Just In
- 7 min ago சாதா கிளாஸ் டிக்கெட்டை வாங்கிட்டு முதல் வகுப்பில் பயணிக்கனுமா!! விமான பணி பெண் சொல்லும் மூன்று ரகசிய வழிகள்!
- 5 hrs ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 5 hrs ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 6 hrs ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
Don't Miss!
- Lifestyle Today Rasi Palan 26 April 2024: இன்று இந்த ராசிக்காரர்கள் வேலை மாற்றத்தைப் பற்றி யோசிக்காமல் இருப்பது நல்லது..
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
பெட்ரோல்-மின்சாரம் இரண்டிலும் இயங்கும் பைக்கை வெளியீடு செய்தது பிரபல நிறுவனம்... எந்த நிறுவனம் தெரியுமா?
பிரபல இருசக்கர வாகன உற்பத்தி நிறுவனம் ஒன்று பெட்ரோல் மற்றும் மின்சாரத்தால் இயங்கும் ஹைபிரிட் (Hybrid Bike) மோட்டார்சைக்கிள் மற்றும் எலெக்ட்ரிக் மோட்டார்சைக்கிள் (eBike) ஆகிய இரண்டையும் வெளியீடு செய்திருக்கின்றது. உற்பத்தி தயாராக இருக்கும் இவ்விரு இரண்டு சக்கர வாகனங்கள் பற்றிய முக்கிய தகவல்களை இந்த பதிவில் பார்க்கலாம், வாங்க.
உலகின் முன்னணி இருசக்கர வாகன உற்பத்தி நிறுவனங்களில் ஒன்றான கவாஸாகி (Kawasaki) புதுமுக எலெக்ட்ரிக் பைக் மற்றும் ஹைபிரிட் (பெட்ரோல் மற்றும் மின்சாரத்தில் இயங்கும்) மோட்டார்சைக்கிள் ஆகியவற்றை உருவாக்கும் பணியில் ஈடுபட்டு வருவதாக கடந்த சில மாதங்களாக தகவல்கள் வெளியாகிக் கொண்டிருக்கின்றன. இதை உறுதிப்படுத்தும் வகையில் நிறுவனமும் சில புதுமுக வாகனங்களின் வருகைக்காக பேடெண்ட் (Patent) உரிமங்களை அண்மையில் பதிவு செய்தது.
இந்த நிலையில் சமீபத்தில் நடைபெற்ற நிகழ்ச்சி ஒன்றில் நிறுவனம் அதன் எலெக்ட்ரிக் பைக் மற்றும் ஹைபிரிட் மோட்டார்சைக்கிள் ஆகிய இரண்டையும் சர்ப்ரைஸ் அளிக்கும் காட்சிப்படுத்தியுள்ளது. இதுவே இரு வாகனங்களும் காட்சிப்படுத்தப்படுவது முதல் முறையாகும். சமீபத்தில், சுஸுகி 8 மணிநேர எண்டூரன்ஸ் ரேஸ் எனும் போட்டியை நடத்தியது. இந்த போட்டியின்போதே உற்பத்தி நிலைக்கு தயாராக இருக்கும் கவாஸாகியின் மின்சார பைக் மற்றும் ஹைபிரிட் மோட்டார்சைக்கிள் இரண்டும் காட்சிப்படுத்தப்பட்டிருக்கின்றன.
எந்தவொரு மறைப்புகளும் இன்றி அவை தரிசனத்தை வழங்கியிருக்கின்றன. கவாஸாகி ஹைபிரிட் மோட்டார்சைக்கிள் பெட்ரோல் மோட்டார் மற்றும் மின்சார மோட்டார் என இரண்டிலும் இயங்கும். இப்பைக்கில் பெட்ரோல் மோட்டாராக 650 சிசி திறன் கொண்ட பாரல்லல் ட்வின் லிக்யூடு எஞ்ஜின் பொருத்தப்படலாம் என எதிர்பார்க்கப்படுகின்றது.
இத்துடனேயே சிங்கிள் எலெக்ட்ரிக் மோட்டார் ஒன்று பைக்கின் பின் வீலில் பொருத்தப்பட இருக்கின்றது. இந்த இரு மோட்டார்களும் இணைந்து பைக்கை அதிக திறன் வெளியேற்றம் கொண்ட வாகனமாகவும், சூப்பரான மைலேஜ் தரக் கூடிய வாகனமாகவும் மாற்ற இருக்கின்றன. நிஞ்ஜா 400 பைக்கை தழுவியே கவாஸாகி நிறுவனம் புதிய ஹைபிரிட் பைக்கை உருவாக்கியிருக்கின்றது.
