Just In
- 17 min ago டீசலை எதிர்பாக்காதீங்க.. பெட்ரோல் மட்டும்தான் கிடைக்கும்.. ரொம்ப நாளா எதிர்பார்க்கப்படும் காரில் டுவிஸ்ட்!
- 2 hrs ago இ-பைக்கின் உற்பத்தி பணிகளை தொடங்கிய சென்னை நிறுவனம்! உலக நாடுகளே இத பாத்து மிரண்டு நிக்க போகுது!
- 2 hrs ago பெங்களூருக்கு போறவங்க ஒரு முறையாவது இந்த பஸ்ஸில் டிராவல் பண்ணி பாருங்க!! மொத்தமும் எலக்ட்ரிக்...
- 3 hrs ago உடனே திருப்பி கொண்டு வாங்க! பிரபல நிறுவனம் திடீர் அறிவிப்பு! விலை கம்மினு வாங்கீட்டு புலம்பும் உரிமையாளர்கள்!
Don't Miss!
- Sports தவிக்க விட்டுட்டாரே.. ரோஹித் செயலால் நொந்து போன ஹர்திக் பாண்டியா.. தோனியை பார்த்து கதறல்
- News ராமநாதபுரத்தில் ஓபிஎஸ் வெல்வரா?அனுதாப அலையால் அதிமுகவுக்கு ஷாக்.. தந்தி டிவி சர்வேயில் ட்விஸ்ட்
- Lifestyle உங்க முகத்தில் சுருக்கங்கள் வந்து வயசான மாதிரி தெரியுறீங்களா? அப்ப தேங்காய் எண்ணெயை இப்படி யூஸ் பண்ணுங்க...!
- Movies Actor Vikram: நான் சொல்லாமலேயே என்னுடைய தேவைகளை புரிந்து கொண்ட விக்ரம்.. பாலா ஓபன்!
- Finance ஒன்றுக்கும் மேற்பட்ட UAN நம்பர்களை ஆன்லைனில் இணைப்பது எப்படி? ரொம்ப ஈசி இதை பாலோ பண்ணுங்க..!
- Technology BSNL சூப்பர் பிளான்.. 50GB டேட்டா.. 3600 SMS.. 36 நாள் வேலிடிட்டி.. தரமான ப்ரீபெய்ட் திட்டம்? என்ன விலை?
- Travel தமிழ்நாட்டுக்கு உள்ளேயும், பக்கத்துலயும் இவ்வளோ அழகான பெரிய நீர்வீழ்ச்சிகள் இருக்கு தெரியுமா?
- Education யுபிஎஸ்சி தேர்வு முடிவுகள் ரிலீஸ்..லக்னோ இளைஞர் ஆதித்யா ஸ்ரீவஸ்தவா முதலிடம்
மீண்டும் ஒரு முறை கேமரா கண்களில் சிக்கிய புதிய கிளாசிக் 350... எதிர்பார்ப்பை எகிற வைக்கும் எக்ஸாஸ்ட்...
புதிய தலைமுறை ராயல் என்பீல்டு கிளாசிக் 350 மோட்டார்சைக்கிள் மீண்டும் ஒரு முறை கேமரா கண்களில் சிக்கியுள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
புதிய தலைமுறை கிளாசிக் 350 மோட்டார்சைக்கிளை ராயல் என்பீல்டு நிறுவனம் தீவிரமாக சோதனை செய்து வருகிறது. புதிய தலைமுறை கிளாசிக் 350 மோட்டார்சைக்கிள் சாலை சோதனைகளுக்கு உட்படுத்தப்படும்போது, கடந்த காலங்களில் பலமுறை கேமரா கண்களில் சிக்கியுள்ளது. இந்த சோதனை பணிகள் தொடர்ந்து நடைபெற்று வருகின்றன.
ஏனெனில் 2021 ராயல் என்பீல்டு கிளாசிக் 350 மீண்டும் ஒரு முறை கேமரா கண்களில் சிக்கியுள்ளது. இதுகுறித்து காடிவாடி செய்தி வெளியிட்டுள்ளது. இந்த புதிய ஸ்பை படங்கள் தமிழகத்தின் வால்பாறை மலை பகுதியில் எடுக்கப்பட்டதாக தகவல்கள் தெரிவிக்கின்றன. இந்த புதிய ஸ்பை படங்களில் மூன்று புதிய தலைமுறை ராயல் என்பீல்டு கிளாசிக் 350 மோட்டார்சைக்கிள்கள் ஒரே நேரத்தில் சோதனை செய்யப்படுவதை நம்மால் பார்க்க முடிகிறது.
