Just In
- 1 min ago டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- 3 hrs ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- 3 hrs ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 4 hrs ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
Don't Miss!
- Movies Pa Vijay: ஒரேயொரு சூரியன் மாதிரி.. ஒரேயொரு அப்படிபோடு பாடல்.. பா. விஜய் உற்சாகம்!
- Lifestyle சப்பாத்திக்கு ஏற்ற மணமணக்கும்... ருசியான.. சைவ சிக்கன் கிரேவியை எப்படி செய்யணும் தெரியுமா?
- News திண்டுக்கல்-பொள்ளாச்சி பஸ் பெயர் பலகையையில் என்ன "ஓடிச்சி" பாருங்க.. தலைசுற்றிப்போன மக்கள்
- Sports IPL Classics - 2010 சீசன் அரையிறுதியில் CSK வென்றது எப்படி? பலம் வாய்ந்த டெக்கான் அணியுடம் மோதிய கதை
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
களமிறங்கும் ஜாம்பவான்கள்! இவ்ளோ எலெக்ட்ரிக் ஸ்கூட்டர்கள் வரப்போகுதா! இனி பெட்ரோல் வண்டிகளுக்கு வேலையே இல்ல!
இந்தியாவில் பெரிய நிறுவனங்கள் அறிமுகம் செய்யவுள்ள புதிய எலெக்ட்ரிக் ஸ்கூட்டர்கள் குறித்த தகவல்களை இந்த செய்தியில் பார்க்கலாம்.
இந்தியாவில் தற்போது எலெக்ட்ரிக் ஸ்கூட்டர்கள் வேகமாக பிரபலமடைந்து வருகின்றன. எனவே பல்வேறு முன்னணி நிறுவனங்களும் இந்திய சந்தையில் எலெக்ட்ரிக் ஸ்கூட்டர்களை விற்பனைக்கு அறிமுகம் செய்வதற்கு திட்டமிட்டுள்ளன. இதில் விரைவில் விற்பனைக்கு வரவுள்ள புதிய எலெக்ட்ரிக் ஸ்கூட்டர்கள் குறித்த தகவல்களை இந்த செய்தியில் பார்க்கலாம்.
ஹீரோ விடா எலெக்ட்ரிக் ஸ்கூட்டர் (Hero Vida Electric Scooter)
விடா என்ற பிராண்ட் பெயரில் ஹீரோ மோட்டோகார்ப் நிறுவனம் வெகு விரைவில் தனது முதல் எலெக்ட்ரிக் ஸ்கூட்டரை இந்தியாவில் விற்பனைக்கு அறிமுகம் செய்யவுள்ளது. இந்த புதிய எலெக்ட்ரிக் நாளை அக்டோபர் 7ம் தேதி (நாளை) பொது பார்வைக்கு கொண்டு வரப்படவுள்ளது. இந்த எலெக்ட்ரிக் ஸ்கூட்டரின் விலை 1-1.20 லட்ச ரூபாய் (எக்ஸ் ஷோரூம்) என்ற அளவில் இருக்கலாம் என எதிர்பார்க்கப்படுகிறது.
ஆனால் இந்த எலெக்ட்ரிக் ஸ்கூட்டரின் தொழில்நுட்ப விபரங்கள் நமக்கு இன்னும் கிடைக்கவில்லை. இந்த எலெக்ட்ரிக் ஸ்கூட்டரின் பேட்டரி திறன், ரேஞ்ச் (ஒரு முறை சார்ஜ் செய்தால் பயணிக்கும் தொலைவு), மோட்டார் பவர் அவுட்புட் மற்றும் வசதிகள் போன்ற தகவல்கள் அனேகமாக நாளை நமக்கு கிடைத்து விடுவதற்கான வாய்ப்புகள் இருக்கின்றன.
ஹோண்டா எலெக்ட்ரிக் ஸ்கூட்டர் (Honda Electric Scooter)
ஹோண்டா நிறுவனத்தின் இந்த எலெக்ட்ரிக் ஸ்கூட்டர் ஆக்டிவா பிராண்ட் பெயரின் கீழ் விற்பனை செய்யப்படலாம் என எதிர்பார்க்கப்படுகிறது. வெகு விரைவிலேயே இந்த புதிய எலெக்ட்ரிக் ஸ்கூட்டரை ஹோண்டா நிறுவனம் இந்தியாவில் விற்பனைக்கு கொண்டு வரவுள்ளது. இந்த எலெக்ட்ரிக் ஸ்கூட்டரின் பேட்டரியை ஒரு முறை முழுமையாக நிரப்பினால் 100 கிமீ பயணிக்கலாம் என தெரிகிறது.
