Just In
- 1 hr ago ஒரே ஆளா வந்து வாங்கிட்டு போயிட்டாங்க.. 2,000 டாடா எலெக்ட்ரிக் கார்களை வாங்கி ஒற்றை ஆளு!
- 1 hr ago இவ்வளவு சின்ன வயதில் எவ்வளவு பெரிய ஞானம்!! சிறுவனின் செயலால் சற்று நேரத்தில் பரபரப்பாகிய ஏர் இந்தியா விமானம்!
- 2 hrs ago மதுரை, திருச்சி சேலம் ஸ்டேஷன்களில் ரூ20க்கு ஃபுல் மீல்ஸ்! முன்பதிவில்லாத பெட்டி அருகே விற்பனை செய்ய உத்தரவு!
- 3 hrs ago நம்ம இந்திய நிறுவனத்தின் தயாரிப்பா இதுனு எல்லாரும் வாயடைச்சு போயிட்டாங்க! எஃப்77 மேக்2 இ-பைக் அறிமுகம்!
Don't Miss!
- News லோக்சபா தேர்தலில் அகிலேஷ் யாதவ் போட்டி.. கனோஜ் தொகுதியில் நாளை மனுத்தாக்கல்.. பின்னணியில் 2 காரணம்!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Lifestyle கோடையில் செல்லப்பிராணிகளை பராமரிப்பது எப்படி ? இதோ டிப்ஸ்..!
- Technology நிலவில் பெரிய நிழல்.. சந்திராயன்-2 ஆர்பிட்டர் கண்ணில் சிக்கிய வினோத பொருள்.. புகைப்படத்தில் சிக்கியது யார்?
- Sports ரோஹித்துக்கு விசுவாசமாக இருந்த வீரரை அணியை விட்டே நீக்கிய ஹர்திக் பாண்டியா? கதறும் ரசிகர்கள்
- Finance இனி ஆன்லைனில் ஈஸியா உயில் எழுதலாம்.. சிம்பிள் ஸ்டெப்ஸ்! நோட் பண்ணுங்க!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
டிரையம்ப் உருவாக்கும் டிஇ-1 எலக்ட்ரிக் பைக்!! இறுதிக்கட்ட சோதனைகளில்...
எலக்ட்ரிக் வாகனங்களுக்கான சந்தை உலகம் முழுவதிலும் விரிவடைந்துவரும் நிலையில், டிரையம்ப் மோட்டார்சைக்கிள் நிறுவனம் டிஇ-1 என்கிற பெயரில் அதன் புதிய எலக்ட்ரிக் மோட்டார்சைக்கிளிற்கான கான்செப்ட் மாதிரியை வெளியீடு செய்துள்ளது. இந்த வகையில் அறிமுகப்படுத்தப்பட உள்ள டிரையம்ப் இ-பைக்கை பற்றி முழுமையாக இனி இந்த செய்தியில் பார்ப்போம்.
பயணிகள் வாகனங்களை பொறுத்தவரையில், எலக்ட்ரிக் கார்கள் மற்றும் எலக்ட்ரிக் ஸ்கூட்டர்களின் விற்பனை பல்வேறு நாட்டு சந்தைகளில் நல்லப்படியாக இருந்து வருகிறது. ஆனால் எலக்ட்ரிக் பைக்குகளை வாங்குவோர் என்று பார்த்தால் சற்று குறைவுதான். இதற்கு, எலக்ட்ரிக் பைக்குகள் அதிகளவில் விற்பனையில் இல்லாததை முக்கிய காரணமாக சொல்லலாம்.
உலகின் முன்னணி மோட்டார்சைக்கிள் பிராண்டாக விளங்குபவை கூட தற்சமயம் தனது முதல் எலக்ட்ரிக் பைக்கை வடிவமைக்கும் பணியில்தான் ஈடுப்பட்டு வருகின்றன. இந்த வகையில் டிரையம்ப் மோட்டார்சைக்கிள் நிறுவனமும் தனது புதிய எலக்ட்ரிக் பைக்கை வடிவமைக்க துவங்கியுள்ளது. இதன் வெளிப்பாடாகவே தற்போது இந்த நிறுவனத்தில் டிஇ-1 என்கிற பெயரில் எலக்ட்ரிக் மோட்டார்சைக்கிளின் மாதிரி வெளியிடப்பட்டுள்ளது.
