Just In
- 15 min ago 10-15நிமிஷத்துல சென்னையிலிருந்து பாண்டி போயிடலாம்.. இன்டிகோவின் தாய் நிறுவனம் கொண்டு வர இருக்கும் ஏர் டாக்சி!
- 2 hrs ago டாடாவின் இந்த கார் இவ்ளோ பாதுகாப்பானதா! ஷோரூம்களில் மக்கள் கூட்டம் அலைமோதுது! அதிர்ச்சியில் மாருதி சுஸுகி!
- 2 hrs ago மஹிந்திரா ஸ்கார்பியோ, பெயருக்கே காரை வாங்க கூட்டம் குவியுது!! டாடா நிறுவனத்தால் கிட்ட கூட நெருங்க முடியல!
- 3 hrs ago இப்ப மீட் பண்ணா தேர்தல்ல மோடி ஜெயிச்சிருவாரு! எலான் மஸ்க் - மோடி சந்திப்பு தள்ளி வைப்பு!
Don't Miss!
- News லண்டன் To சென்னை பறந்து வந்த மூத்த குடிமகன்! 1.5 லட்சம் செலவு! ஓட்டுக்கு வேட்டு வைத்த அதிகாரிகள்!
- Movies பீரியட்ஸ் நேரத்தில் அதை குடிக்க மாட்டேன்.. நான் ரொம்ப சுயநலக்காரி.. பிகில் நடிகை பகீர்!
- Finance டிசிஎஸ், இன்போசிஸ், விப்ரோ-வுக்கு நேரம் சரியில்லை.. ஐடி ஊழியர்களே உஷார்..!
- Sports இன்னும் ஒரு வாரம்.. டி20 உலகக்கோப்பைக்கான இந்திய அணி அறிவிப்பு? 3 வீரர்களை கழற்றிவிடும் ரோகித் சர்மா
- Lifestyle இந்தியாவின் டாப் 10 ஏழை மாநிலங்கள் என்னென்ன தெரியுமா? கடைசி இடத்துல இருக்கிறத பார்த்தா ஷாக் ஆகிடுவீங்க...!
- Technology புரட்டிப்போடும் பட்ஜெட்.. ரூ.1099 போதும்.. MAP நேவிகேஷன்.. HD டிஸ்பிளே.. 230mAh பேட்டரி.. எந்த மாடல்?
- Travel நம்ம தர்மபுரியில் சுற்றிப் பார்க்க இவ்வளவு இடங்கள்?
- Education தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
ஒரு முறை சார்ஜ் செய்தால் 240 கிமீ ஓடும்! இந்த எலெக்ட்ரிக் ஸ்கூட்டரின் விலை தெரிஞ்சா உடனே வாங்க ஆசைப்படுவீங்க!
ஒரு முறை சார்ஜ் செய்தால் 240 கிலோ மீட்டர்கள் பயணிக்கும் சிம்பிள் ஒன் எலெக்ட்ரிக் ஸ்கூட்டர் சுதந்திர தினத்தன்று விற்பனைக்கு அறிமுகம் செய்யப்படவுள்ளது. இதுகுறித்த தகவல்களை இந்த செய்தியில் பார்க்கலாம்.
இந்தியாவில் பெட்ரோல், டீசல் விலை வரலாறு காணாத வகையில் உயர்ந்து வருகிறது. எனவே நிறைய பேர் எலெக்ட்ரிக் வாகனங்களுக்கு மாறி வருகின்றனர். குறிப்பாக எலெக்ட்ரிக் ஸ்கூட்டர்களை வாங்குவதற்குதான் பலரும் ஆர்வம் காட்டுகின்றனர். வாடிக்கையாளர்கள் மத்தியில் நல்ல வரவேற்பு இருப்பதால், பல முன்னணி நிறுவனங்கள் தொடர்ச்சியாக எலெக்ட்ரிக் ஸ்கூட்டர்களை அறிமுகம் செய்து வருகின்றன.
தற்போதைய நிலையில் ஏத்தர் 450எக்ஸ், பஜாஜ் சேத்தக், டிவிஎஸ் ஐக்யூப் என நிறைய எலெக்ட்ரிக் ஸ்கூட்டர்கள் இந்திய சந்தையில் விற்பனைக்கு கிடைக்கின்றன. இந்த வரிசையில் சிம்பிள் எனர்ஜி நிறுவனம் தனது சிம்பிள் ஒன் (Simple One) எலெக்ட்ரிக் ஸ்கூட்டரை வரும் ஆகஸ்ட் 15ம் தேதி சுதந்திர தினத்தன்று விற்பனைக்கு அறிமுகம் செய்யவுள்ளது.
