மொபைல் போன் மாதிரி சில மணிநேரத்தில் ஃபுல் சார்ஜ்! எல்லா பிராண்டிலும் ஒரு எலெக்ட்ரிக் ஸ்கூட்டர் இருக்கு!

இந்தியாவில் எலெக்ட்ரிக் ஸ்கூட்டர் (Electric Scooter) வாங்குபவர்களின் முடிவுகளில், வேகமான சார்ஜிங் (Charging) ஒரு முக்கியமான அம்சமாக உருவெடுத்துள்ளது. விரைவாக சார்ஜ் ஆகும் எலெக்ட்ரிக் வாகனங்களை வாடிக்கையாளர்கள் அதிகம் விரும்புகின்றனர். இது புக் செய்த பின் டெலிவிரிக்கான காத்திருப்பு காலத்தைக் குறைத்து, தினசரி பயன்பாட்டை எளிதாக்குகிறது.

சார்ஜிங் உள்கட்டமைப்பு மற்றும் பேட்டரி தொழில்நுட்பம் வேகமாக வளர்ந்து வரும் நிலையில், உற்பத்தியாளர்களும் அதிவேக சார்ஜிங் தீர்வுகளில் கவனம் செலுத்தி வருகின்றனர். இந்தியாவில் தற்போது விற்பனையில் உள்ள சில வேகமான சார்ஜிங் வசதி கொண்ட எலெக்ட்ரிக் ஸ்கூட்டர்களைப் பற்றி இங்குக் காணலாம். சார்ஜிங் நேரம் ஆனது சார்ஜரின் வகை மற்றும் நிஜ உலக நிலைமைகளைப் பொறுத்து மாறுபடலாம்.

ஏத்தர் 450 சீரிஸ் (Ather 450 Series): ஏத்தர் எனர்ஜி நிறுவனம் இந்தியாவில் ரிஸ்டா (Rizta) மற்றும் 450 சீரிஸ் என இரண்டு எலெக்ட்ரிக் ஸ்கூட்டர்களை விற்பனை செய்கிறது. 450 சீரிஸில் உள்ள 450எஸ் மற்றும் 450எக்ஸ் போன்ற ஸ்கூட்டர்கள் ஏத்தர் கிரிட் (Ather Grid) அதிவேக சார்ஜிங் நெட்வொர்க் மூலம் வேகமான சார்ஜிங்கை ஏற்கின்றன. இந்த இ-ஸ்கூட்டர்கள் 2.9 kWh மற்றும் 3.7 kWh பேட்டரி ஆப்ஷன்களுடன் கிடைக்கின்றன. இவை 8 ஆண்டுகள் வரை வாரண்டி கவரேஜ் உடன் வருகின்றன.

ஓலா எஸ்1 புரோ பிளஸ் (Ola S1 Pro Plus): ஓலா எலக்ட்ரிக் நிறுவனத்தின் சமீபத்திய எஸ்1 புரோ பிளஸ் (3ம் தலைமுறை) இந்தியாவில் அதிக ரேஞ்ச் கொண்ட எலெக்ட்ரிக் ஸ்கூட்டர்களில் ஒன்றாகும். இது சிங்கிள்-முழு சார்ஜில் அதிகபட்சமாக 320 கி.மீ வரை செல்லும் என ஓலா நிறுவனம் தெரிவித்துள்ளது. இது 5.2 kWh மற்றும் 4 kWh பேட்டரி பேக்குகளுடன் வழங்கப்படும் நிலையில், ஓலா ஹைப்பர்சார்ஜர் (Ola Hypercharger) நெட்வொர்க் வாயிலாக அதிவேக சார்ஜிங்கையும் ஆதரிக்கிறது.