கிட்டத்தட்ட முற்றிலுமாக வடிவமைப்பு பணிகளை நிறைவு செய்ததாக காட்சியளிக்கும் டிஇ-1 கான்செப்ட் மாதிரி டிரையம்ப் மோட்டார்சைக்கிள் பிராண்டிற்கும், சுருக்கமாக WAE எனப்படும் வில்லியம்ஸ் அதிநவீன பொறியியல் நிறுவனத்திற்கும் இடையே ஏற்படுத்தி கொள்ளப்பட்டுள்ள கூட்டணியில் உருவாக்கப்பட்டுள்ளது. மேலும், இந்த கூட்டணியில் தான் டிஇ-1 எலக்ட்ரிக் பைக்கில் பொருத்தப்பட உள்ள முற்றிலும் புதிய எலக்ட்ரிக் பவர்ட்ரெயினும் உருவாக்கப்பட உள்ளது.
இதன் மூலமாக உருவாகும் புதிய பேட்டரி தொகுப்பு எடை குறைவானதாக இருக்கும் என எதிர்பார்க்கிறோம். டிஇ-1 பைக்கின் பேட்டரி & எலக்ட்ரிக் மோட்டார் செயல்படுதிறனிலும், ரேஞ்சிலும் புதிய உச்சத்தை தொடும் என வில்லியம்ஸ் அதிநவீன பொறியியல் நிறுவனத்தின் சார்பில் தெரிவிக்கப்பட்டுள்ளது. இதற்கிடையில் இந்த எலக்ட்ரிக் மோட்டார்சைக்கிள் டிரையம்ப்பின் முதன்மையான வடிவமைப்பு நேரலை சோதனை பிரோகிராமிலும் விரைவில் நுழைய உள்ளது.
இந்த புதிய டிரையம்ப் எலக்ட்ரிக் பைக்கின் எலக்ட்ரிக் மோட்டார் அமைப்பில் புதிய தலைக்கீழான கான்செப்ட் பயன்படுத்தப்பட உள்ளதாக தகவல்கள் கூறுகின்றன. இந்த கான்செப்ட் ஆனது மோட்டாரின் சிலிக்கான்-கார்பைட் ஆற்றல் நிலைகளை திருத்துவதன் மூலமாக பல்வேறு நிலைகளில் அளவீடல்களை வழங்கக்கூடியதாக உள்ளது. அதாவது, சிலிக்கான்-கார்பைட் ஆற்றல் நிலைகளை வேறுப்படுத்துவதன் மூலம் இந்த தலைக்கீழ் கான்செப்ட்டை வெவ்வேறான விட்டம் கொண்ட மோட்டார்களில் பயன்படுத்தலாமாம்.
இதன் வாயிலாக அதிகப்பட்சமாக சுமார் 500 கிலோவாட்ஸ் (670 பிஎச்பி) வரையிலான இயக்க ஆற்றலை வெளிப்படுத்தக்கூடிய எலக்ட்ரிக் மோட்டாரை வடிவமைக்க முடியும் என தகவல்கள் தெரிவிக்கின்றன. ஆனால் டிரையம்ப் டிஇ-1 எலக்ட்ரிக் பைக் அதிகப்பட்சமாக 130 கிலோவாட்ஸ் (174 பிஎச்பி) இயக்க ஆற்றலை பெறக்கூடியதாகவே வடிவமைக்கப்பட உள்ளது.