பேட்டரியை சார்ஜ் செய்வதற்கு பல்வேறு ஆப்ஷன்கள் வழங்கப்படும் எனவும் கூறப்படுகிறது. பல்வேறு சிறப்பம்சங்கள் வாய்ந்த இந்த எலெக்ட்ரிக் ஸ்கூட்டரின் விலை 1.15 லட்ச ரூபாய் (எக்ஸ் ஷோரூம்) என்ற அளவில் இருப்பதற்கான வாய்ப்புகள் இருக்கின்றன. இந்த எலெக்ட்ரிக் ஸ்கூட்டரை பற்றிய அதிகாரப்பூர்வமான தகவல்கள் கூடிய விரைவில் வெளியாகும்.
யமஹா எலெக்ட்ரிக் ஸ்கூட்டர் (Yamaha Electric Scooter)
யமஹா நிறுவனம் நியோ என்ற பெயரில் புதிய எலெக்ட்ரிக் ஸ்கூட்டரை (Yamaha Neo Electric Scooter) விற்பனைக்கு அறிமுகம் செய்யவுள்ளது. 2023ம் ஆண்டின் தொடக்கத்தில் இந்த எலெக்ட்ரிக் ஸ்கூட்டர் இந்தியாவில் விற்பனைக்கு அறிமுகம் செய்யப்படலாம் என தற்போது வெளியாகி வரும் தகவல்கள் தெரிவிக்கின்றன.
இந்த எலெக்ட்ரிக் ஸ்கூட்டரில் 19.2 Ah லித்தியம் அயான் பேட்டரி தொகுப்பும், 2.5 kW மோட்டாரும் வழங்கப்படும் என எதிர்பார்க்கப்படுகிறது. இந்திய சந்தையில் மிகவும் பிரபலமாக உள்ள ஏத்தர் 450எக்ஸ் (Ather 450X) போன்ற எலெக்ட்ரிக் ஸ்கூட்டர்களுடன் இது போட்டியிடும். இந்த எலெக்ட்ரிக் ஸ்கூட்டரின் விலை 1.25 லட்ச ரூபாய் (எக்ஸ் ஷோரூம்) என்ற அளவில் இருக்கலாம்.
சுஸுகி பர்க்மேன் எலெக்ட்ரிக் ஸ்கூட்டர் (Suzuki Burgman Electric Scooter)
புதிய சுஸுகி பர்க்மேன் எலெக்ட்ரிக் ஸ்கூட்டர் தற்போது இந்திய சாலைகளில் சோதனை செய்யப்பட்டு வருகிறது. அப்படி சோதனை செய்யப்படும்போது சமீபத்தில் கேமராவின் கண்களில் இந்த புதிய எலெக்ட்ரிக் ஸ்கூட்டர் சிக்கியது. அந்த ஸ்பை படங்கள் வெளியாகி, இந்திய வாடிக்கையாளர்கள் மத்தியில் மிகப்பெரிய எதிர்பார்ப்புகளை ஏற்படுத்தியுள்ளது.
சாலை சோதனையில் ஈடுபடுத்தப்பட்டு வருவதால், புதிய சுஸுகி பர்க்மேன் எலெக்ட்ரிக் ஸ்கூட்டர் வெகு விரைவில் இந்தியாவில் விற்பனைக்கு அறிமுகம் செய்யப்படலாம் என எதிர்பார்க்கப்படுகிறது. ஆனால் சுஸுகி பர்க்மேன் எலெக்ட்ரிக் ஸ்கூட்டரின் அதிகாரப்பூர்வமான தொழில்நுட்ப தகவல்களும் நமக்கு இன்னும் கிடைக்கவில்லை.
எனினும் இந்த எலெக்ட்ரிக் ஸ்கூட்டரின் பேட்டரியை ஒரு முறை முழுமையாக நிரப்பினால் 100-120 கிலோ மீட்டர்கள் பயணிக்க முடியும் என எதிர்பார்க்கப்படுகிறது. ஹீரோ மோட்டோகார்ப், ஹோண்டா, யமஹா மற்றும் சுஸுகி தவிர இன்னும் பல்வேறு நிறுவனங்களும் இந்தியாவில் புதிய எலெக்ட்ரிக் ஸ்கூட்டர்களை விற்பனைக்கு அறிமுகம் செய்ய திட்டமிட்டுள்ளன.
இந்தியாவில் தற்போதைய நிலையில் டிவிஎஸ், பஜாஜ் மற்றும் ஏத்தர் எனர்ஜி போன்ற ஒரு சில பெரிய நிறுவனங்கள் மட்டுமே எலெக்ட்ரிக் ஸ்கூட்டர்களை விற்பனை செய்து வருகின்றன. மற்றவை எல்லாம் பெரும்பாலும் சிறிய நிறுவனங்கள் ஆகும். இந்த சூழலில், ஹீரோ மோட்டோகார்ப், ஹோண்டா, யமஹா மற்றும் சுஸுகி போன்ற ஜாம்பவான்களும் தங்கள் எலெக்ட்ரிக் ஸ்கூட்டர்களை அறிமுகம் செய்யவிருப்பது எதிர்பார்ப்புகளை ஏற்படுத்தியுள்ளது.