Just In
- 35 min ago இந்தியா மட்டுமல்ல வெளிநாட்டுலயும் இந்த கார்கள் தான் செம ஃபேமஸ்! டாப் 10 லிஸ்ட் இதோ!
- 2 hrs ago அந்த தப்பை மட்டும் பண்ணிடாதீங்க.. ஆடி, பென்ஸ், போர்ஷேனு எல்லா காரையும் வாரி சுருட்டி போட்டு போயிட்டாங்க போலீஸ்
- 7 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 7 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
Don't Miss!
- News "வேட்புமனு தாக்கல் போதே குழப்பம் இருந்தது.." வெடித்த சர்ச்சைக்கு.. அண்ணாமலை தந்த பரபர விளக்கம்!
- Sports எழுதி வச்சிக்கோங்க! ஆளே மாறிட்டான்..நிச்சயம் பெரிய ஆளா வருவான்.. 22 வயது வீரரை பாராட்டிய சூர்யகுமார்
- Lifestyle இந்த 4 பொருள் இருந்தா போதும்.. 1 நிமிடத்தில் சட்னியை செஞ்சுடலாம்.. எப்படி-ன்னு பாருங்க...
- Technology அடிச்சான் பாரு காப்பி.. அச்சு அசலா Samsung போனை வெளியிட்ட சீன கம்பெனி.. என்ன மாடல்? எப்போது அறிமுகம்?
- Finance ஐஐஎம் பெங்களூரு: 516 பேருக்கு வேலை, சாராசரி சம்பளமே ரூ.32.5 லட்சமாம்..!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
1 முறை சார்ஜ் செய்தால் 250 கிமீ ஓடும்... விலை மிகவும் குறைவு... இப்படி ஒரு ஸ்கூட்டரைதான் தேடிகிட்டு இருந்தோம்!
மிகவும் குறைவான விலையில் புதிய எலெக்ட்ரிக் ஸ்கூட்டர் ஒன்று இந்தியாவில் விற்பனைக்கு அறிமுகம் செய்யப்பட்டுள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
ஒகாயா குழுமம் (Okaya) தற்போது புத்தம் புதிய எலெக்ட்ரிக் ஸ்கூட்டரை இந்தியாவில் விற்பனைக்கு அறிமுகம் செய்துள்ளது. இந்த எலெக்ட்ரிக் ஸ்கூட்டருக்கு ஃப்ரீடம் (Freedum) என பெயர் சூட்டப்பட்டுள்ளது. இது 'மேட் இன் இந்தியா' எலெக்ட்ரிக் ஸ்கூட்டர் ஆகும். இது ஒகாயா நிறுவனம் அறிமுகம் செய்யும் 3வது எலெக்ட்ரிக் ஸ்கூட்டர் ஆகும்.
ஒகாயா நிறுவனம் ஏற்கனவே ஏவியான்ஐக்யூ சீரிஸ் (AvionIQ Series) மற்றும் கிளாசிக்ஐக்யூ சீரிஸ் (ClassicIQ Series) ஆகிய தயாரிப்புகளை அறிமுகம் செய்துள்ளது. இந்த வரிசையில் விற்பனைக்கு வந்துள்ள ஒகாயா ஃப்ரீடம் எலெக்ட்ரிக் ஸ்கூட்டரின் விலை 69,900 ரூபாயில் (எக்ஸ் ஷோரூம்) இருந்து தொடங்குகிறது.
லித்தியம் அயான் மற்றும் லீட்-ஆஸிட் பேட்டரி ஆப்ஷன்களுடன் ஒகாயா ஃப்ரீடம் எலெக்ட்ரிக் ஸ்கூட்டர் விற்பனைக்கு கிடைக்கும். ஹிமாச்சல பிரதேச மாநிலம் பாடி பகுதியில் அமைந்துள்ள தனது ஆலையில், ஃப்ரீடம் எலெக்ட்ரிக் ஸ்கூட்டர்களை ஒகாயா நிறுவனம் உற்பத்தி செய்யவுள்ளது என்பது இங்கே குறிப்பிடத்தக்கது.
ஒகாயா ஃப்ரீடம் எலெக்ட்ரிக் ஸ்கூட்டரில், 250 வாட் பிஎல்டிசி ஹப் மோட்டார் வழங்கப்பட்டுள்ளது. இதன் டாப் ஸ்பீடு மணிக்கு 25 கிலோ மீட்டர்கள். இந்த வேகம் குறைவு என நீங்கள் நினைத்தால், அதிக வேகத்தில் செல்லக்கூடிய வேரியண்ட்டும் கிடைக்கிறது. இதன் பேட்டரியை ஒரு முறை முழுமையாக சார்ஜ் செய்தால் 250 கிலோ மீட்டர்கள் பயணிக்க முடியும் என தெரிவிக்கப்பட்டுள்ளது.
250 கிலோ மீட்டர்கள் என்பது உண்மையிலேயே மிகவும் சிறப்பான ரேஞ்ச் (ஒரு முறை பேட்டரியை முழுமையாக நிரப்பினால் பயணிக்கும் தொலைவு) என்பதில் சந்தேகமில்லை. 48 volts 30 Ah லித்தியம் அயான் வெர்ஷனை முழுமையாக சார்ஜ் செய்வதற்கு 4 முதல் 5 மணி நேரம் வரை ஆகும் என தெரிவிக்கப்பட்டுள்ளது.