பஜாஜ் சேத்தக் சி2501 (Bajaj Chetak C2501): பஜாஜ் ஆட்டோ சமீபத்தில் குறைந்த விலையிலான சேத்தக் சி2501 எலெக்ட்ரிக் ஸ்கூட்டரை அறிமுகப்படுத்தியது. இது 2.5 kWh பேட்டரி பேக் மற்றும் சுமார் 113 கி.மீ ரேஞ்சை கொண்டுள்ளது. இதன் சார்ஜிங் நேரம் தோராயமாக 2 மணிநேரம் 25 நிமிடங்கள் ஆகும். இந்த பஜாஜ் இ-ஸ்கூட்டரின் விலையானது சுமார் ரூ.87,100 (எக்ஸ்-ஷோரூம்)-இல் இருந்து தொடங்குகிறது.

டிவிஎஸ் ஐ-க்யூப் சீரிஸ் (TVS iQube Series): டிவிஎஸ் மோட்டார் நிறுவனத்தின் டிவிஎஸ் ஐக்யூப் வரிசை, இந்தியாவில் அதிகம் விற்பனையாகும் எலெக்ட்ரிக் ஸ்கூட்டர்களில் ஒன்றாகும். ஸ்டாண்டர்ட் மாடல் 2.2 kWh பேட்டரி பேக்குடன் கிடைக்கிறது. இது சுமார் 94 கி.மீ ரேஞ்சை வழங்குகிறது. 0 முதல் 80% வரை சார்ஜ் செய்ய தோராயமாக 2 மணிநேரம் 45 நிமிடங்கள் ஆகும்.

சிம்பிள் ஒன் (Simple One): சிம்பிள் எனர்ஜி நிறுவனத்தின் சிம்பிள் ஒன் எலெக்ட்ரிக் ஸ்கூட்டர், செயல்திறன் சார்ந்த பிரீமியம் எலெக்ட்ரிக் ஸ்கூட்டராக அறிமுகப்படுத்தப்பட்டுள்ளது. பொருத்தமான சூழ்நிலைகளில் இது சுமார் 2 மணிநேரம் 15 நிமிடங்களில் 0-80% சார்ஜிங்கை அடைய வைக்கும் ஃபாஸ்ட் சார்ஜிங்கை ஆதரிக்கிறது.

இது 5 kWh, 4.5 kWh மற்றும் 3.7 kWh பேட்டரி ஆப்ஷன்களுடன் கிடைக்கிறது. இந்த ஸ்கூட்டர் அதிகப்பட்சமாக 265 கி.மீ வரை ரேஞ்சையும், மணிக்கு சுமார் 115 கி.மீ டாப் ஸ்பீடையும் வழங்குகிறது. சிம்பிள் எனர்ஜி நிறுவனம் இந்தியாவிலும் தனது அதிவேக சார்ஜிங் நிலையங்களை விரிவுபடுத்துகிறது. சிம்பிள் ஒன் மாடலின் விலையானது தோராயமாக ரூ.1.70 லட்சம் (எக்ஸ்-ஷோரூம்) ஆகும்.

டிரைவ்ஸ்பார்க் கருத்து: இந்தியாவில் பல எலெக்ட்ரிக் ஸ்கூட்டர் பிராண்டுகள் அதிவேக சார்ஜிங் வசதிகளை வழங்குகின்றன. இந்த கட்டுரை ஆனது எழுதப்பட்ட நேரத்தில் கிடைத்த அதிகாரப்பூர்வ விவரக்குறிப்புகள் மற்றும் உற்பத்தியாளர்களின் கூற்றுகளின் அடிப்படையில் தொகுக்கப்பட்டுள்ளது. எனவே, வாடிக்கையாளர்கள் இறுதி முடிவை எடுக்கும் முன், அங்கீகரிக்கப்பட்ட டீலர்களிடம் சார்ஜிங் செயல்திறன், சார்ஜிங் உள்கட்டமைப்பு மற்றும் நிஜ உலக பயன்பாட்டுத் திறனை சரிபார்க்க வேண்டும்.