ஃபோக்ஸ்வேகன் வென்ட்டோ

ஃபோக்ஸ்வேகன் வென்ட்டோ வெளிப்புற மற்றும் உட்புற டிசைன்

இந்திய செடான் கார் மார்க்கெட்டில் மிகச் சிறந்த கட்டமைப்புத் தரம் கொண்ட மிட்சைஸ் செடான் கார்களில் ஒன்றாக ஃபோக்ஸ்வேகன் வென்ட்டோ கார் கருதப்படுகிறது. அனைவரையும் கவரும் வடிவமைப்பு இந்த காருக்கு தனி வாடிக்கையாளர் வட்டத்தை தொடர வைத்திருக்கிறது. அழகிய ஹெட்லைட் க்ளஸ்ட்டர்கள், வசீகரத்தை கூட்டும் க்ரில் அமைப்பு, புதிய பம்பர்கள் ஆகியவை தோற்றத்திற்கு வலு சேர்க்கின்றன. பக்கவாட்டில் அழகான அலாய் வீல்கள், கச்சிதமான டெயில் லைட் க்ளஸ்ட்டர்களுடன் நீண்ட காலமாக இருந்தாலும் பார்த்து சலிக்காத அளவுக்கான டிசைன் அம்சங்களை பெற்றுள்ளது.

ஃபோக்ஸ்வேகன் வென்ட்டோ எஞ்சின் மற்றும் செயல்திறன்

ஃபோக்ஸ்வேகன் வென்ட்டோ காரில் 1.0 லிட்டர் டர்போ பெட்ரோல் எஞ்சின் தேர்வு கொடுக்கப்பட்டு இருக்கிறது. இந்த எஞ்சின் அதிகபட்சமாக 108 பிஎச்பி பவரையும், 175 என்எம் டார்க் திறனையும் வழங்கும். இந்த காரில் 6 ஸ்பீடு மேனுவல் மற்றும் 6 ஸ்பபீடு ஆட்டோமேட்டிக் கியர்பாக்ஸ் தேர்வுகளில் கிடைக்கிறது.

ஃபோக்ஸ்வேகன் வென்ட்டோ மைலேஜ்

ஃபோக்ஸ்வேகன் வென்ட்டோ காரின் பெட்ரோல் மேனுவல் மாடல் லிட்டருக்கு 17.69 கிமீ மைலேஜையும், ஆட்டோமேட்டிக் மாடல் லிட்டருக்கு 16.35 கிமீ மைலேஜையும் வழங்கும் என்று நிறுவனம் தரப்பில் தெரிவிக்கப்படுகிறது.

ஃபோக்ஸ்வேகன் வென்ட்டோ முக்கிய அம்சங்கள்

ஃபோக்ஸ்வேகன் வென்ட்டோ காரில் எல்இடி ஹெட்லைட்டுகள், பகல்வேளை விளக்குகள், கார்னரிங் விளக்குகள், அலாய் வீல்கள், பாடி கலர் பம்பர், தொடுதிரையுடன் கூடிய இன்ஃபோடெயின்மென்ட் சிஸ்டம், ஆன்ட்ராய்டு ஆட்டோ மற்றும் ஆப்பிள் கார் ப்ளே செயலிகளை சப்போர்ட் செய்யும் வசதி, மிரர் லிங்க் வசதிகள் உள்ளன. ஆட்டோமேட்டிக் ஹெட்லைட், ஆட்டோமேட்டிக் வைப்பர்கள் ஆகியவையும் முக்கிய அம்சங்களாக கூறலாம்.

இந்த காரில் ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், ஹில் அசிஸ்ட், ரியர் டீஃபாகர், முன்புற, பின்புற பனி விளக்குகள் உள்ளிட்ட பல வசதிகள் உள்ளன.

ஃபோக்ஸ்வேகன் வென்ட்டோ தீர்ப்பு

வடிவமைப்பு, வசதிகள், கட்டமைப்புத் தரத்தில் சிறந்த மிட்சைஸ் செடான் கார் மாடலாக கூறலாம். ஆனால், போட்டியாளர்கள் புதிய தலைமுறை மாடலாக வந்துவிட்ட நிலையில், இந்த கார் தொடர்ந்து பழைய டிசைன் அம்சங்கள் மற்றும் குறிப்பிடத்தக்க மேம்பாட்டு பணிகளுடன் அறிமுகம் செய்யப்படவில்லை என்பது குறையாக இருக்கிறது. எனினும், சிறந்த கட்டமைப்புத் தரத்துடன் கூடிய மிட்சைஸ் செடான் காரை வாங்க விரும்புவோருக்கு சிறந்த தேர்வாக அமையும்.