Just In
- 23 min ago சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
- 6 hrs ago இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- 6 hrs ago தயவு செஞ்சு துபாய் பக்கம் வராதீங்க!விமான பயணிகளுக்கு இந்திய தூதரகம் எச்சரிக்கை!
- 7 hrs ago மின்சாரத்தில் இயங்கும் ஆக்டிவாவை ஹோண்டா எப்போ தயாரிக்கும்னு கேட்டுட்டே இருந்தீங்களே.. இதோ அந்த தகவல்!
Don't Miss!
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- News தென் சென்னையில் கள்ள ஓட்டு? பாஜக திமுக மாறி மாறி புகார்.. பெரும் பதற்றம்! என்ன நடக்கிறது
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Movies Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
வெறும் ரூ.1 லட்சம் தான்... ஆட்டம் வடேர் அதிவேக எலக்ட்ரிக் பைக் அறிமுகம்!! 100கிமீ ரேஞ்ச்
ஆட்டம் வடேர் என்ற பெயரில் புதிய எலக்ட்ரிக் மோட்டார்சைக்கிள் சந்தையில் அறிமுகம் செய்யப்பட்டுள்ளது. இந்த புதிய எலக்ட்ரிக் பைக்கை பற்றிய முழுமையான விபரங்களை இனி இந்த செய்தியில் பார்ப்போம்.
ஹைதராபாத்தை தலைமையிடமாக கொண்டு இயங்கும் நிறுவனம் ஆட்டமொபைல் ஆகும். தெலுங்கானாவில் படன்செரு என்கிற பகுதியில் நெட் ஜீரோ என்கிற பெயரில் தொழிற்சாலை அமைத்து செயல்பட்டுவரும் இந்த இவி ஸ்டார்ட்-அப் நிறுவனம் அதன் முதல் அதி-வேக எலக்ட்ரிக் மோட்டார்சைக்கிளாக ஆட்டம் வடேரை விற்பனைக்கு அறிமுகப்படுத்தியுள்ளது.
பழமையான கேஃப்-ரேஸர் மோட்டார்சைக்கிளின் தோற்றத்தில் காட்சியளிக்கும் ஆட்டம் வடேரின் விலை ரூ.99,999 ஆக நிர்ணயிக்கப்பட்டுள்ளது. இந்த விலை ஆட்டம் வடேரை முன்பதிவு செய்யும் முதல் 1,000 வாடிக்கையாளர்களுக்கு மட்டுமே என ஆட்டமொபைல் நிறுவனம் அறிவித்துள்ளது. இந்த முன்பதிவிற்கான முன்தொகையாக ரூ.999 நிர்ணயிக்கப்பட்டுள்ளது.
ஆட்டம் வடேரின் அதிகப்பட்ச வேகமாக மணிக்கு 65கிமீ குறிப்பிடப்பட்டுள்ளது. இந்த எலக்ட்ரிக் பைக்கில் பொருத்தப்பட்டுள்ள 2.4kWh பேட்டரி தொகுப்பை முழுவதுமாக சார்ஜ் நிரப்பிக்கொண்டு அதிகப்பட்சமாக 100கிமீ தொலைவிற்கு பயணிக்கலாம். வலிமையான குழாய் சேசிஸில் கட்டமைக்கப்பட்டுள்ள ஆட்டம் வடேர் இ-பைக்கில் எல்இடி இண்டிகேட்டர்கள் மற்றும் டெயில்லேம்ப் பொருத்தப்பட்டுள்ளன.
சுமார் 14 லிட்டர் கொள்ளளவில் உள்ள இதன் போலி பெட்ரோல் டேங்கை பயனர்கள் பொருட்களை வைக்கும் பகுதியாக பயன்படுத்தி கொள்ளலாம். இந்தியாவில் அதிவேக எலக்ட்ரிக் இருசக்கர வாகனங்கள் என்று பார்த்தால், தற்போதைக்கு குறைவுதான். அதிலிலும் பெரும்பான்மையான இடங்களை செயல்திறன்மிக்க எலக்ட்ரிக் ஸ்கூட்டர்களே ஆக்கிரமித்துள்ளன.
அவற்றின் விலைகள் ஆட்டம் வடேரை காட்டிலும் அதிகமாக உள்ளது. ஆட்டமொபைல் நிறுவனம் சமீபத்தில்தான் இந்திய ஆட்டோமொபைல் ஆராய்ச்சி கூட்டமைப்பிடம் (ARAI) இருந்து ஆட்டம் வடேர் அனுமதி சான்றிதழினை பெற்றுள்ளதாக அறிவித்திருந்தது. இதன் மூலமாக ஏஆர்ஏஐ-யிடம் அனுமதி பெற்ற மிகவும் சில எலக்ட்ரிக் மோட்டார்சைக்கிள்களுள் ஒன்றாக ஆட்டம் வடேர் திகழ்கிறது.
