Just In
- 2 hrs ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- 3 hrs ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 4 hrs ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 4 hrs ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
Don't Miss!
- News திண்டுக்கல்-பொள்ளாச்சி பஸ் பெயர் பலகையையில் என்ன "ஓடிச்சி" பாருங்க.. தலைசுற்றிப்போன மக்கள்
- Sports IPL Classics - 2010 சீசன் அரையிறுதியில் CSK வென்றது எப்படி? பலம் வாய்ந்த டெக்கான் அணியுடம் மோதிய கதை
- Movies Actor Karthi: ஜூன் மாதத்தில் துவங்கும் சர்தார் 2 படத்தின் சூட்டிங்.. கதை என்ன தெரியுமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Lifestyle கால்களில் இந்த அறிகுறிகள் தெரியுதா? அப்ப சிறுநீரக நோய் இருக்கு-ன்னு அர்த்தம்.. உஷார்...
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
இப்போ இருக்க பெட்ரோல் விலைக்கு கம்யூட்டர் பைக்தான் சரி... ஹீரோ பேஷன் ப்ரோ விற்பனை கிடுகிடு உயர்வு...
இந்தியாவில் ஹீரோ பேஷன் ப்ரோ பைக்கின் விற்பனை உயர்ந்துள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
விற்பனை எண்ணிக்கை அடிப்படையில், உலகின் மிகப்பெரிய இரு சக்கர வாகன நிறுவனங்களில் ஒன்றாக ஹீரோ மோட்டோகார்ப் உள்ளது. கடந்த ஜனவரி மாதம் மட்டும் ஹீரோ மோட்டோகார்ப் நிறுவனம் 4.67 லட்சத்திற்கும் மேற்பட்ட இரு சக்கர வாகனங்களை விற்பனை செய்துள்ளது. இந்த எண்ணிக்கையில் ஹீரோ பேஷன் குறிப்பிடத்தக்க பங்களிப்பை வழங்கியுள்ளது.
அத்துடன் விற்பனையில் சிறப்பான வளர்ச்சியையும் ஹீரோ பேஷன் பதிவு செய்துள்ளது. ஹீரோ மோட்டோகார்ப் நிறுவனம் கடந்த 2020ம் ஆண்டு ஜனவரி மாதம் வெறும் 26,905 பேஷன் மோட்டார்சைக்கிள்களை மட்டுமே விற்பனை செய்திருந்தது. ஆனால் நடப்பாண்டு ஜனவரி மாதம் இந்த எண்ணிக்கை 43,162 ஆக உயர்ந்துள்ளது.
இதன் மூலம் விற்பனையில் 60 சதவீத வளர்ச்சியை ஹீரோ பேஷன் பதிவு செய்துள்ளது. தற்போதைய நிலையில் ஹீரோ நிறுவனம் பேஷன் ப்ரோ பைக்கை, டிஸ்க் பிரேக் மற்றும் ட்ரம் ப்ரேக் என மொத்தம் 2 வேரியண்ட்களில் விற்பனை செய்து வருகிறது. இவற்றின் விலை முறையே 69,600 ரூபாய் மற்றும் 67,400 ரூபாயாக நிர்ணயம் செய்யப்பட்டுள்ளது. இவை புது டெல்லி எக்ஸ் ஷோரூம் விலையாகும்.
டெக்னோ ப்ளூ, ஹெவி க்ரே மெட்டாலிக், மூன் யெல்லோ, ஸ்போர்ட்ஸ் ரெட் மற்றும் க்ளாஸ் ப்ளாக் என மொத்தம் 5 வண்ணங்களில் பேஷன் ப்ரோ மோட்டார்சைக்கிளை ஹீரோ மோட்டோகார்ப் நிறுவனம் விற்பனை செய்து வருகிறது. ஹீரோ மோட்டோகார்ப் நிறுவனத்தின் அளவில் மட்டுமல்லாது, ஒட்டுமொத்தமாகவும் இந்தியாவில் அதிகம் விற்பனையாகும் பைக்குகளில் ஒன்றாக இது உள்ளது.
ஹீரோ பேஷன் ப்ரோ மோட்டார்சைக்கிளில், பிஎஸ்-6 மாசு உமிழ்வு விதிமுறைகளுக்கு இணக்கமான 113 சிசி சிங்கிள்-சிலிண்டர் ஏர்-கூல்டு 4-ஸ்ட்ரோக் ப்யூயல்-இன்ஜெக்டட் இன்ஜின் வழங்கப்பட்டுள்ளது. இந்த இன்ஜின் அதிகபட்சமாக 7500 ஆர்பிஎம்மில் 9.15 பிஎஸ் பவரையும், 5000 ஆர்பிஎம்மில் 9.89 என்எம் டார்க் திறனையும் உருவாக்க கூடியது.
இந்த இன்ஜினுடன் 4 ஸ்பீடு கியர்பாக்ஸ் இணைக்கப்பட்டுள்ளது. ஹீரோ பேஷன் ப்ரோ மோட்டார்சைக்கிளில், 10 லிட்டர் கொள்ளவு கொண்ட எரிபொருள் டேங்க் வழங்கப்பட்டுள்ளது. இந்த பைக்கின் எடை 117 கிலோ (டிஸ்க் பிரேக் வேரியண்ட்டின் எடை 118 கிலோ). அதே சமயம் இந்த பைக் ஓரளவிற்கு சிறப்பான எரிபொருள் சிக்கனத்தையும் வழங்குகிறது.
ஹீரோ பேஷன் ப்ரோ மோட்டார்சைக்கிள், ஒரு லிட்டருக்கு 68.21 கிலோ மீட்டர் மைலேஜை வழங்கும் என தெரிவிக்கப்பட்டுள்ளது. நடைமுறை பயன்பாட்டில் இதை விட குறைவான மைலேஜ்தான் கிடைக்கும் என்றாலும், தற்போது பெட்ரோல், டீசல் விலை உயர்ந்து வரும் நிலையில் இதனை ஓரளவிற்கு நல்ல மைலேஜாக கருதலாம்.
இந்த பைக்கில், i3S ஸ்டாப்-ஸ்டார்ட் தொழில்நுட்பம், ஹாலோஜன் ஹெட்லேம்ப் மற்றும் டிஜிட்டல்-அனலாக் இன்ஸ்ட்ரூமெண்ட் க்ளஸ்ட்டர் உள்ளிட்ட வசதிகள் வழங்கப்படுகின்றன. இந்திய சந்தையில் ஹோண்டா சிடி 110 ட்ரீம் மற்றும் டிவிஎஸ் ஸ்டார் சிட்டி ப்ளஸ் ஆகியவை ஹீரோ பேஷன் ப்ரோ மோட்டார்சைக்கிளின் முக்கியமான போட்டியாளர்களாக உள்ளன.