பெரிய சினிமா ஸ்டாராக இருந்தும், அவரே மெக்கானிக் கடைக்கு வந்துட்டார்! புதுசா வாங்கிய டிரக் மீது அவ்வளவு ஆர்வம்!

இந்தியத் திரையுலகின் சிறந்த நடிகர்களில் பிரகாஷ் ராஜ் (Prakash Raj) முதன்மையானவர். தமிழ், தெலுங்கு, இந்தி மற்றும் பிற மொழிகளில் பல படங்களில் இவர் நடித்துள்ளார். பல மொழி திரைப்படங்களில் ஏற்று நடித்த கதாபாத்திரங்களுக்காக அறியப்படும் நடிகர் பிரகாஷ் ராஜ், மற்ற நடிகர்களைப் போலவே வசதிமிக்க பல கார்களுக்கு சொந்தக்காரர் ஆவார்.

இருப்பினும், வாகனங்களை தனது விருப்பத்திற்கு ஏற்ப மாற்றுவதில் அவருக்கு இருக்கும் ஆர்வம் பிரகாஷ் ராஜை மற்றவர்களிடம் இருந்து வேறுபடுத்துகிறது. அந்த அளவிற்கு, புதியதாக கார் வாங்கும்போது அதைப் பெரும்பாலும் உடனடியாக தன் விருப்பத்திற்கேற்ப மாற்றுவதை இவர் வழக்கமாக கொண்டுள்ளார். இந்த வகையில், சமீபத்தில் வாங்கிய டொயோட்டா ஹிலக்ஸ் (Toyota Hilux) என்கிற பிக்-அப் ட்ரக்கையும் தனக்கு ஏற்றவாறு நடிகர் பிரகாஷ் ராஜ் மாற்றியுள்ளார்.

வ்ராப்சில்லா (Wrapzilla) என்ற நிறுவனம் தங்கள் இன்ஸ்டாகிராம் (Instagram) பக்கத்தில் இதுகுறித்த வீடியோவைப் பகிர்ந்துள்ளது. பிரகாஷ் ராஜின் பல வாகனங்களை இதே நிறுவனம் தான் ஏற்கனவே மாற்றி கொடுத்திருந்தது. நடிகர் பிரகாஷ் ராஜுக்கு கருப்பு நிறத்தின் மீது தனி ஆர்வம் உண்டு; அவரது பெரும்பாலான கார்கள் இந்த வண்ணத்தில் காட்சியளிக்கின்றன.

புதியதாக வாங்கியுள்ள ஹிலக்ஸ் வாகனமும் அதற்கு விதிவிலக்கல்ல. ஆனால், அவர் இந்த பிக்-அப் ட்ரக்கிற்கு முற்றிலும் மாறுபட்ட வண்ணத்தைத் தேர்வு செய்துள்ளார், அதைப் பற்றி இனி பார்ப்போம். இந்த வாகனத்தை ஒரு கேம்பர் வேன் (Camper Van) அல்லது ஓவர்-லேண்டிங் (Over-landing) வாகனமாக மாற்ற வேண்டும் என்ற தெளிவான பார்வை பிரகாஷ் ராஜ்க்கு இருந்தது.

இதற்காக, ட்ரக்கின் பின் பகுதி மூடப்பட்டு, உட்புறத்தில் கேபின் அமைப்பை பலப்படுத்த பல மாற்றங்கள் செய்யப்பட்டுள்ளன. மாற்றங்களை இறுதி செய்வதற்கு முன், அந்த பணிகளில் ஈடுப்படும் குழுவினருடன் பிரகாஷ் ராஜ் நெருக்கமாக கலந்து ஆலோசிக்கும் காட்சிகளும் வெளியாகியுள்ளன. வாகனத்தின் மேற்கூரையில் ஒரு கூடாரத்தை நிறுவ, அதற்கான உலோகச் சட்டகத்தின் அளவுகளை நடிகர் பிரகாஷ் ராஜ் உடன் ஆலோசித்து பணியாளர்கள் வேலையை துவங்கினர்.

இந்த ஹிலக்ஸ் வாகனத்தின் மூடப்பட்ட பின்பகுதி மேட் கருப்பு நிறம் அல்லது லைன்-எக்ஸ் (Line-X) பெயிண்ட் உடன் காணப்படுகிறது. அலாய் சக்கரங்கள் மற்றும் டயர்கள் வழக்கமான தோற்றத்துடன் உள்ளன. கருப்பு நிறத்தில் இருந்த இந்த டொயோட்டா ஹிலுக்ஸ் வாகனம் இறுதியில் முழுவதும் ட்ரக் மேட் அல்லது சாடின் மெரூன் என்கிற முற்றிலும் வேறு வண்ணத்தில் வ்ராப் செய்யப்பட்டுள்ளது.

இந்த நிறங்கள், கருப்பு நிற தீம் உடன் இணைந்து நேர்த்தியாகக் காட்சியளிக்கின்றன. வாகனத்தின் தனித்துவமான தன்மையை மேம்படுத்தும் வகையில் இதில் குரோம் ஹைலைட்கள் எதுவும் இல்லை. சர்வதேச அளவில், ஹிலக்ஸ் ஒரு பிரபலமான 4x4 லைஃப்ஸ்டைல் பிக்கப் ட்ரக் (Lifestyle Pick-up Truck) ஆகும். இருப்பினும், இந்தியாவில் அதன் அதிகப்படியான விலை காரணமாக இது ஒரு குறிப்பிட்ட பிரிவினருக்கான தயாரிப்பாக உள்ளது.

ஆஃப்-ரோடு மற்றும் அட்வென்ச்சர் பயண பிரியர்களிடையே ஹிலுக்ஸ் மிகவும் பிரபலமானது. இந்த வாகனத்தின் திறன்களைக் காட்டும் பல வீடியோக்கள் ஆன்லைனில் கிடைக்கின்றன. ஹிலக்ஸ், 2.8 லிட்டர் டர்போசார்ஜ் செய்யப்பட்ட டீசல் என்ஜின் மூலம் இயக்கப்படுகிறது. இது அதிகப்பட்சமாக 205 பிஎஸ் ஆற்றலையும், 500 என்.எம் டார்க் திறனையும் வெளியிடக் கூடியதாக உள்ளது.

டிரைவ்ஸ்பார்க் கருத்து: வாகனங்கள் மற்றும் அவற்றை கஸ்டமைசேஷன் செய்வதில் பிரகாஷ் ராஜுக்கு உள்ள ஆர்வம் இந்த ஹிலக்ஸ் உருவாக்கத்தில் தெளிவாகப் பிரதிபலிக்கிறது. இருப்பினும், இந்த கஸ்டமைசேஷன் (Customisation) பணிகளின் விரிவான விவரங்கள் வெளியிடப்படவில்லை. இந்த வாகனத்தை எதிர்காலத்தில் கரடுமுரடான அட்வென்ச்சர் பயணங்களுக்குப் பயன்படுத்த நடிகர் பிரகாஷ் ராஜ் திட்டமிட்டிருப்பதாகத் தோன்றுகிறது.