Just In
- 1 hr ago 21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
- 6 hrs ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- 6 hrs ago 7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
- 7 hrs ago இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
Don't Miss!
- Sports ஐபிஎல்- சாதனை பட்டியலில் ருதுராஜ்.. ஒவ்வொரு அணி கேப்டனும் அடிச்ச அதிகபட்ச ஸ்கோர் எவ்வளவு தெரியுமா?
- Finance தண்ணீர் பஞ்சத்தை விடுங்க.. Apple கடை வருதாம்ல்ல.. க்யூகட்டி நிக்க வேண்டியது தான்..!!
- Technology கம்பெனிக்கு கட்டுமா பாஸ்.. ரூ.10,999 போதும்.. 108MP கேமரா.. 8GB ரேம்.. புதிய itel போன் அறிமுகம்.. எந்த மாடல்?
- Lifestyle Today Rasi Palan 24 April 2024: இன்று இந்த ராசிக்காரர்கள் பிறர் பிரச்சனைகளில் தலையிடாமல் இருந்தால் நல்லது...
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ஒருவேல எல்லாரும் லடாக் ட்ரிப் போக ஆரம்பிச்சுட்டாங்களா? தாறுமாறாக உயரும் ராயல் என்பீல்டு ஹிமாலயன் பைக் விற்பனை!
ராயல் என்பீல்டு ஹிமாலயன் பைக்கின் விற்பனை உயர்ந்து வருகிறது. இதுகுறித்த தகவல்களை இந்த செய்தியில் பார்க்கலாம்.
ராயல் என்பீல்டு நிறுவனம் இந்திய சந்தையில் கடந்த டிசம்பர் மாதம் 65,194 பைக்குகளை விற்பனை செய்துள்ளது. ஆனால் கடந்த 2020ம் ஆண்டு டிசம்பர் மாதம் இந்த எண்ணிக்கை 65,492 ஆக இருந்தது. அதாவது ராயல் என்பீல்டு பைக்குகளின் விற்பனை 0.46 சதவீதம் குறைந்துள்ளது. வருடாந்திர ரீதியில் சரிவு என்றாலும் மாதாந்திர ரீதியில் ராயல் என்பீல்டு நிறுவனம் வளர்ச்சியை பதிவு செய்துள்ளது.
ராயல் என்பீல்டு நிறுவனம் கடந்த நவம்பர் மாதம் இந்திய சந்தையில் 44,830 பைக்குகளை மட்டுமே விற்பனை செய்திருந்தது. ஆனால் அதன்பின் வந்த நவம்பர் மாதத்தில் இந்த எண்ணிக்கை 65,194 ஆக உயர்ந்துள்ளது. இது 45.4 சதவீத வளர்ச்சியாகும். ராயல் என்பீல்டு நிறுவனம் இந்திய சந்தையில் பல்வேறு பைக்குகளை விற்பனை செய்து வருகிறது.
இதில், ஹிமாலயனும் ஒன்று. கடந்த டிசம்பர் மாதம் ராயல் என்பீல்டு நிறுவனத்தின் ஹிமாலயன் அட்வென்ஜர் டூரர் பைக் 390 சதவீத வளர்ச்சியை பதிவு செய்து அசத்தியுள்ளது. ராயல் என்பீல்டு நிறுவனம் கடந்த 2020ம் ஆண்டு டிசம்பர் மாதம் வெறும் 941 ஹிமாலயன் பைக்குகளை மட்டுமே விற்பனை செய்திருந்தது. ஆனால் அதன்பின் 2021ம் ஆண்டு டிசம்பர் மாதம் இந்த எண்ணிக்கை 4,611 ஆக உயர்ந்துள்ளது.
இது 390 சதவீத வளர்ச்சியாகும். உள்நாட்டு சந்தையில் மட்டுமல்லாது ஏற்றுமதியிலும் ராயல் என்பீல்டு ஹிமாலயன் வளர்ச்சியை பதிவு செய்து அசத்தியுள்ளது. ராயல் என்பீல்டு நிறுவனம் கடந்த 2020ம் ஆண்டு டிசம்பர் மாதம் 1,042 ஹிமாலயன் பைக்குகளை மட்டுமே ஏற்றுமதி செய்திருந்தது. ஆனால் இந்த எண்ணிக்கை கடந்த 2021ம் ஆண்டு டிசம்பர் மாதம் 2,487 ஆக உயர்ந்துள்ளது. இது 138.8 சதவீத வளர்ச்சியாகும்.
