Just In
- 2 hrs ago இ-பைக்கின் உற்பத்தி பணிகளை தொடங்கிய சென்னை நிறுவனம்! உலக நாடுகளே இத பாத்து மிரண்டு நிக்க போகுது!
- 2 hrs ago பெங்களூருக்கு போறவங்க ஒரு முறையாவது இந்த பஸ்ஸில் டிராவல் பண்ணி பாருங்க!! மொத்தமும் எலக்ட்ரிக்...
- 3 hrs ago உடனே திருப்பி கொண்டு வாங்க! பிரபல நிறுவனம் திடீர் அறிவிப்பு! விலை கம்மினு வாங்கீட்டு புலம்பும் உரிமையாளர்கள்!
- 3 hrs ago 900 கி.மீ தூரத்தை வெறும் 3.5 மணி நேரத்தில் கடந்து செல்லலாம்! இந்தியாவின் வேகமான புல்லட் ரயில் இது தான்!
Don't Miss!
- Sports எலியும், பூனையுமாக மாறிய அஸ்வின், நரைன்.. ஒரே ஓவரில் நிகழ்ந்த மோதல்.. மாற்றி மாற்றி பதிலடி
- News ராமநாதபுரத்தில் ஓபிஎஸ் வெல்வரா?அனுதாப அலையால் அதிமுகவுக்கு ஷாக்.. தந்தி டிவி சர்வேயில் ட்விஸ்ட்
- Lifestyle உங்க முகத்தில் சுருக்கங்கள் வந்து வயசான மாதிரி தெரியுறீங்களா? அப்ப தேங்காய் எண்ணெயை இப்படி யூஸ் பண்ணுங்க...!
- Movies Actor Vikram: நான் சொல்லாமலேயே என்னுடைய தேவைகளை புரிந்து கொண்ட விக்ரம்.. பாலா ஓபன்!
- Finance ஒன்றுக்கும் மேற்பட்ட UAN நம்பர்களை ஆன்லைனில் இணைப்பது எப்படி? ரொம்ப ஈசி இதை பாலோ பண்ணுங்க..!
- Technology BSNL சூப்பர் பிளான்.. 50GB டேட்டா.. 3600 SMS.. 36 நாள் வேலிடிட்டி.. தரமான ப்ரீபெய்ட் திட்டம்? என்ன விலை?
- Travel தமிழ்நாட்டுக்கு உள்ளேயும், பக்கத்துலயும் இவ்வளோ அழகான பெரிய நீர்வீழ்ச்சிகள் இருக்கு தெரியுமா?
- Education யுபிஎஸ்சி தேர்வு முடிவுகள் ரிலீஸ்..லக்னோ இளைஞர் ஆதித்யா ஸ்ரீவஸ்தவா முதலிடம்
யமஹா ஆர்15 வி3 பைக்கிற்கும், சமீபத்திய வி4 பைக்கிற்கும் உள்ள வித்தியாசம் என்ன? புதியதாக இவ்வளவு அப்டேட்டா!!
யமஹா பைக்குகளுக்கு என்றே இந்தியாவில் ரசிகர் பட்டாளம் இருப்பதை மறுக்க முடியாது. அது என்னமோ, மற்ற பிராண்ட் பைக்குகளை காட்டிலும் யமஹாவின் பைக்குகளுக்கே அவர்கள் எப்போதும் முன்னுரிமை கொடுப்பர்.
அத்தகைய ரசிகர்களுக்கு மேலும் தீனி போடும் விதமாக ஜப்பானை சேர்ந்த யமஹா நிறுவனம் இந்திய சந்தையில் அதன் புதிய ஆர்15 பைக்குகளாக, ஆர்15 வி4 மற்றும் ஆர்15 எம் பைக்குகளை அறிமுகம் செய்தது. இதில் 2021 ஆர்15 வி4 பைக்கிற்கும், முந்தைய தலைமுறை ஆர்15 வி3 பைக்கிற்கும் இடையேயான ஒற்றுமை மற்றும் வேற்றுமைகளை பற்றி தான் இனி இந்த செய்தியில் பார்க்கவுள்ளோம்.
முன்பக்கத்தில் இருந்து ஆரம்பிப்போம். இளம் தலைமுறையினரின் ஃபேவரட் பைக்காக விளங்கும் யமஹா ஆர்15 முன்பை காட்டிலும் கூர்மையான முன்பக்கத்தை பெற்றுள்ளது. ‘டூம்' எனப்படும் பைக்கின் முன்பகுதியின் ஸ்டைல் அதிகளவிலான லைன்களுடன் மேம்படுத்தப்பட்டுள்ளது.
அத்துடன் எல்இடி டிஆர்எல்களுடன் புதிய பிரோஜெக்டர் ஹெட்லேம்ப் வி4-இல் வழங்கப்பட்டுள்ளது. இரட்டை-கண் ஹெட்லைட்கள் அளவில் பெரியதாக கொண்டுவரப்பட்டுள்ளன. முந்தைய தலைமுறை ஆர்15 பைக்குடன் ஒப்பிடுகையில் வி4 சிறப்பம்சமாக தங்க நிறத்தில் ஃபினிஷ் செய்யப்பட்ட யுஎஸ்டி ஃபோர்க்குகளை சஸ்பென்ஷனாக முன்பக்கத்தில் பெற்றுள்ளது.
இதனால் ஆர்15 பைக்கை நீங்கள் ஓட்டி இருந்தாலும், வெர்சன் 4ஐ ஓட்டும்போது உங்களுக்கு சிறிய வித்தியாசம் தெரியும். பெட்ரோல் டேங்கின் வடிவமும் திருத்தியமைக்கப்பட்டுள்ளது. பெட்ரோல் டேங்க் இம்முறை பருமனாக இல்லாமல், நேரானதாக மாற்றப்பட்டுள்ளது. இதனால் மோட்டார்சைக்கிளின் உடலமைப்பு சற்று மெல்லியதாகியுள்ளது.
