைய தொட்டி பயன்படுத்தப்பட்டுள்ளது.
இந்த தொட்டி விற்பனையில் இருக்கும் இந்தியன் பைக்குகளில் இருப்பதைப் போன்று காட்சியளிக்கின்றது. இதுமட்டுமின்றி,பைக்கின் எஞ்ஜினைப் பாதுகாப்பதற்காக வி அமைப்பிலான கவசம் பயன்படுத்தப்பட்டுள்ளது. இதைத்தொடர்ந்தே, சிங்கிள் சிலிண்டர் கொண்ட எந்திரத்திற்கு இரு குழாய் அமைப்புடைய புகைப் போக்கும் கருவி பொருத்தப்பட்டிருக்கின்றது.
இந்த குழாயின் இறுதி முனையில் வெள்ளி பூச்சுக் கொண்ட வளையங்கள் பொருத்தப்பட்டிருக்கின்றன. இது புகைப்போக்கும் குழாய்க்கு முரட்டுத்தனமான தோற்றத்தை வழங்க உதவியாக இருக்கின்றது. மேலும், இதன் மூலம் ஓர் மிருகம் உறுமுவதைப் போன்று சத்தம் வெளியேறுவதையும் நம்மால் உணர முடிகின்றது. இருப்பினும், ராயல் என்ஃபீல்டு பைக்குகளுக்கே உரித்தான சத்தத்தை அதனால் மறைக்க முடியவில்லை என்பதையும் நாம் இங்கு கவனிக்க வேண்டும்.
இந்த பைக்கில் ஒருவர் மட்டுமே அமரக்கூடிய இருக்கைகள் பொருத்தப்பட்டிருக்கின்றன. ஆனால், இதில் இருவராலும் அமர முடியும் என்பது குறிப்பிடத்தகுந்தது. ஏனெனில் இது சற்று நீளமானதாக உள்ளது. அதேசமயம் இருவர் அமர்ந்து செல்வாதானால் சற்று நெறுக்கமாகவே அமர்ந்து செல்ல வேண்டிய சூழல் ஏற்படும். ஆனால், ரைடிங்கில் எந்தவித பிரச்னையும் இருக்காது.
இதை உறுதிப்படுத்தும் வகையில் பின்பக்கத்திற்கு 250மிமீ அளவுடைய டயர் பயன்படுத்தப்பட்டுள்ளது. இது சற்று அகலமானது. இத்துடன் பின் பக்க வீலிலும் டிஸ்க் பிரேக் பொருத்தப்பட்டுள்ளது. இது பாதுகாப்பான நிறுத்தத்திற்கு உதவும். இதுமாதிரியான பாகம் மாற்றத்தைத் தொடர்ந்தே பைக்கிற்கு முழுவதுமாக கருப்பு நிற பெயிண்ட் பூச்சு செய்யப்பட்டுள்ளது.
இத்துடன், எந்தவகையிலும் பைக்கின் உண்மைத் தோற்றம் தெரிந்துவிடக் கூடாது என்பதற்காக இந்தியன் மற்றும் ஸ்கவுட் எனும் பேட்ஜ்கள் ஒட்டப்பட்டிருக்கின்றன. இதில் பொருத்தப்பட்டிருக்கும் பெரும்பாலான பாகங்கள் கைவினை பொருட்களாக இருக்கின்றன. ஆகையால், இந்த ஒட்டு மொத்த மாற்றத்திற்கும் ரூ. 12 லட்சம் வரை செலவு செய்யப்பட்டிருப்பதாக கூறப்படுகின்றது.
இந்த மாற்றத்தை தலைநகர் டெல்லியை மையமாகக் கொண்டு இயங்கும் பிட்டூ பைக் மாடிஃபிகேஷன்/வேம்ப் வீடியோ எனும் நிறுவனமே செய்திருக்கின்றது. இந்நிறுவனத்தினாலயே ராயல் என்ஃபீல்டு தண்டர்பேர்டு பைக் தற்போது அட்டகாசமான உருவத்தைப் பெற்றிருக்கின்றது.