எனவே இந்தியாவில் மட்டுமல்லாது வெளிநாடுகளிலும் ராயல் என்பீல்டு ஹிமாலயன் ஏற்றுக்கொள்ளப்பட்ட தயாரிப்பு என்பது வலுவாக நிரூபிக்கப்பட்டுள்ளது. 2021ம் ஆண்டின் தொடக்கத்தில் ராயல் என்பீல்டு ஹிமாலயன் சிறிய அளவில் அப்டேட் செய்யப்பட்டது. அப்போது புதிய வண்ண தேர்வுகளை ராயல் என்பீல்டு நிறுவனம் வழங்கியது.
அத்துடன் ட்ரிப்பர் நேவிகேஷன் வசதியும் கொடுக்கப்பட்டது. இதன் மூலம் மீட்டியோர் 350 பைக்கிற்கு அடுத்தபடியாக ட்ரிப்பர் நேவிகேஷன் வசதியை பெற்ற இரண்டாவது ராயல் என்பீல்டு பைக் என்ற பெருமையை ஹிமாலயன் தன்வசமாக்கியது. தற்போதைய நிலையில் ராயல் என்பீல்டு ஹிமாலயன் பைக் 2.14 லட்ச ரூபாய் முதல் 2.22 லட்ச ரூபாய் வரையிலான விலைகளில் விற்பனை செய்யப்பட்டு வருகிறது.
இது எக்ஸ் ஷோரூம் விலையாகும். ராயல் என்பீல்டு ஹிமாலயன் பைக்கில் 411 சிசி, சிங்கிள்-சிலிண்டர், ஏர்-கூல்டு, எஸ்ஓஹெச்சி, 4 ஸ்ட்ரோக் இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 24.3 பிஹெச்பி பவரையும், 32 என்எம் டார்க் திறனையும் உருவாக்க கூடியது. இந்த இன்ஜினுடன் 5 ஸ்பீடு கியர் பாக்ஸ் இணைக்கப்பட்டுள்ளது.
வட்ட வடிவ ஹெட்லேம்ப், ட்யூயல் சேனல் ஏபிஎஸ் சிஸ்டம், ஹசார்டு லேம்ப் ஸ்விட்ச், ஸ்பிளிட் சீட் ஆகியவையும் ராயல் என்பீல்டு ஹிமாலயன் பைக்கின் முக்கிய அம்சங்களாக உள்ளன. ராயல் என்பீல்டு நிறுவனம் வரும் காலங்களில் இந்திய சந்தையில் இன்னும் நிறைய தயாரிப்புகளை விற்பனைக்கு அறிமுகம் செய்யவுள்ளது.
இதில், ஸ்கிராம் 411 (Scram 411) பெரும் எதிர்பார்ப்புகளை ஏற்படுத்தியுள்ளது. இந்த பைக் இந்திய சந்தையில் அடுத்த மாதம் விற்பனைக்கு கொண்டு வரப்படலாம் என தகவல்கள் தெரிவிக்கின்றன. இதை தொடர்ந்து ஹண்டர் 350 ஸ்கிராம்ப்ளர் (Hunter 350 Scrambler) மற்றும் சூப்பர் மீட்டியோர் 350 க்ரூஸர் (Super Meteor 650 Cruiser) ஆகிய பைக்குகளும் விற்பனைக்கு வரவுள்ளன.
ராயல் என்பீல்டு நிறுவனம் அறிமுகம் செய்யவுள்ள இந்த பைக்குகளுக்கும் வாடிக்கையாளர்கள் மத்தியில் அதிக எதிர்பார்ப்பு உள்ளது. இதுதவிர ஹிமாலயன் 450 (Himalayan 450) பைக்கை விற்பனைக்கு அறிமுகம் செய்வதற்கும் ராயல் என்பீல்டு நிறுவனம் திட்டமிட்டுள்ளதாக தகவல்கள் தெரிவிக்கின்றன. இந்த பைக்கில் லிக்யூட் கூல்டு இன்ஜின் பொருத்தப்பட்டிருக்கும் என கூறப்படுகிறது.
சக்தி வாய்ந்த இந்த இன்ஜின் அதிகபட்சமாக 40 பிஹெச்பி பவரை உருவாக்க கூடியதாக இருக்கும் எனவும் தகவல்கள் தெரிவிக்கின்றன. கேடிஎம் நிறுவனத்தின் 390 அட்வென்ஜர் (KTM 390 Adventure) பைக்குடன் இது சந்தையில் போட்டியிடும். ஆனால் அடுத்த ஆண்டின் ஏதேனும் ஒரு சமயத்தில்தான் இந்த பைக் விற்பனைக்கு அறிமுகம் செய்யப்படும் என எதிர்பார்க்கப்படுகிறது.