Just In
- 4 hrs ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 4 hrs ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 5 hrs ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
- 6 hrs ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
Don't Miss!
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
ஓட்டி ரொம்ப வருஷம் ஆச்சு... இந்தியாவில் யெஸ்டி பைக்குகளின் டெலிவரி தொடங்கியது... ரசிகர்கள் உற்சாகம்!
இந்தியாவில் யெஸ்டி மோட்டார்சைக்கிள்களின் டெலிவரி பணிகள் தொடங்கப்பட்டுள்ளன. இதுகுறித்த தகவல்களை இந்த செய்தியில் பார்க்கலாம்.
பாரம்பரியம் மிக்க யெஸ்டி பிராண்டு இந்திய சந்தையில் மீண்டும் களமிறங்கியுள்ளது. அதன் மூன்று புதிய மோட்டார்சைக்கிள்கள் இந்திய சந்தையில் வெகு சமீபத்தில் விற்பனைக்கு அறிமுகம் செய்யப்பட்டன. அட்வென்ஜர், ஸ்க்ராம்ப்ளர் மற்றும் ரோட்ஸ்டர் என மொத்தம் மூன்று புதிய யெஸ்டி மோட்டார்சைக்கிள்கள் விற்பனைக்கு கொண்டு வரப்பட்டுள்ளன.
அவற்றின் டெலிவரி பணிகளும் தற்போது தொடங்கப்பட்டுள்ளது. யெஸ்டி ரசிகர்கள் மத்தியில் இந்த செய்தி உற்சாகத்தை ஏற்படுத்தியுள்ளது. ரெட்ரோ லுக்கில் தற்போதைய அதிநவீன வசதிகள் கலந்த கலவையாக இந்த மூன்று மோட்டார்சைக்கிள்களும் விற்பனைக்கு கொண்டு வரப்பட்டுள்ளன. பழைய யெஸ்டி மோட்டார்சைக்கிள்களின் வசீகரம் இந்த மோட்டார்சைக்கிள்களிலும் இருக்கிறது.
இந்திய சந்தையில் பல்வேறு தரப்பட்ட வாடிக்கையாளர்களை குறிவைத்து இந்த மூன்று மோட்டார்சைக்கிள்களும் அறிமுகம் செய்யப்பட்டுள்ளன. இதில், யெஸ்டி அட்வென்ஜர் மோட்டார்சைக்கிளானது, அட்வென்ஜர் டூரர் ரகத்தை சேர்ந்தது. ஆஃப் ரோடு சாகச பயணங்களை மேற்கொள்பவர்களுக்கு இது ஏற்றதாக இருக்கும்.
யெஸ்டி அட்வென்ஜர் பைக்கை வழக்கமான சாலைகளிலும் கூட ஓட்ட முடியும். அதே நேரத்தில் யெஸ்டி ஸ்க்ராம்ப்ளர் மோட்டார்சைக்கிளானது, ஹார்டுகோர் ஆஃப் ரோடு பயணங்களை விரும்புபவர்களுக்கு ஏற்றதாக இருக்கும். அதே சமயம் யெஸ்டி ரோட்ஸ்டர் மோட்டார்சைக்கிளானது, ரிலாக்ஸான முறையில் தொலை தூர க்ரூஸிங்கை விரும்புபவர்களுக்கு உகந்ததாக இருக்கும்.
இந்தியாவில் ஜாவா ஷோரூம்கள் வாயிலாக யெஸ்டி மோட்டார்சைக்கிள்கள் விற்பனை செய்யப்படவுள்ளன. புதிய பிராண்டு மற்றும் மோட்டார்சைக்கிள்களுக்காக ஜாவா ஷோரூம்கள் மாற்றியமைக்கப்பட்டுள்ளன என்பது இங்கே குறிப்பிடத்தக்க விஷயம் ஆகும். இந்த மூன்று மோட்டார்சைக்கிள்களும் தோற்றத்தில் வெவ்வேறாக இருந்தாலும் பல பாகங்களை பகிர்ந்து கொண்டுள்ளன.
இதன்படி பிளாட்பார்ம், இன்ஜின் மற்றும் கியர் பாக்ஸ் ஆகிய மூன்று முக்கியமான அம்சங்களையும் இந்த மூன்று மோட்டார்சைக்கிள்களும் பகிர்ந்து கொண்டுள்ளன. யெஸ்டி பிராண்டின் இந்த மூன்று மோட்டார்சைக்கிள்களிலும் 334 சிசி, சிங்கிள்-சிலிண்டர், லிக்யூட்-கூல்டு, நான்கு-ஸ்ட்ரோக், டிஓஹெச்சி இன்ஜின்தான் பொருத்தப்பட்டுள்ளது.
