பிராங்க்ஃபர்ட்டில் ஆடியின் புதிய சூப்பர் எஸ்யூவி கான்செப்ட் வெளியீடு

லம்போ டிசைன்

படத்தை பார்த்தவுடன் லம்போர்கினி உரஸ் எஸ்யூவியை நினைவூட்டுகிறதல்லவா? ஆம், இந்த புதிய எஸ்யூவி லம்போர்கினி கல்லார்டோ அடிப்படையில்தான் உருவாக்கப்பட்டுள்ளது. ஆனால், லம்போர்கினி குறித்து எந்த இடத்திலும் ஆடி வாய் திறக்கவில்லை. இந்த புதிய எஸ்யூவிக்கு ஆடி நானுக் குவாட்ரோ கான்செப்ட் என்று பெயரிடப்பட்டுள்ளது.

ஆடி அம்சங்கள்

முன்பக்கத்தில் ஆடி கார்களுக்குரிய பெரிய ஏர்இன்டேக், ஆர்8 காரில் இருப்பதுபோன்ற பக்கவாட்டு ஏர் இன்டேக் பிளேடுகள் ஆகியவை ஆடியின் காராக தன்னை அடையாளப்படுத்திக் கொள்கிறது ஆடி நானுக் குவாட்ரோ கான்செப்ட்.

பெர்ஃபார்மென்ஸ்

சூப்பர் கார் போன்ற பெர்ஃபார்மென்ஸ் அளிப்பதோடு, ஆஃப்ரோடுகளில் செலுத்துவதற்கான எஸ்யூவி கட்டுமான அம்சங்களையும் கொண்டிருக்கிறது.

எஞ்சின்

நானுக் குவாட்ரோ கான்செப்ட் காரில் 5.0 லிட்டர் ட்வின் டர்போசார்ஜ்டு வி10 டீசல் எஞ்சின் பொருத்தப்பட்டிருக்கிறது. ஆடியின் 7 ஸ்பீடு எஸ் ட்ரோனிக் கியர்பாக்ஸ் அனைத்து சக்கரங்களுக்கும் பவரை கடத்தும்.

ஹெவி வெயிட்

இந்த கார் ஆல் வீல் டிரைவ் சிஸ்டம் கொண்டிருப்பதால், 1900 கிலோ எடை கொண்டதாக இருக்கிறது.

டாப் ஸ்பீடு

0- 100 கிமீ வேகத்தை 3.8 வினாடிகளில் எட்டும் திறன் கொண்ட இந்த கார் மணிக்கு அதிகபட்சமாக 305 கிமீ வேகத்தில் செல்லும் திறன் கொண்டது.

மைலேஜ்

இந்த கார் லிட்டருக்கு 12.82 கிமீ மைலேஜ் தரும் என ஆடி தெரிவித்திருப்பதுதான் ஆட்டோமொபைல் துறையினரின் புருவத்தை உயர்த்த வைத்துள்ளது.

ஏர் சஸ்பென்ஷன்

இந்த காரில் அடாப்டிவ் ஏர் சஸ்பென்ஷன் பொருத்தப்பட்டிருக்கிறது. அதாவது, கார் அதிவேகத்தில் செல்லும்போது இதன் கிரவுன்ட் கிளியரன்ஸ் 300 மிமீ வரை குறைந்துவிடும். ஆஃப்ரோடு அல்லது குறைந்த வேகத்தில் செல்லும்போது கிரவுன்ட் கிளியரன்ஸ் 40 மிமீ வரை அதிகரித்துக் கொள்ளும் வசதி கொண்டது.

சிறப்பு வசதி

அதிவேகத்தில் சென்று வளைவுகளில் திரும்பும்போது, இந்த காரின் பின்புற வீல் முன்புற சக்கரத்திற்கு இணையாக 2.5 டிகிரி கோணத்தில் சாய்ந்து அதிக நிலைத்தன்மையை வழங்கும். மேலும், இதன் வீல் பேஸ் கூட 140 மிமீ வரை நீடித்துக் கொள்ளும்.

உற்பத்தி?

இந்த காரின் உற்பத்தி நிலை குறித்து இதுவரை ஆடி எந்த தகவலையும் வெளியிடவில்லை.