Just In
- 3 min ago தமிழ்நாட்டிற்கு அடித்த ஜாக்பாட்! யாருமே எதிர்பார்க்காத நேரத்தில் டாடா நிறுவனம் எடுத்த அதிரடி முடிவு!
- 11 min ago இந்த விஷயத்தில் மாருதி காரை நிறைய பேர் கண்டு கொள்வது இல்ல! ஹூண்டாய் காரை வாங்குவதற்கு காரணம் என்னவா இருக்கும்?
- 4 hrs ago உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- 6 hrs ago சீன நிறுவனம் கேட்ட முக்கிய சான்றை வழங்கிய இந்தியா! மத்த நாடுகள வளச்சு போட்டதபோல இந்தியாவையும் வளச்சுபோட போகுது
Don't Miss!
- News சொல்லி வச்சது போல..துர்கா ஸ்டாலின் டூ ராதா இபிஎஸ் வரை! அதெப்படிங்க ஒரே மாதிரி? தேர்தலில் சுவாரசியம்!
- Movies தப்பு தப்பா வீடியோ போடுறாங்க?.. ரக்ஷனுக்கும் எனக்கும் என்ன தொடர்பு.. ஓபனாக பேசிய ஜாக்குலின்!
- Sports "மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு
- Finance தங்கம் விலை ஏவுகணை போல் உயர்வு.. இன்று சென்னை, கோவை, மதுரையில் என்ன நிலவரம்..?!
- Technology பூமிக்கு கடைசி மெசேஜ்.. Mars-இல் இருந்து வந்த "குட்பை".. அசைவின்றி கிடக்கும் ஏர்கிராப்ட்.. 72 முறை நடந்தது!
- Lifestyle சுக்கிரனின் நட்சத்திர பெயர்ச்சி: ஏப்ரல் 25 முதல் அடுத்த 10 நாட்கள் இந்த 3 ராசிக்கு அதிர்ஷ்டமா இருக்கப் போகுது.
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
இனி எல்லார் வீட்டுலையும் புகாட்டி வாகனம் இருக்கும்! மிக மிக குறைவான விலை கொண்ட புகாட்டி இ-வாகனம் அறிமுகம்!
பிரபல ஆடம்பர வாகன உற்பத்தி நிறுவனமான புகாட்டி(Bugatti) மலிவு விலையில் ஓர் எலெக்ட்ரிக் வாகனத்தை அறிமுகப்படுத்தியிருக்கின்றது. இதுகுறித்த கூடுதல் விபரங்களை இந்த பதிவில் பார்க்கலாம், வாங்க.
அனைவராலும் வாங்கிவிட முடியாது அளவிலான, மிக மிக அதிக விலையிலேயே புகாட்டி நிறுவனத்தின் தயாரிப்புகள் விற்கப்பட்டு வருகின்றன. அதாவது, நிறுவனத்தின் தயாரிப்புகள் பெரும்பாலானவை பல கோடிகளை விலையாகக் கொண்டவையாக இருக்கின்றன. எனவேதான் மில்லியனர்கள் வீடுகளில் மட்டுமே இந்நிறுவனத்தின் கார்கள் காட்சியளிக்கின்றன.
இந்த நிலையை மாற்றும் வகையில் புகாட்டி நிறுவனம் புதிய வாகனத்தை உருவாக்கியிருக்கின்றது. ஆமாங்க, அனைவராலும் வாங்கக் கூடிய பட்ஜெட் விலையில் ஓர் வாகனத்தை புகாட்டி நிறுவனம் உருவாக்கி அதனை தற்போது வெளியீடும் செய்திருப்பதாக தகவல்கள் வெளியாகியுள்ளன. இரண்டு சக்கரங்களில் மட்டுமே இயங்கக் கூடிய ஸ்கேட்டர் ரக எலெக்ட்ரிக் ஸ்கூட்டரையே அது குறைவான விலையில் அறிமுகப்படுத்தியிருக்கின்றது.
இந்த எலெக்ட்ரிக் வாகனத்திற்கு புகாட்டி நிறுவனம் அறிமுக விலையாக 919.99 அமெரிக்க டாலர்களை விலையாக நிர்ணயித்துள்ளது. இந்திய ரூபாய் மதிப்பில் தோராயமாக இதன் மதிப்பு ரூ. 71,830 ஆகும். இத்தகைய குறைவான விலையிலேயே புகாட்டியின் புதுமுக எலெக்ட்ரிக் வாகனம் விற்பனக்கு வந்திருக்கின்றது.
ஆகையால், புகாட்டியின் இந்த தயாரிப்பு அனைவரின் வீடுகளிலும் காட்சியளிக்கும் என்பது தெளிவாக தெரிய வந்துள்ளது. இந்த வாகனம் காஸ்ட்கோ எனும் தளத்தின் வாயிலாக விற்பனைக்குக் கிடைக்கும் என்றும், மேலே பார்த்த விலை ஷிப்பிங் மற்றும் ஹேண்ட்லிங் ஆகியவற்றை உள்ளடக்கியது என்றும் புகாட்டி நிறுவனம் தெரிவித்துள்ளது.