ஆட்டம் வடேர் என்ற அதிவேக எலக்ட்ரிக் பைக் மட்டுமின்றி, ஆட்டம் 1.0 என்ற மற்றொரு இ-பைக்கையும் ஆட்டமொபைல் நிறுவனம் தயாரித்துள்ளது. குறை-வேக கேஃப் ரேஸரான இது கடந்த 2020 அக்டோபரில் அறிமுகப்படுத்தப்பட்டது. இதுவரையில் ஆயிரத்திற்கும் அதிகமான ஆட்டம் 1.0 எலக்ட்ரிக் பைக்குகள் விற்பனை செய்யப்பட்டுள்ளன. குறிப்பாக, தெலுங்கானாவில் தொழிற்சாலை அமைந்துள்ள பகுதியின் சுற்றுவட்டாரங்களில் ஆட்டம் 1.0 எலக்ட்ரிக் பைக் பிரபலமானதாக உள்ளது.
ஆட்டம் வடேரின் அறிமுகத்தின்போது பேசிய ஆட்டமொபைல் நிறுவனர் வம்சி ஜி கிருஷ்ணா, "ஆட்டமொபைலில் உள்ள நம் அனைவருக்கும் இது ஒரு பெருமையான நாள். ஆட்டம் வடேர் சிறிது காலமாக உருவாக்கத்தில் இருக்கிறது. ஒரு கனவு நனவாகும்போது அது ஒரு சிறந்த உணர்வு. இது பசுமையான இந்தியாவுக்கான காலத்தின் தேவை மட்டுமல்ல, வாடிக்கையாளர்களை கொண்டுவருவதில் எந்த முயற்சியையும் விட்டு வைக்காத எங்கள் முழு குழுவிற்குமான தேவை ஆகும்.
65kmph அதிவேகம் மட்டுமின்றி, 100கிமீ/சார்ஜ் வரம்பிலும் இது வாடிக்கையாளர்களை ஈர்க்கக்கூடியது. ஆட்டம் வடேர் சிறப்பாக வடிவமைக்கப்பட்ட பாதுகாப்பு ஸ்விட்ச்கள் மற்றும் ஆஃப்-ரோடு பயன்பாட்டிற்காக உயர்தர டயர்களை கொண்டுள்ளது. இந்திய சாலைகள் மற்றும் ரைடர்களை மனதில் கொண்டு, இந்த எலக்ட்ரிக் பைக்கை எங்களின் ஆராய்ச்சி & கண்டுப்பிடிப்பு நிபுணர்கள் மற்றும் சூரிய ஆற்றலில் இயங்கும் உள்நாட்டு பூஜ்ஜிய மாசு-உமிழ்வு தொழிற்சாலையின் மூலம் வடிவமைக்க முடிந்தது.
இவற்றின் மூலமாக ஆட்டம் வடேர் உண்மையிலேயே பசுமையான & நிலையான எலக்ட்ரிக் பைக்காக மாற்றப்பட்டுள்ளது. முதல் 1,000 வாடிக்கையாளர்களுக்கு எங்களது இந்த பைக்கை ரூ.99,999 என்கிற ஆரம்ப விலையில் வழங்குகிறோம். அவர்கள் ரூ.999 என்ற குறைந்த முன்தொகையில் பைக்கை முன்பதிவு செய்து கொள்ளலாம்.நமது தேசத்தின் மாசு நெருக்கடி மற்றும் உலகம் எதிர்கொள்ளும் காலநிலை நெருக்கடிக்கு ஆட்டம் வடேர் ஒரு ஊக்கமளிக்கும் தீர்வாக இருக்கும் என்று நாங்கள் நம்புகிறோம்" என்றார்.
தெலுங்கானா & ஆந்திராவில் வேகமாக விரிவடைந்துவரும் இவி ஸ்டார்ட்-அப் நிறுவனமாக ஆட்டமொபைல் விளங்குகிறது. எந்த அளவிற்கு என்றால், சமீபத்தில்தான் இந்த நிறுவனத்தின் தொழிற்சாலையின் மொத்த வருடாந்திர உற்பத்தி திறன் 25,000 யூனிட்களில் இருந்து சுமார் 3 லட்ச யூனிட்களாக அதிகரிக்கப்பட்டது குறிப்பிடத்தக்கது.
-
குடும்பத்தோட போறதுக்கு சூப்பர் கார்! ஆஃபரும் அள்ளி குடுக்குறாங்க! ஆனால் சேல்ஸ் சுத்தமா இல்லை ஏன் தெரியுமா
-
ரிமோட் சாவியுடன் யமஹா ஸ்கூட்டர் அறிமுகம்.. வெறும் 3 ஆயிரம் ரூபாதான் அதிகமா!.. ஆக்டிவா பொழப்புல மண்ணை போடதான்!
-
ஒருத்தர், ரெண்டு பேர் இல்ல, ஒரு குடும்பத்தையே ஏற்றி செல்லலாம்!! ரூ.11.40 லட்சத்தில் கிடைக்கும் பொலேரோ கார்...