ஆகையால், அதன் தோற்றம் மற்றும் ஸ்டைல் அனைத்தும் நிஞ்ஜா 400 பைக்கை போலவே காட்சியளிக்கின்றது. தற்போது தரிசனத்தை வழங்கியிருக்கும் ஹைபிரிட் மோட்டார்சைக்கிளில் சிறந்த சஸ்பென்ஷன் வசதிக்காக டெலிஸ்கோபிக் ஃபோர்க் முன் பக்கத்திலும், மோனோஷாக் பின் பக்கத்திலும் பயன்படுத்தப்பட்டிருக்கின்றது. இத்துடன் மிக சிறந்த பிரேக்கிங்கிற்காக இரு வீல்களிலும் டிஸ்க் பிரேக்குகள் பயன்படுத்தப்பட்டுள்ளன.
இந்த ஹைபிரிட் மோட்டார்சைக்கிளைப் போலவே தனது எலெக்ட்ரிக் பைக்கையும் அட்டகாசமான வாகனமாக கவாஸாகி உருவாக்கியிருக்கின்றது. குறிப்பாக, இந்த எலெக்ட்ரிக் பைக்கை ஃபெர்ஃபார்மன்ஸ் ரக மின்சார வாகனமாக கவாஸாகி தயாரித்துள்ளது. இந்த பைக்கிற்கான மின்சார மோட்டார் பைக்கின் மையப் பகுதியில் பொருத்தப்பட்டுள்ளது.
இது சங்கிலி வாயிலாக இயக்க அனுபவத்தை வீலுக்கு கடத்தும். ஆனால், இந்த மோட்டார் என்ன மாதிரியான திறன் வெளிப்பாட்டு வசதிக் கொண்டது என்பது தெளிவாக தெரியவில்லை. இதேபோல், என்ன மாதிரியான ரேஞ்ஜ் தரக் கூடிய பேட்டரி பேக் இ-பைக்கில் பயன்படுத்தப்பட்டுள்ளது என்பது பற்றிய விபரங்களையும் கவாஸாகி வெளியிடவில்லை.
தன்னுடைய வாடிக்கையாளர்களுக்கு மற்றொரு நாளில் திடீர் சர்ப்ரைஸ் வழங்க வேண்டும் என்பதற்காக இரு இருசக்கர வாகனங்கள் பற்றிய எந்தவொரு முக்கிய தகவலையும் கவாஸாகி வெளியிடவில்லை. உலகளவில் மின்சார இருசக்கர வாகனங்களுக்கான டிமாண்ட் நாளுக்கு நாள் அதிகரித்த வண்ணம் இருக்கின்றது. இதன் விளைவாக டூ-வீலர் உற்பத்தியாளர்கள் போட்டி போட்டுக் கொண்டு மின் வாகன உற்பத்தியை மேற்கொண்டு வருகின்றனர்.
இந்த நிறுவனங்களின் வரிசையிலேயே தற்போது கவாஸாகி இணைந்திருக்கின்றது. ஆனால், இந்த பணியில் கவாஸாகி நிறுவனம் பல மாதங்களாக ஈடுபட்டுக் கொண்டிருக்கின்றது என்பது குறிப்பிடத்தகுந்தது. இந்தியாவின் முன்னணி இருசக்கர வாகன உற்பத்தி நிறுவனமான ஹீரோ மோட்டோகார்ப்பும் வெகுவிரைவில் அதன் எலெக்ட்ரிக் இருசக்கர வாகனங்களை இந்தியாவில் விற்பனைக்கு அறிமுகம் செய்ய இருக்கின்றது. இதற்காக நிறுவனம் தனி பிராண்டையே உருவாக்கியிருப்பது குறிப்பிடத்தகுந்தது.
-
ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
-
21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
-
20கிலோ அரிசி மூட்டையை 4ஏத்திகிட்டு நீங்களும் அமர்ந்து போகலாம்! டெலிவரி சேவைக்கான சூப்பரான இ-சைக்கிள் அறிமுகம்!