பெங்களூர், சென்னை மற்றும் ஐதராபாத் ஆகிய நகரங்களில்தான் இந்த புதிய எலெக்ட்ரிக் ஸ்கூட்டர் முதலில் விற்பனைக்கு அறிமுகம் செய்யப்படவுள்ளது. அதன்பின்னர் படிப்படியாக மற்ற நகரங்களிலும் விற்பனைக்கு கொண்டு வரப்படும். முதலில் மார்க்2 என்ற பெயரில் இந்த எலெக்ட்ரிக் ஸ்கூட்டர் அழைக்கப்பட்டது. ஆனால் தற்போது சிம்பிள் ஒன் என மாற்றப்பட்டு விட்டது.
ஓலா எலெக்ட்ரிக் ஸ்கூட்டர்தான், சிம்பிள் ஒன் எலெக்ட்ரிக் ஸ்கூட்டரின் முக்கியமான போட்டியாளராக இருக்கும். ஓலா எலெக்ட்ரிக் ஸ்கூட்டரும் வரும் ஆகஸ்ட் 15ம் தேதிதான் விற்பனைக்கு அறிமுகம் செய்யப்படவுள்ளது என்பது இங்கே குறிப்பிடத்தக்கது. சிம்பிள் ஒன் எலெக்ட்ரிக் ஸ்கூட்டரின் பேட்டரியை ஒரு முறை முழுமையாக நிரப்பினால் 240 கிலோ மீட்டர் வரை பயணிக்கலாம் என தெரிவிக்கப்பட்டுள்ளது.
இது ஈக்கோ மோடில் இந்த எலெக்ட்ரிக் ஸ்கூட்டர் வழங்கும் ரேஞ்ச் ஆகும். இது மிகவும் சிறப்பான ரேஞ்ச் என்பதில் சந்தேகமே இல்லை. இன்னும் சொல்லப்போனால், இந்திய சந்தையில் தற்போது கிடைக்கும் வேறு எந்த எலெக்ட்ரிக் ஸ்கூட்டரை விடவும் இந்த ரேஞ்ச் மிகவும் அதிகம் ஆகும். அதே சமயம் இந்த எலெக்ட்ரிக் ஸ்கூட்டரின் டாப் ஸ்பீடு மணிக்கு 100 கிலோ மீட்டர்கள் ஆகும்.
பூஜ்ஜியத்தில் இருந்து மணிக்கு 50 கிலோ மீட்டர்கள் என்ற வேகத்தை இந்த எலெக்ட்ரிக் ஸ்கூட்டர் 3.6 வினாடிகளில் எட்டி விடும். இந்த எலெக்ட்ரிக் ஸ்கூட்டரில் 4.8 kWh லித்தியம் அயான் பேட்டரி தொகுப்பு வழங்கப்பட்டுள்ளது. டச்ஸ்க்ரீன், ப்ளூடூத் கனெக்டிவிட்டி மற்றும் நேவிகேஷன் உள்பட பல்வேறு வசதிகளுடன் இந்த எலெக்ட்ரிக் ஸ்கூட்டர் விற்பனைக்கு வரவுள்ளது.
அதேபோல் சிம்பிள் ஒன் எலெக்ட்ரிக் ஸ்கூட்டரின் டிசைனும் அசத்துகிறது. இந்த எலெக்ட்ரிக் ஸ்கூட்டரின் முன் பகுதியில் முக்கோண வடிவ ஹெட்லேம்ப் வழங்கப்பட்டுள்ளது. அத்துடன் முக்கோண வடிவ எல்இடி பகல் நேர விளக்குகளும் கொடுக்கப்பட்டுள்ளன. இப்படி பல்வேறு விதங்களிலும் அசத்தும் சிம்பிள் ஒன் எலெக்ட்ரிக் ஸ்கூட்டரின் விலை இன்னும் அறிவிக்கப்படவில்லை.
எனினும் 1.1 லட்ச ரூபாய் முதல் 1.2 லட்ச ரூபாய் வரையிலான விலையில் இந்த எலெக்ட்ரிக் ஸ்கூட்டர் விற்பனை செய்யப்படும் என எதிர்பார்க்கப்படுகிறது. இது எதிர்பார்க்கப்படும் விலை மட்டுமே. முன்னதாக சிம்பிள் ஒன் எலெக்ட்ரிக் ஸ்கூட்டரின் விலை மலிவாகதான் இருக்கும் என சிம்பிள் எனர்ஜி நிறுவனம் தெரிவித்திருப்பதை நாம் கவனிக்க வேண்டும்.
