ஐரோப்பாவில் நானோ அறிமுகம்

Published: Thursday, March 5, 2009, 11:57 [IST]

டாடா நிறுவனம் சுவிட்சர்லாந்தின் ஜெனிவாவில் நடக்கும் ஆட்டோமொபைல் கண்காட்சியில் தனது நானோ ஐரோப்பா மாடல் கார்களை அறிமுகம் செய்துள்ளது. டாடாவின் இந்த தயாரிப்புக்கு ஐரோப்பிய சந்தையில் அமோக வரவேற்பு கிடைத்துள்ளது. இதையடுத்து இந்த காரை இதே பெயரில் அடுத்த இரண்டு ஆண்டுகளுக்கு ஐரோப்பாவில் உலவ விட டாடா நிறுவனம் முடிவுசெய்துள்ளது.

சர்வதேச வாடிக்கையாளர்களை கவரும் வகையில் இந்த காரில் மூன்று சிலிண்டர்கள் பொருத்தப்பட்ட இன்ஜக்ஷன் என்ஜின் மற்றும் 5 கியர்களை கொண்ட தானியங்கி கியர்பாக்சும் உள்ளது. மின்சார சக்தியில் இயங்கும் ஸ்டிரீங் இருப்பது கூடுதல் விசேஷம்.

சற்று நீளமான வடிவம் கொண்ட இந்த காரில் ஆன்டி-லாக் பிரேகிங் சிஸ்டம் இருப்பதால் கார் ஓட்டுனரின் கட்டுப்பாட்டை சிறிதும் பிசகாமல் செல்லும். அதேபோல் வாகன ஓட்டிகளின் பாதுகாப்பிற்காக ஏர் பேக்கும் உள்ளது.

இத்தனை வசதிகளை கொண்டிருந்தாலும் டாடா நிறுவனம் இதன் விலையை இந்தியாவின் நானோ காரின் விலையை விட கொஞ்சம் மட்டுமே அதிகரித்துள்ளது. ஐரோப்பிய சந்தையில் குறைந்த விலை கார்களில் 'நானோ ஐரோப்பா' அதிகம் விற்பனையாகும் என்று நம்புகிறது டாடா.