ஆர்15 பைக்குகளுக்கே உண்டான ஸ்டைலிலான பிளவுப்பட்ட இருக்கை அமைப்பில் எந்த மாற்றமும் கொண்டுவரப்படவில்லை. பின்பக்கத்தில் பின் இருக்கை பயணி பிடித்து கொள்வதற்கான பைக்கின் இறுதி முனை பகுதியில் மட்டுமே சிறிய மாற்றம் கொண்டுவரப்பட்டுள்ளது.
பின்பக்கத்தில் வழங்கப்படும் காற்று துளைகள் சற்று திருத்தியமைக்கப்பட்டுள்ளன. மற்றப்படி டெயில்லைட்களின் வடிவத்திலோ அல்லது பின்பக்க டர்ன் இண்டிகேட்டர்களின் வடிவத்திலோ எந்த வித்தியாசமும் இல்லை. முன்பு இருந்தது போலவே தான் புதிய வெர்சனிலும் உள்ளன.
ஆனால் எக்ஸாஸ்ட் குழாயின் வடிவம் சற்று வித்தியாசப்படுத்தப்பட்டுள்ளது. வி4 மாடலில் அதன் தோற்றத்திற்கு ஏற்ப எக்ஸாஸ்ட் குழாய் சற்று குறுகியதாக வழங்கப்பட்டுள்ளது. க்ளிப்-ஆன் ஹேண்டில்பார் ஆர்15 வி3-இல் வழங்கப்பட்டதை காட்டிலும் வி4-இல் சற்று பெரியதாகி உள்ளது.
குறிப்பாக இந்த அப்டேட் ஆர்15 பைக்கை மேலும் அன்றாட பயன்பாட்டிற்கு ஏற்ற வாகனமாக மாற்றுக்கின்றது. எதிர்பார்க்கப்பட்டது போல் பைக்கின் ஸ்விட்ச் கியரில் மாற்றம் கொண்டுவரப்பட்டுள்ளது. முன்பு பைக்கின் என்ஜினை ஸ்டார்ட் செய்ய ஒரு பொத்தானும், ஆஃப் செய்ய ஒரு பொத்தானும் இருந்தன.
ஆனால் தற்போது ஸ்டார்ட்-ஸ்டாப் ஸ்விட்ச் ஆக, அதாவது ஒரே ஸ்விட்ச் ஆக வழங்கப்பட்டுள்ளது. அதேநேரம் ஹசார்ட் விளக்குகளையும் ஆர்15 வி4 பெற்றுள்ளது. புதியதாக மாற்றப்பட்டுள்ள எல்சிடி டிஜிட்டல் இன்ஸ்ட்ரூமெண்ட் கன்சோல் இம்முறை ப்ளூடூத்-இணக்கமான இணைப்பு தொழிற்நுட்பத்தை பெற்றுள்ளது. இதனால் ஒய்-கனெக்ட் செயலியின் மூலம் மொபைல் போனை பைக்குடன் இணைக்க முடியும்.
இவற்றுடன் டிராக்ஷன் கண்ட்ரோல் மற்றும் விரைவுமாற்றி போன்றவையும் புதிய தலைமுறை ஆர்15 பைக்கில் சேர்க்கப்பட்டுள்ளன. இரட்டை-சேனல் ஏபிஎஸ், இரட்டை ஹார்ன் மற்றும் கியர் மாற்றத்தை குறிக்கும் விளக்கு உள்ளிட்டவை அப்படியே மூன்றாம் தலைமுறை ஆர்15 பைக்கில் இருந்து தொடரப்பட்டுள்ளன.
அதேபோல் அதே 155சிசி, லிக்யூடு-கூல்டு, சிங்கிள்-சிலிண்டர் என்ஜின் தான் வெவ்வேறான வால்வு செயல்பாடுகளுடன் (VVA) ஆர்15 வி4 பைக்கிலும் வழங்கப்பட்டுள்ளன. ஆனால் இந்த என்ஜின் வெளிப்படுத்தும் ஆற்றல் 18.4 பிஎஸ் என குறைந்துள்ளது. அதேநேரம் அதிகப்பட்ச டார்க் திறன் 14.2 என்எம் ஆக சற்று அதிகரித்துள்ளது.
இந்த என்ஜின் உடன் ஸ்லிப் & உதவி க்ளட்ச்சை கொண்ட 6-ஸ்பீடு கியர்பாக்ஸ் இணைக்கப்படுகிறது. புதிய யமஹா ஒய்.இசட்.எஃப்-ஆர்15 வி4 பைக்கின் எக்ஸ்-ஷோரூம் விலைகள் ரூ.1.67 லட்சத்தில் இருந்து ரூ.1.72 லட்சம் வரையில் நிர்ணயிக்கப்பட்டுள்ளன.
-
வான்வழியை மூடிய 3 உலக நாடுகள்! நேற்று உலகத்தையே பரபரப்பாக்கிய சம்பவம் என்ன தெரியுமா?
-
ஓலா எலக்ட்ரிக் ஸ்கூட்டரை அப்படி யாருதாங்க வாங்குவது? சேல்ஸ் கூரையை பிச்சிக்கிட்டு கொட்டுது!!
-
மாருதியை ஊதி தள்ள மஹிந்திரா எல்லா விதத்திலும் தயார் ஆகிட்டு இருக்கு!! ரோடு டெஸ்ட்டிங் பயங்கர ஸ்பீடா நடக்குது!