அத்துடன் ஒன்றிய மற்றும் மாநில அரசுகளின் சலுகைகள் கிடைக்கும்பட்சத்தில், சிம்பிள் ஒன் எலெக்ட்ரிக் ஸ்கூட்டரின் விலை கணிசமாக குறைவதற்கான வாய்ப்புகளும் உள்ளன. இந்தியாவில் எலெக்ட்ரிக் வாகனங்களின் பயன்பாட்டை ஊக்குவிப்பதற்காக ஃபேம் இந்தியா-2 திட்டத்தின் கீழ் ஒன்றிய அரசு மானியம் உள்ளிட்ட சலுகைகளை வழங்கி வருவது இங்கே குறிப்பிடத்தக்கது.
இதேபோல் பல்வேறு மாநில அரசுகளும் எலெக்ட்ரிக் வாகனங்களுக்கு பல்வேறு சலுகைகளை வழங்கி வருகின்றன. இந்த சலுகைகள் கிடைக்கும்பட்சத்தில் சிம்பிள் ஒன் எலெக்ட்ரிக் ஸ்கூட்டரின் விலை குறைவாகதான் இருக்கும். இந்த எலெக்ட்ரிக் ஸ்கூட்டரின் ரேஞ்ச், வசதிகள், டிசைன் ஆகிய அம்சங்களை கணக்கில் கொள்ளும்போது, இது கொடுக்கும் பணத்திற்கு மதிப்பு வாய்ந்த தயாரிப்பாக இருக்கும்.
இதற்கிடையே வரும் ஆகஸ்ட் 15ம் தேதி விற்பனைக்கு வரவுள்ள மற்றொரு தயாரிப்பான ஓலா எலெக்ட்ரிக் ஸ்கூட்டருக்கு முன்பதிவுகள் குவிந்து வருகின்றன. புக்கிங் தொடங்கப்பட்ட வெறும் 24 மணி நேரத்தில் ஓலா எலெக்ட்ரிக் ஸ்கூட்டருக்கு 1 லட்சத்திற்கும் மேற்பட்ட முன்பதிவுகள் குவிந்தது குறிப்பிடத்தக்கது. தற்போது இந்த எண்ணிக்கை வெகுவாக அதிகரித்திருப்பதற்கான வாய்ப்புகள் உள்ளன.
பெட்ரோல் விலை உயர்வால் பாதிக்கப்பட்டுள்ள பலரும் சிம்பிள் ஒன் எலெக்ட்ரிக் ஸ்கூட்டரையும், ஓலா எலெக்ட்ரிக் ஸ்கூட்டரையும் மிகுந்த ஆர்வத்துடன் எதிர்நோக்கியுள்ளனர். இதுதவிர வரும் காலங்களில் இன்னும் பல்வேறு எலெக்ட்ரிக் ஸ்கூட்டர்களும், எலெக்ட்ரிக் பைக்குகளும் இந்திய சந்தையில் விற்பனைக்கு வரவுள்ளன.
எனவே எதிர்காலத்தில் இந்திய சந்தையில் நிறைய எலெக்ட்ரிக் டூவீலர்களை நாம் பார்க்க முடியும். எலெக்ட்ரிக் கார்களை பொறுத்தவரை இந்திய சந்தையில் விற்பனைக்கு வரவுள்ள டாடா அல்ட்ராஸ் எலெக்ட்ரிக், மஹிந்திரா எக்ஸ்யூவி300 எலெக்ட்ரிக் ஆகிய எலெக்ட்ரிக் கார்கள் வாடிக்கையாளர்கள் மத்தியில் பெரும் எதிர்பார்ப்புகளை ஏற்படுத்தியுள்ளன.
ஹூண்டாய் நிறுவனமும் கூட சப்-4 மீட்டர் எலெக்ட்ரிக் எஸ்யூவி கார் ஒன்றை இந்திய சந்தையில் விற்பனைக்கு அறிமுகம் செய்யவுள்ளதாக சமீபத்தில் தகவல்கள் வெளியாகியுள்ளன. இந்திய சந்தையில் தற்போது அதிகம் விற்பனையாகும் எலெக்ட்ரிக் காராக இருப்பது, டாடா நெக்ஸான் சப்-4 மீட்டர் எலெக்ட்ரிக் எஸ்யூவிதான் என்பது குறிப்பிடத்தக்கது.
-
35 வயதில் 1.5 கோடி ரூபாய் காருக்கு ஓனராகி இருக்கும் பிரபல சினிமா பாடகி!! புது காரில் கணவரோடு ஒரு சின்ன டிரைவ்!
-
ரூ6 லட்சம் தான் கார் விலை, 4 ஸ்டார் ரேட்டிங்கும் இருக்குது! ஆனா சேல்ஸ் சரியாக ஆகல! என்ன கார் தெரியுமா?
-
டாடாவுக்கு நெருக்கடி கொடுக்க அவசரம் காட்டும் வின்ஃபாஸ்ட்.. தூத்துக்குடில உற்பத்திக்கான பணிகள் தீவிரம்!