Just In
- 1 hr ago வின்ஃபாஸ்ட் நிறுவனத்திற்கு அடித்த ஜாக்பாட்! தூத்துக்குடி ஆலையை திறப்பதற்கு முன்பே விற்பனையை துவங்க வாய்ப்பு!
- 2 hrs ago கேரளாவுக்கு சென்றால் இந்த சொர்க்கத்தை மட்டும் அனுபவிக்காம வந்துடாதீங்க!! வெறும் ரூ.20இல் கிடைக்குது!
- 2 hrs ago அரண்மனைக்கு இணையான வசதி கொண்ட வாகனம்.. இதை மஹிந்திரா தயாரிக்க போகுதா! இப்பவே சந்தோஷம் தாங்கலை!
- 4 hrs ago கேரளாவில் தவெக தலைவர் விஜய்யை பார்க்க இவ்வளவு கூட்டமா? கேரளாவுல நின்னா வெற்றி கன்ஃபார்ம்!
Don't Miss!
- News Exclusive: நான் சாதி வெறியன் இல்லை.. அது பொய் வீடியோ! கொமதேக நாமக்கல் வேட்பாளர் சூரியமூர்த்தி பேட்டி
- Lifestyle புடலங்காயை ஒருமுறை இந்த மாதிரி செய்யுங்க.. கிலோ கணக்குல செஞ்சாலும் காலியாயிடும்...
- Finance அட இன்போசிஸ் கூடவா.. ஐடி நிறுவனங்கள் தேர்தல் பத்திரம் வாயிலாக நன்கொடை..!
- Technology WhatsApp-ல ஸ்டேட்டஸ் போடுறீங்களா? வருது புது அப்டேட்.. டபுள் சந்தோஷத்தில் பயனர்கள்.. என்ன மேட்டர் தெரியுமா?
- Movies Baakiyalakshmi serial: செழியனை அடித்து துவைக்கும் ஜெனியின் அப்பா.. பொங்கியெழுந்த எழில்!
- Sports IPL 2024 CSK : ருதுராஜ் கெய்க்வாட் உடன் ஓபனிங்கில் தல தோனி? சிஎஸ்கே அணியில் நடக்கப் போகும் ட்விஸ்ட்
- Education கல்வித்தரத்தில் சமரசம் செய்துகொள்ளாத எம்ஓபி வைஷ்ணவ் மகளிர் கல்லூரி
- Travel தமிழ்நாட்டின் அரண்மனை கிராமம் இது தான் – தமிழர்கள் ஒவ்வொருவரும் கட்டாயம் பார்க்க வேண்டியம் இடம்!
சேத்தக் இ-ஸ்கூட்டருக்கான முன்பதிவை மீண்டும் துவங்கியது பஜாஜ்!! பெங்களூர் & புனேவில்
பஜாஜ் சேத்தக் எலக்ட்ரிக் ஸ்கூட்டருக்கான முன்பதிவுகள் மீண்டும் துவங்கப்பட்டுள்ளன. இந்தியாவின் சில முக்கிய மாநகரங்களில் மட்டுமே விற்பனை செய்யப்படும் பஜாஜ் சேத்தக்கின் முன்பதிவுகள் கடந்த சில மாதங்களாக நிறுத்தி வைக்கப்பட்டு இருந்தன.
சமீபத்தில் சேத்தக்கின் விலைகள் அதிரடியாக உயர்த்தப்பட்டு இருந்தன. இவை அனைத்தும் இந்த இ-ஸ்கூட்டரை வாங்க திட்டமிட்டிருந்த வாடிக்கையாளர்களுக்கு பெருத்த ஏமாற்றமானது.
ஆனால் இனி கவலை வேண்டாம், ஏனெனில் புனே மற்றும் பெங்களூரில் சேத்தக்கிற்கான முன்பதிவுகள் மீண்டும் துவங்கப்பட்டுள்ளன. உண்மையில் பஜாஜ் ஆட்டோ நிறுவனம் எதிர்பார்த்ததை காட்டிலும் சேத்தக்கிற்கு வரவேற்பு குவிந்துள்ளது.
