Just In
- 19 min ago கோவையில் இருந்து கேரளாவுக்கு இந்த ரயில்ல போங்க.. எக்ஸ்பீரியன்ஸ் இன்னும் செம்மையா இருக்கும்! அப்படி என்ன ரயில்?
- 2 hrs ago சினிமா ஹீரோயின் மாதிரி இருக்காங்க... புதுசா வாங்கன கார்ல வந்து இறங்கனது அவங்களா... மனசை பறிகொடுத்த இளசுகள்!
- 2 hrs ago முதியவர்களுக்கு லோயர் பெர்த் கிடைக்க என்ன செய்யனும் தெரியுமா? சூப்பர் அட்வைஸ் சொன்ன ரயில்வே!
- 3 hrs ago பெத்த குழந்தையை நடுரோட்டில் இப்படியா செய்வது? கொஞ்சம் மிஸ் ஆகினால் எல்லாமே காலி!!
Don't Miss!
- Sports GT vs DC - 89 ரன்களில் சுருண்ட குஜராத்.. நடப்பு சீசனில் குறைந்தபட்ச ஸ்கோர்.. டெல்லி அபார பந்துவீச்சு
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- News சாலையில் பறந்த தீப்பொறி.. பைக்கை 2 கிமீ இழுத்து சென்ற லாரி.. படியில் தொங்குவது யாரு பாருங்க
- Lifestyle சர்க்கரை நோயாளிகளுக்கு எச்சரிக்கை.. கோடையில் இந்த அறிகுறிகள் இருந்தால் அலட்சியம் செய்யாதீர்கள்..!
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Movies அட அதுக்குள்ள லீக் ஆகிடுச்சே.. சியான் 62 பட டைட்டில் இதுதானா?.. ஆனால், அந்த வாடை வருதே!
- Technology பட்ஜெட்ல பெஸ்ட்.. யோசிக்காம வாங்கலாம்.. 43" இன்ச் மற்றும் 55" இன்ச் Smart TV.. லேட் பண்ணிடாதீங்க..
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
ஓலா எலக்ட்ரிக் ஸ்கூட்டரை டெலிவிரி எடுக்க தயாராகுங்கள்!! தொழிற்சாலையில் டெலிவிரிக்கு ரெடியாக ஸ்கூட்டர்கள்!
மிகவும் எதிர்பார்க்கப்பட்டுவரும் ஓலா எலக்ட்ரிக் ஸ்கூட்டர்களின் டெலிவிரிகள் குறித்த லேட்டஸ்ட் தகவல் ஒன்று வெளியாகியுள்ளது. முன்பதிவு செய்த வாடிக்கையாளர்களை குஷியாக்கக்கூடிய அந்த தகவலினை பற்றி இனி இந்த செய்தியில் விரிவாக பார்ப்போம்.
எலக்ட்ரிக் ஸ்கூட்டர்களுக்கான சந்தை வேகமாக பெருகிவரும் தற்போதைய சூழலில் புதிய புதிய இவி ஸ்டார்ட்-அப் நிறுவனங்கள் சந்தையில் களமிறங்கி வருகின்றன. இந்த வகையில் ஓலா எலக்ட்ரிக் நிறுவனம் கடந்த ஆகஸ்ட் 15ஆம் தேதி அதன் முதல் எலக்ட்ரிக் ஸ்கூட்டரின் மூலம் எலக்ட்ரிக் வாகன வணிகத்தில் காலடி எடுத்து வைத்தது.
ஓலாவின் முதல் எலக்ட்ரிக் ஸ்கூட்டர் எஸ்1 & எஸ்1 ப்ரோ என்கிற இரு விதமான வேரியண்ட்களில் அறிமுகப்படுத்தப்பட்டது. அறிமுகத்திற்கு முன்னதாகவே இவற்றின் மீது எதிர்பார்ப்புகள் அதிக எழ ஆரம்பித்ததால், முன்பதிவுகள் துவங்கப்பட்ட சில மணிநேரத்தில் ஏகப்பட்டோர் ஓலா எலக்ட்ரிக் ஸ்கூட்டரை முன்பதிவு செய்ய குவிந்தனர்.
