புதிய ஹோண்டா சிடி110 ட்ரீம் பைக்கின் சிறப்பு பார்வை!

நீளமான இருக்கை

இந்த பைக்கில் பொருத்தப்பட்டிருக்கும் நீளமான இருக்கை பின்னால் அமர்ந்திருப்பவருக்கும் மிக சவுகரியமான இடவசதியை அளிக்கும். நீண்ட தூர பயணங்களின்போது சோர்வு ஏற்படாதவகையில் இருக்கை அமைப்பு கொடுக்கப்பட்டுள்ளதாக ஹோண்டா தெரிவிக்கிறது.

எஞ்சின்

ஹோண்டாவின் நவீன எச்இடி தொழில்நுட்பம் கொண்ட 110சிசி எஞ்சின் 7,500 ஆர்பிஎம்., எஞ்சின் சுழல் வேகத்தில் 8.25 பிஎச்பி சக்தியையும், 5,500 ஆர்பிஎம்., எஞ்சின் சுழல் வேகத்தில் 8.23 என்எம் டார்க்கையும் வழங்கும். 4 ஸ்பீடு கியர் பாக்ஸ் கொண்டது.

மைலேஜ்

லிட்டருக்கு 74 கிமீ மைலேஜ் தரும் என நிறுவனம் தரப்பில் தெரிவிக்கப்படுகிறது. பெட்ரோல் விலை எகிறி வரும் நிலையில், இது வாடிக்கையாளர்களை பெரிதும் கவரும் அம்சமாக இருக்கும்.

வீல் பேஸ்

இந்த புதிய பைக் 1,258 மிமீ வீல் பேஸ் கொண்டிருப்பதால் அதிவேகமாக செல்லும்போதும் தரை பிடிமானம் அதிகம் இருக்கும் என்று ஹோண்டா தெரிவிக்கிறது.

கிரவுண்ட் கிளியரன்ஸ்

நம்மூர் சாலைகளுக்கு அதிக கிரவுண்ட் கிளியரன்ஸ் கொண்ட வாகனங்கள் சிறப்பானது. அந்த வகையில், 179 மிமீ கிரவுண்ட் கிளியரன்ஸ் கொண்ட இந்த பைக் மாடல் வாடிக்கையாளர்களுக்கு சிறப்பானதாக இருக்கும்.

பெட்ரோல் டேங்க்

இந்த பைக் 8 லிட்டர் கொள்ளளவு கொண்ட பெட்ரோல் டேங்க்குடன் வந்துள்ளது. 105 கிலோ கெர்ப் எடை கொண்டது.

சஸ்பென்ஷன்

முன்புறத்தில் டெலிஸ்கோப்பிக் சஸ்பென்ஷன் அமைப்பும், பின்புறத்தில் ஸ்பிரிங் சஸ்பென்ஷனும் கொடுக்கப்பட்டுள்ளது.

டயர்கள்

இந்த புதிய பைக்கில் முன்புறத்திலும், பின்புறத்திலும் ட்யூப்லெஸ் டயர்கள்(80/100 - 18) பொருத்தப்பட்டிருக்கின்றன.

பிரேக்குகள்

முன்புறத்திலும், பின்புறத்திலும் 130மிமீ விட்டம் கொண்ட டிரம் பிரேக்குகள் உள்ளன. டிஸ்க் பிரேக் ஆப்ஷன் கிடையாது.

வண்ணங்கள்

சிவப்பு, நீலம் மற்றும் சாம்பல் நிறம் கொண்ட மூன்று கருப்பு வண்ணக் கலவைகளில் கிடைக்கும்.

விலை

ரூ.41,100 டெல்லி எக்ஸ்ஷோரூம் விலையில் இந்த புதிய ஹோண்டா சிடி110 ட்ரீம் பைக் விற்பனைக்கு அறிமுகம் செய்யப்பட்டுள்ளது. அடுத்த மாதம் முதல் இந்த புதிய பைக்கின் டெலிவிரி துவங்கப்படும் என்று தெரிவிக்கப்பட்டுள்ளது.