அதே நேரத்தில் விஆர்எல்ஏ லீட்-ஆஸிட் வெர்ஷனை முழுமையாக சார்ஜ் செய்வதற்கு 8 முதல் 10 மணி நேரம் வரை ஆகும். இந்த எலெக்ட்ரிக் ஸ்கூட்டரில், டிஜிட்டல் கன்சோல், பகல் நேர விளக்குகள் உடன் எல்இடி ஹெட்லேம்ப்கள், ரிமோட் லாக்/அன்லாக், வீல் லாக், ரீஜெனரேட்டிவ் பிரேக்கிங், ரிவர்ஸ் மோடு என ஏராளமான வசதிகள் வழங்கப்பட்டுள்ளன.
ஒகாயா ஃப்ரீடம் எலெக்ட்ரிக் ஸ்கூட்டரின் முன் பகுதியில் டெலஸ்கோபிக் சஸ்பென்ஸனும், பின் பகுதியில் சிங்கிள் ஷாக்கும் கொடுக்கப்பட்டுள்ளது. பிரேக்கிங்கை பொறுத்தவரையில், முன் பகுதியில் டிஸ்க் பிரேக்கும், பின் பகுதியில் ட்ரம் பிரேக்கும் வழங்கப்பட்டுள்ளது. ஓரளவிற்கு குறைவான விலையில், நல்ல ரேஞ்ச் கொண்ட எலெக்ட்ரிக் ஸ்கூட்டர்களை எதிர்பார்ப்பவர்களுக்கு இது சிறந்த தேர்வாக இருக்கும்.
ஒகாயா ஃப்ரீடம் எலெக்ட்ரிக் ஸ்கூட்டர் மொத்தம் 4 வேரியண்ட்களில் கிடைக்கும். இதில் 2 வேரியண்ட்கள் குறைவான வேகத்தில் பயணிக்க கூடியவை. அதே சமயம் எஞ்சிய 2 வேரியண்ட்கள் அதிக வேகத்தில் பயணிக்க கூடியவை. எனவே வாடிக்கையாளர்கள் தங்களது தேவையை பொறுத்து, அதற்கு ஏற்ற வேரியண்ட்டை தேர்வு செய்யலாம்.
நடப்பு நிதியாண்டில், 14 புதிய தயாரிப்புகளை அறிமுகம் செய்வதற்கு முயற்சித்து கொண்டுள்ளதாக ஒகாயா நிறுவனம் தெரிவித்துள்ளது. இதில், அதிக வேகத்தில் பயணிக்க கூடிய மோட்டார்சைக்கிளும் அடங்கும் என்பது குறிப்பிடத்தக்கது. தற்போதைய நிலையில் ஒகாயா நிறுவனத்திற்கு 120 டீலர்ஷிப்கள் இருக்கின்றன. வரும் நாட்களில் மேலும் 800 டீலர்ஷிப்களை திறப்பதற்கு ஒகாயா நிறுவனம் திட்டமிட்டுள்ளது.
எனவே வரும் காலங்களில் ஒகாயா நிறுவனத்தின் டீலர்ஷிப்களின் எண்ணிக்கை கிட்டத்தட்ட ஆயிரமாக உயரும் என எதிர்பார்க்கப்படுகிறது. இந்தியாவில் டீலர்ஷிப்கள் மிகவும் அதிக எண்ணிக்கையில் இருந்தால், ஒகாயா நிறுவனத்தின் எலெக்ட்ரிக் ஸ்கூட்டர்களின் விற்பனை நன்றாக அதிகரிக்கும் என எதிர்பார்க்கப்படுகிறது.
இந்தியாவில் தற்போது பெட்ரோல் விலை மிகவும் அதிகமாக இருப்பதால், எலெக்ட்ரிக் ஸ்கூட்டர்களை வாங்குவதற்கு பலரும் ஆர்வம் காட்டி வருகின்றனர். எனவே தொடர்ந்து பல்வேறு புதிய எலெக்ட்ரிக் ஸ்கூட்டர்கள் இந்திய சந்தையில் அறிமுகமாகி வருகின்றன. சமீபத்தில் அறிமுகம் செய்யப்பட்ட எலெக்ட்ரிக் ஸ்கூட்டர்களில் ஓலா எஸ்1 மற்றும் சிம்பிள் ஒன் ஆகியவை குறிப்பிடத்தகுந்தவை.
-
இந்தியாவுக்கு எதாவது பாதிப்பா? ஒரு சின்ன மிஸ்டேக் எங்க கொண்டுவந்து நிறுத்தி இருக்கு!!
-
காருக்குள் பறக்கும் வாகனம்.. சாலையில் ஓட்டிக்கலாம்.. தேவைப்பட்டால் வானிலும் பறந்துக்கலாம்!
-
ரூ.5 லட்சத்தை கையில் வைத்துக்கொண்டு அல்லாடுறீங்களா? பவர்ஃபுல் பைக்ஸுக்கு நம் நாட்டில் எப்போதுமே குறை இல்லை!!