இதன் விளைவாக வெப்சைட் சர்வர் பழுதாகி முன்பதிவுகள் சில மணிநேரத்திற்கு தடைப்பட்டு போனதாக நமது செய்திதளத்தில் கூட செய்தி வெளியிட்டு இருந்தோம். முன்பதிவுகள் ஒருபக்கமாக ஒவ்வொரு கட்டமாக, விறுவிறுப்பாக சென்று கொண்டிருக்க, மறுப்பக்கம் ஓலா எலக்ட்ரிக் நிறுவனம் நமது தமிழகத்தில் அதன் முதல் தொழிற்சாலையை பயன்பாட்டிற்கு கொண்டுவருவதில் தீவிரமாக இருந்தது.
இதனால் நாம் எதிர்பார்த்ததை காட்டிலும் விரைவாகவே ஓசூரில் அமைக்கப்பட்டுள்ள ஓலாவின் தொழிற்சாலையில் எஸ்1 எலக்ட்ரிக் ஸ்கூட்டர்களின் தயாரிப்பு பணிகள் ஆரம்பமாகின. இருப்பினும் குறைக்கடத்திகள் உலகளாவிய பற்றாக்குறையால் தேவையான அளவிற்கு இ-ஸ்கூட்டர்களை தயாரிக்க முடியாமல் ஓலா எலக்ட்ரிக் நிறுவனம் தத்தளிக்க ஆரம்பித்தது.
இது நேரடியாக ஓலா எஸ்1 ஸ்கூட்டர்களின் டெலிவிரிகளில் தாமதத்தை ஏற்படுத்தின. இதற்கிடையில் எலக்ட்ரிக் ஸ்கூட்டர்களின் டெஸ்ட் ரைடுகளை சென்னை உள்பட நாட்டின் பல முக்கிய நகரங்களில் ஓலா துவங்கியிருந்தாலும், நெட்டிசன்கள் பலரது கேள்வி, "டெலிவிரி எப்போது துவங்கும்?" என்பதாகவே இருந்தது. ஏனெனில் அந்த அளவிற்கு நாட்டில் பலர் ஓலா எலக்ட்ரிக் ஸ்கூட்டர்களை முன்பதிவு செய்துள்ளனர்.
ஆனால் குறைக்கடத்திகளின் தேவையால் எஸ்1 ஸ்கூட்டர்களின் டெலிவிரியை ஓலா எலக்ட்ரிக் நிறுவனம் தொடர்ந்து தாமதப்படுத்தியவாறே இருந்தது. இந்த நிலையில் தற்போது எஸ்1 மற்றும் எஸ்1 ப்ரோ எலக்ட்ரிக் ஸ்கூட்டர்களின் டெலிவிரிகள் வருகிற டிசம்பர் 15ஆம் தேதியில் இருந்து துவங்கப்படும் என அதிகாரப்பூர்வமாக உறுதிப்படுத்தப்பட்டுள்ளது. இதனை ஓலா எலக்ட்ரிக் நிறுவனத்தின் சிஇஓ-வான பாவிஷ் அகர்வால் உறுதிப்படுத்தி உள்ளார்.
இதுகுறித்த பாவிஷ் அகர்வாலின் டுவிட்டர் பதிவில், "வாகனம் புறப்பட்டது" என இந்தி மொழியில் குறிப்பிட்டு, பதிவிடப்பட்டு இருந்த 51 வினாடிகள் ஓடக்கூடிய வீடியோவில் வண்ண நிறங்களில் ஓலா இ-ஸ்கூட்டர்கள் காட்சி தருகின்றன. முழுவதுமாக ஓலாவின் ஓசூர் தொழிற்சாலையில் காடசிப்படுத்தப்பட்டுள்ள இந்த வீடியோவின் இறுதியில், டெலிவிரிக்கான ஸ்கூட்டர்கள் லாரி ஒன்றில் ஏற்றப்படுவதை காண முடிகிறது. இதனுடன் நமக்கு ஓலாவின் தொழிற்சாலையில் இருந்து சில ஸ்பை படங்களும் கிடைத்துள்ளன.