1980, 90களில் விற்பனையில் இருந்த பஜாஜ் சேத்தக் ஸ்கூட்டர்களை போன்ற இந்த எலக்ட்ரிக் ஸ்கூட்டரின் நியோ-ரெட்ரோ ஸ்டைல் தோற்றம் இந்த அளவிற்கு வரவேற்பு கிடைப்பதற்கு முக்கிய காரணமாக உள்ளது. இதற்கடுத்து ஸ்கூட்டரின் 12-இன்ச் சக்கரங்கள் மற்றும் முன்பக்க சஸ்பென்ஷன் செட்அப் பல வாடிக்கையாளர்களை கவர்ந்துள்ளது.
ஸ்டைலிஷான ஒற்றை-பக்க ஸ்விங்கார்மை பின்பக்கத்தில் பெறுகின்ற சேத்தக் எலக்ட்ரிக் ஸ்கூட்டரில் 3.0kWh லித்தியம்-இரும்பு பேட்டரி தொகுப்பு வழங்கப்படுகிறது. 4.08 கிலோவாட்ஸ் எலக்ட்ரிக் மோட்டார், இந்த பேட்டரி தொகுப்பின் ஆற்றல் மூலம் 16 என்எம் டார்க் திறன் வரையிலான ஆற்றலை பெறுகிறது.
பேட்டரியை முழுவதுமாக சார்ஜ் நிரப்பிக்கொண்டு ஈக்கோ மோடில் அதிகப்பட்சமாக 95கிமீ தொலைவிற்கு செல்லலாம் என பஜாஜ் நிறுவனம் தெரிவித்துள்ளது. அதுவே ஸ்போர்ட் மோடில் கூடுதல் வேகம் கிடைக்கும் என்பதால், ரேஞ்ச் கிட்டத்தட்ட 10கிமீ குறைகிறது.
அர்பன் & பிரீமியம் என்கிற இரு வேரியண்ட்களில் சேத்தக் இ-ஸ்கூட்டரை பஜாஜ் நிறுவனம் விற்பனை செய்து வருகிறது. இவை இரண்டிலும் எல்இடி விளக்குகள் பொருத்தப்படுகின்றன. இவற்றின் எக்ஸ்-ஷோரூம் விலைகள் முறையே ரூ.1,42,988 மற்றும் ரூ.1.44,987 ஆக தற்சமயம் உள்ளன.
ஃபேம் 2 மானியம் பெறுவதற்கான எலக்ட்ரிக் ஸ்கூட்டராக பஜாஜ் சேத்தக் ஏற்ற கொள்ளப்படவில்லை. இதனால் தான் இந்த பஜாஜ் இ-ஸ்கூட்டரை காட்டிலும் ஏத்தர் 450எக்ஸ் மற்றும் டிவிஎஸ் ஐக்யுப் மலிவானவைகளாக உள்ளன.
எலக்ட்ரிக் ஸ்கூட்டரை வாங்க திட்டமிடுபவர்களுக்கு சேத்தக்கை பார்த்தவுடனே பிடித்து போய்விடும். ஆனால் அதன் ரூ.1.42 லட்சம் என்கிற விலை தான் பலருக்கு அதிர்ச்சியாக உள்ளது. இருப்பினும் இதன் முன்பதிவை எதிர்பார்த்து காத்து கொண்டிருந்தவர்கள் ஏராளம்.
இந்த ஜூலை மாதத்தில் தான் நாக்பூரில் சேத்தக் எலக்ட்ரிக் ஸ்கூட்டர் அறிமுகப்படுத்தப்பட்டது. சேத்தக்கை சென்னை மற்றும் ஹைதராபாத்திலும் விற்பனைக்கு கொண்டுவரவுள்ளதாக பஜாஜ் அறிவித்திருந்தது. ஆனால் அதன்பின் எந்த தகவலும் இல்லை.