சிறப்பான மைலேஜ் தரும் 8 பட்ஜெட் பைக்குகள்!

08. யமஹா க்ரக்ஸ்

• விலை: ரூ.38,650 [எக்ஸ்ஷோரூம் விலை]
• மைலேஜ்: 63 கிமீ/லி

இந்த பைக்கில் பொருத்தப்பட்டிக்கும் 106சிசி ஏர்கூல்டு எஞ்சின் 7.4 பிஎச்பி பவரையும், 7.5 என்எம் டார்க்கையும் வழங்கும். 4 ஸ்பீடு கியர்பாக்ஸ் கெண்டது.



07. சுஸுகி ஹயாட்டே

• விலை: ரூ.44,969 [எக்ஸ்ஷோரும் விலை]
• மைலேஜ்: 69கிமீ/லி

இந்த பைக்கில் 113சிசி ஏர்கூல்டு எஞ்சின் உள்ளது. அதிகபட்சமாக இந்த எஞ்சின் 8.3 பிஎச்பி பவரையும், 8.8 என்எம் டார்க்கையும் வழங்கும். இந்த பைக்கிலும் 4 ஸ்பீடு கியர்பாக்ஸ்தான் உள்ளது.



06. ஹீரோ எச்எஃப் டான்

விலை: ரூ.39,470 [எக்ஸ்ஷோரூம் விலை]

மைலேஜ்: 72 கிமீ/லி

சிறந்த எஞ்சின், தோற்றம், சர்வீஸ் நெட்வொர்க் என ஹீரோவிடமிருந்து கிடைக்கும் குறைவான விலை கொண்ட அதிக மைலேஜ் தரும் பைக் மாடல். இந்த பைக்கில் 97 சிசி எஞ்சின் உள்ளது. இந்த எஞ்சின் அதிகபட்சமாக 7.7 பிஎச்பி பவரையும், 8 என்எம் டார்க்கையும் வழங்கும். 4 ஸ்பீடு கியர்பாக்ஸ் கொண்டது.



05. மஹிந்திரா செஞ்சூரோ

விலை: ரூ.43,000 [எக்ஸ்ஷோரூம் விலை]

மைலேஜ்: 79.4 கிமீ/லி

செஞ்சூரோவில் 106சிசி ஏர்கூல்டு எஞ்சின் உள்ளது. அதிகபட்சமாக இந்த எஞ்சின் 8 பிஎச்பி பவரையும், 8.5 என்எம் டார்க்கையும் வழங்கும். 4 ஸ்பீடு கியர்பாக்ஸ் கொடுக்கப்பட்டிருக்கிறது.



04. பஜாஜ் சிடி100

• விலை: ரூ.35,034 [எக்ஸ்ஷோரூம் விலை]
• மைலேஜ்: 80கிமீ/லி

பஜாஜ் பைக்குகள் எப்போதுமே சிறந்த மைலேஜ் கொண்டவை என்ற முத்திரை பெற்றவை. அந்த வகையில், சமீபத்தில் விற்பனைக்கு வந்த பஜாஜ் சிடி100 பைக் லிட்டருக்கு 80 கிமீ மைலேஜ் தருவதாக தெரிவிக்கப்படுகிறது. இந்த பைக்கில் 99.27சிசி ஏர்கூல்டு எஞ்சின் உள்ளது. இந்த எஞ்சின் அதிகபட்சமாக 8.2 பிஎஸ் பவரையும், 8 என்எம் டார்க்கையும் வழங்கும். 4 ஸ்பீடு கியர்பாக்ஸ் உள்ளது.



03. ஹோண்டா சிடி 110 ட்ரீம்

• விலை: ரூ.46,212 [எக்ஸ்ஷோரூம் விலை]
• மைலேஜ்: 83கிமீ/லி

ஹோண்டாவின் நம்பகமிக்க 110சிசி பெட்ரோல் எஞ்சின் பொருத்தப்பட்டு உள்ளது. இந்த எஞ்சின் அதிகபட்சமாக 8.25 பிஎச்பி பவரையும், 8.26என்எம் டார்க்கையும் வழங்கும். 4 ஸ்பீடு கியர்பாக்ஸ் கொண்டது.



02. டிவிஎஸ் ஸ்டார் சிட்டி ப்ளஸ்

• விலை: ரூ.43,,816 [எக்ஸ்ஷோரூம் விலை]
• மைலேஜ்: 86 கிமீ/லி

ஊரக மார்க்கெட்டில் டிவிஎஸ் மோட்டார்சைக்கிள்கள் நல்ல வரவேற்பை பெற்றிருக்கின்றன. மைலேஜ் மட்டுமின்றி, அந்த சாலைநிலைகளுக்கு ஒத்துப் போகும் அம்சங்களுடன் விலை குறைவான மாடல்களாக இருப்பதே டிவிஎஸ் ஸ்டார் ஸ்போர்ட்டுக்கு அதிக வரவேற்பு இருக்கிறது. இந்த பைக்கில் 8.4 பிஎஸ் பவரையும், 8.7 என்எம் டார்க்கையும் அதிகபட்சமாக வழங்கக்கூடிய 109.7சிசி எஞ்சின் உள்ளது. 4 ஸ்பீடு கியர்பாக்ஸ் கொண்டது.



01. பஜாஜ் பிளாட்டினா இஎஸ்

• விலை: ரூ.44,507 [எக்ஸ்ஷோரூம் விலை]
• மைலேஜ்: 96.9 கிமீ/லி

உலகின் அதிக மைலேஜ் தரும் பைக் மாடலாக பிரபலப்படுத்தப்படும் புதிய பஜாஜ் பிளாட்டினா இஎஸ் பைக்கில் 102சிசி எஞ்சின் உள்ளது. இந்த எஞ்சின் அதிகபட்சமாக 8.08 எச்பி பவரையும், 12.75 என்எம் டார்க்கையும் வழங்கும். 4 ஸ்பீடு கியர்பாக்ஸ் கொண்டது.