அதில் ஒன்றினை தான் மேலே காண்கிறீர்கள். இந்த படங்களில் டெலிவிரிக்கு தயாரான நிலையில், கவர் போர்த்தப்பட்டு ஓலா எலக்ட்ரிக் ஸ்கூட்டர்கள் தொழிற்சாலைக்குள் நிறுத்தி வைக்கப்பட்டுள்ளதை பார்க்கலாம். ஓலா எலக்ட்ரிக் நிறுவனத்தின் சிஇஓ மட்டுமல்லாமல், ஓலா எஸ்1 இ-ஸ்கூட்டர்களின் டெலிவிரிகள் வருகிற டிச.15ஆம் தேதியில் இருந்து துவங்கப்பட உள்ளதை புக் செய்த வாடிக்கையாளர் ஒருவரும் தனது சமூக வலைத்தள பக்கத்தில் உறுதிப்படுத்தியுள்ளார்.
அதாவது, தனக்கு முதல் 50 வாடிக்கையாளர்களில் ஒருவராக எஸ்1 ப்ரோ எலக்ட்ரிக் ஸ்கூட்டர் டெலிவிரி செய்யப்பட உள்ளதாக அறிவிப்பு ஒன்று வந்துள்ளதாக அவர் தெரிவித்துள்ளார். சித்தார் ரெட்டி என பெயர் கொண்ட இந்த வாடிக்கையாளர் பெங்களூருவை சேர்ந்தவர் என்பது அவரது டுவிட்டர் பதிவின் மூலம் தெரியவந்துள்ளது. முன்னதாக பாவிஷ் அகர்வால், கடந்த டிச.11ஆம் தேதி, "தயாரிப்பு வரிசை முழு வேகத்தில் இயங்குவதை பார்ப்பதை காட்டிலும் அழகான ஒன்று வேறு எதுவுமில்லை" என பதிவிட்டிருந்தது.
இந்த பதிவின் மூலம், ஓலாவின் தொழிற்சாலையில் தயாரிப்பு பணிகள் முழு வீச்சில் நடைபெறுவதை அறிய முடிந்தது. அதனை தொடர்ந்து தற்போது டெலிவிரி தேதி அதிகாரப்பூர்வமாக உறுதிப்படுத்தப்பட்டுள்ளது. டிச.15 என்பது மிக அருகாமையில் வந்துவிட்டது. ஆதலால் ஓலா எஸ்1 ஸ்கூட்டர்களை முன்பதிவு செய்துள்ளோர், தங்களது எலக்ட்ரிக் ஸ்கூட்டரை டெலிவிரி பெற தயாராகுங்கள்.
சமீபத்தில், எஸ்1 & எஸ்1 ப்ரோ எலக்ட்ரிக் ஸ்கூட்டர்களின் டெஸ்ட் ரைடுகளில் வெற்றிக்கரமாக 20,000 என்கிற மைல்கல்லை கடந்துள்ளதாக ஓலா எலக்ட்ரிக் நிறுவனம் அறிவித்திருந்தது. இதன் மூலம் இந்தியாவிலேயே அதிக இவி டெஸ்ட் ரைடுகளை மேற்கொண்டுள்ள நிறுவனமாக ஓலா எலக்ட்ரிக் விளங்குவதாக தகவல்கள் கூறுகின்றன. தற்போதைக்கு, ஒரே நாளில் 10,000 டெஸ்ட் ரைடுகளை நாடு முழுவதும் மேற்கொள்ள வேண்டும் என்பதும் ஓலாவின் நோக்கங்களுள் ஒன்றாக உள்ளது.
-
ரூ1.66 லட்சம் கம்மி விலையில் ஹூண்டாய் கிரெட்டா காரை வாங்கலாம்! இப்படி ஒரு வழி இருப்பது பலருக்கும் தெரியாது!
-
மைலேஜில் டூவீலர்களையே மண்டியிட வைக்கும் மாருதி கார்... விலையை கேட்டதும் ஷோரூமுக்கு படையெடுக்கும் மக்கள்...
-
நாய், பூனைகளுக்கு ஸ்பெஷல் கார் வந்தாச்சு! இதுக்காக தான் ஏகப்பட்ட பேர் வெயிட் பண்ணுறாங்க!