கவர்ச்சிகரமான ஸ்டைலில் உருவாக்கப்பட்டிருக்கம் அந்த எலெக்ட்ரிக் ஸ்கூட்டர் பன்முக நிற தேர்வுகளில் விற்பனைக்குக் கிடைக்கும். கருப்பு, அகிலே ப்ளூ மற்றும் சில்வர் ஆகிய நிற தேர்வுகளில் எலெக்ட்ரிக் ஸ்கூட்டர் விற்பனைக்குக் கிடைக்கும் புகாட்டி தெரிவித்துள்ளது. இந்த வாகனத்தின் ஒட்டுமொத்த எடையே 16 கிலோ மட்டுமே என்பது குறிப்பிடத்தகுந்தது.
இதனை மடித்து வைத்துக் கொள்ளவும் முடியும். அதாவது தேவைப்படாத நேரங்களில் நோட்-புக்கை மடித்து வைத்துக் கொள்வதால் எலெக்ட்ரிக் ஸ்கூட்டரையும் மடித்து ஒரு ஓரத்தில் வைத்துக் கொள்ள முடியும். புகாட்டி நிறுவனம் இந்த எலெக்ட்ரிக் வாகனத்தை மக்னீசியம் ஃப்ரேமால் உருவாக்கியிருக்கின்றது.
ஆகையால், அதிக உறுதியானதாக புகாட்டியின் இந்த மின்சார வாகனம் இருக்கும் என்பது தெரிகின்றது. மேலும், இதில் அதிகபட்சமாக 109 கிலோ எடையுள்ளவர்களாலும் பயணிக்க முடியும் எனவும் நிறுவனம் தெரிவித்துள்ளது. ஆகையால், கொழுகொழுவென இருப்பவர்களாலும் புகாட்டி எலெக்ட்ரிக் ஸ்கூட்டரில் மிக தாரளமாக பயணிக்க முடியும்.
இந்த அதிக எடையை தாங்கும் வகையில் ஃபிளாட் டயர்கள் ஸ்கூட்டரில் பயன்படுத்தப்பட்டிருக்கின்றது. இதுமட்டுமின்றி பன்முக சிறப்பு வசதிகளை தாங்கிய வாகனமாக இந்த எலெக்ட்ரிக் வாகனம் காட்சியளிக்கின்றது. இந்த வாகனத்தில் வழங்கப்பட்டிருக்கும் அனைத்து லைட்டுகளும் எல்இடி தரத்திலானவை என கூறப்படுகின்றது. ஹெட்லைட், டர்ன் இன்டிகேட்டர்கள் மற்றும் பின் பக்கத்தில் பொருத்தப்பட்டிருக்கும் அனைத்தும் எல்இடி லைட்டுகள் என்பது குறிப்பிடத்தகுந்தது.
பின் பக்கத்தில் பயன்படுத்தப்பட்டிருக்கும் ஸ்டாப் லைட், தரையில் புகாட்டி என்ற சின்னத்தை காண்பிக்கும் வகையில் டிசைன் செய்யப்பட்டுள்ளது. எலெக்ட்ரிக் ஸ்கூட்டரின் டாப் ஸ்பீடு மணிக்கு 29.7 கிமீ ஆகும். இதை ஒரு முறை முழுமையாக சார்ஜ் செய்தால் 40 கிமீ தூரம் வரை பயணிக்க முடியும்.
இதுமாதிரியான சூப்பரான வசதிகள் கொண்ட எலெக்ட்ரிக் ஸ்கூட்டரையே குறைவான விலையில் உலக நாடுகள் சிலவற்றில் விற்பனைக்குக் கொண்டு வந்திருக்கின்றது, புகாட்டி. இந்த வாகனம் இந்தியாவில் விற்பனைக்குக் கிடைக்குமா என்பது பற்றிய விபரம் வெளியிடப்படவில்லை. தற்போது அமெரிக்கா மற்றும் ஐரோப்பிய சந்தைகளில் மட்டுமே விற்பனைக்கு அறிமுகம் செய்யப்பட்டிருப்பதாக தகவல்கள் தெரிவிக்கின்றன.
தனி நபர் பயணிக்கக் கூடிய இதுமாதிரியான வாகனங்களுக்கு அமெரிக்கா மற்றும் ஐரோப்பிய சந்தைகளில் நல்ல வரவேற்புக் கிடைத்துக் கொண்டிருக்கின்றது. எனவேதான் அவர்களைக் குறி வைக்கும் வகையில் புகாட்டி நிறுவனம் புதிய எலெக்ட்ரிக் ஸ்கூட்டரை பிரத்யேகமாக அந்தந்த சந்தைகளில் விற்பனைக்கு அறிமுகப்படுத்தியிருக்கின்றது.