ஹீரோ ஸ்பிளெண்டர் பிளஸ்

ஹீரோ ஸ்பிளெண்டர் பிளஸ் விமர்சனம்

ஹீரோ ஸ்பிளென்டர் ப்ளஸ் பைக் சாதாரண ரக பைக் மார்க்கெட்டில் வாடிக்கையாளர்களின் நம்பர்-1 தேர்வாக விளங்குகிறது. மிக நீண்டகாலமாக இருந்தாலும், அனைவரையும் ஈர்க்கும் டிசைன், மென்மையாான எஞ்சின்

ஆகியவை இந்த பைக்கிற்கு தொடர்ந்து

சிறந்த வர்த்தக வாய்ப்பை வழங்கி வருகிறது. கால மாற்றத்திற்கு ஏற்ப, கவர்ச்சிகரமான பாடி கிராஃபிக்ஸ் ஸ்டிக்கர், அலாய் வீல்கள் ஆகியவை இதன் ஈர்க்கும் விஷயங்களாக உள்ளன. செவ்வக வடிவிலான ஹெட்லைட், வசதியான இருக்கை,

பின்புறத்தில் அமர்ந்திருப்பவர் பிடித்து செல்வதற்கான வசதியான கிராப் ரெயில் கைப்பிடி என தினசரி பயன்பாட்டிற்கு ஏற்ற இலகுவான

வடிவமைப்பு இதன் முக்கிய சிறப்பம்சங்களாக கூறலாம்.

புதிய ஹீரோ ஸ்பிளென்டர் ப்ளஸ் பைக்கில் 97.2 சிசி ஏர்கூல்டு எஞ்சின் பயன்படுத்தப்பட்டு இருக்கிறது. இந்த எஞ்சின் அதிகபட்சமாக 8.2 பிஎச்பி பவரையும், 8.05 என்எம் டார்க் திறனையும் வெளிப்படுத்தும். 4 ஸ்பீடு கியர்பாக்ஸ் இணைக்கப்பட்டு இருக்கிறது.

இதன் மென்மையான எஞ்சின் ஓட்டுவதற்கு உற்சாகமான அனுபவத்தை தருகிறது. அதிர்வுகள் மற்றும் சப்தம் மிக குறைவாக இருப்பதால் நீண்ட நேரம் ஓட்டினாலும் அலுப்பிருக்காது. மணிக்கு 87 கிமீ வேகம் வரை செல்லும் என்று நிறுவனம் தரப்பில் தெரிவிக்கப்படுகிறது.

சாதாரண பைக் மார்க்கெட்டில் மைலேஜ் என்பது மிக முக்கிய விஷயம். அந்த வகையில் புதிய ஹீரோ ஸ்பிளென்டர் ப்ளஸ் பைக் பைக் லிட்டருக்கு 87 கிமீ மைலேஜ் தரும் என்று நிறுவனம் தரப்பில் தெரிவிக்கப்படுகிறது.

ஹீரோ ஸ்பிளென்டர் ப்ளஸ் பைக்கில் போதுமான வசதிகள் கொடுக்கப்பட்டுள்ளன. செல்ஃப் ஸ்டார்ட் வசதி இதன் முக்கிய வசதியாக கூறலாம்.

எனவே, வயதானவர்களும் எளிதாக பயன்படுத்த வகை செய்கிறது. இரட்டை டயல்களுடன் கூடிய இன்ஸ்ட்ரூமென்ட் க்ளஸ்ட்டர் டிசைனில் சிறப்பாக இருப்பதுடன், ஓட்டுபவர் தெளிவாக பார்க்கும் வகையில் அமைக்கப்பட்டுள்ளது. இந்த பைக்கில் அலாய் வீல்கள் கொடுக்கப்படுவது முக்கிய அம்சம். டிபியூலர் டபுள் கிராடில் சேஸீயில் கட்டமைக்கப்பட்டு இருப்பதால் சிறப்பான கையாளுமையையும், நீடித்த உழைப்பையும் வழங்கும். இந்த பைக்கின் முன்புறத்தில் டெலிஸ்கோப்பிக் ஃபோர்க்குகளும், பின்புறத்தில் ஹைட்ராலிக் ஷாக் அப்சார்பர்களும் பொருத்தப்பட்டுள்ளன. இரண்டு சக்கரங்களிலும் டிரம் பிரேக்குகள்தான் உள்ளன. 11 லிட்டர் கொள்திறன் கொண்ட பெட்ரோல் டேங்க் உள்ளது.