இந்த மூன்று மோட்டார்சைக்கிள்களும் பின் பகுதியில் இருந்துதான் புகைப்படம் எடுக்கப்பட்டுள்ளன. எனவே இந்த பைக்குகளின் பின் பகுதியை மட்டும்தான் காண முடிகிறது. ஆனால் அதனால் ஒன்றும் பிரச்னை இல்லை. ஏனெனில் இதற்கு முன்பு வெளியான ஸ்பை படங்களின் மூலம் 2021 ராயல் என்பீல்டு கிளாசிக் 350 மோட்டார்சைக்கிளின் முன் பகுதி எப்படி இருக்கும்? என்பதை நம்மால் ஓரளவிற்கு யூகிக்க முடிந்துள்ளது.
எனினும் தற்போது வெளியாகியுள்ள ஸ்பை படங்களை கூர்ந்து உற்று நோக்கும்போது, நடுவில் உள்ள மோட்டார்சைக்கிள் க்ரோம் எக்ஸாஸ்ட்டையும், மற்ற இரண்டு மோட்டார்சைக்கிள்களும் மேட் பிளாக் எக்ஸாஸ்ட்டையும் பெற்றுள்ளது போல தெரிகிறது. இதில், தயாரிப்பு நிலை மாடலில் இடம்பெறப்போவது எது? என்பதை தெரிந்து கொள்ள ஆர்வமாக உள்ளது.
அனேகமாக தயாரிப்பு நிலை மாடலில் க்ரோம் எக்ஸாஸ்ட் வழங்கப்படுவதற்கான வாய்ப்புகள்தான் உள்ளன. அதற்காக மேட் பிளாக் எக்ஸாஸ்ட் வழங்கப்படாது என கூறி விட முடியாது. இந்த இரண்டு எக்ஸாஸ்ட்களையுமே ராயல் என்பீல்டு நிறுவனம் வழங்கி, வெவ்வேறு வேரியண்ட்களில் பயன்படுத்துவதற்கான வாய்ப்புகளும் இருக்கின்றன.
2021 ராயல் என்பீல்டு கிளாசிக் 350 மோட்டார்சைக்கிளின் தோற்றம் தற்போது உள்ள மாடலை போலவேதான் இருக்கும் என எதிர்பார்க்கப்படுகிறது. அதே சமயம் ராயல் என்பீல்டு மீட்டியோர் 350 மோட்டார்சைக்கிளில் வழங்கப்பட்டுள்ள 349 சிசி இன்ஜின் புதிய தலைமுறை கிளாசிக் 350 பைக்கில் வழங்கப்படுவதற்கான வாய்ப்புகள் உள்ளன.
அதிகபட்சமாக 20.2 பிஎச்பி பவரையும், 27 என்எம் டார்க் திறனையும் உருவாக்கும் வகையில் இந்த இன்ஜினை ராயல் என்பீல்டு நிறுவனம் ட்யூனிங் செய்துள்ளது. ராயல் என்பீல்டு நிறுவனம் மீட்டியோர் 350 மோட்டார்சைக்கிளை கடந்த நவம்பர் மாத தொடக்கத்தில்தான் இந்திய சந்தையில் விற்பனைக்கு அறிமுகம் செய்தது.
இதற்கு இந்திய வாடிக்கையாளர்கள் மத்தியில் நல்ல வரவேற்பு கிடைத்துள்ள நிலையில், அடுத்தபடியாக புதிய தலைமுறை கிளாசிக் 350 மோட்டார்சைக்கிளையும் ராயல் என்பீல்டு நிறுவனம் விற்பனைக்கு கொண்டு வரவுள்ளது. ஹோண்டா ஹைனெஸ் சிபி350 மூலம் போட்டி அதிகரித்து வரும் நிலையில், இந்த புதிய மாடல் எதிர்பார்ப்பை ஏற்படுத்தியுள்ளது.