ஏற்கனவே கூறியதுதான், டிஇ-1 எலக்ட்ரிக் மோட்டார்சைக்கிள் நேரலை சோதனை பிரோகிராமில் 6 மாத காலத்திற்கு உட்படுத்தப்பட உள்ளது. இதற்கான இந்த எலக்ட்ரிக் மோட்டார்சைக்கிள் திட்டத்தின் 4ஆம் கட்டத்தினை டிரையம்ப் நிறுவனம் துவங்கியுள்ளது. இந்த 4ஆம் கட்ட சோதனைகளுக்கு பிறகே டிரையம்ப் டிஇ-1 எலக்ட்ரிக் பைக் இறுதிக்கட்ட பேனல்களையும், பெயிண்ட் தேர்வுகளையும் பெறும்.
அத்துடன் நிலை-4 சோதனை முடிவுகளை பொறுத்தே இந்த எலக்ட்ரிக் பைக்கிற்கான பேட்டரி & மோட்டார் உள்ளிட்டவை வரையறை செய்யப்படும் என தெரிவிக்கப்படுகிறது. ஆதலால் தற்போதைக்கு டிஇ-1 எலக்ட்ரிக் பைக்கில் எத்தகைய எலக்ட்ரிக் மோட்டார் & பேட்டரி பொருத்தப்படும்? இதன் மூலமாக எத்தகைய ரேஞ்சை பெறலாம்? உள்ளிட்ட கேள்விகளுக்கான பதில்கள் இல்லை.
இப்போதுதான் இந்த டிரையம்ப் எலக்ட்ரிக் பைக் வடிவமைப்பு பணிகளில் உள்ளதால், இது முழுவதுமாக வடிவமைக்கப்பட்டு, உலகளவில் வெளியீடு செய்யப்பட்டு, அதன்பின் இந்திய சந்தைக்கு கொண்டுவரப்படுவதற்கு நிச்சயமாக இன்னும் பல ஆண்டுகளாகும். இந்தியாவில் அடுத்ததாக அறிமுகப்படுத்த இரு புதிய மோட்டார்சைக்கிள்களின் தயாரிப்பு பணிகளில் பஜாஜ் ஆட்டோ உடன் இணைந்து டிரையம்ப் மோட்டார்சைக்கிள் நிறுவனம் ஈடுப்பட்டு வருகிறது.
பலத்தரப்பட்ட வாடிக்கையாளர்கள் வாங்கக்கூடியதாக மலிவான விலையில் கொண்டுவரப்பட உள்ளதாக கூறப்படும் இந்த புதிய டிரையம்ப் பைக்குகளின் வருகையை உறுதிப்படுத்தும் வகையிலான ஸ்பை படங்கள் சமீபத்தில் இணையத்தில் வெளியாகி இருந்தன. இந்த படங்களின் மூலமாக புதிய இரு டிரையம்ப்-பஜாஜ் பைக்குகளும் தோற்றத்தில் கிட்டத்தட்ட ஒரே மாதிரியானவைகளாக காட்சியளிக்க உள்ளதை அறிய முடிந்தது.
இருப்பினும் இவற்றை வேறுப்படுத்தி காட்டும் விதமாக சில அம்சங்களை டிரையம்ப் நிறுவனம் வழங்க முயற்சிக்கும். இந்த புதிய டிரையம்ப் மோட்டார்சைக்கிள்கள் முக்கியமாக ராயல் என்பீல்டின் பைக்குகளுக்கு போட்டியாக தயாரிக்கப்பட்டு வருகின்றன.
-
இந்தியால ஒரு ஃபோக்ஸ்வேகன் கார் இந்தளவிற்கு சேல்ஸ் ஆகுதா! மாருதிக்குலாம் இந்நேரம் குளிர் காச்சலே வந்திருக்கும்!
-
ஒரு கிமீக்கு வெறும் ரூ3.3 தான் செலவு! 10 பேர் தாராளமா போகலாம்! டாடா மேஜிக் பை ஃப்யூயல் வந்தாச்சு!
-
ஃபார்ச்சூனரில் தலைவன் பதிப்பை அறிமுகம் செய்த டொயோட்டா.. பேருல மட்டுமல்ல மத்ததுலையும் இது தலைவன்தான்!