இந்த இன்ஜினுடன் 6 ஸ்பீடு கியர் பாக்ஸ் இணைக்கப்பட்டுள்ளது. ஒரே இன்ஜின்தான் பொருத்தப்பட்டுள்ளது என்றாலும், இந்த 3 மோட்டார்சைக்கிள்களும் வெளிப்படுத்தும் பவர் மற்றும் டார்க் அவுட்புட் வெவ்வேறானது என்பதும் இங்கே குறிப்பிடத்தக்க விஷயம் ஆகும். வெவ்வேறு பவர் அவுட்புட்டை வெளிப்படுத்தும் வகையில் இன்ஜின் ட்யூனிங் செய்யப்பட்டுள்ளது.
இதன்படி யெஸ்டி அட்வென்ஜர் மோட்டார்சைக்கிளில் இந்த இன்ஜின் அதிகபட்சமாக 30.2 பிஎஸ் பவரையும், 29.9 என்எம் டார்க் திறனையும் உருவாக்கும். அதே நேரத்தில் யெஸ்டி ஸ்க்ராம்ப்ளர் மோட்டார்சைக்கிளில் இந்த இன்ஜின் அதிகபட்சமாக 29.1 பிஎஸ் பவரையும், 28.2 என்எம் டார்க் திறனையும் உருவாக்க கூடியதாக இருக்கிறது.
அதே சமயத்தில் யெஸ்டி ரோட்ஸ்டர் மோட்டார்சைக்கிளில் இந்த இன்ஜின் அதிகபட்சமாக 29.7 பிஎஸ் பவரையும், 29 என்எம் டார்க் திறனையும் உருவாக்கும் வகையில் ட்யூனிங் செய்யப்பட்டுள்ளது. பல்வேறு சிறப்பம்சங்கள் கொண்டதாக வந்துள்ள யெஸ்டி மோட்டார்சைக்கிள்களின் டெலிவரி பணிகள் தொடங்கப்பட்டிருப்பது அதன் ரசிகர்கள் மத்தியில் மகிழ்ச்சியை ஏற்படுத்தியுள்ளது.
ஆனால் டெலிவரி பணிகள் தொடர்ந்து சிறப்பாக நடைபெறுவது மிகவும் அவசியம். ஏனெனில் ஜாவா மோட்டார்சைக்கிள் மிக நீண்ட இடைவெளிக்கு பிறகு, கடந்த சில ஆண்டுகளுக்கு முன் மீண்டும் விற்பனைக்கு கொண்டு வரப்பட்டன. இந்திய வாடிக்கையாளர்களின் பெரும் எதிர்பார்ப்புகளுக்கு மத்தியில் ஜாவா பைக்குகள் மீண்டும் அறிமுகம் செய்யப்பட்டன.
ஆனால் டெலிவரி பணிகள் எதிர்பார்த்த வகையில் நடைபெறவில்லை. டெலிவிரி பணிகளில் மிக நீண்ட காலதாமதம் ஏற்பட்டது. இதனால் ஜாவா பைக்குகளை முன்பதிவு செய்திருந்தவர்களும், வாங்கலாம் என்ற ஆவலுடன் காத்திருந்தவர்களும் ஏமாற்றம் அடைந்தனர். இந்தியாவில் ராயல் என்பீல்டு நிறுவனத்தின் மோட்டார்சைக்கிள்கள் தற்போது முழுமையாக ஆதிக்கம் செலுத்தி வருகின்றன.
ஜாவா மோட்டார்சைக்கிள்கள் மீண்டும் விற்பனைக்கு கொண்டு வரப்பட்டபோது, ராயல் என்பீல்டு நிறுவனத்திற்கு மிக கடுமையான நெருக்கடி மற்றும் போட்டியை கொடுக்கும் என எதிர்பார்க்கப்பட்டது. ஆனால் அவ்வாறு எதுவுமே நடக்கவில்லை. டெலிவரியில் ஏற்பட்ட காலதாமதம் காரணமாக ஜாவா மோட்டார்சைக்கிள்களை முன்பதிவு செய்திருந்த பலர் அதனை ரத்து செய்தனர்.
ஜாவா மோட்டார்சைக்கிள்களுக்கு பதிலாக அவர்கள் ராயல் என்பீல்டு நிறுவனத்தின் மோட்டார்சைக்கிள்களையே தொடர்ந்து வாங்கினர். யெஸ்டி மோட்டார்சைக்கிள்கள் விஷயத்தில் அவ்வாறு எதுவும் நடக்காமல் இருந்தால், முன்பு போலவே தற்போதும் இந்த மோட்டார்சைக்கிள்களுக்கு இந்திய வாடிக்கையாளர்கள் பெரும் வரவேற்புகளை வாரி வழங்குவார்கள் என்பதில் சந்தேகமில்லை.
-
இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
-
21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
-
20கிலோ அரிசி மூட்டையை 4ஏத்திகிட்டு நீங்களும் அமர்ந்து போகலாம்! டெலிவரி சேவைக்கான சூப்பரான இ-சைக்கிள் அறிமுகம்!